Viral: ಕಾರ್ಪೋರೇಟ್‌ ಜಗತ್ತಿಗೆ ಬಾಯ್‌ ಹೇಳಿ, ವಡಾ ಪಾವ್‌ಗೆ ಹಾಯ್‌ ಎಂದ ಬೆಂಗಳೂರು ಯುವಕ; ನಿಮ್‌ ಲೈಫ್‌ ಸೂಪರ್‌ ಗುರು ಅಂದ್ರು ನೆಟ್ಟಿಗರು

ಸಿಲಿಕಾನ್‌ ಸಿಟಿ ಎಂದೇ ಕರೆಸಿಕೊಳ್ಳುವ ಬೆಂಗಳೂರು ಹಲವು ವಿಚಾರಗಳಿಂದ ಆಗಾಗ ಸುದ್ದಿಯಲ್ಲಿರುತ್ತದೆ. ಬೆಂಗಳೂರಿನ ಅದೆಷ್ಟೋ ವಿಚಾರಗಳು ಮೀಮ್‌ಗಳಾಗಿ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತವೆ. ಬೆಂಗಳೂರು ಬ್ಯುಸಿ ಸಿಟಿ. ಇಲ್ಲಿ ರಾತ್ರಿ, ಹಗಲಿನ ವ್ಯತ್ಯಾಸ ತಿಳಿಯುವುದು ಕಷ್ಟ. ಬೆಂಗಳೂರು ಬದುಕಿನಲ್ಲಿನ ಕೆಲವು ಕಥೆಗಳು ವೈರಲ್‌ ಆಗುವುದೂ ಇದೆ.

ಬೆಂಗಳೂರಿನಲ್ಲಿ ನಿಮಗೆ ಸಿಗುವ ಒಬ್ಬೊಬ್ಬರು ವ್ಯಕ್ತಿಗಳು ಒಂದೊಂದು ರೀತಿಯ ಕಥೆ ಹೊಂದಿರುತ್ತಾರೆ. ಇತ್ತೀಚಿಗೆ ಬೆಂಗಳೂರಿನಲ್ಲಿ ಮಾಜಿ ಆರ್ಕಿಟೆಕ್ಟ್‌ ಒಬ್ಬರು ವಡಾ ಪಾವ್‌ ಮಾರುತ್ತಿರುವ ಸುದ್ದಿ ಹಾಗೂ ವೈರಲ್‌ ಆಗುತ್ತಿದೆ. ಇವರ ಬಗ್ಗೆ ಎಕ್ಸ್‌ನಲ್ಲಿ ವ್ಯಕ್ತಿಯೊಬ್ಬರು ಪೋಸ್ಟ್‌ ಮಾಡಿದ್ದಾರೆ.

ವಿಶ್ವಾಸ್‌ ಎನ್ನುವ ಎಕ್ಸ್‌ ಬಳಕೆದಾರರೊಬ್ಬರು ವ್ಯಕ್ತಿಯೊಬ್ಬರ ಫೋಟೊ ಹಂಚಿಕೊಂಡಿದ್ದಾರೆ. ಪೋಸ್ಟ್‌ನಲ್ಲಿ ಹಂಚಿಕೊಳ್ಳಲಾದ ಫೋಟೊದಲ್ಲಿರುವ ವ್ಯಕ್ತಿಯು ಕೈಯಲ್ಲಿ ಒಂದು ಬೋರ್ಡ್‌ ಹಿಡಿದಿದ್ದಾರೆ. ಅದರಲ್ಲಿ ನಾನು ಸೂಪರ್‌ ಹೀರೋ ಅಲ್ಲ. ಆದರೆ ವಡಾ ಪಾವ್‌ನೊಂದಿಗೆ ದಿನ ಕಳೆಯಬಲ್ಲೆʼ ಎಂದು ಬರೆದುಕೊಂಡಿದ್ದಾರೆ. ಅಲ್ಲದೆ ಅವರು ತಮ್ಮ ಬೈಕ್‌ ಮೇಲೆ ಆಹಾರಗಳ ಪ್ಯಾಕ್‌ ಅನ್ನು ಇರಿಸಿಕೊಂಡಿರುವುದನ್ನು ಕಾಣಬಹುದಾಗಿದೆ. ವಿಶ್ವಾಸ್‌ ತಮ್ಮ ಪೋಸ್ಟ್‌ನೊಂದಿಗೆ ಅವರ ಬಗ್ಗೆ ಹೀಗೆ ಬರೆದುಕೊಂಡಿದ್ದಾರೆ. ಎಚ್‌ಎಸ್‌ಆರ್‌ನ ಜುಡಿಯೊ ಬಳಿ ಈ ವ್ಯಕ್ತಿಯನ್ನು ನಾನು ಭೇಟಿ ಮಾಡಿದೆ. ನಾನು ಆ ದಿನ ಶಾಪಿಂಗ್‌ನೊಂದಿಗೆ ವಡಾ ಪಾವ್‌ ಕೂಡ ಸವಿದೆ. ಆ ವ್ಯಕ್ತಿ ಮಾಜಿ ವಾಸ್ತುಶಿಲ್ಪಿ, ಈ ವಡಾ ಪಾವ್‌ ಮೂಲಕ ಬದುಕನ್ನು ಕಟ್ಟಿಕೊಂಡಿದ್ದಾರೆʼ ಎಂದು ಬರೆದುಕೊಂಡಿದ್ದಾರೆ.

ಇದನ್ನೂ ಓದಿ: Viral Video: ಜೋರಾಗಿ ಹಾಡು ಹಾಕಿದ್ದಕ್ಕೆ ಟೇಪ್‌ರೆಕಾರ್ಡರ್‌ ಕಿತ್ತು ಚಕ್ರದಡಿ ಇಟ್ಟ ಪೊಲೀಸ್‌; ನಿಂಗಿದು ಆಗಬೇಕಿತ್ತು ಅಂದ್ರು ನೆಟ್ಟಿಗರು

ಜನವರಿ 3ರಂದು ಇವರು ಈ ಪೋಸ್ಟ್‌ ಹಂಚಿಕೊಂಡಿದ್ದಾರೆ. ಈವರೆಗೆ 1100ಕ್ಕೂ ಅಧಿಕ ಮಂದಿ ಈ ಪೋಸ್ಟ್‌ ವೀಕ್ಷಿಸಿದ್ದಾರೆ.

ಕಾರ್ಪೋರೇಟ್‌ ಜಗತ್ತಿನಲ್ಲಿ ಬದುಕು ಸಾಗುತ್ತಿರುವ ಎಷ್ಟೋ ಜನರು ಸ್ವಾತಂತ್ರ ಬದುಕಿಗಾಗಿ ಹಂಬಲಿಸುವುದು ಸಹಜ. ದಿನಾ ಅದೇ ಆಫೀಸ್‌ ಅದೇ ಕೆಲಸ ಎಂದು ಗೋಗೆಯುವವರು ಇವರ ಐಡಿಯಾ ಫಾಲೋ ಮಾಡಬಹುದು ನೋಡಿ.

ಇದನ್ನೂ ಓದಿ

Viral Video: ಪ್ರೀ ವೆಡ್ಡಿಂಗ್​ ಫೋಟೊಶೂಟ್​ ವೇಳೆ ಅನೀರಿಕ್ಷಿತ ಅತಿಥಿಯಂತೆ ಬಂತು ಹಾವು; ಮುಂದೇನಾಯ್ತು ನೀವೇ ನೋಡಿ

ಕನಸಿನಲ್ಲಿ ಹಾವು ಕಂಡರೂ ಬೆಚ್ಚಿ ಬೀಳುವವರು ಅನೇಕರಿದ್ದಾರೆ. ಅಂತದ್ರಲ್ಲಿ ಇಲ್ಲೊಂದು ಹೊಸ ಜೋಡಿ ಫೋಟೋಶೂಟ್​ ಮಾಡಿಕೊಳ್ತಿರುವಾಗಲೇ ಹಾವಿನ ಆಗಮನವಾಗಿದೆ. ಹಾವನ್ನು ನೋಡಿದ ದಂಪತಿ ಏನು ಮಾಡಿದ್ರು..? ಈ ವೈರಲ್​ ವಿಡಿಯೋ ನೋಡಿ

ಈ ಸ್ಟೋರಿ ಪೂರ್ತಿ ಓದಲು ಇಲ್ಲಿ ಕ್ಲಿಕ್‌ ಮಾಡಿ