ಎಂಡೊಮೆಟ್ರಿಯೊಸಿಸ್: ಈ ರೋಗದ ಬಗ್ಗೆ ಮಹಿಳೆಯರಿಗೆ ಎಷ್ಟು ಗೊತ್ತು? ನೀವು ತಿನ್ನಬಾರದ ಆಹಾರಗಳಿವು..

'ಚಾಕೊಲೇಟ್ ಸಿಸ್ಟ್' ಎಂದು ಜನಪ್ರಿಯವಾಗಿ ಕರೆಯಲ್ಪಡುವ ಎಂಡೊಮೆಟ್ರಿಯೊಸಿಸ್ ರೋಗನಿರ್ಣಯಕ್ಕೆ ಬಹಳ ಸಮಯ ತೆಗೆದುಕೊಳ್ಳುತ್ತದೆ - ಸುಮಾರು ಒಂದು ದಶಕವಾದರೂ ಆಗಬಹುದು. ಇದರಿಂದಾಗಿ ಮಹಿಳೆಯರ ಜೀವನದ ಗುಣಮಟ್ಟದ ಮೇಲೆ ಅಗಾಧವಾಗಿ ಪರಿಣಾಮ ಬೀರುತ್ತದೆ ಮತ್ತು ಈ ಅಸ್ವಸ್ಥತೆಯಿಂದ ಬಳಲುತ್ತಿರುವ ಮಹಿಳೆಯರಲ್ಲಿ ಕಂಡುಬರುವ ಕೆಲವು ಸಾಮಾನ್ಯ ರೋಗಲಕ್ಷಣಗಳೆಂದರೆ ಅಪಾರವಾದ ಕೆಳ ಬೆನ್ನುನೋವು, ಸಂಭೋಗದ ಸಮಯದಲ್ಲಿ ಅಥವಾ ನಂತರ ನೋವು, ಅತಿಯಾದ ರಕ್ತಸ್ರಾವ, ಜೀರ್ಣಕಾರಿ ಸಮಸ್ಯೆಗಳು, ನೋವಿನ ಮೂತ್ರ ವಿಸರ್ಜನೆ, ಆಯಾಸ, ಖಿನ್ನತೆ ಅಥವಾ ಆತಂಕ ಮತ್ತು ಕಿಬ್ಬೊಟ್ಟೆ ಉಬ್ಬುವುದು ಮತ್ತು ವಾಕರಿಕೆ.

ಎಂಡೊಮೆಟ್ರಿಯೊಸಿಸ್, ಇದು ಎಂಡೊಮೆಟ್ರಿಯಮ್ ಎಂದು ಕರೆಯಲ್ಪಡುವ ಗರ್ಭಾಶಯದ ಒಳಪದರವು ಗರ್ಭಾಶಯದ ಹೊರಗೆ, ಫಾಲೋಪಿಯನ್ ಟ್ಯೂಬ್‌ಗಳು, ಯೋನಿ, ಗರ್ಭಕಂಠ ಅಥವಾ ಮೂತ್ರಕೋಶ ಅಥವಾ ಗುದನಾಳದ ಮೇಲೆ ಬೆಳೆಯುವ ಸಿಸ್ಟ್ ಆಗಿದೆ. ಆದರೆ ಮಹಿಳೆಯರು ಇದರ ಬಗ್ಗೆ ಹೆಚ್ಚು ತಿಳಿದಿರುವುದಿಲ್ಲ.

ಈ ರೋಗದ ಬಗ್ಗೆ ಹಿಂದೂಸ್ತಾನ್​ ಟೈಮ್ಸ್ ಲೈಫ್‌ಸ್ಟೈಲ್‌ಗೆ ನೀಡಿದ ಸಂದರ್ಶನದಲ್ಲಿ, ಪುಣೆಯ ಮದರ್‌ಹುಡ್ ಆಸ್ಪತ್ರೆಯ ಹಿರಿಯ ಪ್ರಸೂತಿ ಸಲಹೆಗಾರ್ತಿ ಮತ್ತು ಸ್ತ್ರೀರೋಗತಜ್ಞೆ ಡಾ ಸುಶ್ರುತಾ ಮೊಕದಮ್ ಮಾಹಿತಿ ಹಂಚಿಕೊಂಡಿದ್ದಾರೆ, ಎಂಡೊಮೆಟ್ರಿಯೊಸಿಸ್ ದೀರ್ಘಕಾಲದ ನೋವು ಮತ್ತು ಬಂಜೆತನದ ಅಪಾಯದಿಂದ ನಿರೂಪಿಸಲ್ಪಟ್ಟ ಒಂದು ಸ್ಥಿತಿಯಾಗಿದೆ, ಇದು ಪೀಡಿತ ಮಹಿಳೆಯ ದಿನನಿತ್ಯದ ದಿನಚರಿಯಲ್ಲಿ ಹಸ್ತಕ್ಷೇಪ ಮಾಡುತ್ತದೆ. ಉರಿಯೂತವು ನೋವಿಗೆ ದೊಡ್ಡ ಕೊಡುಗೆಯಾಗಿದೆ. ಇದು ಜೀವನಶೈಲಿ, ಆಹಾರ ಮತ್ತು ಹಾರ್ಮೋನುಗಳಿಂದ ಪ್ರಭಾವಿತವಾಗಿರುತ್ತದೆ ಎಂದು ಹೇಳಿದರು.

ಈ ಸ್ಥಿತಿಯಲ್ಲಿ ಆರೋಗ್ಯವಾಗಿರಲು ಕೆಲವು ಜೀವನಶೈಲಿ ಬದಲಾವಣೆಗಳನ್ನು ಅವರು ಪಟ್ಟಿ ಮಾಡಿದ್ದು, ಯಾವುದೇ ವಿಳಂಬವಿಲ್ಲದೆ ಅವುಗಳನ್ನು ಅನುಸರಿಸಲು ಒತ್ತಾಯಿಸಿದ್ದಾರೆ.

1. ಆಹಾರ 

ತಿನ್ನಬೇಕಾದ ಆಹಾರಗಳು: ತರಕಾರಿಗಳು, ಧಾನ್ಯಗಳು, ನಾರು, ಬೀಜಗಳು, ಕಾಳುಗಳು ಮತ್ತು ರಾಗಿ, ಆರೋಗ್ಯಕರ ಕೊಬ್ಬು / ಒಮೆಗಾ 3 ಆಹಾರಗಳು, ವಾಲ್‌ನಟ್ಸ್, ಅಗಸೆ, ಚಿಯಾ ಬೀಜಗಳು, ಸಾಲ್ಮನ್ ಮತ್ತು ಆಲಿವ್ ಎಣ್ಣೆ, ವಿಟಮಿನ್ ಬಿ ಒಳಗೊಂಡಿರುವ ತರಕಾರಿಗಳು , ಅರಿಶಿನ, ನಿಂಬೆ ಮತ್ತು ತೆಂಗಿನ ಎಣ್ಣೆಯಂತಹ ಆಹಾರಗಳು, ಮೊಟ್ಟೆ, ಮೀನು ಮತ್ತು ಸೊಪ್ಪಿನಂತಹ ಕಬ್ಬಿಣ ಭರಿತ ಆಹಾರಗಳು.

ತಿನ್ನಬಾರದ ಅಥವಾ ತಪ್ಪಿಸಬೇಕಾದ ಆಹಾರಗಳು: ಸಂಸ್ಕರಿತ ಆಹಾರಗಳು ಮತ್ತು ಮೊನೊಸೋಡಿಯಂ ಗ್ಲುಟಮೇಟ್, ಕೆಫೀನ್, ಕೋಲಾ, ಆಲ್ಕೋಹಾಲ್, ಕೆಂಪು ಮಾಂಸ, ಹೆಚ್ಚಿನ ಕೊಬ್ಬಿನ ಆಹಾರಗಳು ಮತ್ತು ಸಕ್ಕರೆ ಆಹಾರಗಳು.

2. ದೈಹಿಕ ವ್ಯಾಯಾಮ 

 ಇದು ನೋವು ಮತ್ತು ಒತ್ತಡದಂತಹ ರೋಗಲಕ್ಷಣಗಳನ್ನು ನಿರ್ವಹಿಸಲು ನಿಮಗೆ ಸಹಾಯ ಮಾಡುತ್ತದೆ. ಯಾವುದೇ ಶ್ರಮದಾಯಕ ಚಟುವಟಿಕೆಗಳನ್ನು ಮಾಡುವುದನ್ನು ತಪ್ಪಿಸಿ. ವಾಕಿಂಗ್, ಯೋಗ, ಈಜು, ಏರೋಬಿಕ್ಸ್ ಅಥವಾ ಸೈಕ್ಲಿಂಗ್ ಮಾಡಲು ಪ್ರಯತ್ನಿಸಿ. ದಿನನಿತ್ಯದ ವ್ಯಾಯಾಮವು ಅತ್ಯುತ್ತಮ ತೂಕವನ್ನು ಕಾಪಾಡಿಕೊಳ್ಳಲು ನಿಮಗೆ ಸಹಾಯ ಮಾಡುತ್ತದೆ.

3. ಉತ್ತಮ ಗುಣಮಟ್ಟದ ನಿದ್ರೆ 

 ನಿದ್ರಾಹೀನತೆಯು ಅಂತಃಸ್ರಾವಕ ವ್ಯವಸ್ಥೆಯ ಮೇಲೆ ಟೋಲ್ ತೆಗೆದುಕೊಳ್ಳುತ್ತದೆ, ಇದು ನಂತರ ಹಾರ್ಮೋನ್ ಸ್ರವಿಸುವಿಕೆಯ ಮಾದರಿಗಳ ಬದಲಾವಣೆಗೆ ಕಾರಣವಾಗುತ್ತದೆ. ಪ್ರತಿದಿನ ಕನಿಷ್ಠ 8 ಗಂಟೆಗಳ ಕಾಲ ನಿದ್ದೆ ಮಾಡಲು ಪ್ರಯತ್ನಿಸಿ.

4. ಸೂಕ್ತ ಚಿಕಿತ್ಸೆ 

 ಕೆಳ ಬೆನ್ನುನೋವು, ಸಂಭೋಗದ ಸಮಯದಲ್ಲಿ ಅಥವಾ ನಂತರ ನೋವು, ಅತಿಯಾದ ರಕ್ತಸ್ರಾವ, ಜೀರ್ಣಕಾರಿ ಸಮಸ್ಯೆಗಳು, ನೋವಿನ ಮೂತ್ರ ವಿಸರ್ಜನೆ, ಆಯಾಸ, ಖಿನ್ನತೆ ಅಥವಾ ಆತಂಕ ಮತ್ತು ಕಿಬ್ಬೊಟ್ಟೆ ಉಬ್ಬುವುದು ಮತ್ತು ವಾಕರಿಕೆ ಇಂತಹ ಯಾವುದೇ ನೋವು ಪದೇ ಪದೇ ಅಥವಾ ಹೆಚ್ಚಾಗಿ ಕಾಣಿಸಿಕೊಂಡಲ್ಲಿ ವೈದ್ಯರನ್ನು ಭೇಟಿ ಮಾಡಿ ಸೂಕ್ತ ಚಿಕಿತ್ಸೆ ಪಡೆಯಿರಿ.