ಪ್ರತಿ ತಿಂಗಳು ಭರ್ಜರಿ ಮಾರಾಟ ಆಗುತ್ತಿದೆ ಈ 5 ಕಾರುಗಳು: ಕಡಿಮೆ ಬೆಲೆ, ಅಧಿಕ ಮೈಲೇಜ್
Jul 28, 2024 11:38 AM IST
Share
ಪ್ರತಿ ತಿಂಗಳು ಭರ್ಜರಿ ಮಾರಾಟ ಆಗುತ್ತಿದೆ ಈ 5 ಕಾರುಗಳು: ಕಡಿಮೆ ಬೆಲೆ, ಅಧಿಕ ಮೈಲೇಜ್
- Top Selling Cars: ಭಾರತೀಯ ಮಾರುಕಟ್ಟೆಯಲ್ಲಿ ಇತ್ತೀಚಿನ ದಿನಗಳಲ್ಲಿ ಈ 5 ಕಾರುಗಳು ಭರ್ಜರಿ ಆಗಿ ಸೇಲ್ ಆಗುತ್ತಿವೆ. ಅಂತಹ 5 ಕಾರುಗಳ ವಿವರ ಇಲ್ಲಿದೆ. ಈ ಕಾರುಗಳ ಬೆಲೆಯೂ ಕಡಿಮೆಯಿದ್ದು, ಮೈಲೇಜ್ ಕೂಡ ಅತ್ಯಧಿಕವಾಗಿದೆ. (ಬರಹ: ವಿನಯ್ ಭಟ್)
ಇತ್ತೀಚಿನ ದಿನಗಳಲ್ಲಿ ಪ್ರತಿಯೊಬ್ಬರೂ ಮಿತವ್ಯಯದ, ಉತ್ತಮ ಮೈಲೇಜ್ ನೀಡುವ ಮತ್ತು ಅದೇ ಸಮಯದಲ್ಲಿ ಆರಾಮದಾಯಕವಾದ ಕಾರನ್ನು ಖರೀದಿಸಲು ಬಯಸುತ್ತಾರೆ. ನೀವು ಸಹ ಇದೇ ರೀತಿಯ ಕಾರನ್ನು ಹುಡುಕುತ್ತಿದ್ದರೆ, ಇಂದು ನಾವು ಅಂತಹ ಆಯ್ಕೆಗಳ ಬಗ್ಗೆ ಹೇಳಲಿದ್ದೇವೆ. ಇತ್ತೀಚಿನ ದಿನಗಳಲ್ಲಿ ಈ ಕಾರುಗಳು ಮಾರುಕಟ್ಟೆಯಲ್ಲಿ ಭರ್ಜರಿ ಆಗಿ ಸೇಲ್ ಆಗುತ್ತಿದೆ. ಅಂತಹ 5 ಕಾರುಗಳ (Top Selling Cars) ವಿವರ ಇಲ್ಲಿದೆ. ಈ ಕಾರುಗಳ ಬೆಲೆಯೂ ಕಡಿಮೆಯಿದ್ದು, ಮೈಲೇಜ್ ಕೂಡ ಅತ್ಯಧಿಕವಾಗಿದೆ.
1) ಮಾರುತಿ ಸುಜುಕಿ ಆಲ್ಟೊ
ಮಾರುತಿ ಸುಜುಕಿ ಆಲ್ಟೊ ತನ್ನ ಕೈಗೆಟುಕುವ ಬೆಲೆ ಮತ್ತು ಅತ್ಯುತ್ತಮ ಮೈಲೇಜ್‌ಗಾಗಿ ಭಾರತದಲ್ಲಿ ಹೆಚ್ಚು ಮಾರಾಟವಾಗುವ ಕಾರುಗಳಲ್ಲಿ ಒಂದಾಗಿದೆ. ಈ ಕಾರು ನಗರದಲ್ಲಿ ಓಡಿಸಲು ತುಂಬಾ ಆರಾಮದಾಯಕವಾಗಿದೆ. ಆಫ್ ರೋಡ್ನಲ್ಲಿ ಕೂಡ ಈ ಕಾರು ಸುಗಮವಾಗಿ ಸಾಗುತ್ತದೆ. ಇದರ ಬಿಡಿ ಭಾಗಗಳು ಕೂಡ ಅತಿ ಕಡಿಮೆ ಬೆಲೆಗೆ ಸಿಗುತ್ತದೆ. ಇದರಲ್ಲಿ ಆಲ್ಟೊ 800 ಮತ್ತು ಆಲ್ಟೊ ಕೆ10 ಎಂಬ ಎರಡು ಕಾರುಗಳಿವೆ. ಆಲ್ಟೊ 800 ಬೆಲೆ 4.42 ಲಕ್ಷ ಆಗಿದ್ದರೆ ಆಲ್ಟೊ ಕೆ10 ಬೆಲೆ 5.96 ಲಕ್ಷ ಆಗಿದೆ.
2) ಹುಂಡೈ i10
ಹ್ಯುಂಡೈ i10 ಇದರ ಸೊಗಸಾದ ವಿನ್ಯಾಸ ಮತ್ತು ಆರಾಮದಾಯಕ ರೈಡಿಂಗ್ಗೆ ಹೆಸರುವಾಸಿಯಾಗಿದೆ. ಈ ಕಾರು ತುಂಬಾ ಮಿತವ್ಯಯಕಾರಿ ಮತ್ತು ಉತ್ತಮ ಮೈಲೇಜ್ ನೀಡುತ್ತದೆ. ಇದು 5-ಸ್ಪೀಡ್ ಮ್ಯಾನುವಲ್ ಗೇರ್‌ಬಾಕ್ಸ್ ಅಥವಾ 5-ಸ್ಪೀಡ್ AMT ನೊಂದಿಗೆ ಲಭ್ಯವಿದೆ ಮತ್ತು CNG ಉತ್ಪನ್ನವೂ ಇದೆ. ಇದರ ಬೆಲೆ 6.32 ಲಕ್ಷ ಆಗಿದೆ.
3) ಟಾಟಾ ಟಿಯಾಗೊ
ಟಾಟಾ ಟಿಯಾಗೊ ತನ್ನ ಸುರಕ್ಷತಾ ವೈಶಿಷ್ಟ್ಯಗಳು ಮತ್ತು ಆಧುನಿಕ ವಿನ್ಯಾಸಕ್ಕೆ ಹೆಸರುವಾಸಿಯಾಗಿದೆ. ಈ ಕಾರು ತುಂಬಾ ಮಿತವ್ಯಯಕಾರಿ ಮತ್ತು ಉತ್ತಮ ಮೈಲೇಜ್ ಕೂಡ ನೀಡುತ್ತದೆ. ಇದು ಇವಿ ವರ್ಷನ್ನಲ್ಲಿ ಕೂಡ ಲಬ್ಯವಿದೆ. ಇದು 1.2-ಲೀಟರ್ ಪೆಟ್ರೋಲ್ ಎಂಜಿನ್ನಿಂದ ನಿಯಂತ್ರಿಸಲ್ಪಡುತ್ತದೆ. ಆ್ಯಪಲ್ ಕಾರ್‌ಪ್ಲೇ, ಆಂಡ್ರಾಯ್ಡ್ ಆಟೋ, ಎಲ್‌ಇಡಿ ಡಿಆರ್‌ಎಲ್‌ಗಳು, ಪ್ರೊಜೆಕ್ಟರ್ ಹೆಡ್‌ಲೈಟ್‌ಗಳು, 7-ಇಂಚಿನ ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್ ಸಿಸ್ಟಂ, ಅನ್ನು ಈ ಕಾರು ಒಳಗೊಂಡಿದೆ. ಇದರ ಬೆಲೆ 5.65 ಲಕ್ಷದಿಂದ ಈ ಕಾರು ಮಾರಾಟಕ್ಕೆ ಲಭ್ಯವಿದೆ. ಇದು ಎಕ್ಸ್ ಶೋರೂಂ ಬೆಲೆ.
4) ಮಾರುತಿ ಸುಜುಕಿ ವ್ಯಾಗನ್ಆರ್
ಮಾರುತಿ ಸುಜುಕಿ ವ್ಯಾಗನ್ಆರ್ ಅದರ ಸ್ಥಳಾವಕಾಶ ಮತ್ತು ಮೈಲೇಜ್‌ಗೆ ಹೆಸರುವಾಸಿಯಾಗಿದೆ. ಇದನ್ನು ಫ್ಯಾಮಿಲಿ ಕಾರು ಎಂದೂ ಕರೆಯುತ್ತಾರೆ. ಅಂದರೆ ಕುಟುಂಬ ಸಮೇತ ದೂರದ ಪ್ರಯಾಣಕ್ಕೆ ಈ ಕಾರು ಉತ್ತಮವಾಗಿದೆ. 2024ರ ಜೂನ್ ತಿಂಗಳಿನಲ್ಲಿ ವ್ಯಾಗನ್ಆರ್ 13,790 ಯುನಿಟ್ಗಳು ಮಾರಾಟವಾಗಿವೆ. ಈ ಕಾರಿನ ಆರಂಭಿಕ ಬೆಲೆಯು ಕೇವಲ 5.55 ಲಕ್ಷವಾಗಿದೆ.
5) ರೆನಾಲ್ಟ್ ಕ್ವಿಡ್
ರೆನಾಲ್ಟ್ ಕ್ವಿಡ್ ತನ್ನ ಹೆಚ್ಚಿನ ಗ್ರೌಂಡ್ ಕ್ಲಿಯರೆನ್ಸ್ ಮತ್ತು ಆಕರ್ಷಕ ವಿನ್ಯಾಸಕ್ಕೆ ಹೆಸರುವಾಸಿಯಾಗಿದೆ. ಈ ಕಾರು ಆಫ್ ರೋಡಿಂಗ್‌ಗೂ ಉತ್ತಮವಾಗಿದೆ. 1-ಲೀಟರ್ ಪೆಟ್ರೋಲ್ ಎಂಜಿನ್ ಆಯ್ಕೆಯನ್ನು ಹೊಂದಿದೆ. 68 ಪಿಎಸ್ ಗರಿಷ್ಠ ಪವರ್ (ಶಕ್ತಿ) ಮತ್ತು 91 ಎನ್ಎಂ ಪೀಕ್ ಟಾರ್ಕ್ ಉತ್ಪಾದಿಸುವ ಸಾಮರ್ಥ್ಯವನ್ನು ಒಳಗೂಂಡಿದೆ. 21.46 ರಿಂದ 22.3 ಕೆಎಂಪಿಎಲ್ ಮೈಲೇಜ್ ಕೊಡುತ್ತದೆ. ಬೇಸ್ ಮಾಡೆಲ್ ಆರ್‌ಎಕ್ಸ್‌ಇ ರೂಪಾಂತರ ರೂ. 5.63 ಲಕ್ಷ ಆಗಿದೆ.