Security Breach: ಲೋಕಸಭೆ ಭದ್ರತಾ ಲೋಪ ಕೇಸ್‌ನಲ್ಲಿ ಬಂಧಿತ ಮನೋರಂಜನ್ ಯಾರು, ತಂದೆ ದೇವರಾಜ್ ಹೇಳಿಕೆಯ 5 ಮುಖ್ಯ ಅಂಶಗಳು

ಬೆಂಗಳೂರು: ಲೋಕಸಭೆ ಕಲಾಪದ ವೇಳೆ ಭದ್ರತಾ ಲೋಪ ಎಸಗಿದ ಪ್ರಕರಣದಲ್ಲಿ ಕರ್ನಾಟಕದವರು ಇಬ್ಬರು ಭಾಗಿಯಾಗಿದ್ದಾರೆ. ಅವರನ್ನು ಸಾಗರ್ ಶರ್ಮಾ ಮತ್ತು ಮನೋರಂಜನ್ ಎಂದು ಗುರುತಿಸಿರುವುದಾಗಿ ವರದಿಯಾಗಿದೆ. ಪೊಲೀಸರು ಈ ಕುರಿತು ಇನ್ನೂ ಅಧಿಕೃತವಾಗಿ ಹೇಳಿಕೆ ನೀಡಿಲ್ಲ.

ಇದನ್ನೂ ಓದಿ| ಲೋಕಸಭೆ ಕಲಾಪ ನಡೆಯುತ್ತಿದ್ದ ವೇಳೆ ಅನಾಮಿಕ ವ್ಯಕ್ತಿ ಪ್ರವೇಶ; ಭದ್ರತಾ ಲೋಪ ಆರೋಪ, ಕಲಾಪ ಸ್ಥಗಿತ

ಈ ನಡುವೆ, ಕರ್ನಾಟಕದ ಮಾಧ್ಯಮ ಪ್ರತಿನಿಧಿಗಳು ಮನೋರಂಜನ್ ತಂದೆ ದೇವರಾಜ್ ಗೌಡ ಅವರನ್ನು ಮಾತನಾಡಿಸಿದ್ದಾರೆ. ಅವರು ಹೇಳಿರುವುದು ಇಷ್ಟು -

ಮನೋರಂಜನ್ ತಂದೆ ದೇವರಾಜ್ ಗೌಡ ಅವರ ಹೇಳಿಕೆಯ 5 ಅಂಶಗಳು

1. ನನ್ನ ಮಗ ಒಳ್ಳೆಯವನು, ಪ್ರಾಮಾಣಿಕ. ಅವನು ಸ್ವಾಮಿ ವಿವೇಕಾನಂದರ ಪುಸ್ತಕಗಳನ್ನು ಓದುತ್ತಿದ್ದ. ಸಮಾಜಸೇವೆ ಮಾಡಬೇಕು ಎನ್ನುವ ಆಸೆ ಹೊತ್ತಿದ್ದ. ಅವನಿಗೆ ಏನಾಯಿತೋ, ಯಾಕೆ ಹೀಗೆ ಮಾಡಿದನೋ ಗೊತ್ತಿಲ್ಲ. ನನ್ನ ಮಗ ವಿವೇಕಾನಂದರ ಪುಸ್ತಕಗಳನ್ನು ಓದುತ್ತಿದ್ದ. ಅವನು ತುಂಬಾ ಒಳ್ಳೆಯವನು. ಅವನು ಹೀಗೇಕೆ ಮಾಡಿದನೋ ಗೊತ್ತಿಲ್ಲ

ಇದನ್ನೂ ಓದಿ| Parliament Attack: ಲೋಕಸಭಾ ಕಲಾಪ ಸ್ಥಳಕ್ಕೆ ನುಗ್ಗಿದ ಆಗಂತುಕರು ಯಾರು, ಭದ್ರತಾ ಲೋಪದ ಕುರಿತು ಸಂಸದರು ಯಾರ‍್ಯಾರು ಏನೇನು ಹೇಳಿದರು

2.ಸಮಾಜ ಸೇವೆ ಮಾಡಬೇಕು ಅಂತ ಆಸೆಯಿತ್ತು. ಎಂಜಿನಿಯರಿಂಗ್ ಓದಿದ್ಯಾ, ಚೆನ್ನಾಗಿ ಓದಿ ಒಳ್ಳೇ ಕೆಲಸಕ್ಕೆ ಸೇರು ಅಂತ ಹೇಳಿದ್ದೆ. ನಮ್ಮ ಮಕ್ಕಳು ಓದಲೆಂದು ಬೇರೆ ಊರುಗಳಿಗೆ ಕಳುಹಿಸುತ್ತೇವೆ.

3. ದೆಹಲಿ, ಬೆಂಗಳೂರು, ಮೈಸೂರಿಗೆ ಓಡಾಡ್ತಿದ್ದ. ರಸ್ತೆಯಲ್ಲಿ ಎಲ್ಲಿ ಬೇಕಾದರೂ ವಿಚಾರಿಸಿ, ಮನೆಗೆ, ಸಮಾಜಕ್ಕೆ, ಸ್ನೇಹಿತರಿಗೆ ಒಳ್ಳೆಯ ಹುಡುಗನಾಗಿದ್ದ. ಬಿಇ ಎಂಜಿನಿಯರಿಂಗ್ 2014ರಲ್ಲಿ ಮುಗಿಸಿದ್ದ. ತೋಟ ನೋಡಿಕೊಳ್ತಿದ್ದ. ಆಗಾಗ ದೆಹಲಿಗೆ ಹೋಗ್ತಿದ್ದ, ಅದರ ಬಗ್ಗೆ ಏನೂ ವಿವರ ಹೇಳಿರಲಿಲ್ಲ.

ಇದನ್ನೂ ಓದಿ| ಸಂಸತ್ ಭವನಕ್ಕೆ ನುಗ್ಗಿದವರ ಬಳಿ ಬಂದೂಕು ಇದ್ದಿದ್ದರೆ; ಭದ್ರತಾ ವೈಫಲ್ಯದ ಬಗ್ಗೆ ಜನರು ಕೇಳುತ್ತಿರುವ 9 ಪ್ರಶ್ನೆಗಳಿವು

4. ಸಂಸದ ಪ್ರತಾಪ್ ಸಿಂಹ ಪರಿಚಿತನ ಅಲ್ವಾ ಅಂತ ನನಗೆ ಹೆಚ್ಚಿನ ಮಾಹಿತಿ ಇಲ್ಲ. ಟಿವಿಯಲ್ಲಿ ನೋಡ್ತಿದ್ದವರು ಹೇಳಿದಾಗಲೇ ನನಗೆ ಗೊತ್ತಾಗಿದ್ದು. ನಾನು ರಾಜಕಾರಣದಲ್ಲಿ ಇಲ್ಲ. ರೈತ ನಾನು, ಗದ್ದೆ-ತೋಟ ಇದೆ. ಮಕ್ಕಳ ತಲೆಯಲ್ಲಿ ಏನಿದೆ ಅಂತ ನನಗೆ ಏನು ಗೊತ್ತಾಗಲು ಸಾಧ್ಯ. ಮಕ್ಕಳು ಆಚೆ ಹೋದ ಮೇಲೆ ನಮಗೆ ಏನು ಗೊತ್ತಾಗುತ್ತೆ? ಹಿಂದೆಂದೂ ಹೀಗೆ ಆಗಿರಲಿಲ್ಲ.

5. ನಾನು ಯಾರ ಕೈಕೆಳಗೂ ಇರಲ್ಲ. ಸ್ವಯಾರ್ಜಿತವಾಗಿ ಬದುಕಬೇಕು ಅನ್ನುವ ಆಸೆಯಿತ್ತು. ಅವನು ದೆಹಲಿಗೆ ಹೋಗಿರುವುದೇ ನನಗೆ ಗೊತ್ತಿಲ್ಲ. ಅವನ ಸ್ನೇಹಿತರ ಬಗ್ಗೆಯೂ ನನಗೆ ಮಾಹಿತಿಯಿಲ್ಲ.