ಅತ್ಯಧಿಕ ನಾರಿನಾಂಶ ಇರುವ 10 ಆಹಾರ ಪದಾರ್ಥಗಳಿವು; ಮಲಬದ್ಧತೆ, ಮೂಲವ್ಯಾಧಿ ಸಮಸ್ಯೆ ಇರುವವರು ಗಮನಿಸಿ

ಮನುಷ್ಯನ ಆರೋಗ್ಯದಲ್ಲಿ ಜೀರ್ಣಕ್ರಿಯೆಯು ಪ್ರಮುಖ ಪಾತ್ರ ವಹಿಸುತ್ತದೆ. ಜೀರ್ಣಕ್ರಿಯೆ ಸರಿಯಾಗಿ ಆಗಿಲ್ಲ ಎಂದರೆ ಹಲವು ಸಮಸ್ಯೆಗಳು ಕಾಡುತ್ತವೆ, ಕರುಳಿನ ಆರೋಗ್ಯ ಹದಗೆಡುವುದು ಕೆಲವು ಗಂಭೀರ ಸಮಸ್ಯೆಗಳಿಗೂ ಕಾರಣವಾಗಬಹುದು. ಆ ಕಾರಣಕ್ಕೆ ನಮ್ಮ ಜೀರ್ಣಕ್ರಿಯೆ ಸುಧಾರಿಸುವ ಆಹಾರಗಳ ಸೇವನೆಗೆ ಒತ್ತು ನೀಡಬೇಕು.

ನಾರಿನಾಂಶ ಸಮೃದ್ಧ ಆಹಾರಗಳನ್ನು ಹೆಚ್ಚು ಸೇವಿಸುವುದರಿಂದ ಜೀರ್ಣಕ್ರಿಯೆ ಸುಧಾರಿಸುತ್ತದೆ. ರಕ್ತದಲ್ಲಿನ ಸಕ್ಕರೆಯ ಮಟ್ಟ ಸ್ಥಿರವಾಗಿರುವುದು ಹಾಗೂ ತೂಕ ನಿರ್ವಹಣೆಗೂ ನಾರಿನಾಂಶ ಸಮೃದ್ಧ ಆಹಾರ ಸೇವಿಸುವುದು ಮುಖ್ಯವಾಗುತ್ತದೆ. ಪುರುಷರಿಗೆ ದಿನಕ್ಕೆ ಸುಮಾರು 28-34 ಗ್ರಾಂ ಮತ್ತು ಮಹಿಳೆಯರಿಗೆ 22-28 ಗ್ರಾಂ ಅಗತ್ಯವಿರುತ್ತದೆ. ನಾರಿನಾಂಶ ಸಮೃದ್ಧ ಆಹಾರಗಳನ್ನು ಹೆಚ್ಚು ಹೆಚ್ಚು ಸೇವಿಸುವುದರಿಂದ ಮೂಲವ್ಯಾಧಿ, ಮಲಬದ್ಧತೆಯಂತಹ ಸಮಸ್ಯೆಗಳ ನಿವಾರಣೆಯೂ ಸಾಧ್ಯವಾಗುತ್ತದೆ. ಅಂತಹ 10 ಆಹಾರಗಳ ಪಟ್ಟಿ ಇಲ್ಲಿದೆ.

ಬೇಯಿಸಿದ ಹಸಿರು ಬಟಾಣಿ

ಹಸಿರು ಬಟಾಣಿಯಲ್ಲಿ ನಾರಿನಾಂಶ ಸಮೃದ್ಧವಾಗಿದೆ. ಒಂದು ಕಪ್ ಬೇಯಿಸಿದ ಹಸಿರು ಬಟಾಣಿಯಲ್ಲಿ ಸುಮಾರು 8.8 ಗ್ರಾಂ ನಾರಿನಾಂಶವಿರುತ್ತದೆ. ಇದನ್ನು ಪ್ರತಿನಿತ್ಯ ಸೇವಿಸುವುದು ಬಹಳ ಮುಖ್ಯ. ಇದರಿಂದ ವಿಟಮಿನ್‌, ಪ್ರೊಟೀನ್ ಅಂಶವೂ ಇರುತ್ತದೆ.

ಇದನ್ನೂ ಓದಿ: ಮೂಲವ್ಯಾಧಿ ನಿಯಂತ್ರಿಸುವ ಪರಿಣಾಮಕಾರಿ ಮನೆಮದ್ದುಗಳಿವು, ಪೈಲ್ಸ್ ಇದ್ರೆ ಈ ತಪ್ಪುಗಳನ್ನು ಎಂದಿಗೂ ಮಾಡದಿರಿ, ಸಮಸ್ಯೆ ಉಲ್ಬಣಗೊಳ್ಳಬಹುದು

ಬೇಯಸಿದ ಮಸೂರ ಬೇಳೆ

ಮಸೂರ ಬೇಳೆಯಲ್ಲಿ ಪ್ರೊಟೀನ್ ಸಮೃದ್ಧವಾಗಿರುತ್ತದೆ ಎಂದು ಹೇಳುತ್ತಾರೆ. ಆದರೆ ಇದರಲ್ಲಿ ನಾರಿನಾಂಶವೂ ಸಮೃದ್ಧವಾಗಿದೆ. ಅರ್ಧ ಕಪ್‌ ಮಸೂರ ಬೇಳೆಯಲ್ಲಿ ಸುಮಾರು 7.8 ಗ್ರಾಂ ನಾರಿನಾಂಶವಿರುತ್ತದೆ. ಹೃದಯದ ಆರೋಗ್ಯ ಸುಧಾರಿಸಲು ಮಸೂರ ಬೇಳೆ ಸೇವನೆ ಉತ್ತಮ. ಮಸೂರದಲ್ಲಿ ನಾರಿನಾಂಶ ಸಮೃದ್ಧವಾಗಿದ್ದು ಇದು ಹೊಟ್ಟೆ ತುಂಬಿದಂತಿರಲು ಸಹಾಯ ಮಾಡುತ್ತದೆ. ಇದು ತೂಕ ನಿರ್ವಹಣೆಗೂ ಉತ್ತಮ.

ಕಡಲೆಕಾಳು

ಅರ್ಧ ಕಪ್ ಕಡಲೆಕಾಳಿನಲ್ಲಿ 6.3 ಗ್ರಾಂ ನಾರಿನಾಂಶ ಇರುತ್ತದೆ. ಇದು ನಮ್ಮ ಜೀರ್ಣಾಂಗ ವ್ಯವಸ್ಥೆಯನ್ನು ನಿಯಂತ್ರಣದಲ್ಲಿಡಲು ಸಹಾಯ ಮಾಡುತ್ತದೆ. ಇದನ್ನು ಕುರಕಲು ತಿಂಡಿ ರೂಪದಲ್ಲಿ, ಸಲಾಡ್ ರೂಪದಲ್ಲಿ ಸೇವಿಸಬಹುದು.

ಬೇಯಿಸಿದ ಕಿಡ್ನಿ ಬೀನ್ಸ್

ಕಿಡ್ನಿ ಬೀನ್ಸ್ ಮತ್ತೊಂದು ಫೈಬರ್ ಸಮೃದ್ಧ ದ್ವಿದಳ ಧಾನ್ಯವಾಗಿದ್ದು, ಕೇವಲ ಅರ್ಧ ಕಪ್‌ನಲ್ಲಿ ಸುಮಾರು 5.7 ಗ್ರಾಂನಷ್ಟು ನಾರಿನಾಂಶವನ್ನು ಹೊಂದಿರುತ್ತದೆ. ಅವುಗಳಲ್ಲಿನ ಹೆಚ್ಚಿನ ಫೈಬರ್ ಅಂಶವು ಕೊಲೆಸ್ಟ್ರಾಲ್ ಮಟ್ಟವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಇದು ಹೃದಯದ ಆರೋಗ್ಯಕ್ಕೆ ಪ್ರಯೋಜನಕಾರಿಯಾಗಿದೆ.

ಇದನ್ನೂ ಓದಿ: ಜೀರ್ಣಕಾರಿ ಸಮಸ್ಯೆ ನಿವಾರಿಸುವ ಮನೆಮದ್ದುಗಳಿವು; ಅಜೀರ್ಣ, ಗ್ಯಾಸ್ಟ್ರಿಕ್‌, ಹುಳಿತೇಗು, ಮಲಬದ್ಧತೆ ಎಲ್ಲಾ ಸಮಸ್ಯೆಗಳಿಗೂ ಈ 5 ವಸ್ತುಗಳೇ ಔಷಧಿ

ಪೇರಳೆ

ಪೇರಳೆಯು ಪ್ರತಿ ಕಪ್‌ಗೆ ಸರಿಸುಮಾರು 8.9 ಗ್ರಾಂ ನಾರಿನಾಂಶವನ್ನು ಹೊಂದಿರುತ್ತದೆ. ಇದರಲ್ಲಿ ವಿಟಮಿನ್ ಸಿ ಮತ್ತು ಇತರ ಅಗತ್ಯ ಪೋಷಕಾಂಶಗಳು ಸಮೃದ್ಧವಾಗಿದೆ. ಇದನ್ನು ಹಸಿಯಾಗಿ ತಿನ್ನಬಹುದು. ಸ್ಮೂತಿ, ಫ್ರೂಟ್ ಸಲಾಡ್‌ ರೂಪದಲ್ಲೂ ಸೇವಿಸಬಹುದು.

ರಾಸ್‌ಬ್ರೆರಿ

ಬೆರ್ರಿ ಹಣ್ಣುಗಳು ತಮ್ಮ ಉತ್ಕರ್ಷಣ ನಿರೋಧಕ ಗುಣಲಕ್ಷಣಗಳಿಗೆ ಹೆಸರುವಾಸಿಯಾಗಿದೆ, ಆದರೆ ಇದು ಹೆಚ್ಚಿನ ಪ್ರಮಾಣದ ಫೈಬರ್ ಅನ್ನು ಹೊಂದಿರುತ್ತದೆ. ಒಂದು ಕಪ್ ಸುಮಾರು 8 ಗ್ರಾಂನಷ್ಟು ನಾರಿನಾಂಶವಿರುತ್ತದೆ. ಇದು ಲಭ್ಯವಿರುವ ಅತ್ಯಂತ ಫೈಬರ್-ಭರಿತ ಹಣ್ಣುಗಳಲ್ಲಿ ಒಂದಾಗಿದೆ.

ಸೇಬು

ದಿನಕ್ಕೊಂದು ಸೇಬು ಹಣ್ಣನ್ನು ಸಿಪ್ಪೆ ಸಹಿತವಾಗಿ ಸೇವಿಸಬೇಕು. 1 ಮಧ್ಯಮ ಗಾತ್ರದ ಸೇಬು ಸುಮಾರು 4.8 ಗ್ರಾಂ ಫೈಬರ್ ಅನ್ನು ಒದಗಿಸುತ್ತದೆ. ಸೇಬುಹಣ್ಣಿನ ಸಿ‌ಪ್ಪೆಯಿಂದ ಹೆಚ್ಚು ನಾರಿನಾಂಶ ದೇಹಕ್ಕ ಸಿಗುತ್ತದೆ. ಸಿಪ್ಪೆಯೊಂದಿಗೆ ಸೇಬುಗಳನ್ನು ತಿನ್ನುವುದು ನಿಮ್ಮ ಫೈಬರ್ ಸೇವನೆಯನ್ನು ಹೆಚ್ಚಿಸಲು ಸರಳವಾದ ಮಾರ್ಗವಾಗಿದೆ.

ಕುಂಬಳಕಾಯಿ

ಇದು ಫೈಬರ್‌ನ ಅದ್ಭುತ ಮೂಲವಾಗಿದೆ, ಪ್ರತಿ ಕಪ್‌ಗೆ ಸುಮಾರು 7 ಗ್ರಾಂನಷ್ಟು ನಾರಿನಾಂಶ ಹೊಂದಿರುತ್ತದೆ. ಕುಂಬಳಕಾಯಿ ಸೂಪ್‌ನಿಂದ ಸಿಹಿ ಮತ್ತು ಖಾರದ ಭಕ್ಷ್ಯಗಳನ್ನು ತಯಾರಿಸಲು ಇದನ್ನು ಬಳಸಲಾಗುತ್ತದೆ. ಆಹಾರದಲ್ಲಿ ಕುಂಬಳಕಾಯಿಯನ್ನು ಸೇರಿಸುವುದು ನೈಸರ್ಗಿಕ ಮಾಧುರ್ಯವನ್ನು ಆನಂದಿಸುವಾಗ ಫೈಬರ್ ಸೇವನೆಯನ್ನು ಹೆಚ್ಚಿಸಲು ಒಂದು ಟೇಸ್ಟಿ ಮಾರ್ಗವಾಗಿದೆ.

ಬ್ರೊಕೊಲಿ

ಇದು ಫೈಬರ್‌ನ ಉತ್ತಮ ಮೂಲವಾಗಿದೆ. ಒಂದು ಕಪ್ ಬೇಯಿಸಿದ ಬ್ರೊಕೋಲಿಯಲ್ಲಿ ಸುಮಾರು 5.2 ಗ್ರಾಂ ನಾರಿನಾಂಶವಿರುತ್ತದೆ. ಇದು ಜೀರ್ಣಕ್ರಿಯೆ ಮತ್ತು ಹೃದಯದ ಆರೋಗ್ಯವನ್ನು ಬೆಂಬಲಿಸಲು ಸಹಾಯ ಮಾಡುತ್ತದೆ. ಇದು ನಿಮ್ಮ ಊಟದಲ್ಲಿ ಫೈಬರ್ ಅನ್ನು ಹೆಚ್ಚಿಸಲು ಸುಲಭವಾದ ಆಯ್ಕೆಯಾಗಿದೆ.

ಚಿಯಾ ಸೀಡ್ಸ್‌

ಚಿಯಾ ಬೀಜಗಳು ನೋಡಲು ಚಿಕ್ಕದಾಗಿದ್ದರು ಇದರಲ್ಲಿ ನಾರಿನಾಂಶ ಹೇರಳವಾಗಿರುತ್ತದೆ. ಕೇವಲ ಒಂದು ಚಮಚದಲ್ಲಿ 4.1 ಗ್ರಾಂ ಫೈಬರ್ ಇರುತ್ತದೆ. ಚಿಯಾ ಬೀಜಗಳು ನೀರಿನಾಂಶವನ್ನು ಹೀರಿಕೊಳ್ಳುವ ಸಾಮರ್ಥ್ಯಕ್ಕೆ ಹೆಸರುವಾಸಿಯಾಗಿದೆ, ಜೀರ್ಣಕ್ರಿಯೆಗೆ ಸಹಾಯ ಮಾಡುವ ಜೆಲ್ ತರಹದ ಸ್ಥಿರತೆಯನ್ನು ಸೃಷ್ಟಿಸುತ್ತದೆ.

‌ಇದನ್ನೂ ಓದಿ: Evening Snacks: ನಾರಿನಾಂಶ ಸಮೃದ್ಧ, ಕಡಿಮೆ ಕ್ಯಾಲೊರಿ ಹೊಂದಿರುವ ದೇಸಿ ಸ್ನ್ಯಾಕ್ಸ್‌ಗಳಿವು; ಸಂಜೆಯ ತಿಂಡಿಗೆ ಇವೇ ಬೆಸ್ಟ್‌