ಅಂಬಾನಿ ಭಾವಿ ಸೊಸೆಯ ಭರತನಾಟ್ಯ ರಂಗಪ್ರವೇಶ.. ವಿಡಿಯೋ ನೋಡಿ

ಉದ್ಯಮಿ ಮುಖೇಶ್ ಅಂಬಾನಿ ಮತ್ತು ನೀತಾ ಅಂಬಾನಿ ದಂಪತಿಯ ಕಿರಿಯ ಪುತ್ರ ಅನಂತ್ ಅಂಬಾನಿಯನ್ನು ವರಿಸಲಿರುವ ಚೆಲುವೆ ರಾಧಿಕಾ ಮರ್ಚೆಂಟ್​ ಭರತನಾಟ್ಯದಲ್ಲಿ ರಂಗಪ್ರವೇಶ ಮಾಡಿದ್ದಾರೆ.

ಮುಂಬೈನ ಕುರ್ಲಾ ಕಾಂಪ್ಲೆಕ್ಸ್‌ನಲ್ಲಿರುವ ಜಿಯೋ ವರ್ಲ್ಡ್ ಸೆಂಟರ್‌ನಲ್ಲಿ ಜೂನ್​ 5 ಎಂದು ರಾಧಿಕಾ ಮರ್ಚೆಂಟ್ ಅವರು ತಮ್ಮ ಮೊದಲ ಏಕವ್ಯಕ್ತಿ ಭರತನಾಟ್ಯ ನೀಡಿದರು. ಅಂಬಾನಿ ಹಾಗೂ ಮರ್ಚೆಂಟ್ ಕುಟುಂಬ ಸದಸ್ಯರು, ಉದ್ಯಮ ವಲಯ, ಸಿನಿಮಾ, ರಾಜಕೀಯ, ಕ್ರೀಡಾ ಕ್ಷೇತ್ರದ ಗಣ್ಯರು ಸಮಾರಂಭದಲ್ಲಿ ಅತಿಥಿಗಳಾಗಿ ಹಾಜರಿದ್ದರು.

24 ವರ್ಷದ ರಾಧಿಕಾ ಮರ್ಚೆಂಟ್​ ಅವರು ಎನ್ಕೋರ್ ಹೆಲ್ತ್‌ಕೇರ್ ಸಿಇಒ ವೀರೇನ್ ಮರ್ಚೆಂಟ್ ಮತ್ತು ಶೈಲಾ ಮರ್ಚೆಂಟ್ ಅವರ ಪುತ್ರಿಯಾಗಿರುವ ರಾಧಿಕಾ ಮರ್ಚೆಂಟ್ ಓರ್ವ ಬಹುಮುಖ ಪ್ರತಿಭೆ. ಭಾರತೀಯ ಶಾಸ್ತ್ರೀಯ ನೃತ್ಯ ಕಲಾವಿದೆಯಾಗುರುವ ರಾಧಿಕಾ ತಮ್ಮ ನೃತ್ಯ ಶಿಕ್ಷಣವನ್ನು ಪೂರ್ಣಗೊಳಿಸಿ ರಂಗಪ್ರವೇಶ ಮಾಡಿದ್ದಾರೆ. ಶ್ರೀ ನಿಭಾ ಆರ್ಟ್ಸ್‌ನಲ್ಲಿ ಗುರು ಭಾವನಾ ಠಾಕರ್ ಅವರಿಂದ ಕಳೆದ 8 ವರ್ಷಗಳಿಂದ ರಾಧಿಕಾ ತರಬೇತಿ ಪಡೆದಿದ್ದಾರೆ.

ಕಾರ್ಯಕ್ರಮದಲ್ಲಿ ಸಾಂಪ್ರದಾಯಕ ಉಡುಗೆಯಲ್ಲಿ ಪಾಲ್ಗೊಂಡಿದ್ದ ಅತಿಥಿಗಳೆಲ್ಲರೂ ರಾಧಿಕಾ ಅವರ ಮೊದಲ ನೃತ್ಯ ಪ್ರದರ್ಶನ ನೋಡಿ ಮನಸೋತಿದ್ದಾರೆ. ಬಾಲಿವುಡ್​ ನಟರಾದ ಆಮಿರ್ ಖಾನ್​, ರಣವೀರ್ ಸಿಂಗ್​, ಸಲ್ಮಾನ್​ ಖಾನ್​ ಕೂಡ ಸಮಾರಂಭದಲ್ಲಿ ಭಾಗಿಯಾಗಿದ್ದರು.

ಮುಖೇಶ್​ ಅಂಬಾನಿ ಅವರ ಪತ್ನಿ ನೀತಾ ಅಂಬಾನಿ ಕೂಡ ಓರ್ವ ಭರತನಾಟ್ಯ ಕಲಾವಿದೆ. ಇದೀಗ ಅಂಬಾನಿ ಕುಟುಂಬಕ್ಕೆ ಮತ್ತೋರ್ವ ಕಲಾವಿದೆ ಸೇರ್ಪಡೆಯಾಗಿದ್ದಾರೆ.