ಬುಧ ಸಂಕ್ರಮಣದಿಂದ ಈ 3 ರಾಶಿವರಿಗೆ ತೆರೆಯುತ್ತೆ ಅದೃಷ್ಟದ ಬಾಗಿಲು; ಸಾಲಗಳಿಂದ ಮುಕ್ತಿ, ಹೊಸ ಮೂಲಗಳಿಂದ ಬರುತ್ತೆ ಹಣ
Mercury Transit in Cancer 2024: ಬುಧ ಚಂದ್ರನ ರಾಶಿಯಲ್ಲಿ ಸಂಚರಿಸುತ್ತಾನೆ. ಕೆಲವು ದಿನಗಳ ಕಾಲ ಚಂದ್ರನ ಮನೆಯಲ್ಲಿ ತಂಗಿದ ನಂತರ, ಬುಧ ಸೂರ್ಯನ ಮನೆಗೆ ಹೋಗಿ ನಂತರ ತನ್ನದೇ ಆದ ರಾಶಿ ಕಟಕಕ್ಕೆ ಆಗಸ್ಟ್ 22 ರ ಬೆಳಗ್ಗೆ ಆಗಮಿಸುತ್ತಾನೆ. ಬುಧನ ಸಂಕ್ರಮಣದಿಂದ ಯಾವ ರಾಶಿಯವರಿಗೆ ಏನೆಲ್ಲಾ ಲಾಭಗಳಿವೆ ನೋಡಿ.
Mercury Transit in Cancer 2024: ಜ್ಯೋತಿಷ್ಯದ ಪ್ರಕಾರ ಬುಧ ಒಂದು ನಿರ್ದಿಷ್ಟ ಅವಧಿಯಲ್ಲಿ ಒಂದು ರಾಶಿಚಕ್ರ ಚಿಹ್ನೆಯಿಂದ ಇನ್ನೊಂದು ರಾಶಿಚಕ್ರದ ಚಿಹ್ನೆಗೆ ಸಂಚರಿಸುತ್ತಾನೆ. ಬುದ್ಧಿವಂತಿಕೆ, ಜ್ಞಾನ ಮತ್ತು ವ್ಯವಹಾರದ ಸಂಕೇತವಾಗಿರುವ ಬುಧನನ್ನು ಗ್ರಹಗಳ ರಾಜಕುಮಾರ ಎಂದು ಪರಿಗಣಿಸಲಾಗುತ್ತದೆ. ಬುಧ ಪ್ರಸ್ತುತ ಸಿಂಹ ರಾಶಿಯಲ್ಲಿ ಕುಳಿತಿದ್ದಾನೆ. ಆಗಸ್ಟ್ 22 ರಂದು ಬೆಳಿಗ್ಗೆ 06:22 ಕ್ಕೆ ಬುಧ ಕಟಕ ರಾಶಿಗೆ ಬರುತ್ತಾನೆ. ಇದರ ನಂತರ, ಸೆಪ್ಟೆಂಬರ್ 4 ರಂದು, ಬುಧ ಮತ್ತೆ ಸಿಂಹ ರಾಶಿಯಲ್ಲಿ ಸಂಚರಿಸುತ್ತಾನೆ. ಸೆಪ್ಟೆಂಬರ್ 23 ರಂದು ಬುಧ ಸಿಂಹ ರಾಶಿಯನ್ನು ಬಿಟ್ಟು ಕನ್ಯಾರಾಶಿಗೆ ಪ್ರವೇಶಿಸುತ್ತಾನೆ. ಈ ರೀತಿಯಾಗಿ, ಬುಧ ತನ್ನ ರಾಶಿಚಕ್ರ ಚಿಹ್ನೆಯನ್ನು ತಿಂಗಳಲ್ಲಿ ಮೂರು ಬಾರಿ ಬದಲಾಯಿಸುತ್ತಾನೆ.
ಕಟಕ ರಾಶಿಯಲ್ಲಿ ಬುಧನ ಸಂಚಾರವು ಎಲ್ಲಾ 12 ರಾಶಿಯವರ ಮೇಲೆ ಮೇಲೆ ಪರಿಣಾಮ ಬೀರುತ್ತದೆ. ಆದರೆ ಕೆಲವೇ ಕೆಲವು ರಾಶಿಯವರಿಗೆ ಮಾತ್ರ ತುಂಬಾ ಪ್ರಯೋಜನಕಾರಿಯಾಗಲಿದೆ. ಈ ವರ್ಷ ರಕ್ಷಾ ಬಂಧನ ಹಬ್ಬವು 2024 ರ ಆಗಸ್ಟ್ 19 ರಂದು ಇದೆ. ಇಂತಹ ಪರಿಸ್ಥಿತಿಯಲ್ಲಿ, ರಾಖಿ ಹಬ್ಬದ ನಂತರ ಬುಧನ ಸಂಚಾರ ನಡೆಯುತ್ತದೆ. ಬುಧನ ಕಟಕ ಸಂಕ್ರಮಣವು ಯಾವ ರಾಶಿಯವರಿಗೆ ಹೆಚ್ಚು ಹೆಚ್ಚು ಲಾಭಗಳು ಇರುತ್ತವೆ ಎಂಬುದನ್ನು ಇಲ್ಲಿ ನೀಡಲಾಗಿದೆ.
1. ಕನ್ಯಾ ರಾಶಿ: ಬುಧ ಸಂಚಾರವು ಕನ್ಯಾರಾಶಿಯವರಿಗೆ ತುಂಬಾ ಪ್ರಯೋಜನಗಳನ್ನು ನೀಡುತ್ತದೆ. ಉದ್ಯೋಗ ವೃತ್ತಿಯಲ್ಲಿ ಉತ್ತಮ ಆಯ್ಕೆಗಳನ್ನು ಕಾಣುತ್ತಾರೆ. ಸಂದರ್ಶನಕ್ಕೆ ಹಾಜರಾಗಲು ಹೊರಟರೆ ಯಶಸ್ಸು ಕನ್ಯಾ ರಾಶಿಯವರದ್ದೇ ಆಗಿರುತ್ತದೆ. ಈ ಅವಧಿಯು ವ್ಯಾಪಾರಿಗಳಿಗೆ ಪ್ರಯೋಜನಕಾರಿಯಾಗಲಿದೆ. ಆರ್ಥಿಕ ಪರಿಸ್ಥಿತಿ ಸುಧಾರಿಸಲಿದೆ. ಆರ್ಥಿಕವಾಗಿ ಉತ್ತಮ ಪ್ರದರ್ಶನ ನೀಡುವಿರಿ. ಈ ಅವಧಿಯಲ್ಲಿ ನೀವು ಕೆಲಸದಲ್ಲಿ ಯಶಸ್ಸನ್ನು ಸಾಧಿಸುವಿರಿ. ಸಮಸ್ಯೆಗಳು ಕಡಿಮೆಯಾಗುತ್ತವೆ.
2. ವೃಶ್ಚಿಕ ರಾಶಿ: ಕಟಕ ರಾಶಿಯಲ್ಲಿ ಬುಧ ಸಂಚಾರದಿಂದ ವೃಶ್ಚಿಕ ರಾಶಿಯವರು ಉತ್ತಮ ಆದಾಯವನ್ನು ಪಡೆಯುತ್ತಾರೆ. ಯಾವುದೇ ಹೂಡಿಕೆಯಲ್ಲೂ ಸಾಕಷ್ಟು ಲಾಭಗಳು ಇರುತ್ತವೆ. ಸಾಲದಿಂದ ಮುಕ್ತರಾಗುತ್ತೀರಿ. ಹೊಸ ಮೂಲಗಳಿಂದ ಹಣ ಬರಲಿದೆ. ಕೆಲಸದಲ್ಲಿನ ಅಡೆತಡೆಗಳು ಕೊನೆಗೊಳ್ಳುತ್ತವೆ. ಕುಟುಂಬ ಸದಸ್ಯರಿಗೆ ಬೆಂಬಲ ಸಿಗಲಿದೆ. ಜೀವನವು ಆನಂದದಾಯಕವಾಗಿರುತ್ತದೆ. ಸಾಲ ಮರುಪಾವತಿಯು ಮಾನಸಿಕ ಒತ್ತಡವನ್ನು ನಿವಾರಿಸುತ್ತದೆ. ಹೂಡಿಕೆಗೆ ಉತ್ತಮ ಸಮಯ. ಕೈಯಲ್ಲಿ ಹಣ ನಿಲ್ಲುತ್ತೆ.
3. ಕುಂಭ ರಾಶಿ: ಬುಧ ಸಂಚಾರವು ಕುಂಭ ರಾಶಿಯವರ ಜೀವನದಲ್ಲಿ ಸಂತೋಷವನ್ನು ತರುತ್ತದೆ. ಈ ಅವಧಿಯು ನಿಮ್ಮ ಜೀವನದಲ್ಲಿ ಸಕಾರಾತ್ಮಕ ಬದಲಾವಣೆಗಳೊಂದಿಗೆ ಉತ್ತಮ ಫಲಿತಾಂಶಗಳು ಇರುತ್ತವೆ. ಪ್ರಯಾಣದಲ್ಲಿ ಲಾಭವಾಗಲಿದೆ. ಬಾಕಿ ಇರುವ ಯಾವುದೇ ಕೆಲಸದಲ್ಲಿ ಯಶಸ್ಸನ್ನು ಪಡೆಯುತ್ತೀರಿ. ಹಠಾತ್ ಹಣದ ಲಾಭದೊಂದಿಗೆ ಕೆಲವು ಒಳ್ಳೆಯ ಸುದ್ದಿಗಳನ್ನು ಕೇಳುತ್ತೀರಿ. ಉದ್ಯಮಿಗಳಿಗೆ ಈ ಸಮಯ ಅನುಕೂಲಕರವಾಗಲಿದೆ. ಸ್ವಂತ ಹಣ ಖರ್ಚು ಮಾಡಲು ಹಿಂದೆ ಮುಂದೆ ನೋಡುತ್ತೀರಿ.
ಗಮನಿಸಿ: ಇದು ಪ್ರಚಲಿತದಲ್ಲಿರುವ ಧಾರ್ಮಿಕ ನಂಬಿಕೆಗಳನ್ನು ಆಧರಿಸಿದ ಬರಹ. ಓದುಗರಿಗೆ ಮಾಹಿತಿ ನೀಡುವ ಉದ್ದೇಶದಿಂದಷ್ಟೇ ಪ್ರಕಟಿಸಲಾಗಿದೆ.
