PKL Season 10: ಪ್ರೊ ಕಬಡ್ಡಿ ಲೀಗ್ ಆರಂಭಕ್ಕೆ ದಿನಗಣನೆ; ಇಲ್ಲಿದೆ 12 ತಂಡಗಳ ನಾಯಕರು, ಮಾಲೀಕರ ಪಟ್ಟಿ​

ಅಭಿಮಾನಿಗಳಿಗೆ ಭರಪೂರ ಮನರಂಜನೆ ನೀಡಲು ಬರುತ್ತಿರುವ ಪ್ರೊ ಕಬಡ್ಡಿ ಲೀಗ್ (Pro Kabaddi League 2023) ಆರಂಭಕ್ಕೆ ಕೆಲವೇ ದಿನಗಳು ಬಾಕಿಯಿದೆ. ಡಿಸೆಂಬರ್​ 2ರಿಂದ ಫೆಬ್ರವರಿ 21ರವರೆಗೂ ಕಬಡ್ಡಿಯ ರಸದೌತಣ ಕ್ರೀಡಾ ಪ್ರೇಮಿಗಳಿಗೆ ಸಿಗಲಿದೆ. 10ನೇ ಆವೃತ್ತಿ ಪಿಕೆಎಲ್ ಉದ್ಘಾಟನಾ ಪಂದ್ಯವು ಅಹಮದಾಬಾದ್‌ನ ಟ್ರಾನ್ಸ್‌ಸ್ಟೇಡಿಯಾ ಸ್ಟೇಡಿಯಂನ ಅರೆನಾದಲ್ಲಿ ಪ್ರಾರಂಭವಾಗಲಿದೆ.

ಇದನ್ನೂ ಓದಿ: PKL 10 Schedule: ಪ್ರೊ ಕಬಡ್ಡಿ ಲೀಗ್ ಸಂಪೂರ್ಣ ವೇಳಾಪಟ್ಟಿ ಪ್ರಕಟ; ಬೆಂಗಳೂರು ಬುಲ್ಸ್ ಪಂದ್ಯಗಳು ಯಾವಾಗ?

ಅಹಮದಾಬಾದ್​, ಬೆಂಗಳೂರು, ಪುಣೆ, ಚೆನ್ನೈ, ನೋಯ್ಡಾ, ಮುಂಬೈ, ಜೈಪುರ, ಹೈದರಾಬಾದ್, ಪಾಟ್ನಾ, ದೆಹಲಿ, ಕೋಲ್ಕತ್ತಾ ಮತ್ತು ಪಂಚಕುಲದಲ್ಲಿ ಲೀಗ್ ಪಂದ್ಯಗಳು ನಡೆಯಲಿವೆ. ನಾಕೌಟ್​ ಪಂದ್ಯಗಳ ವೇಳಾಪಟ್ಟಿ ಟೂರ್ನಿಯ ಮಧ್ಯದಲ್ಲಿ ಪ್ರಕಟಿಸುವ ಸಾಧ್ಯತೆ ಇದೆ. ಘಟಾನುಘಟಿ ಆಟಗಾರರು ಅಖಾಡದಲ್ಲಿ ತಮ್ಮ ಪವರ್ ತೋರಿಸಲು ಸಜ್ಜಾಗಿ ನಿಂತಿದ್ದಾರೆ. ಅದರಲ್ಲೂ ಎಲ್ಲರ ಕಣ್ಣು ದುಬಾರಿ ಆಟಗಾರ ಪವನ್ ಕುಮಾರ್ ಸೆಹ್ರಾವತ್ ಮೇಲಿದೆ.

ಇದನ್ನೂ ಓದಿ: PKL-10 2023: ಪ್ರೊ ಕಬಡ್ಡಿ ಲೀಗ್ ನೇರ ಪ್ರಸಾರ ಎಲ್ಲಿ; ಉಚಿತವಾಗಿ ವೀಕ್ಷಿಸುವುದು ಹೇಗೆ? ಇಲ್ಲಿದೆ ಮಾಹಿತಿ

ಒಂದು ಟ್ರೋಫಿಗಾಗಿ 12 ತಂಡಗಳು ಮೂರು ತಿಂಗಳ ಕಾದಾಟ ನಡೆಸಲಿವೆ. ಆದರೆ ಪ್ರಶಸ್ತಿ ಗೆಲ್ಲಬೇಕೆಂದರೆ ಕೇವಲ ಆಟಗಾರರು ಇದ್ದರೆ ಸಾಲು ಅದಕ್ಕೆ ಮಾರ್ಗದರ್ಶಕರು ಅಗತ್ಯ. ನಾಯಕರ ಪ್ರೋತ್ಸಾಹವು ಅತ್ಯಗತ್ಯ. ಆಟಗಾರರ ಖರ್ಚು ವೆಚ್ಚವನ್ನು ನೋಡಿಕೊಳ್ಳುವ ಮಾಲೀಕರು ಸಹ ಪ್ರಮುಖ. ಹಾಗಾದರೆ ತಮ್ಮ ತಂಡಗಳನ್ನು ಮುನ್ನಡೆಸುವ ನಾಯಕರು ಯಾರು? ತರಬೇತಿ ನೀಡುವ ಕೋಚ್​​ಗಳು ಯಾರು? ಪ್ರತಿ ಪಿಕೆಎಲ್​ ಫ್ರಾಂಚೈಸ್‌ನ ಮಾಲೀಕರು ಯಾರು? ಇಲ್ಲಿದೆ ಉತ್ತರ.