ತಿರುಪತಿ ತಿಮ್ಮಪ್ಪನ ಭಕ್ತರೇ ಗಮನಿಸಿ; ಫೆಬ್ರವರಿ ತಿಂಗಳ ತಿರುಮಲ ವಿಶೇಷ ದರ್ಶನದ ಟಿಕೆಟ್ ಬಿಡುಗಡೆ

ತಿರುಪತಿ (ಆಂಧ್ರಪ್ರದೇಶ): ನೀವೇನಾದರೂ ತಿರುಪತಿಯ ತಿಮ್ಮಪ್ಪ ದರ್ಶನ ಪಡೆಯಲು ಹೋಗುವ ಪ್ಲಾನ್ ಮಾಡಿಕೊಂಡಿದ್ದರೆ ತಿರುಮಲ ತಿರುಪತಿ ದೇವಸ್ಥಾನ-ಟಿಟಿಡಿ (TTD), ವೆಂಕೇಶ್ವರನ ದರ್ಶನದ ಬಗ್ಗೆ ಅಪ್ಡೇಟ್ ನೀಡಿದೆ. ಫೆಬ್ರವರಿ ತಿಂಗಳ ವಿಶೇಷ ದರ್ಶನದ ಟಿಕೆಟ್‌ಗಳನ್ನು ಬಿಡುಗಡೆ ಮಾಡಿದೆ. ಜನವರಿ 24ರ ಬೆಳಗ್ಗೆ 10 ಗಂಟೆಗೆ ತಿರುಪತಿಯ ಅಧಿಕೃತ ವೆಬ್‌ಸೈಟ್ https://ttdevasthanams.ap.gov.in/. ನಲ್ಲಿ ಬಿಡುಗಡೆ ಮಾಡಲಾಗಿದೆ. ಆಸಕ್ತರು ಇಲ್ಲಿಗೆ ಭೇಟಿ ನೀಡಿ ಆನ್‌ಲೈನ್ ಮೂಲಕ 300 ರೂಪಾಯಿಗಳ ವಿಶೇಷ ದರ್ಶನದ ಟಿಕೆಟ್‌ಗಳನ್ನು ಬುಕ್ ಮಾಡಿಕೊಳ್ಳಬಹುದು.

ದೇವಸ್ಥಾನದಲ್ಲಿ ರೂಂಗಳ ಕೋಟಾವನ್ನು ಕೂಡ ಇದೇ ದಿನ (ಜನವರಿ 24, ಬುಧವಾರ) ಬಿಡುಗಡೆ ಮಾಡಲಾಗಿದೆ. ಟಿಟಿಡಿಯ ವೆಬ್‌ಸೈಟ್‌ನಲ್ಲೇ ರೂಂಗಳನ್ನು ಬುಕ್ ಮಾಡಿಕೊಳ್ಳಬಹುದು. ಕಲ್ಯಾಣೋತ್ಸವ, ಅರ್ಜಿತ ಬ್ರಹ್ಮೋತ್ಸವ, ಉಂಜಲ್ ಸೇವೆ, ಸಹಸ್ರ ದೀಪಾಲಂಕಾರ ಸೇವೆಯ ಟಿಕೆಟ್‌ಗಳನ್ನು ಜನವರಿ 22 ರ ಬೆಳಗ್ಗೆ 10 ಗಂಟೆಗೆ ಬಿಡುಗಡೆ ಮಾಡಲಾಗಿದೆ. ವರ್ಚುವಲ್ ಸೇವೆಗಳ ಟಿಕೆಟ್‌ಗಳನ್ನು ಜನವರಿ 22 ರ ಮಧ್ಯಾಹ್ನ 3 ಗಂಟೆಗೆ ರಿಲೀಸ್ ಮಾಡಲಾಗಿದೆ. ಶ್ರೀವಾರಿಯ ವಾರ್ಷಿಕ ವಸಂತ ಹಬ್ಬ ಏಪ್ರಿಲ್‌ನಲ್ಲಿ ನಡೆಯಲಿದೆ.

ಉರುಳು ಸೇವೆಯ ಕೋಟವನ್ನು ಜನವರಿ 23ರ ಬೆಳಗ್ಗೆ 10 ಗಂಟೆಗೆ ಬಿಡುಗಡೆ ಮಾಡಲಾಗಿದೆ. ಶ್ರೀವಾಣಿ ಟ್ರಸ್ಟ್ ಬ್ರೇಕ್ ದರ್ಶನ, ರೂಂ ಕೋರ್ಟಾವನ್ನು ಇದೇ ದಿನ ಬೆಳಗ್ಗೆ 11 ಗಂಟೆಗೆ ರಿಲೀಸ್ ಮಾಡಲಾಗಿದೆ. ಹಿರಿಯ ನಾಗರಿಕರ ಕೋಟಾವನ್ನು ಜನವರಿ 23 ರ ಮಧ್ಯಾಹ್ನ 3 ಗಂಟೆಗೆ ಬಿಡುಗಡೆ ಮಾಡಲಾಗಿದೆ. ಏಪ್ರಿಲ್ ತಿಂಗಳ ತಿರುಮಲ ತಿರುಪತಿ ಶ್ರೀವಾರಿ ಸೇವಾ ಕೋಟಾ ಟಿಕೆಟ್‌ಗಳನ್ನು ಜನವರಿ 27ರ ಸನಿವಾರ ಬೆಳಗ್ಗೆ 11 ಗಂಟೆಗೆ ಬಿಡುಗಡೆ ಮಾಡಲಾಗಿದೆ.ನವನೀತಾ ಸೇವೆಯ ಕೋಟಾ ಟಿಕೆಟ್‌ಗಳನ್ನು ಅಂದು ಮಧ್ಯಾಹ್ನ 12 ಗಂಟೆಗೆ, ಪರಕಾಮಣಿ ಸೇವಾ ಕೋಟಾ ಮಧ್ಯಾಹ್ನ 1 ಗಂಟೆಗೆ ಟಿಟಿಡಿಯ ವೆಬ್‌ಸೈಟ್‌ನಲ್ಲಿ ಲಭ್ಯಇವೆ. (This copy first appeared in Hindustan Times Kannada website. To read more like this please logon to kannada.hindustantime.com).