ಈ ದಿನಗಳಲ್ಲಿ ಸೇರಿದ್ರೆ ಗರ್ಭ ಧರಿಸುವ ಸಾಧ್ಯತೆ ಹೆಚ್ಚು; ಅಂಡೋತ್ಪತ್ತಿಯನ್ನ ಸೂಚಿಸುವ ಈ ಲಕ್ಷಣಗಳ ಬಗ್ಗೆ ಹೆಣ್ಣುಮಕ್ಕಳಿಗೆ ತಿಳಿದಿರಬೇಕು

ಮದುವೆಯಾದ ಪ್ರತಿ ಹೆಣ್ಣುಮಗಳು ಗರ್ಭವತಿಯಾಗುವುದನ್ನು ಕಾಯುತ್ತಿರುತ್ತಾಳೆ. ಆದರೆ ಇತ್ತೀಚಿನ ಜೀವನಶೈಲಿಯಲ್ಲಿ ಗರ್ಭ ಧರಿಸುವುದು ಸವಾಲಾಗಿದೆ. ಗರ್ಭ ಧರಿಸದೇ ಇರುವುದಕ್ಕೆ ಕಾರಣಗಳು ಹಲವು. ಅದೇನೇ ಇದ್ದರೂ ಮಹಿಳೆಯರು ಅಂಡಾಶಯ ವ್ಯವಸ್ಥೆಯ ಬಗ್ಗೆ ಒಂದಿಷ್ಟು ಜ್ಞಾನ ಹೊಂದಿರಬೇಕು.

ಮಹಿಳೆಯರಲ್ಲಿ ತಿಂಗಳಿಗೊಮ್ಮೆ ಅಂಡಾಣು ಬಿಡುಗಡೆಯಾಗುತ್ತದೆ. ಆ ಸಮಯದಲ್ಲಿ ಅಂಡಾಣು ವೀರ್ಯದೊಂದಿಗೆ ಸೇರಿದರೆ ಫಲವಂತಿಕೆ ಸಾಧ್ಯವಾಗುತ್ತದೆ. ಇದರಿಂದ ಮಹಿಳೆ ಗರ್ಭ ಧರಿಸುತ್ತಾಳೆ. ಗರ್ಭ ಧರಿಸಲು ಪ್ರಯತ್ನಿಸುತ್ತಿರುವವರು ಈ ಬಗ್ಗೆ ಸಂಪೂರ್ಣವಾಗಿ ತಿಳಿದುಕೊಂಡಿರಬೇಕು. ದೇಹದಲ್ಲಿ ಅಂಡಾಣು ಬಿಡುಗಡೆಯನ್ನು ಅಂಡೋತ್ಪತ್ತಿ ಎಂದು ಕರೆಯಲಾಗುತ್ತದೆ. ಈ ಸಮಯದಲ್ಲಿ ಮಹಿಳೆಯ ದೇಹದಲ್ಲಿ ಕೆಲವು ವಿಶೇಷ ಬದಲಾವಣೆಗಳು ಗೋಚರವಾಗಬಹುದು. ಅವುಗಳನ್ನು ಗಮನಿಸಿದರೆ ಗರ್ಭಧಾರಣೆ ಸುಲಭವಾಗುತ್ತದೆ.

ಇದನ್ನೂ ಓದಿ: Pregnancy Plan: ಪ್ರೆಗ್ನೆನ್ಸಿ ಪ್ಲಾನ್‌ ಇದ್ಯಾ? ಗರ್ಭಧಾರಣೆಗೆ ನಿಮ್ಮ ದೇಹವನ್ನು ಹೀಗೆ ತಯಾರು ಮಾಡಿ

ಅಂಡೋತ್ಪತ್ತಿಯ ಲಕ್ಷಣಗಳು

ಮುಟ್ಟಿನ ದಿನಗಳ ಆರಂಭದ ಲಕ್ಷಣಗಳ ಬಗ್ಗೆ ಹಲವು ಹೆಣ್ಣುಮಕ್ಕಳಿಗೆ ತಿಳಿದಿರುತ್ತದೆ. ಅದೇ ರೀತಿಯ ಲಕ್ಷಣಗಳು ಅಂಡಾಣು ಬಿಡುಗಡೆಯಾದಾಗಲೂ ದೇಹದಲ್ಲಿ ಸಂಭವಿಸುತ್ತವೆ. ಆದರೆ ಹೆಚ್ಚಿನ ಜನರು ಅದನ್ನು ಗಮನಿಸುವುದಿಲ್ಲ. ಈ ರೋಗಲಕ್ಷಣಗಳು ಪ್ರತಿ ಮಹಿಳೆಯಲ್ಲಿ ಭಿನ್ನವಾಗಿರುತ್ತದೆ. ಈ ಬದಲಾವಣೆಗಳು ಅಂಡೋತ್ಪತ್ತಿ ದಿನಕ್ಕೆ ಕನಿಷ್ಠ ಐದು ದಿನಗಳ ಮೊದಲು ಕಾಣಿಸಿಕೊಳ್ಳಲು ಪ್ರಾರಂಭಿಸುತ್ತವೆ. ಮೊಟ್ಟೆ ಬಿಡುಗಡೆಯಾದ ಮರುದಿನವೇ ರೋಗಲಕ್ಷಣಗಳು ಕಂಡುಬರುತ್ತವೆ. ಆದರೆ ಈ ವಿಚಾರದಲ್ಲೂ ಕೆಲವರು ಯಾವುದೇ ರೋಗಲಕ್ಷಣಗಳನ್ನು ಹೊಂದಿರುವುದಿಲ್ಲ. ಹಾಗಂತ ಅವರಲ್ಲಿ ಅಂಡಾಣು ಬಿಡುಗಡೆಯಾಗುತ್ತಿಲ್ಲ ಎಂದಲ್ಲ. ಅಂಡಾಣು ಬಿಡುಗಡೆಯಾಗುವ ಲಕ್ಷಣಗಳನ್ನು ಗಮನಿಸಿ.

1. ಗರ್ಭಕಂಠದ ಲೋಳೆ: ಯೋನಿಯಿಂದ ಹೊರಸೂಸುವಿಕೆಯಲ್ಲಿ ಕೆಲವು ಬದಲಾವಣೆಗಳಿವೆ. ಅಂಡೋತ್ಪತ್ತಿ ಸಮೀಪಿಸುತ್ತಿದ್ದಂತೆ, ದೇಹವು ಹೆಚ್ಚು ಈಸ್ಟ್ರೊಜೆನ್ ಅನ್ನು ಬಿಡುಗಡೆ ಮಾಡುತ್ತದೆ. ಪರಿಣಾಮವಾಗಿ, ವಿಸರ್ಜನೆಯು ಪಾರದರ್ಶಕವಾಗಿರುತ್ತದೆ ಮತ್ತು ಮೊಟ್ಟೆಯ ಬಿಳಿಯಂತೆ ಕಾಣುತ್ತದೆ. ಈ ಸ್ರವಿಸುವಿಕೆಯು ಬೆರಳಿಗೆ ಅಂಟಿಕೊಂಡಾಗ ಲೋಳೆಯಂತೆ ಹಿಗ್ಗುತ್ತದೆ. ಇದು ಮೊಟ್ಟೆ ಬಿಡುಗಡೆಯಾಗುತ್ತಿದೆ ಎಂಬುದರ ಸಂಕೇತವಾಗಿದೆ.

ಇದನ್ನೂ ಓದಿ: ನಿಮ್ಮ ಹೊಟ್ಟೆಯಲ್ಲಿ ಇನ್ನೊಂದು ಜೀವ ಅರಳುತ್ತಿರುವ ಲಕ್ಷಣಗಳಿವು, ಸುಲಭದ ಪ್ರೆಗ್ನೆನ್ಸಿ ಟೆಸ್ಟ್‌ಗೆ ಇಲ್ಲಿದೆ ಟಿಪ್ಸ್

2. ವಾಸನೆ: ಈ ಸಮಯದಲ್ಲಿ ಸಾಮಾನ್ಯಕ್ಕಿಂತ ಹೆಚ್ಚು ವಾಸನೆ ಇರುತ್ತದೆ. ಆದರೆ ಈ ಲಕ್ಷಣವು ಕೆಲವೇ ಮಹಿಳೆಯರಲ್ಲಿ ಕಂಡುಬರುತ್ತದೆ. ಅಂಡೋತ್ಪತ್ತಿ ಪರಿಣಾಮವು ಹೀಗಿರಬಹುದು.

3. ಸ್ತನಗಳಲ್ಲಿ ಬದಲಾವಣೆ: ಸ್ತನ ಮೃದುವಾಗುವುದು ಮತ್ತು ಮೊಲೆತೊಟ್ಟುಗಳಲ್ಲಿ ನೋವು ಕಾಣಿಸುವುದು ಸಹ ಮೊಟ್ಟೆ ಬಿಡುಗಡೆಯಾಗುವ ಚಿಹ್ನೆಗಳಾಗಿವೆ. ಕೆಲವರಲ್ಲಿ ಈ ನೋವು ಅಂಡೋತ್ಪತ್ತಿಗೆ ಮೊದಲು ಬರುತ್ತದೆ ಮತ್ತು ಕೆಲವರಲ್ಲಿ ಇದು ನಂತರ ಸಂಭವಿಸುತ್ತದೆ. ಆದರೆ ಕೆಲವೊಮ್ಮೆ ಇದು ಮುಟ್ಟಿನ ಸಮಯದಲ್ಲಿ ಸಂಭವಿಸಬಹುದು. ತಿಂಗಳ ಮಧ್ಯದಲ್ಲಿ ಈ ರೀತಿಯ ಬದಲಾವಣೆಗಳು ಕಂಡು ಬಂದರೆ ಸುಳಿವು ಸಿಕ್ಕಂತೆ.

4. ಶ್ರೋಣಿಯ ಪ್ರದೇಶದಲ್ಲಿ ನೋವು: ಕೆಳ ಹೊಟ್ಟೆ ಮತ್ತು ಶ್ರೋಣಿಯ ಭಾಗದಲ್ಲಿ ಸ್ವಲ್ಪ ಮಟ್ಟಿನ ನೋವು ಇರಬಹುದು. ಈ ನೋವು ಕಡಿಮೆ ಪ್ರಮಾಣದಲ್ಲಿರುತ್ತದೆ. ಈ ನೋವು ಎರಡೂ ಕಡೆ ಅಥವಾ ಒಂದು ಕಡೆ ಇರಬಹುದು. ಆದರೆ ಇಡೀ ದಿನ ನೋವಿರುವುದಿಲ್ಲ. ಇದು ಕೆಲವೇ ನಿಮಿಷಗಳಲ್ಲಿ ಅಥವಾ ಗಂಟೆಗಳಲ್ಲಿ ಕಡಿಮೆಯಾಗುತ್ತದೆ. ಕೆಲವರಿಗೆ ಕಡಿಮೆ ರಕ್ತಸ್ರಾವವಾಗಬಹುದು. ಇತರರು ತಲೆತಿರುಗುವಿಕೆ ಮತ್ತು ವಾಕರಿಕೆ ಅನುಭವಿಸುತ್ತಾರೆ.

ಇದನ್ನೂ ಓದಿ: Pregnancy: ಮುಟ್ಟಿನ ಬಳಿಕ ಇಷ್ಟು ದಿನ ಸೇರಿದ್ರೆ ಗರ್ಭಿಣಿಯಾಗೋಲ್ವಂತೆ; ಫ್ಯಾಮಿಲಿ ಪ್ಲ್ಯಾನಿಂಗ್‌ ಮಾಡೋರಿಗೆ ಉಪಯುಕ್ತ ಮಾಹಿತಿ

5. ರಕ್ತಸ್ರಾವ: ಕೆಲವರಿಗೆ ಮುಟ್ಟಿನ ದಿನಗಳಲ್ಲಿ ತುಂಬಾ ಕಡಿಮೆ ರಕ್ತಸ್ರಾವವಿರುತ್ತದೆ. ಇದು ಅಂಡೋತ್ಪತ್ತಿಯ ಸಂಕೇತವಾಗಿರಬಹುದು. ಇಲ್ಲದಿದ್ದರೆ ರಕ್ತಸ್ರಾವವಾಗುವಾಗ ಬಣ್ಣವೂ ಬದಲಾಗಬಹುದು. ಇದು ಸ್ವಲ್ಪ ಕಂದು ಬಣ್ಣದಲ್ಲಿ ಕಾಣಿಸಬಹುದು. ಆದರೆ ಇದು ದೀರ್ಘಕಾಲದವರೆಗೆ ಮುಂದುವರಿದರೆ ಅದು ಸೋಂಕಿನ ಸಂಕೇತವೂ ಆಗಿರಬಹುದು. ಆ ಸಂದರ್ಭದಲ್ಲಿ, ತಕ್ಷಣ ವೈದ್ಯರನ್ನು ಸಂಪರ್ಕಿಸಿ.

6. ರೊಮ್ಯಾಂಟಿಕ್ ಆಸೆಗಳು: ಇದು ಅಂಡೋತ್ಪತ್ತಿ ಲಕ್ಷಣಗಳಲ್ಲಿ ಒಂದಾಗಿದೆ. ಅಂಡೋತ್ಪತ್ತಿ ಸಮಯದಲ್ಲಿ ಕೆಲವು ಮಹಿಳೆಯರ ಸೆಕ್ಸ್ ಡ್ರೈವ್ ಹೆಚ್ಚಾಗುತ್ತದೆ. ಇದು ಫಲವತ್ತತೆಯನ್ನು ಉತ್ತೇಜಿಸಲು ದೇಹದಲ್ಲಿ ನೈಸರ್ಗಿಕ ಬದಲಾವಣೆಯಾಗಿರಬಹುದು.

7. ತಲೆನೋವು, ವಾಕರಿಕೆ: ಅಂಡೋತ್ಪತ್ತಿ ಸಮಯದಲ್ಲಿ ಕೆಲವರು ತುಂಬಾ ಜಡವಾಗಿರುತ್ತಾರೆ. ವಾಕರಿಕೆಯ ಅನುಭವವಾಗುತ್ತದೆ. ತಲೆನೋವು ಉಂಟಾಗುತ್ತದೆ. ಈಸ್ಟ್ರೊಜೆನ್ ಮತ್ತು ಪ್ರೊಜೆಸ್ಟರಾನ್ ಮಟ್ಟದಲ್ಲಿನ ಬದಲಾವಣೆಯಿಂದಾಗಿ ಇದು ಸಂಭವಿಸುತ್ತದೆ. ಅಲ್ಲದೆ ದೇಹದ ಉಷ್ಣತೆಯೂ ಸ್ವಲ್ಪ ಹೆಚ್ಚುತ್ತದೆ.

ಇದನ್ನೂ ಓದಿ: ಕೇಸರಿ ಹಾಲು ಕುಡಿಯುವುದರಿಂದ ಮಗು ಬೆಳ್ಳಗಾಗುತ್ತಾ? ಗರ್ಭಿಣಿಯರಿಗೆ ಕೇಸರಿ ಸೇವಿಸಲು ಹೇಳುವ ಉದ್ದೇಶವಿದು