ವೃತ್ತಿ ಭವಿಷ್ಯ 2025: ತುಲಾ ರಾಶಿಯವರಿಗೆ ಉದ್ಯೋಗ ಬದಲಾವಣೆ ಬಡ್ತಿ ಸಾಧ್ಯತೆ, ಧನಸ್ಸು ರಾಶಿಯವರ ವ್ಯಾಪಾರದಲ್ಲಿ ನಿಧಾನಗತಿ
Career Horoscope 2025: ಹೊಸ ವರ್ಷ ಆರಂಭವಾಗುತ್ತಿದ್ದಂತೆ ಎಲ್ಲೂ ಜೀವನದಲ್ಲೂ ಬದಲಾವಣೆ ಬದಲಿಸುತ್ತಾರೆ. ವೃತ್ತಿಯಲ್ಲಿರುವವರು ಪ್ರಮೋಷನ್, ವರ್ಗಾವಣಿ, ಸಂಬಳ ಹೆಚ್ಚಳಕ್ಕೆ ಕಾಯುತ್ತಿರುತ್ತಾರೆ. ಮುಂಬರುವ ವರ್ಷದಲ್ಲಿ ತುಲಾ, ವೃಶ್ಚಿಕ, ಧನಸ್ಸು ರಾಶಿಯವರ ವೃತ್ತಿ ಭವಿಷ್ಯ ಹೇಗಿದೆ? ಇಲ್ಲಿದೆ ಮಾಹಿತಿ.
ವೃತ್ತಿ ಭವಿಷ್ಯ 2025: ಜೀವನದ ಅಗತ್ಯಗಳನ್ನು ಪೂರೈಸಿಕೊಳ್ಳಲು ಹಣದ ಅವಶ್ಯಕತೆ ಇದೆ. ಹಣ ಬೇಕಾದರೆ ಕೆಲಸ ಮಾಡಬೇಕು. ಭಾರತದಲ್ಲಿ ನಿರುದ್ಯೋಗ ಸಮಸ್ಯೆ ಹೆಚ್ಚಾಗಿದೆ. ಕೆಲಸ ದೊರೆಯಬೇಕೆಂದರೆ ಬಹಳ ಕಷ್ಟಪಡಬೇಕು. ಅದರಲ್ಲೂ ಸರ್ಕಾರಿ ಕೆಲಸ ಗಿಟ್ಟಿಸಿಕೊಳ್ಳಲು ಹೆಚ್ಚಿನ ಶ್ರಮ ಬೇಕು. ಆದರೆ ಅದೃಷ್ಟ ಜೊತೆಗಿದ್ದಲ್ಲಿ ಕೆಲಸ ದೊರೆಯುವುದು, ಅದರಲ್ಲಿ ಯಶಸ್ಸು ಕಾಣುವುದು ಕಷ್ಟದ ಮಾತಲ್ಲ. ಹೊಸ ವರ್ಷ ಬರುತ್ತಿದೆ, ಈಗಾಗಲೇ ಕೆಲಸದಲ್ಲಿ ಇರುವವರು ಮುಂದಿನ ವರ್ಷ ಬಡ್ತಿ ಪಡೆಯಲು ಕಾಯುತ್ತಿದ್ದಾರೆ, ಕೆಲಸ ಹುಡುಕುತ್ತಿರುವವರು ಒಂದು ಒಳ್ಳೆ ಕೆಲಸ ದೊರೆತರೆ ಸಾಕು ಎಂದು ಕಾಯುತ್ತಿದ್ದಾರೆ.
2025 ಹೊಸ ವರ್ಷದಲ್ಲಿ ಯಾವ ರಾಶಿಯವರಿಗೆ ಏನು ಫಲ? ವೃತ್ತಿ ಭವಿಷ್ಯ ಹೇಗಿರಲಿದೆ? ಯಾರಿಗೆ ಸರ್ಕಾರಿ ಕೆಲಸ, ಯಾರಿಗೆ ಬಡ್ತಿ ದೊರೆಯಲಿದೆ? ದ್ವಾದಶ ರಾಶಿಗಳ ವೃತ್ತಿ ಭವಿಷ್ಯ ಇಲ್ಲಿದೆ. ತುಲಾ, ವೃಶ್ಚಿಕ, ಧನಸ್ಸು ರಾಶಿಯವರಿಗೆ 2025ರಲ್ಲಿ ವೃತ್ತಿ ಜೀವನ ಹೇಗಿದೆ, ನೋಡೋಣ.
ತುಲಾ ರಾಶಿ
2025 ಮಾರ್ಚ್ ನಂತರ ಉದ್ಯೋಗ ಬದಲಾಯಿಸಲು ನಿಮಗೆ ಅನುಕೂಲಕರವಾಗಿದೆ. ಆದರೆ ಮೇ ಮಧ್ಯದ ನಂತರ ಯಾವುದೇ ಬದಲಾವಣೆಯನ್ನು ಮಾಡಿದರೆ ನೀವು ಇನ್ನಷ್ಟು ಹೆಚ್ಚಿನ ಫಲಿತಾಂಶಗಳನ್ನು ಪಡೆಯುತ್ತೀರಿ. ವರ್ಷದ ಆರಂಭದಿಂದ ಮಾರ್ಚ್ವರೆಗೆ ಕೆಲಸದಲ್ಲಿ ಸ್ವಲ್ಪ ಹಿನ್ನಡೆಯಾಗಲಿದೆ. ಮಾರ್ಚ್ ನಂತರ ನೀವು ಕೆಲಸದಲ್ಲಿ ಯಶಸ್ಸು ಮತ್ತು ಧನಾತ್ಮಕ ಫಲಿತಾಂಶಗಳನ್ನು ಕಾಣಬಹುದು. ಒಟ್ಟಾರೆಯಾಗಿ, ವರ್ಷದ ಮೊದಲಾರ್ಧ ನಿಮಗೆ ಕಷ್ಟವಿರುತ್ತದೆ, ಆದರೆ ಉತ್ತರಾರ್ಧವು ನಿಮಗೆ ಅಭಿವೃದ್ಧಿ, ಉದ್ಯೋಗ ಬದಲಾವಣೆ ಮತ್ತು ಬಡ್ತಿಯನ್ನು ತಂದುಕೊಡುತ್ತದೆ.
ಸ್ವಂತ ವ್ಯಾಪಾರಿಗಳಿಗೆ ವರ್ಷದ ಮೊದಲ ಭಾಗವು ಸ್ವಲ್ಪ ನಿಧಾನವಾಗಿರುತ್ತದೆ. ಹೊಸ ಯೋಜನೆಗಳನ್ನು ಮಾಡಲು ನಿಮಗೆ ಕಷ್ಟವಾಗಬಹುದು. ಮಾರ್ಚ್ ತಿಂಗಳ ನಂತರ ಶನಿ ಸಂಕ್ರಮಣವು ನಿಮ್ಮ ವೃತ್ತಿ ವಿಚಾರದಲ್ಲಿ ಸೂಕ್ತ ರೀತಿಯಲ್ಲಿ ಕಾರ್ಯ ನಿರ್ವಹಿಸಲು ಸಹಾಯ ಮಾಡುತ್ತದೆ. ಈ ವರ್ಷ ನೀವು ಲಾಭದಾಯಕ ವ್ಯಾಪಾರ ಪ್ರವಾಸಗಳನ್ನು ಮಾಡುತ್ತೀರಿ. ನಿಮಗೆ ಹಿರಿಯರ ಮಾರ್ಗದರ್ಶನ ದೊರೆಯಲಿದೆ.
ವೃಶ್ಚಿಕ ರಾಶಿ
ಈ ವರ್ಷ ನಿಮಗೆ ಸರಾಸರಿ ಫಲಿತಾಂಶಗಳನ್ನು ತಂದುಕೊಡಲಿದೆ. ಜನವರಿ ನಂತರದ ಅವಧಿಯಲ್ಲಿ ನೀವು ಕೆಲಸದಲ್ಲಿ ಅತೃಪ್ತಿಯ ಭಾವನೆಯನ್ನು ಅನುಭವಿಸಬಹುದು. ಮಾರ್ಚ್ ವೇಳೆಗೆ ಎಲ್ಲವೂ ಬದಲಾಗಲಿದೆ. ಕೆಲಸದಲ್ಲಿ ಶುಭಫಲಗಳಿರುತ್ತವೆ. ದೈಹಿಕ ಆರೋಗ್ಯವೂ ಸುಧಾರಿಸುತ್ತದೆ. ಮೇ ನಂತರ ಲಾಭದ ಮನೆಯಲ್ಲಿ ಗುರುವಿನ ಸಂಚಾರದಿಂದಾಗಿ, ನೀವು ಅದೃಷ್ಟದ ಬೆಂಬಲ ಗಳಿಸುವಿರಿ. ಸಾಮಾನ್ಯವಾಗಿ, ಮಾರ್ಚ್ವರೆಗೆ ನಿಮ್ಮ ವೃತ್ತಿ ಜೀವನದಲ್ಲಿ ಕೆಲವು ಸವಾಲುಗಳನ್ನು ಎದುರಿಸಬಹುದು. ಆದರೆ ಇದರ ನಂತರ, ವಿಷಯಗಳು ನಿಮಗೆ ಉತ್ತಮವಾಗಿ ಕಾರ್ಯ ನಿರ್ವಹಿಸುತ್ತವೆ.
ವ್ಯಾಪಾರದ ವಿಷಯದಲ್ಲಿ, ವರ್ಷದ ಆರಂಭದಿಂದ ಮತ್ತು ಮೇ ತಿಂಗಳವರೆಗೆ ವ್ಯವಹಾರದಲ್ಲಿ ತೊಡಗಿಸಿಕೊಂಡಿರುವವರು ಯಶಸ್ಸನ್ನು ಕಾಣಬಹುದು. ಈ ಸಮಯದಲ್ಲಿ ಹೊಸ ವ್ಯವಹಾರವನ್ನು ಪ್ರಾರಂಭಿಸಲು ಅಥವಾ ಈಗಾಗಲೇ ಮಾಡುತ್ತಿರುವ ವ್ಯವಹಾರಕ್ಕೆ ಹೊಸದನ್ನು ಪರಿಚಯಿಸಲು ಉತ್ತಮ ಸಮಯವಾಗಿದೆ. ಕೇತು 10ನೇ ಮನೆಯಲ್ಲಿದ್ದರೆ ರಾಹು 4ನೇ ಮನೆಗೆ ಸಂಚಾರ ಮಾಡುತ್ತಾನೆ. ಈ ಸಮಯದಲ್ಲಿ ಯಾವುದೇ ಹೊಸ, ಪ್ರಮುಖ ನಿರ್ಧಾರಗಳನ್ನು ತೆಗೆದುಕೊಳ್ಳುವುದು ಸೂಕ್ತವಲ್ಲ. ಇದರ ಹೊರತಾಗಿ, ಯಾವುದೇ ಮಹತ್ವದ ನಿರ್ಧಾರಗಳನ್ನು ತೆಗೆದುಕೊಳ್ಳುವ ಮೊದಲು ನೀವು ಅನುಭವಿಗಳ ಸಲಹೆ ಪಡೆಯುವುದು ಉತ್ತಮ.
ಧನು ರಾಶಿ
ವೃತ್ತಿಯಲ್ಲಿ ಈ ವರ್ಷ ಮಿಶ್ರ ಫಲಿತಾಂಶಗಳನ್ನು ನೀಡಲಿದೆ. 2025 ರಲ್ಲಿ ನೀವು ಕೆಲವು ಸವಾಲುಗಳನ್ನು ಎದುರಿಸಬಹುದು. ಆದರೆ ನೀವು ಅವುಗಳನ್ನು ದಾಟಿದ ನಂತರ ಯಶಸ್ವಿಯಾಗುತ್ತೀರಿ. ಮೇ ನಂತರ, ರಾಹು ಮತ್ತು ಗುರುಗಳ ಸಂಚಾರವು ನಿಮಗೆ ಅನುಕೂಲಕರವಾಗಿರುತ್ತದೆ. ಈ ಅವಧಿಯಲ್ಲಿ ನೀವು ಕೆಲಸದಲ್ಲಿ ಉತ್ತಮವಾಗಿ ಕಾರ್ಯ ನಿರ್ವಹಿಸಲು ಸಾಧ್ಯವಾಗುತ್ತದೆ. ಉದ್ಯೋಗವನ್ನು ಬದಲಾಯಿಸಲು ಅಥವಾ ಕೆಲಸದಲ್ಲಿ ಹೊಸತನ್ನು ಪ್ರಯತ್ನಿಸಲು ಬಯಸಿದರೆ ಇದು ನಿಮಗೆ ಅನುಕೂಲಕರ ಸಮಯವಾಗಿರುತ್ತದೆ. ಮಾರ್ಚ್ ನಂತರದ ಶನಿ ಸಂಕ್ರಮಣವು ಸಣ್ಣ ಪುಟ್ಟ ಸಮಸ್ಯೆಗಳನ್ನು ತರಲಿದೆ.
ವ್ಯಾಪಾರ ಜಗತ್ತಿನಲ್ಲಿ ಇರುವವರಿಗೆ ರಾಹು ಕೇತುಗಳ ಹತ್ತನೇ ಮನೆಯ ಪ್ರಭಾವ, ಮತ್ತು ಮಾರ್ಚ್ ತಿಂಗಳ ಶನಿ ಪ್ರಭಾವವು ಧನು ರಾಶಿಯವರಿಗೆ ಅನುಕೂಲಕರವಾಗಿಲ್ಲ. ಈ ಸಮಯದಲ್ಲಿ ನಿಮ್ಮ ವ್ಯಾಪಾರ ನಿಧಾನಗತಿಯಲ್ಲಿ ಸಾಗುತ್ತದೆ. ಆದರೆ ಮೇ ಮಧ್ಯದಿಂದ ಅಂತ್ಯದವರೆಗೆ ಸುಧಾರಿಸುತ್ತದೆ. ಹೆಚ್ಚುವರಿಯಾಗಿ, ಬುಧ ಸಂಕ್ರಮಣವು ನಿಮಗೆ ಒಳ್ಳೆ ಲಾಭ ತಂದುಕೊಡಲಿದೆ. ಈ ವರ್ಷ ನೀವು ಸಾಕಷ್ಟು ಪ್ರಯತ್ನಗಳನ್ನು ಮಾಡುತ್ತೀರಿ ಅದರಲ್ಲಿ ಯಶಸ್ವಿಯೂ ಆಗಿ, ಉತ್ತಮ ಹಣವನ್ನು ಗಳಿಸುವಿರಿ.
ಗಮನಿಸಿ: ಇದು ಪ್ರಚಲಿತದಲ್ಲಿರುವ ಧಾರ್ಮಿಕ ನಂಬಿಕೆಗಳನ್ನು ಆಧರಿಸಿದ ಬರಹ. ಓದುಗರಿಗೆ ಮಾಹಿತಿ ನೀಡುವ ಉದ್ದೇಶದಿಂದಷ್ಟೇ ಪ್ರಕಟಿಸಲಾಗಿದೆ.
