Aquarius Astrology in 2024: ಉದ್ಯೋಗದಲ್ಲಿ ಯಶಸ್ಸು, ಮೇ ನಂತರ ಕುಟುಂಬದಲ್ಲಿ ಶಾಂತಿ; 2024ರಲ್ಲಿ ಹೇಗಿರಲಿದೆ ಕುಂಭ ರಾಶಿಯ ಭವಿಷ್ಯ

2024ರ ಕುಂಭ ರಾಶಿ ವರ್ಷ ಭವಿಷ್ಯ: ಬದಲಾವಣೆ ಜಗದ ನಿಯಮ ಎಂಬ ಮಾತಿದೆ. ದಿನ ಉರುಳುತ್ತಿದ್ದಂತೆ ಎಲ್ಲರ ಜೀವನದಲ್ಲಿ ಸಾಕಷ್ಟು ಬದಲಾವಣೆ ಉಂಟಾಗಲಿದೆ. ಉದ್ಯೋಗ, ವ್ಯಾಪಾರ, ವಿದ್ಯಾಭ್ಯಾಸ, ವೈಯಕ್ತಿಕ ಜೀವನ ಉತ್ತವಾಗಿರಲಿ ಎಂದು ಎಲ್ಲರೂ ಬಯಸುತ್ತಾರೆ. ಈ ಆಸೆ ಆಕ್ಷಾಂಕ್ಷೆಗಳ ನಡುವೆ ಹೊಸ ವರ್ಷ ಆಗಮನವಾಗುತ್ತಿದೆ. 2024ರಲ್ಲಿ ಗ್ರಹಗತಿಗಳ ಸ್ತಾನ ಪಲ್ಲಟದೊಂದಿಗೆ ದ್ವಾದಶ ರಾಶಿಗಳ ಜೀವನದಲ್ಲಿ ಮಹತ್ತರ ಬದಲಾವಣೆಗಳಾಗುತ್ತವೆ. 2024 ವರ್ಷ ಭವಿಷ್ಯವನ್ನು ಜ್ಯೋತಿಷ್ಯ ಶಾಸ್ತ್ರವನ್ನು ಸಾಂಪ್ರದಾಯಿಕವಾಗಿ ಅಭ್ಯಾಸ ಮಾಡಿರುವ ಹಿರಿಯ ಜ್ಯೋತಿಷಿ ಎಚ್. ಸತೀಶ್ ಪ್ರಸ್ತುತಪಡಿಸುತ್ತಿದ್ದಾರೆ. ಕುಂಭ ರಾಶಿಯವರ ವರ್ಷ ಭವಿಷ್ಯ ಹೀಗಿದೆ.

ಕುಂಭ ರಾಶಿಯವರು ಹೆಚ್ಚಿನ ಪರಿಶ್ರಮದಿಂದ ಮಾತ್ರ ಈ ವರ್ಷ ಶುಭಫಲಗಳನ್ನು ಪಡೆಯಲು ಸಾಧ್ಯ. ಸುಲಭವಾಗಿ ಯಾರ ಮಾತನ್ನು ನಂಬದೇ ಯೋಚಿಸಿ ಕೆಲಸ ಕಾರ್ಯಗಳಲ್ಲಿ ತೊಡಗಬೇಕು. ಹುಡುಕಿದರೆ ತೊಂದರೆ ಬೆನ್ನ ಹಿಂದೆ ಇರುತ್ತದೆ. ಕೆಲಸ ಕಾರ್ಯಗಳಲ್ಲಿ ಯಶಸ್ಸು ದೊರೆತರೂ ಮನಸ್ಸಿಗೆ ನೆಮ್ಮದಿ ಇರುವುದಿಲ್ಲ. ಚಿಕ್ಕಪುಟ್ಟ ಕೆಲಸಗಳಿಗೂ ದೊಡ್ಡಮಟ್ಟದ ಪ್ರಯತ್ನವೇ ಬೇಕು. ನಿಮ್ಮ ಸುತ್ತಮುತ್ತಲಿನ ಜನರು ನಿಮ್ಮಲ್ಲಿರುವ ಒಳ್ಳೆಯತನವನ್ನು ತಮ್ಮ ಸ್ವಾರ್ಥಕ್ಕಾಗಿ ಬಳಸಿಕೊಳ್ಳುವ ಸಾಧ್ಯತೆಗಳಿವೆ. ಕುಟುಂಬದ ಸದಸ್ಯರಿಗಾಗಿ ಸಂಪಾದಿಸಿದ ಹಣದ ಬಹುಪಾಲು ಖರ್ಚಾಗಬಹುದು. ಯಾರನ್ನು ದೂರ ಮಾಡಿಕೊಳ್ಳದ ಪರಿಸ್ಥಿತಿಯಲ್ಲಿ ಇರುವಿರಿ ಎಂದು ನೀಡಿದ ಮಾತಿಗೆ ಕಟ್ಟು ಬಿದ್ದು ಹಣದ ಸಹಾಯ ಮಾಡಬೇಕಾಗುತ್ತದೆ.

ಉದ್ಯೋಗದಲ್ಲಿ ಯಶಸ್ಸು ದೊರೆಯುವುದಲ್ಲದೆ ಉನ್ನತ ಸ್ಥಾನಮಾನವೂ ಲಭಿಸುತ್ತದೆ. ಮನದಲ್ಲಿರುವ ವಿಚಾರಗಳನ್ನು ಯಾರಲ್ಲಿಯೂ ಹಂಚಿಕೊಳ್ಳುವುದಿಲ್ಲ. ಮನ ಬಿಚ್ಚಿ ಯಾರು ನೀವು ಮಾತನಾಡುವುದಿಲ್ಲ. ಆತ್ಮವಿಶ್ವಾಸದಿಂದ ಒಬ್ಬಂಟಿಯಾಗಿ ಕೆಲಸ ಕಾರ್ಯಗಳಲ್ಲಿ ಯಶಸ್ಸನ್ನು ಗಳಿಸುವಿರಿ. ಗಂಟಲಿನ ಸಮಸ್ಯೆಯೂ ಬಹುವಾಗಿ ಕಾಣಬಹುದು. ಕುಟುಂಬಕ್ಕೆ ಸಂಬಂಧಿಸಿದ ಯಾವುದಾದರೂ ಒಂದು ವಾದ ವಿವಾದಗಳು ಎದುರಾಗಲಿವೆ. ಹಣಕಾಸಿನ ವಿಚಾರದಲ್ಲಿ ಯಾರಿಗೂ ತಿಳಿಯದಂತೆ ಗುಟ್ಟಾಗಿ ತೀರ್ಮಾನಗಳನ್ನು ಕೈಗೊಳ್ಳುವಿರಿ. ಕುಟುಂಬದಲ್ಲಿ ಅನವಶ್ಯಕ ವಾಗ್ವಾದಗಳು ಎದುರಾಗುತ್ತದೆ.

ಶಿಸ್ತಿನಿಂದ ಜೀವನವನ್ನು ನಡೆಸುವಿರಿ. ಮೇ ತಿಂಗಳ ನಂತರ ಜೀವನದಲ್ಲಿ ಅನೇಕ ಬದಲಾವಣೆಗಳು ಉಂಟಾಗಲಿವೆ. ಮುಖ್ಯವಾಗಿ ಕುಟುಂಬದಲ್ಲಿ ಶಾಂತಿಯುತ ವಾತಾವರಣ ನೆಲೆಸುತ್ತದೆ. ಕೆಲಸ ಕಾರ್ಯಗಳು ಯಾವುದೇ ಅಡೆತಡೆ ಇಲ್ಲದೆ ಕೈಗೂಡುತ್ತವೆ. ಉದ್ಯೋಗದಲ್ಲಿ ಅಧಿಕಾರಿಯ ಸ್ಥಾನ ಲಭಿಸುತ್ತದೆ. ಸ್ವಂತ ಮನೆಯ ಬಹುದಿನದ ಕನಸು ನನಸಾಗುತ್ತದೆ. ಕೆಲಸ ಕಾರ್ಯಗಳ ನಡುವೆ ವಿಶ್ರಾಂತಿಯನ್ನು ಬಯಸುವಿರಿ. ಯಾರ ನಿರ್ಣಯವನ್ನು ಒಪ್ಪದೆ ಸ್ಪಂದಿಕೆಗೆ ಬೆಲೆ ನೀಡುವಿರಿ. ಒತ್ತಡಕ್ಕೆ ಒಳಗಾಗಿ ಸಮಾಜದ ನಾಯಕತ್ವವನ್ನು ವಹಿಸುವಿರಿ. ಮನಸ್ಸಿಗೆ ಇಷ್ಟವೆನಿಸದ ಯಾವುದೇ ಕೆಲಸವನ್ನು ಮಾಡುವುದಿಲ್ಲ. ಯಾವುದೇ ಬೇದ ಭಾವ ತೋರದೆ ಪ್ರೀತಿಯಿಂದ ಜೀವನ ನಡೆಸುವಿರಿ.

ಆತ್ಮೀಯರ ಸಹಾಯದಿಂದ ಸ್ವಂತ ಉದ್ದಿಮೆಯನ್ನು ಸ್ಥಾಪಿಸುವಿರಿ. ಯಾರಿಂದಲೂ ಸಾಲವಾಗಿ ಹಣವನ್ನು ಪಡೆಯುವುದಿಲ್ಲ. ಇದೇ ರೀತಿ ಯಾರಿಗೂ ಸಾಲವಾಗಿ ಹಣದ ಸಹಾಯವನ್ನು ಮಾಡುವುದಿಲ್ಲ. ತಾಯಿಯವರ ಸಹಾಯದಿಂದ ಕುಟುಂಬದಲ್ಲಿ ವಿವಾಹ ಕಾರ್ಯವನ್ನು ನೆರವೇರಲಿದೆ. ಡಯಾಬಿಟಿಸ್ ನಂತಹ ದೀರ್ಘಕಾಲ ಕಾಡುವ ತೊಂದರೆ ಇದ್ದವರು ಎಚ್ಚರಿಕೆ ವಹಿಸಬೇಕು. ಬೇಸರದಿಂದ ದೂರವಾಗಿದ್ದ ಆತ್ಮೀಯರು ಸಂಬಂಧಿಕರು ಸ್ನೇಹ ಬಯಸಿ ಮರಳಿ ಬರಲಿದ್ದಾರೆ. ವಾಹನ ಚಾಲನೆ ಮಾಡುವ ವೇಳೆ ಎಚ್ಚರಿಕೆ ಇರಲಿ.

ಭಾವನಾ ಜೀವಿಗಳಿಗೆ ಕುಟುಂಬದ ನಿರ್ವಹಣೆಯ ಜವಾಬ್ದಾರಿ ದೊರೆಯುತ್ತದೆ. ಕೆಲಸ ಕಾರ್ಯಗಳಲ್ಲಿಯೂ ಕುಟುಂಬದ ಹಿರಿಯರಿಗೆ ಸಹಾಯ ಮಾಡುವಿರಿ. ಕುಟುಂಬಕ್ಕೆ ಸಂಬಂಧಪಟ್ಟ ಹಣಕಾಸಿನ ವಿವಾದ ಒಂದು ದೂರವಾಗಲಿದೆ. ಮೇ ತಿಂಗಳ ನಂತರ ಕೆಲಸ ಕಾರ್ಯಗಳಲ್ಲಿ ಇದ್ದ ಒತ್ತಡವು ದೂರವಾಗಲಿದೆ. ಅಧಿಕಾರಿಗಳು ಕೆಲಸವನ್ನು ಮೆಚ್ಚಿ ಉನ್ನತ ಸ್ಥಾನ ನೀಡಲಿದ್ದಾರೆ. ಉದ್ಯೋಗವನ್ನು ಅರಸಿ ವಿದೇಶಕ್ಕೆ ತೆರಳಬಹುದು. ಹಣಕಾಸಿನ ಕೊರತೆಯನ್ನು ಕಡಿಮೆ ಮಾಡಲು ಸಹೋದ್ಯೋಗಿಗಳ ಜೊತೆಗೂಡಿ ಸ್ವಂತ ಸಂಸ್ಥೆಯನ್ನು ಆರಂಭಿಸುವಿರಿ. ವಿದ್ಯಾರ್ಥಿಗಳು ಆತ್ಮವಿಶ್ವಾಸವನ್ನು ಹೆಚ್ಚಿಸಿಕೊಂಡು ಕಲಿಕೆಯಲ್ಲಿ ಮುಂದುವರೆಯಬೇಕು. ದೂರದ ಸಂಬಂಧಿ ಒಬ್ಬರ ಸಹಾಯದಿಂದ ಗೂಢ ವಿದ್ಯಯೊಂದನ್ನು ಕಲಿಯುವಿರಿ.

ಹತ್ತಾರು ಜನರಿಗೆ ಉಪಯೋಗವಾಗುವಂತಹ ಕೆಲಸ ಕಾರ್ಯಗಳನ್ನು ಆರಂಭಿಸುವಿರಿ. ಸಮಾಜದಲ್ಲಿ ಉನ್ನತ ಸ್ಥಾನ ಲಭಿಸುತ್ತದೆ. ಮನಸ್ಸಿದ್ದಲ್ಲಿ ಸಮಾಜದ ಗಣ್ಯ ವ್ಯಕ್ತಿಗಳ ಮೂಲಕ ರಾಜಕೀಯವನ್ನು ಪ್ರವೇಶಿಸಬಹುದು. ಸ್ತ್ರೀಯರಿಗೆ ವಿಶೇಷವಾದಂತಹ ಸ್ಥಾನ ದೊರೆಯಲಿವೆ. ಅವಿವಾಹಿತರಿಗೆ ವಿವಾಹ ಯೋಗವಿದೆ. ವಿವಾಹಿತರು ಕುಟುಂಬದ ಆಡಳಿತವನ್ನು ನಿರ್ವಹಿಸುತ್ತಾರೆ. ನಿಮ್ಮ ಮಾತನ್ನು ಮೀರುವ ಧೈರ್ಯ ಯಾರಿಗೂ ಇರುವುದಿಲ್ಲ.. ಲೋಹದ ವಸ್ತುವಿನಿಂದ ಅಪಾಯಕಾರಿ ಸನ್ನಿವೇಶ ಎದುರಾಗಬಹುದು. ಮನಸ್ಸಿಗೆ ಒಪ್ಪುವ ಕೆಲಸಗಳನ್ನು ಮಾತ್ರ ಮಾಡುವಿರಿ. ಸಹಬಾಳ್ವೆಯಲ್ಲಿ ಹೆಚ್ಚಿನ ಅಕ್ಕರೆ ಮತ್ತು ನಂಬಿಕೆ ಇರುತ್ತದೆ.

ಜ್ಯೋತಿಷಿ: ಎಚ್‌. ಸತೀಶ್‌, ಬೆಂಗಳೂರು

ಮೊಬೈಲ್:‌ 8546865832

(ಗಮನಿಸಿ: ಜ್ಯೋತಿಷ್ಯ ಶಾಸ್ತ್ರದ ಲೆಕ್ಕಾಚಾರಕ್ಕೆ ಹಲವು ಸೂತ್ರಗಳಿವೆ. ನಿರ್ದಿಷ್ಟ ರೀತಿಯಲ್ಲಿ ಕ್ರಮಬದ್ಧವಾಗಿ ಈ ರಾಶಿ ಭವಿಷ್ಯ ನೀಡಲಾಗಿದೆ. ಆದರೆ ಒಟ್ಟಾರೆಯಾಗಿ ಜ್ಯೋತಿಷ್ಯ ಎನ್ನುವುದು ನಂಬಿಕೆಯ ಮಾತು. ಓದುಗರ ನಂಬಿಕೆಯನ್ನು ‘ಹಿಂದೂಸ್ತಾನ್ ಟೈಮ್ಸ್ ಕನ್ನಡ’ ಗೌರವಿಸುತ್ತದೆ. ಇಲ್ಲಿರುವ ಯಾವುದೇ ಶಿಫಾರಸು ಅಥವಾ ಸಲಹೆಗಳನ್ನು ಪಾಲಿಸುವುದು ಓದುಗರ ವಿವೇಚನೆ, ನಂಬಿಕೆಗೆ ಬಿಟ್ಟ ವಿಷಯವಾಗಿರುತ್ತದೆ).

Note: ನಾಳೆ ಬೆಳಗ್ಗೆ ಹಿಂದೂಸ್ತಾನ್ ಟೈಮ್ಸ್ ಕನ್ನಡದಲ್ಲಿ ಮೀನ ರಾಶಿಯ 2024ರ ವರ್ಷ ಭವಿಷ್ಯ ಪ್ರಕಟವಾಗಲಿದೆ.

ಇದನ್ನೂ ಓದಿ: 2024 Horoscope: ಈ 4 ರಾಶಿಯವರಿಗೆ ಹೊಸ ವರ್ಷ ಪರಿವರ್ತನೆಯ ವರ್ಷ: ಹೊಸ ಜೀವನ, ಅದೃಷ್ಟ ನಿಮ್ಮದಾಗಲಿದೆ