UK parliament building: ಯುನೈಟೆಡ್‌ ಕಿಂಗ್ಡಂನ ಪಾರ್ಲಿಮೆಂಟ್‌ ಬಿಲ್ಡಿಂಗ್‌ ಕುಸಿಯಲಿದೆಯೇ? ಶಾಸನ ಪ್ರತಿನಿಧಿಗಳಿಂದ ಗಂಭೀರ ಎಚ್ಚರಿಕೆ
May 19, 2023 09:52 AM IST
Share
ಲಂಡನ್‌ನಲ್ಲಿರುವ ವೆಸ್ಟ್ಮಿನಿಸ್ಟರ್ ಅರಮನೆ.
UK parliament building: ಬ್ರಿಟಿಷ್ ಪ್ರಜಾಪ್ರಭುತ್ವದ ಶಕ್ತಿ ಕೇಂದ್ರವು "ಸೋರುತ್ತಿದೆ, ಗೋಡೆಯ ಕಲ್ಲುಗಳು ಉದುರತೊಡಗಿವೆ. ಬೆಂಕಿ ಅನಾಹುತದ ಅಪಾಯವನ್ನು ಎದುರಿಸುವ ಶಕ್ತಿಯೂ ಇಲ್ಲ. 2,500 ಕಡೆಗಳಲ್ಲಿ ಪ್ಯಾಚಪ್‌ ಕೆಲಸಗಳಾಗಿವೆ ಎಂಬುದನ್ನು ಸಂಸದೀಯ ಸಮಿತಿ ವರದಿ ಹೈಲೈಟ್‌ ಮಾಡಿದೆ.
ಬ್ರಿಟನ್‌ನ ಸಂಸತ್‌ ಭವನವಾಗಿರುವ ಪುರಾತನ ವೆಸ್ಟ್ಮಿನಿಸ್ಟರ್ ಅರಮನೆಗೆ 147 ವರ್ಷ. ಈಗ ಬ್ರಿಟನ್‌ನ ಶಾಸನ ಪ್ರತಿನಿಧಿಗಳು ಸಂಸತ್‌ ಭವನದ ಬಾಳ್ವಿಕೆಯ ಬಗ್ಗೆ ಎಚ್ಚರಿಕೆ ಘಂಟೆ ಬಾರಿಸಿ ಗಮನಸೆಳೆದಿದ್ದಾರೆ.
ಏನಾದರೂ ವಿಕೋಪ ಜರುಗಿದರೆ ಈ ಪುರಾತನ ವೆಸ್ಟ್ಮಿನಿಸ್ಟರ್ ಅರಮನೆ ಪತನವಾಗಲಿದೆ. ಇದು ನಿಜವಾಗಿಯೂ ಮತ್ತು ಸಂಭಾವ್ಯ ಅಪಾಯ ಎಂದು ಬ್ರಿಟನ್‌ನ ಶಾಸನ ಪ್ರತಿನಿಧಿಗಳು ಎಚ್ಚರಿಸಿದ್ದಾರೆ ಎಂದು HT ಕನ್ನಡದ ಮಾತೃತಾಣ ಹಿಂದುಸ್ತಾನ್‌ ಟೈಮ್ಸ್ ವರದಿ ಮಾಡಿದೆ.
ಯುಕೆಯ ಹೌಸ್ ಆಫ್ ಕಾಮನ್ಸ್ ಪಬ್ಲಿಕ್ ಅಕೌಂಟ್ಸ್ ಕಮಿಟಿಯ ವರದಿಯು ಬ್ರಿಟಿಷ್ ಪ್ರಜಾಪ್ರಭುತ್ವದ ಶಕ್ತಿ ಕೇಂದ್ರವು "ಸೋರುತ್ತಿದೆ, ಗೋಡೆಯ ಕಲ್ಲುಗಳು ಉದುರತೊಡಗಿವೆ. ಬೆಂಕಿ ಅನಾಹುತದ ಅಪಾಯವನ್ನು ಎದುರಿಸುವ ಶಕ್ತಿಯೂ ಇಲ್ಲ. 2,500 ಕಡೆಗಳಲ್ಲಿ ಪ್ಯಾಚಪ್‌ ಕೆಲಸಗಳಾಗಿವೆ ಎಂಬುದನ್ನು ವರದಿ ಹೈಲೈಟ್‌ ಮಾಡಿದೆ.
ಸಂಸತ್ತಿನ ಸಂಕೀರ್ಣದ ಭವಿಷ್ಯದ ಬಗ್ಗೆ ವಿವರಿಸಿರುವ ಸಮಿತಿಯು ದುರಸ್ತಿಗೆ "ವರ್ಷಗಳ ವಿಳಂಬ" ಆಗಿರುವುದನ್ನು ಟೀಕಿಸಿದೆ. ನವೀಕರಣ ಕಾರ್ಯವು ಅತ್ಯಂತ ನಿಧಾನವಾಗಿದೆ. ಹೆಚ್ಚಾಗಿ ಕಟ್ಟಡವನ್ನು "ಪ್ಯಾಚ್‌ಅಪ್" ಮಾಡಲು, ವಾರಕ್ಕೆ ಸುಮಾರು 2 ಮಿಲಿಯನ್ ಪೌಂಡ್‌ಗಳ (2.5 ಮಿಲಿಯನ್ ಅಮೆರಿಕ ಡಾಲರ್) ವೆಚ್ಚವಾಗಿದೆ ಎಂದು ಟೀಕಿಸಿದೆ.
"ಈ ಬೃಹತ್ ಕೆಲಸ ತಡವಾಗುವ ಮೊದಲು, ಈ ಕಾಮಗಾರಿ ಮಾಡಲು ನಿರ್ದಿಷ್ಟ ವೆಚ್ಚ ಮತ್ತು ಸಮಯದ ಸ್ಪಷ್ಟ ಚೌಕಟ್ಟನ್ನು" ಹೊಂದಿಸಬೇಕು. ರಾಜಕಾರಣಿಗಳು ಮತ್ತು ಸಂಸದೀಯ ಅಧಿಕಾರಿಗಳು ಈ ಕೆಲಸ ಮಾಡಬೇಕು ಎಂದು ಸಮಿತಿಯು ಒತ್ತಾಯಿಸಿದೆ. ಇಲ್ಲಿಯವರೆಗೆ, ಕಟ್ಟಡ ದುರಸ್ತಿ ವಿಚಾರದಲ್ಲಿ ಈ ಕಟ್ಟಡವನ್ನು ಬಳಸುವ ಸಾವಿರಾರು ಸಿಬ್ಬಂದಿ ಮತ್ತು ಸಂದರ್ಶಕರಿಗಿಂತ ಹೆಚ್ಚಾಗಿ ಸಂಸದರ ಮೇಲೆ ಕೇಂದ್ರೀಕರಿಸಲಾಗಿತ್ತು ಎಂದು ವರದಿ ಟೀಕಿಸಿದೆ.
ಹಲವಾರು ವರ್ಷಗಳ ಕಡಗಣನೆಯ ನಂತರ 2018 ರಲ್ಲಿ, ಹಲವಾರು ವರ್ಷಗಳ ಪ್ರಮುಖ ರಿಪೇರಿಗಳನ್ನು ಅನುಮತಿಸಲಾಯಿತು. ಹೀಗಾಗಿ 2020 ರ ಮಧ್ಯದ ವೇಳೆಗೆ ಸಂಸದರು ಕೆಲಕಾಲ ಈ ಕಟ್ಟಡದಿಂದ ಹೊರಗೆ ಉಳಿದಿದ್ದರು. ಈ ಸಂಕೀರ್ಣದ ಮೇಲ್ಛಾವಣಿಯ ಸೋರಿಕೆಗಳು, ಶತಮಾನದಷ್ಟು ಹಳೆಯದಾದ ಉಗಿ ಪೈಪ್‌ಗಳು ಒಡೆದುಹೋಗುವುದು ಮತ್ತು ಕಲ್ಲಿನ ತುಂಡುಗಳು ಸಾಂದರ್ಭಿಕವಾಗಿ ಕುಸಿಯುವುದು ಮುಂತಾದ ಪ್ರಮುಖ ಹಾನಿಗಳನ್ನು ಎದುರಿಸುತ್ತಿದೆ. ಯಾಂತ್ರಿಕ ಮತ್ತು ವಿದ್ಯುತ್ ವ್ಯವಸ್ಥೆಗಳನ್ನು ಕೊನೆಯದಾಗಿ 1940 ರಲ್ಲಿ ನವೀಕರಿಸಲಾಗಿತ್ತು ಎಂಬುದನ್ನು ವರದಿ ಉಲ್ಲೇಖಿಸಿದೆ.
ಭವಿಷ್ಯದ ಪೀಳಿಗೆಗೆ ಅದನ್ನು ಸಂರಕ್ಷಿಸಲು ವೆಸ್ಟ್ಮಿನಿಸ್ಟರ್ ಅರಮನೆಯ ದೊಡ್ಡ ಮತ್ತು ಸಂಕೀರ್ಣ ಮರುಸ್ಥಾಪನೆಗಾಗಿ ಯೋಜಿಸುತ್ತಿದ್ದಾರೆ. ಹೌಸ್ ಆಫ್ ಕಾಮನ್ಸ್ ಮತ್ತು ಹೌಸ್ ಆಫ್ ಲಾರ್ಡ್ಸ್ ಸದಸ್ಯರು ಈ ವರ್ಷದ ನಂತರ ಈ ಕುರಿತು ತೀರ್ಮಾನಿಸುವ ಸಾಧ್ಯತೆ ಇದೆ ಎಂದು ಅಧಿಕಾರಿಗಳು ಹೇಳಿದರು.
ಸಮಯೋಚಿತ ಪಾರದರ್ಶಕತೆ ಮತ್ತು ಆರೋಗ್ಯ ಮತ್ತು ಸುರಕ್ಷತಾ ಪ್ರೋಟೋಕಾಲ್‌ಗಳ ಅನುಸರಣೆ, ವಿಶೇಷವಾಗಿ ಕಲ್ನಾರಿನ ಸುತ್ತ, ಹೆಚ್ಚು ಮಹತ್ವದ ಕೆಲಸಗಳು, ಹೆಚ್ಚು ಗಂಭೀರ ಅಪಾಯ ಸಂಭವಿಸುವ ಮೊದಲು ತುರ್ತಾಗಿ ಸುಧಾರಿಸಬೇಕಾಗಿದೆ ಎಂದು ವರದಿ ಸೇರಿಸಲಾಗಿದೆ.
ವೆಸ್ಟ್‌ಮಿನಿಸ್ಟರ್‌ನ ಅರಮನೆಯು ವಾಸ್ತುಶಿಲ್ಪದ ಮೇರುಕೃತಿ ಎಂದು ಪರಿಗಣಿಸಲ್ಪಟ್ಟಿದೆ. ಇದು ಯುನೆಸ್ಕೊ ವಿಶ್ವ ಪರಂಪರೆಯ ತಾಣವಾಗಿದ್ದು ವರ್ಷಕ್ಕೆ 1 ಮಿಲಿಯನ್ ಜನರು ಭೇಟಿ ನೀಡುತ್ತಾರೆ. 1834 ರಲ್ಲಿ ಹಿಂದಿನ ಸಂಸತ್ತಿನ ಸಂಕೀರ್ಣ ಬೆಂಕಿ ಅವಘಡಕ್ಕೆ ಒಳಗಾಗಿ ಹಾನಿಗೀಡಾಗಿತ್ತು. ನಂತರ ಇದನ್ನು ವಾಸ್ತುಶಿಲ್ಪಿ ಚಾರ್ಲ್ಸ್ ಬ್ಯಾರಿ ಅವರು ನವ-ಗೋಥಿಕ್ ಶೈಲಿಯಲ್ಲಿ ವಿನ್ಯಾಸಗೊಳಿಸಿದರು.