Dollu: ಡೊಳ್ಳು ಚಿತ್ರಕ್ಕೆ ರಾಜಕಾರಣಿಗಳ ಮೆಚ್ಚುಗೆ; ಸಿದ್ದರಾಮಯ್ಯ ಬಳಿಕ ಬಿಜೆಪಿಗರಿಂದಲೂ ಸಿನಿಮಾ ವೀಕ್ಷಣೆ..

ಪವನ್‌ ಒಡೆಯರ್‌ ನಿರ್ಮಾಣ ಮಾಡಿರುವ "ಡೊಳ್ಳು" ಸಿನಿಮಾವನ್ನು ವಿಪಕ್ಷ ನಾಯಕ ಸಿದ್ದರಾಮಯ್ಯ ಬೆಂಗಳೂರಿನ ಒರಾಯನ್ ಮಾಲ್ ನಲ್ಲಿ ಇತ್ತೀಚೆಗಷ್ಟೇ ಕಣ್ತುಂಬಿಕೊಂಡು, ಚಿತ್ರದ ಬಗ್ಗೆ ಮೆಚ್ಚುಗೆ ಮಾತನಾಡಿದ್ದರು. ರಾಜಕೀಯದ ಜಂಜಡಗಳ ನಡುವೆಯೇ ಬಿಡುವು ಮಾಡಿಕೊಂಡು ಸಿನಿಮಾ ವೀಕ್ಷಣೆ ಮಾಡಿ ನಿರ್ದೇಶಕರ ಸಾಹಸಕ್ಕೆ ಸೈ ಎಂದಿದ್ದರು. ಇದೀಗ ಸಚಿವ ಮುರುಗೇಶ್‌ ನಿರಾಣಿ ಮತ್ತು ರಾಜ್ಯ ಬಿಜೆಪಿ ಉಪಾಧ್ಯಕ್ಷ ಬಿ. ವೈ ವಿಜಯೇಂದ್ರ ಸಹ ಸಿನಿಮಾ ನೋಡಿದ್ದಾರೆ. ಅಂದಹಾಗೆ ಈ ಸಿನಿಮಾ ಆಗಸ್ಟ್‌ 26ಕ್ಕೆ ಬಿಡುಗಡೆ ಆಗಲಿದೆ.