Bharat NCAP vs Global: ಭಾರತ್ ಎನ್‍ಸಿಎಪಿ ಮತ್ತು ಗ್ಲೋಬಲ್‍ ಸಾಮ್ಯತೆ, ಭಿನ್ನತೆಗಳ 5 ಅಂಶ

ಭಾರತ್ ಹೊಸ ಕಾರು ಮೌಲ್ಯಮಾಪನ ಕಾರ್ಯಕ್ರಮ (ಭಾರತ್ ಎನ್‍ಸಿಎಪಿ - Bharat NCAP)ಕ್ಕೆ ಕೇಂದ್ರ ರಸ್ತೆ ಸಾರಿಗೆ ಮತ್ತು ಹೆದ್ದಾರಿ ಸಚಿವ ನಿತಿನ್ ಗಡ್ಕರಿ (Nitin Gadkari) ಇಂದು (ಆ.22) ಅಧಿಕೃತವಾಗಿ ಚಾಲನೆ ನೀಡಿದರು. ಇದು ಅಕ್ಟೋಬರ್ 1ರಿಂದ ಜಾರಿಗೆ ಬರಲಿದೆ.

ಭಾರತೀಯ ವಾಹನ ತಯಾರಕರು ತಮ್ಮ ವಾಹನಗಳನ್ನು ಆಟೋಮೋಟಿವ್ ಇಂಡಸ್ಟ್ರಿ ಸ್ಟ್ಯಾಂಡರ್ಡ್ (AIS) 197 ಮೂಲಕ ಪರೀಕ್ಷಿಸಲು ಅನುವು ಮಾಡಿಕೊಡುವ ಗುರಿಯನ್ನು ಬಹುನಿರೀಕ್ಷಿತ ಭಾರತ್ ಎನ್‍ಸಿಎಪಿ ಹೊಂದಿದೆ. ಇದಲ್ಲದೆ, ಇದು ಪ್ರಯಾಣಿಕರ ಸುರಕ್ಷತೆಯನ್ನು ಸುಧಾರಿಸಲು ಮತ್ತು ಭಾರತೀಯ ಆಟೋಮೊಬೈಲ್‌ಗಳ ರಫ್ತು-ಯೋಗ್ಯತೆಯನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ ಎಂದು ಸಚಿವರು ಹೇಳಿದರು.

ಭಾರತ್ ಎನ್‌ಸಿಎಪಿಯು ಗ್ಲೋಬಲ್ ಎನ್‌ಸಿಎಪಿಯಂತೆಯೇ ಇದ್ದರೂ, ಇದು ಅಸ್ತಿತ್ವದಲ್ಲಿರುವ ಭಾರತೀಯ ಚಾಲನಾ ಪರಿಸ್ಥಿತಿಗಳು ಮತ್ತು ನಿಬಂಧನೆಗಳನ್ನು ಗಣನೆಗೆ ತೆಗೆದುಕೊಳ್ಳುತ್ತದೆ. ಮೌಲ್ಯಮಾಪನಕ್ಕಾಗಿ ತಯಾರಕರು ಈಗಾಗಲೇ 30 ಕಾರು ಮಾದರಿಗಳನ್ನು ನೀಡಿದ್ದಾರೆ ಎಂದು ವರದಿ ಹೇಳಿದೆ.

ಗ್ಲೋಬಲ್‍ ಎನ್‍ಸಿಎಪಿ ಎಂದರೇನು

ಖಾಸಗಿ ಕಂಪನಿಯಿಂದ ನಡೆಸಲ್ಪಟ್ಟಿದೆ ಮತ್ತು ಪ್ರಪಂಚದಾದ್ಯಂತದ ವಿವಿಧ ದತ್ತಿಗಳು ಮತ್ತು ಕಾರ್ ಕಂಪನಿಗಳಿಂದ ಧನಸಹಾಯ ಪಡೆದಿದೆ, ಜಾಗತಿಕ ಎನ್‍ಸಿಎಪಿ ಪರೀಕ್ಷೆಗಳು 2013 ಲ್ಯಾಟಿನ್ ಎನ್‍ಸಿಎಪಿ ಪ್ರೋಟೋಕಾಲ್‌ಗಳನ್ನು ಆಧರಿಸಿವೆ. ಇದು ಸೀಮಿತ ಶ್ರೇಣಿಯ ಪರೀಕ್ಷೆಗಳನ್ನು ಮಾತ್ರ ಒಳಗೊಂಡಿದೆ. ಅಲ್ಲದೆ, ವಾಹನಗಳು ವಯಸ್ಕರ ಸುರಕ್ಷತೆಗಾಗಿ ಸ್ಟಾರ್ ರೇಟಿಂಗ್ ಮತ್ತು ಮಕ್ಕಳ ಸುರಕ್ಷತೆಯ ನಂತರದ ಪರೀಕ್ಷೆಗಳಿಗೆ ಸ್ಟಾರ್ ರೇಟಿಂಗ್ ಅನ್ನು ಪಡೆಯುತ್ತವೆ.

ಜಾಗತಿಕ ಎನ್‍ಸಿಎಪಿಯ ಮೆಟ್ರಿಕ್ಸ್

ಮುಖ್ಯ ಪರೀಕ್ಷೆಯು ಮುಂಭಾಗದ ಆಫ್‌ಸೆಟ್ ಅನ್ನು ಒಳಗೊಂಡಿರುತ್ತದೆ. ಅಲ್ಲಿ ವಾಹನವನ್ನು ಗಂಟೆಗೆ 64 ಮೈಲಿ ವೇಗದಲ್ಲಿ ಅಪಘಾತಕ್ಕೀಡು ಮಾಡುವಂತೆ ಚಲಾಯಿಸಲಾಗುತ್ತದೆ. ಇದರಲ್ಲಿ, 50 mph ವೇಗದಲ್ಲಿ 2 ಕಾರುಗಳ ನಡುವಿನ ಅಪಘಾತವನ್ನು ಅನುಕರಿಸಲು ವಾಹನ ಮತ್ತು ವಿರೂಪಗೊಳಿಸಬಹುದಾದ 40 ಪ್ರತಿಶತ ಅತಿಕ್ರಮವೆನಿಸುವ ತಡೆಗೋಡೆಯನ್ನು ಇರಿಸಿ ಮಾಡಲಾಗುತ್ತದೆ. ಜಾಗತಿಕ ಎನ್‍ಸಿಎಪಿ ಪ್ರಮಾಣೀಕರಣಕ್ಕೆ ಈ ಪರೀಕ್ಷೆ ಕಡ್ಡಾಯವಾಗಿದೆ. ಸೈಡ್ ಇಂಪ್ಯಾಕ್ಟ್ ಟೆಸ್ಟ್ ಮತ್ತು ಇತರೆ ಪರೀಕ್ಷೆಗಳು ಇದರಲ್ಲಿ ಇರುತ್ತವೆ.

ಭಾರತ್ ಎನ್‌ಸಿಎಪಿ ಮತ್ತು ಗ್ಲೋಬಲ್ ಎನ್‌ಸಿಎಪಿ ನಡುವಿನ ವ್ಯತ್ಯಾಸ - 5 ಪಾಯಿಂಟ್ಸ್

1. ಸೇಫ್ಟಿ ರೇಟಿಂಗ್ ಕೆಟಗರಿಗಳು - ಗ್ಲೋಬಲ್ ಎನ್‍ಸಿಎಪಿನಲ್ಲಿ, ವಾಹನವು ಕನಿಷ್ಟ 34 ಅಂಕಗಳನ್ನು ಪಡೆಯಬೇಕು - ಮುಂಭಾಗದ ಕ್ರ್ಯಾಶ್ ಪರೀಕ್ಷೆಗೆ 16 ಅಂಕಗಳು, ಅಡ್ಡ ಪರಿಣಾಮಕ್ಕಾಗಿ 16 ಮತ್ತು ಸೀಟ್‌ಬೆಲ್ಟ್ ಜ್ಞಾಪನೆಗಳಿಗಾಗಿ 2 ಅಂಕಗಳು ಇದ್ದು ವಯಸ್ಕ ಪ್ರಯಾಣಿಕರ ರಕ್ಷಣೆಗಾಗಿ 5-ಸ್ಟಾರ್ ಸುರಕ್ಷತಾ ರೇಟಿಂಗ್ ಪಡೆಯಬೇಕು. ಭಾರತ್ ಎನ್‌ಸಿಎಪಿಯಲ್ಲಿ, 5-ಸ್ಟಾರ್ ರೇಟಿಂಗ್ ಪಡೆಯಲು, ವಯಸ್ಕ ಪ್ರಯಾಣಿಕರ ರಕ್ಷಣೆಯಲ್ಲಿ ವಾಹನಕ್ಕೆ ಕನಿಷ್ಠ 27 ಪಾಯಿಂಟ್‌ಗಳ ಅಗತ್ಯವಿದೆ ಮತ್ತು ಮಕ್ಕಳ ಪ್ರಯಾಣಿಕರ ರಕ್ಷಣೆಯಲ್ಲಿ 41 ಪಾಯಿಂಟ್‌ಗಳ ಅಗತ್ಯವಿದೆ.
2. ಕ್ರ್ಯಾಶ್ ಟೆಸ್ಟಿಂಗ್‍ನ ವಿಧಗಳು – ಕ್ರ್ಯಾಶ್ ಪರೀಕ್ಷೆಗೆ ಬಂದಾಗ ಭಾರತ್ ಎನ್‍ಸಿಎಪಿ ಪ್ರೋಟೋಕಾಲ್‌ಗಳು ಜಾಗತಿಕ ಎನ್‍ಸಿಎಪಿ ಮಾನದಂಡಗಳಿಗೆ ಅನುಗುಣವಾಗಿರುತ್ತವೆ. ಆಫ್‌ಸೆಟ್ ಡಿಫಾರ್ಮೇಬಲ್ ಬ್ಯಾರಿಯರ್ ಫ್ರಂಟಲ್ ಇಂಪ್ಯಾಕ್ಟ್ ಟೆಸ್ಟ್, ಸೈಡ್ ಇಂಪ್ಯಾಕ್ಟ್ ಟೆಸ್ಟ್ ಮತ್ತು ಪೋಲ್ ಸೈಡ್ ಇಂಪ್ಯಾಕ್ಟ್ ಟೆಸ್ಟ್ ಸೇರಿ ಮೂರು ಪರೀಕ್ಷೆಗಳಿದ್ದು, ಇವು ವಾಹನಗಳ ಕ್ರ್ಯಾಶ್‌ವರ್ಥಿನೆಸ್ ಅನ್ನು ನಿರ್ಧರಿಸುತ್ತದೆ. ಭಾರತ್ ಎನ್‌ಸಿಎಪಿ ಆರು ಏರ್‌ಬ್ಯಾಗ್‌ಗಳು, ಎಲೆಕ್ಟ್ರಾನಿಕ್ ಸ್ಟೆಬಿಲಿಟಿ ಕಂಟ್ರೋಲ್ (ಇಎಸ್‌ಸಿ), ಪ್ರತಿ ಪ್ರಯಾಣಿಕರಿಗೆ ಮೂರು-ಪಾಯಿಂಟ್ ಸೀಟ್‌ಬೆಲ್ಟ್‌ಗಳು, ಸುಧಾರಿತ ತುರ್ತು ಬ್ರೇಕಿಂಗ್ ಸಿಸ್ಟಮ್‌ಗಳು ಇತ್ಯಾದಿಗಳ ಅಳವಡಿಸುವಿಕೆಯನ್ನು ಕಡ್ಡಾಯಗೊಳಿಸುತ್ತದೆ ಎಂದು ಆಟೋಎಕ್ಸ್ ವರದಿ ಮಾಡಿದೆ.
3. ಟಾಪ್ ಸ್ಪೀಡ್ - ಮೂರನೇ ಮಾನದಂಡವು ಗರಿಷ್ಠ ವೇಗಕ್ಕೆ ಸಂಬಂಧಿಸಿದ್ದು. ಭಾರತ್ ಎನ್‌ಸಿಎಪಿಗಾಗಿ, ಮುಂಭಾಗದ ಕ್ರ್ಯಾಶ್ ಪರೀಕ್ಷೆಯನ್ನು ಗಂಟೆಗೆ 64 ಕಿಮೀ ವೇಗದಲ್ಲಿ ನಡೆಸಲಾಗುತ್ತದೆ. ಮತ್ತೊಂದೆಡೆ, ಸೈಡ್ ಮತ್ತು ಪೋಲ್-ಸೈಡ್ ಇಂಪ್ಯಾಕ್ಟ್ ಪರೀಕ್ಷೆಗಳನ್ನು ಕ್ರಮವಾಗಿ ಗಂಟೆಗೆ 50 ಕಿ.ಮೀ. ಮತ್ತು ಗಂಟೆಗೆ 29 ಕಿ.ಮೀ. ವೇಗದಲ್ಲಿ ಮಾಡಲಾಗುತ್ತದೆ. ಇದು ಸ್ವಲ್ಪ ಬದಲಾವಣೆಗಳೊಂದಿಗೆ ಗ್ಲೋಬಲ್ ಎನ್‍ಸಿಎಪಿಯನ್ನು ಹೋಲುತ್ತದೆ.
4. ಕಾರಿನ ವೈರಟಿಗಳು- ಭಾರತ್ ಎನ್‌ಸಿಎಪಿ ಮಾನದಂಡಗಳು ಅವುಗಳ ಕಾರ್ಯಕ್ಷಮತೆಯ ಆಧಾರದ ಮೇಲೆ ಸಿಎನ್‌ಜಿ ಮತ್ತು ಇವಿಗಳನ್ನು ಪರೀಕ್ಷಿಸಲು ಮತ್ತು ‍ರೇಟಿಂಗ್ ನಿರ್ಧರಿಸಲು ಅನ್ವಯಿಸುತ್ತವೆ.
5. ಏಕೀಕೃತ ರೇಟಿಂಗ್ - ಗ್ಲೋಬಲ್ ಎನ್‌ಸಿಎಪಿಗಿಂತ ಭಿನ್ನವಾಗಿ, ಭಾರತ್ ಎನ್‌ಸಿಎಪಿ ವಾಹನಗಳಿಗೆ ಏಕೀಕೃತ ರೇಟಿಂಗ್ ನೀಡುತ್ತದೆ. ವಯಸ್ಕರು ಮತ್ತು ಮಕ್ಕಳಿಗಾಗಿ ಕ್ರ್ಯಾಶ್ ಪರೀಕ್ಷೆ ಫಲಿತಾಂಶಗಳನ್ನು ಸಂಯೋಜಿಸುತ್ತದೆ.

(India News, Auto News and Explainers from Hindustan Times Kannada. ಭಾರತದ, ವಿಶ್ವದ ಆಟೋ ನ್ಯೂಸ್‍ಗೆ ಸಂಬಂಧಿಸಿದ ಮತ್ತಷ್ಟು ಮಾಹಿತಿಗೆ kannada.hindustantimes.com ಜಾಲತಾಣ ನೋಡಿ)