Viral: ಆರ್ಡರ್‌ ಮಾಡಿದ್ದು ಸೋನಿ ಹೆಡ್‌ಫೋನ್‌, ಬಂದಿದ್ದು ಟೂತ್‌ಪೇಸ್ಟ್‌; ಅನ್‌ಬಾಕ್ಸಿಂಗ್‌ ವಿಡಿಯೊದಲ್ಲಿ ಬಯಲಾಯ್ತು ಅಮೆಜಾನ್‌ ಅವಾಂತರ
Dec 12, 2023 03:10 PM IST
Share
ಅಮೆಜಾನ್‌ನಲ್ಲಿ ಸೋನಿ ಹೆಡ್‌ಫೋನ್‌ ಬುಕ್‌ ಮಾಡಿದ್ದ ವ್ಯಕ್ತಿಗೆ ಸಿಕ್ಕಿದ್ದು ಟೂತ್‌ಪೇಸ್ಟ್‌
- ಅಮೆಜಾನ್‌ನಲ್ಲಿ ಸೋನಿ ಹೆಡ್‌ಫೋನ್‌ ಆರ್ಡರ್‌ ಮಾಡಿದ್ದ ವ್ಯಕ್ತಿಗೆ ಸಿಕ್ಕಿದ್ದು ಕೋಲ್ಗೇಟ್‌ ಟೂತ್‌ಪೇಸ್ಟ್‌. ಸಾಮಾಜಿಕ ಜಾಲತಾಣದಲ್ಲಿ ಅನ್‌ಬಾಕ್ಸಿಂಗ್‌ ವಿಡಿಯೊ ಪೋಸ್ಟ್‌ ಮಾಡಿದ್ದ ವ್ಯಕ್ತಿಯ ಪೋಸ್ಟ್‌ಗೆ ಅಮೆಜಾನ್‌ ಉತ್ತರಿಸಿದ್ದು ಹೀಗೆ
ಇತ್ತೀಚಿನ ಬ್ಯುಸಿ ಲೈಫ್‌ನಲ್ಲಿ ಹೊರಗೆ ಹೋಗಿ ನಮಗೆ ಬೇಕೆನ್ನಿಸಿದ ವಸ್ತುಗಳನ್ನು ಖರೀದಿ ಮಾಡೋಕೆ ಸಮಯ ಸಿಗೊಲ್ಲ. ಅದಕ್ಕಾಗಿ ಆನ್‌ಲೈನ್‌ ಖರೀದಿ ಮೇಲೆ ಹೆಚ್ಚು ಗಮನ ಹರಿಸುತ್ತೇವೆ. ಆದ್ರೆ ಆನ್‌ಲೈನ್‌ ಅಥವಾ ಆಪ್‌ ಮೂಲಕ ಬುಕ್ಕಿಂಗ್‌ ಮಾಡಿರುವ ಆರ್ಡರ್‌ಗಳು ಕೆಲವೊಮ್ಮೆ ಎಡವಟ್ಟಿಗೆ ಕಾರಣವಾಗುತ್ತವೆ. ಇಲ್ಲೊಂದು ಅಂತಹದ್ದೇ ಪ್ರಕರಣ ನಡೆದಿದೆ.
ಅಮೆಜಾನ್‌ ಆಪ್‌ನಲ್ಲಿ ವ್ಯಕ್ತಿಯೊಬ್ಬರು ಸೋನಿ ಹೆಡ್‌ಫೋನ್‌ ಬುಕ್‌ ಮಾಡ್ತಾರೆ. ಆದರೆ ಆರ್ಡರ್‌ ಇವರ ಕೈ ಸೇರಿದ ಮೇಲೆ ಅದರಲ್ಲಿ ಇದಿದ್ದೇ ಬೇರೆ. ಆರ್ಡರ್‌ ಅನ್‌ಬಾಕ್ಸಿಂಗ್‌ ಮಾಡಿದಾಗ ಸೋನಿ ಕಂಪನಿಯ ಹೆಡ್‌ಫೋನ್‌ ಬದಲಿಗೆ ಟೂತ್‌ಪೇಸ್ಟ್‌ ಇದ್ದಿದ್ದನ್ನು ಕಂಡು ಆ ವ್ಯಕ್ತಿ ದಂಗಾಗಿದ್ದರು. ತಮ್ಮ ಆರ್ಡರ್‌ನ ಅನ್‌ಬಾಕ್ಸಿಂಗ್‌ ವಿಡಿಯೊ ಹಂಚಿಕೊಂಡಿರುವ ಆ ವ್ಯಕ್ತಿ ನಿರಾಸೆ ವ್ಯಕ್ತಪಡಿಸಿದ್ದಾರೆ. ಆದರೆ ಇವರ ವಿಡಿಯೊಗೆ ಅಮೆಜಾನ್‌ ತಕ್ಷಣಕ್ಕೆ ಟ್ವೀಟ್‌ ಮೂಲಕ ಉತ್ತರಿಸಿದೆ ಮತ್ತು ಈ ಸಮಸ್ಯೆಯನ್ನು ಶೀಘ್ರದಲ್ಲೇ ಪರಿಹಾರ ಮಾಡಲಾಗುವುದು ಎಂದು ಭರವಸೆ ನೀಡಿದೆ.
ಎಕ್ಸ್‌ನಲ್ಲಿ ವಿಡಿಯೊ ಹಂಚಿಕೊಂಡಿರುವ ಯಶ್‌ ಒಹುಜಾ ʼನಾನು ಆರ್ಡರ್‌ ಮಾಡಿದ್ದು ಸೋನಿ ಎಕ್ಸ್‌ಬಿ10ಎನ್‌ ಆದರೆ ನನಗೆ ಸಿಕ್ಕಿದ್ದು ಟೂತ್‌ಪೇಸ್ಟ್‌ʼ ಎಂದು ಬರೆದುಕೊಂಡಿದ್ದಾರೆ. ಈ ವಿಡಿಯೊದಲ್ಲಿ ಅವರು ಅನ್‌ಬಾಕ್ಸಿಂಗ್‌ ಮಾಡುತ್ತಿರುವುದನ್ನು ಕಾಣಬಹುದಾಗಿದೆ. ಅನ್‌ಬ್ಯಾಕ್ಸಿಂಗ್‌ ಮಾಡಿದಾಗ ಒಳಗಡೆ ಸೋನಿ ಹೆಡ್‌ಫೋನ್‌ನ ಬಾಕ್ಸ್‌ ಕಾಣಿಸುತ್ತದೆ. ಆದರೆ ಅದನ್ನು ಓಪನ್‌ ಮಾಡಿದ್ರೆ ಕಾಣೋದು ಕೋಲ್ಗೇಟ್‌ ಟೂತ್‌ಪೇಸ್ಟ್‌.
ಇವರ ಟ್ವೀಟ್‌ಗೆ ಅಮೆಜಾನ್‌ ಉತ್ತರ ನೀಡಿದ್ದು, ಬೇರೆ ಪ್ರಾಡ್ಟಕ್‌ ರಿಸೀವ್‌ ಆಗಿರುವುದಕ್ಕೆ ಕ್ಷಮೆ ಕೇಳಿದೆ. ಇನ್ನೊಂದು ಟ್ವೀಟ್‌ನಲ್ಲಿ ಯಶ್‌ ʼಇದು ನಿಜಕ್ಕೂ ಬ್ಯಾಡ್‌ ಎಕ್ಸ್‌ಪೀರಿಯೆನ್ಸ್‌. ನಾನು ಇನ್ನು ಮುಂದೆ ಎಂದಿಗೂ ಪ್ರೈಮ್‌ ಮೆಂಬರ್‌ಶಿಪ್‌ನಲ್ಲಿ ಮುಂದುವರಿಯುವುದಿಲ್ಲʼ ಎಂದು ಅವರು ಬರೆದುಕೊಂಡಿದ್ದಾರೆ.
ಇವರ ಈ ಟ್ವೀಟ್‌ಗೂ ರಿಪ್ಲೇ ನೀಡಿರುವ ಅಮೆಜಾನ್‌ ʼನಿಮ್ಮ ತೊಂದರೆ ನಮ್ಮ ಗಮನಕ್ಕೆ ಬಂದಿದೆ. ನಿಮಗಾಗಿರುವ ಸಮಸ್ಯೆಯನ್ನು ಆಧ್ಯತೆಯ ಮೇರೆಗೆ ಪರಿಹರಿಸಲಾಗುವುದು. ದಯವಿಟ್ಟು ನಾವು ನೀಡಿರುವ ಸಮಯದವರೆಗೆ ಕಾಯಿರಿʼ ಎಂದು ಉತ್ತರಿಸುವ ಮೂಲಕ ವಿನಂತಿ ಮಾಡಿದೆ.
ಯಶ್‌ರಂತೆ ನಮ್ಮಲ್ಲಿ ಹಲವರು ನಾವು ಆರ್ಡರ್‌ ಮಾಡಿರುವುದು ಒಂದಾದರೆ, ನಮಗೆ ಸಿಕ್ಕಿರುವುದು ಒಂದಾಗಿರುತ್ತದೆ. ಇಂತಹ ಘಟನೆಗಳು ನಡೆದಿರುವುದಕ್ಕೆ ಹಲವು ನಿದರ್ಶನಗಳಿರುತ್ತವೆ. ಕಳೆದ ಫೆಬ್ರುವರಿಯಲ್ಲಿ ಮಹಿಳೆಯೊಬ್ಬರು ತಾನು ಆರ್ಡರ್‌ ಮಾಡಿದ ಎಲೆಕ್ಟ್ರಿಕ್‌ ಟೂತ್‌ ಬ್ರಷ್‌ ಬದಲಿಗೆ ನಾಲ್ಕು ಎಂಡಿಎಚ್‌ ಮಸಾಲೆ ಪ್ಯಾಕೇಟ್‌ಗಳನ್ನು ಪಡೆದಿದ್ದರು.
ಇದನ್ನೂ ಓದಿ
Viral: ಇಡ್ಲಿ ಬೇಕಾ ಇಡ್ಲಿ, ಇದು ಆಪಲ್ ಇಡ್ಲಿ; ಇಡ್ಲಿ ಬಗ್ಗೆ ಅಸಹ್ಯ ಹುಟ್ಟಿಸಬೇಡಿ ಅಂದ್ರು ನೆಟ್ಟಿಗರು; ವೈರಲ್‌ ವಿಡಿಯೊ
ವ್ಯಾಪಾರಿಯೊಬ್ಬ ಸೇಬು ಹಣ್ಣಿನಿಂದ ತಯಾರಿಸಿದ ಇಡ್ಲಿಗಳನ್ನು ಬೇಯಿಸುತ್ತಿರುವ ವಿಡಿಯೊವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್‌ ಆಗಿದೆ. ಹಲವರು ಈ ವ್ಯಕ್ತಿಯ ಹೊಸ ಪ್ರಯೋಗದಿಂದ ಅಸಮಾಧಾನಗೊಂಡಿದ್ದಾರೆ. ಹಾಗಾದ್ರೆ ಆಪಲ್ ಇಡ್ಲಿ ಹೇಗಿರಬಹುದು?
ಈ ವೈರಲ್‌ ಸುದ್ದಿಯನ್ನು ಓದಲು ಇಲ್ಲಿ ಕ್ಲಿಕ್‌ ಮಾಡಿ
Viral: ನೀರಲ್ಲಿ ಮುಳುಗುತ್ತಿದ್ದ ವ್ಯಕ್ತಿ ಥಟ್ಟಂತ ಮೇಲೆ ಬರ್ತಾನೆ; ಇದಕ್ಕೆ ಕಾರಣ ನೋಡಿದ್ರೆ ನೀವು ನಗದೇ ಇರಲು ಸಾಧ್ಯವಿಲ್ಲ; ವೈರಲ್‌ ವಿಡಿಯೊ
ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆದ ಈ ವಿಡಿಯೊವನ್ನು ನೋಡಿದ್ರೆ ನೀವು ನಗದೇ ಇರಲು ಸಾಧ್ಯವಿಲ್ಲ. ನಾವು ನೀವು ಬಿಡಿ ಇದನ್ನು ಅಜಯ್‌ ದೇವಗನ್‌, ಅಕ್ಷಯ್‌ ಕುಮಾರ್‌ ನೋಡಿದ್ರೆ ತಲೆ ತಿರುಗೋದು ಖಂಡಿತ. ಹಾಗಾದ್ರೆ ಅದೆಂಥ ವಿಡಿಯೊ ನೋಡಿ.
ವಿಭಾಗ