ಸತತ ರಜೆಗಳ ಎಫೆಕ್ಟ್; ತಿರುಪತಿ ತಿಮ್ಮಪ್ಪನ ಸನ್ನಿಧಾನಕ್ಕೆ ಹರಿದು ಬಂದ ಭಕ್ತಸಾಗರ, ಸರ್ವದರ್ಶನಕ್ಕೆ ಬೇಕು 18 ಗಂಟೆ

ತಿರುಪತಿ (ಆಂಧ್ರಪ್ರದೇಶ): ತಿರುಪತಿಯ ತಿಮ್ಮಪ್ಪನ ಸನ್ನಿಧಾನದಲ್ಲಿ ಭಕ್ತರ ನೂಕುನುಗ್ಗಲು ಮುಂದುವರಿದಿದೆ. ಸತತ ರಜೆ ದಿನಗಳು ಇರುವ ಕಾರಣ ತಿರುಮಲಕ್ಕೆ ಆಗಮಿಸುತ್ತಿರುವ ಭಕ್ತರ ಸಂಖ್ಯೆ ಹೆಚ್ಚಾಗುತ್ತಲೇ ಇದೆ. ಕ್ಯೂ ಕಾಂಪ್ಲೆಕ್ಸ್‌ನ ಎಲ್ಲಾ ವಿಭಾಗಗಳು ಭಕ್ತರಿಂದ ತುಂಬಿ ತುಳುಕುತ್ತಿವೆ. ದರ್ಶನ ಟಿಕೆಟ್ ಇಲ್ಲದ ಭಕ್ತರಿಗೆ 18 ಗಂಟೆಯೊಳಗೆ ವೆಂಕಟೇಶ್ವರ ದರ್ಶನ ಸಿಗಲಿದೆ. 300 ರೂಪಾಯಿಗಳ ವಿಶೇಷ ದರ್ಶನದ ಟಿಕೆಟ್ ಖರೀದಿಸಿರುವ ಭಕ್ತರು ನಾಲ್ಕೈದು ಗಂಟೆಯೊಳಗೆ ಸ್ವಾಮಿಯ ದರ್ಶನ ಪಡೆಯಲಿದ್ದಾರೆ.

ಶುಕ್ರವಾರ (ಜನವರಿ 26) 71,664 ಭಕ್ತರು ತಿರುಮಲ ಶ್ರೀಗಳ ದರ್ಶನ ಪಡೆದಿದ್ದಾರೆ. 33,330 ಭಕ್ತರು ತಾಲನಿಲ ಸಮರ್ಪಿಸಿದ್ದಾರೆ. ತಿರುಮಲ ತಿರುಪತಿ ದೇವಸ್ಥಾನದಲ್ಲಿ ಹುಂಡಿಯಲ್ಲಿ 3.37 ಕೋಟಿ ರೂಪಾಯಿ ಕಾಣಿಕೆಯ ರೂಪವಾಗಿ ಬಂದಿದೆ ಎಂದು ಟಿಟಿಡಿ ಅಧಿಕಾರಿಗಳು ತಿಳಿಸಿದ್ದಾರೆ. ಟೈಮ್ ಸ್ಲಾಟ್ ಟಿಕೆಟ್ ಪಡೆಯದ ಭಕ್ತರು ತಿಮ್ಮಪ್ಪನ ದರ್ಶನ ಪಡೆಯಲು ಹೆಚ್ಚು ಸಮಯ ತೆಗೆದುಕೊಳ್ಳುತ್ತಾರೆ ಎಂದು ಹೇಳಲಾಗುತ್ತಿದೆ. ಶುಕ್ರವಾರದಿಂದ ಭಾನುವಾರದವರೆಗೆ ಸತತ ರಜೆ ಇರುವುದರಿಂದ ತಿರುಮಲದಲ್ಲಿ ಸಂಚಾರ ದಟ್ಟಣೆ ಹೆಚ್ಚಾಗಿದೆ ಎಂದು ಟಿಟಿಡಿ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.

ಗೋವಿಂದರಾಜಸ್ವಾಮಿಯ ತೆಪ್ಪೋತ್ಸವ

ತಿರುಪತಿಯ ಶ್ರೀ ಗೋವಿಂದರಾಜಸ್ವಾಮಿಯ ತೆಪ್ಪೋತ್ಸವ ಫೆಬ್ರವರಿ 17 ರಿಂದ ಆರಂಭವಾಗಲಿದೆ. ಫೆ.23 ರವರೆಗೆ ಒಟ್ಟು 7 ದಿನಗಳ ಕಾಲ ಉತ್ಸವ ನಡೆಯಲಿದೆ. ಪ್ರತಿದಿನ ಸಂಜೆ 6 ರಿಂದ ರಾತ್ರಿ 8 ರವರೆಗೆ ಸ್ವಾಮಿ ತೆಪ್ಪದಲ್ಲಿ ದೇವತೆಗಳ ಸಮೇತ ಕುಳಿತು ಭಕ್ತರಿಗೆ ದರ್ಶನ ನೀಡಲಿದ್ದಾರೆ. ನಂತರ ದೇವಸ್ಥಾನದ ನಾಲ್ಕು ಬೀದಿಗಳಲ್ಲಿ ಭಕ್ತಾದಿಗಳಿಗೆ ರಥೋತ್ಸವ ಮೂಲಕ ಆರ್ಶೀರ್ವಚನ ನೀಡಲಾಗುತ್ತದೆ.

ಫೆಬ್ರವರಿ 17 ರಂದು ಶ್ರೀ ಕೋದಂಡರಾಮಸ್ವಾಮಿ - 5 ಸುತ್ತುಗಳು

ಫೆಬ್ರವರಿ 18 ರಂದು ಶ್ರೀ ಪಾರ್ಥಸಾರಥಿಸ್ವಾಮಿ - 5 ಸುತ್ತುಗಳು

ಫೆಬ್ರವರಿ 19 ರಂದು ಶ್ರೀ ಕಲ್ಯಾಣ ವೆಂಕಟೇಶ್ವರ ಸ್ವಾಮಿ - 5 ಸುತ್ತುಗಳು

ಫೆಬ್ರವರಿ 20 ರಂದು ಆಂಡಾಳ್ ಅಮ್ಮನವರ ಸಹಿತ ಶ್ರೀಕೃಷ್ಣ ಸ್ವಾಮಿ - 5 ಸುತ್ತುಗಳು

ಫೆಬ್ರವರಿ 21, 22 ಹಾಗೂ 23 ರಂದು ಶ್ರೀ ಗೋವಿಂದರಾಜಸ್ವಾಮಿ - 7 ಸುತ್ತುಗಳು

ಹಿಂದೂ ಧರ್ಮಪ್ರಚಾರ ಪರಿಷತ್ತು ಹಾಗೂ ಅನ್ನಮಾಚಾರ್ಯ ಪ್ರಾಜೆಕ್ಟ್ ಆಶ್ರಯದಲ್ಲಿ ಭಜನ, ಹರಿಕಥೆ, ಸಂಗೀತ ಕಾರ್ಯಕ್ರಮಗಳನ್ನು ಆಯೋಜಿಸಲಾಗುತ್ತದೆ ಎಂದು ಅಧಿಕಾರಿಗಳು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ. (This copy first appeared in Hindustan Times Kannada website. To read more like this please logon to kannada.hindustantime.com).