Indian Railways: ರೈಲ್ವೆ ನಿಲ್ದಾಣ ಅಭಿವೃದ್ದಿ, ಬಳ್ಳಾರಿ ಬೈಪಾಸ್ ಕ್ಯಾಬಿನ್ ಮೂಲಕ ರೈಲುಗಳ ಮಾರ್ಗ ಬದಲಾವಣೆ

ಬಳ್ಳಾರಿ: ಬಳ್ಳಾರಿ ನಿಲ್ದಾಣದಲ್ಲಿ ಅಮೃತ್ ಭಾರತ್ ಸ್ಟೇಷನ್ ಯೋಜನೆಯಡಿ ನಡೆಯುತ್ತಿರುವ ಪ್ಲಾಟ್‌ಫಾರ್ಮ್ ಸುಧಾರಣೆ ಕಾರ್ಯಗಳಿಂದಾಗಿ ಬಳ್ಳಾರಿ ಬೈಪಾಸ್ ಕ್ಯಾಬಿನ್ ಮೂಲಕ ಈ ಕೆಳಗಿನ ರೈಲುಗಳ ತಿರುವು ಮುಂದುವರಿಕೆಯಾಗಿದೆ. ಬಳ್ಳಾರಿ ಮಾರ್ಗವಾಗಿ ಸಂಚರಿಸುವ ಮೈಸೂರು, ಯಶವಂತಪುರ, ಶಿರಡಿ ಸಹಿತ ಹಲವು ರೈಲುಗಳು ಬೈಪಾಸ್‌ ಕ್ಯಾಬಿನ್‌ ಮೂಲಕವೇ ಇನ್ನೂ ಮೂರು ತಿಒಂಗಳ ಕಾಲ ಸಂಚರಿಸಲಿವೆ. ಇದರಿಂದ ಪ್ರಯಾಣಿಕರಿಗೆ ಅಡಚಣೆಯಾದರೂ ನಿಲ್ದಾಣದ ಅಭಿವೃದ್ದಿ ಕಾಮಗಾರಿ ತ್ವರಿತವಾಗಿ ಮುಗಿಸಬೇಕಾಗಿರುವುದರಿಂದ ಸಹಕರಿಸಬೇಕು ಎಂದು ಹುಬ್ಬಳ್ಳಿ ಕೇಂದ್ರಿತ ನೈರುತ್ಯ ರೈಲ್ವೆ ವಲಯದ ಮುಖ್ಯ ಸಾರ್ವಜನಿಕ ಸಂಪರ್ಕ ಅಧಿಕಾರಿ ಡಾ.ಮಂಜುನಾಥ್‌ ಕನಮಡಿ ತಿಳಿಸಿದ್ದಾರೆ.

ಇದನ್ನೂ ಓದಿರಿ: Emissions Test: ವಾಹನ ಎಮಿಷನ್‌ ಟೆಸ್ಟ್‌ ದರ ಹೆಚ್ಚಳ ಸಾಧ್ಯತೆ, ಸರ್ಕಾರಕ್ಕೆ ಪ್ರಸ್ತಾವನೆ ಸಲ್ಲಿಸಿದ ಪರೀಕ್ಷಾ ಕೇಂದ್ರಗಳು, ಎಷ್ಟು ಹೆಚ್ಚಾಗಬಹುದು

1. ರೈಲು ಸಂಖ್ಯೆ 16545 ಯಶವಂತಪುರ-ಸಿಂಧನೂರು ಡೈಲಿ ಎಕ್ಸ್‌ಪ್ರೆಸ್‌ನ ತಿರುವು ಬಳ್ಳಾರಿ ಬೈಪಾಸ್ ಕ್ಯಾಬಿನ್ ಮೂಲಕ ಅಕ್ಟೋಬರ್ 31, 2024 ರವರೆಗೆ ಮುಂದುವರಿಯಲಿದೆ, ಇದನ್ನು ಮೊದಲು ಜುಲೈ 31, 2024 ರವರೆಗೆ ಸೂಚಿಸಲಾಗಿತ್ತು.

2. ರೈಲು ಸಂಖ್ಯೆ 16546 ಸಿಂಧನೂರು-ಯಶವಂತಪುರ ಡೈಲಿ ಎಕ್ಸ್‌ಪ್ರೆಸ್‌ನ ತಿರುವು ಬಳ್ಳಾರಿ ಬೈಪಾಸ್ ಕ್ಯಾಬಿನ್ ಮೂಲಕ ಅಕ್ಟೋಬರ್ 31, 2024 ರವರೆಗೆ ಮುಂದುವರಿಯುತ್ತದೆ, ಇದನ್ನು ಮೊದಲು ಜುಲೈ 31, 2024 ರವರೆಗೆ ಸೂಚಿಸಲಾಗಿತ್ತು.

3. ರೈಲು ಸಂಖ್ಯೆ 16217 ಮೈಸೂರು-ಸಾಯಿನಗರ ಶಿರಡಿ ಸಾಪ್ತಾಹಿಕ ಎಕ್ಸ್‌ಪ್ರೆಸ್‌ನ ತಿರುವು ಬಳ್ಳಾರಿ ಬೈಪಾಸ್ ಕ್ಯಾಬಿನ್ ಮೂಲಕ ಅಕ್ಟೋಬರ್ 28, 2024 ರವರೆಗೆ ಮುಂದುವರಿಯಲಿದೆ. ಇದನ್ನು ಮೊದಲು ಜುಲೈ 29, 2024 ರವರೆಗೆ ಸೂಚಿಸಲಾಗಿತ್ತು.

4. ರೈಲು ಸಂಖ್ಯೆ 16218 ಸಾಯಿನಗರ ಶಿರಡಿ-ಮೈಸೂರು ಸಾಪ್ತಾಹಿಕ ಎಕ್ಸ್‌ಪ್ರೆಸ್‌ನ ತಿರುವು ಬಳ್ಳಾರಿ ಬೈಪಾಸ್ ಕ್ಯಾಬಿನ್ ಮೂಲಕ ಅಕ್ಟೋಬರ್ 29, 2024 ರವರೆಗೆ ಮುಂದುವರಿಯುತ್ತದೆ, ಇದನ್ನು ಮೊದಲು ಜುಲೈ 30, 2024 ರವರೆಗೆ ಸೂಚಿಸಲಾಗಿತ್ತು.

ಈ ಅವಧಿಯಲ್ಲಿ, ಈ ರೈಲುಗಳು (16545/46 & 16217/18) ಬಳ್ಳಾರಿ ಜಂಕ್ಷನ್‌ನಲ್ಲಿ ತಮ್ಮ ನಿಯಮಿತ ನಿಲುಗಡೆ ಹೊಂದಿರುವುದಿಲ್ಲ. ಬದಲಾಗಿ, ಪ್ರಯಾಣಿಕರ ಅನುಕೂಲಕ್ಕಾಗಿ ಬಳ್ಳಾರಿ ಕಂಟೋನ್ಮೆಂಟ್ ನಿಲ್ದಾಣದಲ್ಲಿ ಐದು ನಿಮಿಷಗಳ ತಾತ್ಕಾಲಿಕ ನಿಲುಗಡೆಯನ್ನು ಒದಗಿಸಲಾಗುವುದು.

ಇದನ್ನೂ ಓದಿರಿ: ವಿಪರೀತ ಕರಣಿ ಯೋಗಾಸನ ಅಭ್ಯಾಸ ಮಾಡುವುದು ಹೇಗೆ, ಇದರ ಪ್ರಯೋಜನಗಳು-ಅಡ್ಡಪರಿಣಾಮಗಳೇನು: ಇಲ್ಲಿದೆ ಮಾಹಿತಿ

ರೈಲುಗಳ ಭಾಗಶಃ ರದ್ದತಿಗಳ ವಿಸ್ತರಣೆ

ಹುಬ್ಬಳ್ಳಿ ವಿಭಾಗದ ರಾಯದುರ್ಗ-ಕದಿರಿದೇವರಪಲ್ಲಿ ನಿಲ್ದಾಣಗಳ ನಡುವೆ ನಡೆಯುತ್ತಿರುವ ಯಾರ್ಡ್ ಮಾರ್ಪಾಡು ಮತ್ತು ಸಂಪೂರ್ಣ ಬ್ಲಾಕ್ ಸಿಸ್ಟಮ್ ಕಾಮಗಾರಿಗಳನ್ನು ಗಮನದಲ್ಲಿಟ್ಟುಕೊಂಡು, ಕೆಳಗೆ ವಿವರಿಸಿದಂತೆ ಈ ಕೆಳಗಿನ ರೈಲು ಸೇವೆಗಳ ಭಾಗಶಃ ರದ್ದತಿಯನ್ನು ಮುಂದುವರಿಸಲು ನಿರ್ಧರಿಸಲಾಗಿದೆ.

1. ರೈಲು ಸಂಖ್ಯೆ 07589 ತಿರುಪತಿ-ಕದಿರಿದೇವರಪಲ್ಲಿ ಡೈಲಿ ಪ್ಯಾಸೆಂಜರ್ ಸ್ಪೆಷಲ್ ಅನ್ನು ಗುಂತಕಲ್-ಕದಿರಿದೇವರಪಲ್ಲಿ ನಿಲ್ದಾಣಗಳ ನಡುವೆ ಆಗಸ್ಟ್ 31, 2024 ರವರೆಗೆ ಭಾಗಶಃ ರದ್ದುಗೊಳಿಸಲಾಗುವುದು, ಇದನ್ನು ಮೊದಲು ಜುಲೈ 31, 2024 ರವರೆಗೆ ಸೂಚಿಸಲಾಗಿತ್ತು.

2. ರೈಲು ಸಂಖ್ಯೆ. 07590 ಕದಿರಿದೇವರಪಲ್ಲಿ-ತಿರುಪತಿ ಡೈಲಿ ಪ್ಯಾಸೆಂಜರ್ ವಿಶೇಷ ರೈಲು ಸೆಪ್ಟೆಂಬರ್ 1, 2024 ರವರೆಗೆ ಕದಿರಿದೇವರಪಲ್ಲಿ-ಗುಂತಕಲ್ ನಿಲ್ದಾಣಗಳ ನಡುವೆ ಭಾಗಶಃ ರದ್ದುಗೊಳ್ಳಲಿದೆ., ಇದನ್ನು ಈ ಹಿಂದೆ ಆಗಸ್ಟ್ 1, 2024 ರವರೆಗೆ ಸೂಚಿಸಲಾಗಿತ್ತು.

ಹುಬ್ಬಳ್ಳಿ ವಿಭಾಗದ ತಿನೈ ಘಾಟ್ ಯಾರ್ಡ್‌ನಲ್ಲಿ ಸುರಕ್ಷತೆಗೆ ಸಂಬಂಧಿಸಿದ ಕಾಮಗಾರಿಗಳ ದೃಷ್ಟಿಯಿಂದ ತಿನೈ ಘಾಟ್-ಕ್ಯಾಸಲ್ ರಾಕ್ ನಡುವಿನ ನ್ಯೂ ಕ್ರಾಸಿಂಗ್ ಸ್ಟೇಷನ್ ಡಸ್ಕಿಯ ಪೂರ್ವಭಾವಿ ಕೆಲಸದಿಂದಾಗಿ ಲೋಂಡಾ-ಕ್ಯಾಸಲ್ ರಾಕ್-ಲೋಂಡಾ ಈ ಕೆಳಗಿನ ರೈಲುಗಳ ಭಾಗಶಃ ರದ್ದತಿ ವಿಸ್ತರಣೆ ಮಾಡಲಾಗಿದೆ.

ಇದನ್ನೂ ಓದಿರಿ: ಭೋರ್ಗರೆದು ಹರಿಯುತ್ತಿರುವ ನದಿಯ ತಡೆಗೋಡೆ ಇಲ್ಲದ ಸೇತುವೆ ದಾಟಿದ ಬಸ್‌; ಉಸಿರು ಬಿಗಿಹಿಡಿದು ನೋಡುವಂತೆ ಮಾಡುವ ವೈರಲ್ ವಿಡಿಯೋ

1. ರೈಲು ಸಂಖ್ಯೆ. 17333 ಮೀರಜ್-ಕ್ಯಾಸಲ್ ರಾಕ್ ಡೈಲಿ ಅನ್ ರಿಸರ್ವ್ಡ್ ಎಕ್ಸ್‌ಪ್ರೆಸ್ ಅನ್ನು ಲೋಂಡಾ ಮತ್ತು ಕ್ಯಾಸಲ್ ರಾಕ್ ನಿಲ್ದಾಣಗಳ ನಡುವೆ ಅಕ್ಟೋಬರ್ 31, 2024 ರವರೆಗೆ ಭಾಗಶಃ ರದ್ದುಗೊಳಿಸಲಾಗುತ್ತದೆ. ರೈಲು ಲೋಂಡಾ ನಿಲ್ದಾಣದಲ್ಲಿ ಅಲ್ಪಾವಧಿಗೆ ಕೊನೆಗೊಳ್ಳುತ್ತದೆ.

2. ಟ್ರೈನ್ ನಂ. 17334 ಕ್ಯಾಸಲ್ ರಾಕ್-ಮಿರಾಜ್ ಡೈಲಿ ಅನ್ ರಿಸರ್ವ್ಡ್ ಎಕ್ಸ್‌ಪ್ರೆಸ್ ಕ್ಯಾಸಲ್ ರಾಕ್ ಮತ್ತು ಲೋಂಡಾ ನಿಲ್ದಾಣಗಳ ನಡುವೆ ಅಕ್ಟೋಬರ್ 31, 2024 ರವರೆಗೆ ಭಾಗಶಃ ರದ್ದುಗೊಳ್ಳುತ್ತದೆ. ರೈಲು ಕ್ಯಾಸಲ್ ರಾಕ್ ಬದಲಿಗೆ ಲೋಂಡಾ ನಿಲ್ದಾಣದಿಂದ ಆರಂಭವಾಗಲಿದೆ ಎಂದು ತಿಳಿಸಿದ್ದಾರೆ.