Viral Video: ಕಂದಕದಿಂದ ರಕ್ಷಿಸಿದ ಸಿಬ್ಬಂದಿಗೆ ಮುದ್ದಾಗಿ ಧನ್ಯವಾದ ಹೇಳಿದ ಆನೆಮರಿ; ವೈರಲ್‌ ಆಯ್ತು ಹೃದಯಸ್ಪರ್ಶಿ ವಿಡಿಯೊ

ಪ್ರಾಣಿಗಳನ್ನು ಅದರಲ್ಲೂ ತೀರಾ ಅಪಾಯದಲ್ಲಿ ಸಿಲುಕಿರುವ ಪುಟ್ಟ ಪುಟ್ಟ ಪ್ರಾಣಿ, ಪಕ್ಷಿಗಳನ್ನು ರಕ್ಷಿಸುವ ವಿಡಿಯೊಗಳು, ಫೋಟೊಗಳನ್ನು ನೋಡಿದಾಗ ಹೃದಯ ಕಲುಕದೇ ಇರದು. ಇಂತಹ ವಿಡಿಯೊಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಆಗಾಗ ನೋಡುತ್ತಿರುತ್ತೇವೆ. ಈಗ ಅಂತಹದ್ದೇ ವಿಡಿಯೊವೊಂದು ವೈರಲ್‌ ಆಗುತ್ತಿದೆ. ಟ್ವಿಟರ್‌ನಲ್ಲಿ ಹಂಚಿಕೊಂಡಿರುವ ಈ ವಿಡಿಯೊ ನೋಡಿ ನಿಮ್ಮ ಮುಖದಲ್ಲಿ ನೆಮ್ಮದಿ ನಗು ಮೂಡುವುದರಲ್ಲಿ ಎರಡು ಮಾತಿಲ್ಲ. ಕಂದಕಕ್ಕೆ ಬಿದ್ದ ಮುದ್ದಾದ ಪುಟ್ಟ ಆನೆಯೊಂದು ತನ್ನನ್ನು ರಕ್ಷಿಸಿದ ಮೇಲೆ ಹೇಗೆ ಪ್ರತಿಕ್ರಯಿಸುತ್ತದೆ ಎಂಬುದನ್ನು ನೋಡಲು ನೀವು ಈ ವಿಡಿಯೊವನ್ನು ನೋಡಲೇಬೇಕು. ಆ ಆನೆ ಮರಿಯ ಪ್ರತಿಕ್ರಿಯೆ ನಿಜಕ್ಕೂ ಅದ್ಭುತ ಎನ್ನಿಸುವುದರಲ್ಲಿ ಎರಡು ಮಾತಿಲ್ಲ. ಇದು ನಿಮ್ಮ ಹೃದಯವನ್ನು ಅರಳುವಂತೆ ಮಾಡುತ್ತದೆ.

ಸುಸಂತ ನಂದಾ ಎಂಬ ಐಎಎಸ್‌ ಅಧಿಕಾರಿಯೊಬ್ಬರು ತಮ್ಮ ಟ್ವಿಟರ್‌ ಖಾತೆಯಲ್ಲಿ ಈ ವಿಡಿಯೊವನ್ನು ಹಂಚಿಕೊಂಡಿದ್ದಾರೆ. ʼಕಿಯೋಂಜಾರ್‌ ಜಿಲ್ಲೆಯ ಚಂಪುವಾ ಶ್ರೇಣಿಯ ಸಿಬ್ಬಂದಿಯು ತೆರೆದ ಬಾವಿಯಿಂದ ಪುಟ್ಟ ಆನೆ ಮರಿಯನ್ನು ರಕ್ಷಿಸಿದ್ದಾರೆ. ಕೊನೆಯಲ್ಲಿ ಅದು ಯಾವ ರೀತಿ ಕೃತಜ್ಞತೆ ಸಲ್ಲಿಸಿದೆ ನೋಡಿʼ ಎಂದು ಶೀರ್ಷಿಕೆ ಬರೆದುಕೊಂಡು ವಿಡಿಯೊ ಪೋಸ್ಟ್‌ ಮಾಡಿದ್ದಾರೆ.

ಆನೆ ಮರಿಯನ್ನು ರಕ್ಷಿಸುವ ವಿಡಿಯೊದಲ್ಲಿ ಏನಿದೆ?

ಈ ವಿಡಿಯೊದ ಆರಂಭದಲ್ಲಿ ಆನೆಮರಿಯು ಕಂದಕದೊಳಗೆ ಸಿಲುಕಿರುವುದನ್ನು ಕಾಣಬಹುದಾಗಿದೆ. ಶೀಘ್ರದಲ್ಲಿ ರಕ್ಷಣಾ ಸಿಬ್ಬಂದಿ ಆನೆಮರಿಯನ್ನು ಮೇಲೆತ್ತಲು ಜೆಸಿಬಿ ವಾಹನವನ್ನು ಬಳಸುತ್ತಾರೆ. ಕಂದಕದಿಂದ ಮೇಲಿತ್ತಿದ ತಕ್ಷಣ ಮರಿ ಕಾಡಿನತ್ತ ನಡೆಯಲು ಆರಂಭಿಸುತ್ತದೆ. ಹೀಗೆ ನಡೆಯುತ್ತಿರುವ ಮರಿ ಒಮ್ಮೆಲೆ ಹಿಂದಿರುಗಿ ಧನ್ಯವಾದ ಸಮರ್ಪಿಸುವಂತೆ ಅಲ್ಲಿರುವವರ ಕಡೆ ನೋಡುತ್ತದೆ. ರಕ್ಷಣಾ ತಂಡವರು ಆನೆಗೆ ಬಾಯ್‌ ಹೇಳಿ ಖುಷಿಯಿಂದ ಕಳುಹಿಸುವುದರೊಂದಿಗೆ ವಿಡಿಯೊ ಮುಕ್ತಾಯವಾಗುತ್ತದೆ.

ಈ ಸುಂದರ ವಿಡಿಯೊವನ್ನು ನೀವೂ ನೋಡಿ

ವಿಡಿಯೊ ನೋಡಿದ್ರಾ, ಖಂಡಿತ ನಿಮ್ಮ ಮುಖದಲ್ಲಿ ಒಂದು ನಗೆ ಅರಳಿರಬೇಕು ಅಲ್ವಾ? ವಿಡಿಯೊದ ಕೊನೆಯ ಭಾಗವನ್ನು ನೀವು ಪುನಾರ್ವತಿಸಿ ನೋಡಿರುತ್ತೀರಿ. ಈ ಹೃದಯಸ್ಪರ್ಶಿ ವಿಡಿಯೊಗೆ ಹಲವರು ಲೈಕ್‌, ಕಾಮೆಂಟ್‌ ಮಾಡಿದ್ದಾರೆ. ಆ ಮೂಲಕ ತಮ್ಮ ಪ್ರೀತಿ ತುಂಬಿದ ಪ್ರತಿಕ್ರಿಯೆಗಳನ್ನು ತಿಳಿಸಿದ್ದಾರೆ.

ಹೀಗಿದೆ ನೋಡಿ ರಿಯಾಕ್ಷನ್‌

ʼವಾವ್‌ ಸ್ವೀಟ್‌ʼ ಎಂದ ಟ್ವಿಟರ್‌ ಬಳಕೆದಾರರೊಬ್ಬರು ಕಾಮೆಂಟ್‌ ಮಾಡಿದ್ದಾರೆ. ʼಸುಂದರ. ಸಿಬ್ಬಂದಿ ಹಾಗೂ ಆನೆ ಮರಿ ಇಬ್ಬರಿಗೂ ವಂದನೆ, ಇದು ನಿಜಕ್ಕೂ ಅದ್ಭುತʼ ಎಂದು ಇನ್ನೊಬ್ಬರು ಕಾಮೆಂಟ್‌ ಮಾಡಿದ್ದಾರೆ. ʼಶ್ಲಾಘನೀಯ ಕೆಲಸʼ ಎಂದು ಮೂರನೇ ವ್ಯಕ್ತಿ ಹೊಗಳಿಸಿದ್ದಾರೆ. ʼವಾವ್‌, ಅವನು ಹಿಂದೆ ತಿರುಗಿ ಕೃತಜ್ಞತೆ ಹೇಳಿದʼ ಎಂದು ನಾಲ್ಕನೇ ವ್ಯಕ್ತಿ ಕಾಮೆಂಟ್‌ ಮಾಡಿದ್ದಾರೆ.

ಕೆಲವು ದಿನಗಳ ಹಿಂದೆ ಈ ವಿಡಿಯೊ ಕ್ಲಿಪ್‌ ಅನ್ನು ಹಂಚಿಕೊಳ್ಳಲಾಗಿತ್ತು. ಅಂದಿನಿಂದ ಸುಮಾರು 37 ಸಾವಿರಕ್ಕೂ ಅಧಿಕ ಮಂದಿ ಈ ವಿಡಿಯೊವನ್ನು ನೋಡಿದ್ದಾರೆ. 1000ಕ್ಕೂ ಹೆಚ್ಚು ಜನ ವಿಡಿಯೊವನ್ನು ಲೈಕ್‌ ಮಾಡಿದ್ದಾರೆ.

ಇದನ್ನೂ ಓದಿ:

Viral News: ದೆಹಲಿಯಲ್ಲಿ ಬೈಕ್‌ ಓಡಿಸುತ್ತಾ ಎದುರು ಬದುರು ಕುಳಿತು ರೊಮ್ಯಾನ್ಸ್‌ ಮಾಡಿದ ಜೋಡಿ; ಪೊಲೀಸರ ಪ್ರತಿಕ್ರಿಯೆ ಹೀಗಿತ್ತು ನೋಡಿ

Delhi: ಇತ್ತೀಚೆಗೆ ಬೈಕ್‌ ಸ್ಟಂಟ್‌ ಮಾಡುವ ಚಟ ಯುವಜನರಲ್ಲಿ ಹೆಚ್ಚುತ್ತಿದೆ. ಪ್ರೇಮಿಗಳಿಬ್ಬರು ಬೈಕ್‌ನಲ್ಲಿ ಎದುರು ಬದುರು ಕುಳಿತು ಬೈಕ್‌ ಓಡಿಸುತ್ತಾ ರೊಮ್ಯಾನ್ಸ್‌ ಮಾಡಿದ ವಿಡಿಯೊ ಒಂದು ಈಗ ಸಾಕಷ್ಟು ವೈರಲ್‌ ಆಗುತ್ತಿದೆ. ದೆಹಲಿಯಲ್ಲಿ ನಡೆದ ಈ ಘಟನೆಗೆ ಅಲ್ಲಿನ ಸಾರ್ವಜನಿಕರು ಮಾತ್ರವಲ್ಲದೇ ಪೊಲೀಸರು ಪ್ರತಿಕ್ರಿಯಿಸಿದ್ದಾರೆ. ಅವರ ಪ್ರತಿಕ್ರಿಯೆ ಹೀಗಿದೆ ನೋಡಿ.

ಸುದ್ದಿಯನ್ನು ಪೂರ್ತಿ ಓದಲು ಇಲ್ಲಿದೆ ಲಿಂಕ್‌