ಗೃಹ ನಿರ್ಮಾಣ 2025: ಮೇಷ ರಾಶಿಯವರಿಗೆ ಸ್ವಂತ ಮನೆ ಕನಸು ನನಸಾಗಲಿದೆ, ವೃಷಭ ರಾಶಿಯವರಿಗೆ ಶನಿ ಪ್ರಭಾವದಿಂದ ಸಮಸ್ಯೆ
House Construction 2025: ಶನಿ, ರಾಹು, ಕೇತುಗಳ ಪ್ರಭಾವದಿಂದ ಕೆಲವರಿಗೆ ಇದುವರೆಗೂ ಸ್ವಂತ ಮನೆ ಕನಸು ನನಸಾಗಿರುವುದಿಲ್ಲ. 2025 ಬರುತ್ತಿದೆ. ಈ ಬಾರಿ ಯಾವ ರಾಶಿಯವರ ಸ್ವಂತ ಮನೆ ಕನಸು ನನಸಾಗುತ್ತದೆ, ಯಾರಿಗೆ ಸಮಸ್ಯೆ ಉಂಟಾಗುತ್ತದೆ? ಮೇಷ, ವೃಷಭ, ಮಿಥುನ, ಕಟಕ ರಾಶಿಯವರ ಗೃಹ ನಿರ್ಮಾಣ 2025 ರ ರಾಶಿಫಲ ಹೀಗಿದೆ.
ಗೃಹ ನಿರ್ಮಾಣ 2025: ಮನೆ ಕಟ್ಟಿ ನೋಡು, ಮದುವೆ ಮಾಡಿ ನೋಡು ಎಂಬ ಗಾದೆ ಮಾತು ಇದೆ. ಒಂದು ಮದುವೆ ಮಾಡುವುದು ಸುಲಭದ ಮಾತಲ್ಲ, ಅದೇ ರೀತಿ ಒಂದು ಮನೆ ಕಟ್ಟುವುದು ಕೂಡಾ ಸುಲಭವಲ್ಲ. ಜೀವನ ಪೂರ್ತಿ ದುಡಿದರೂ ಕೆಲವರಿಗೆ ಸೈಟ್ ಕೊಳ್ಳಲು, ಕನಸಿನ ಮನೆ ಕಟ್ಟಿಸಲು ಕೆಲವರಿಗೆ ಸಾಧ್ಯವಾಗುವುದಿಲ್ಲ. ಇದಕ್ಕೆ ಗ್ರಹಗತಿಗಳು ಕೂಡಾ ಕಾರಣ ಎನ್ನಬಹುದು. ಕೆಲವೊಮ್ಮೆ ಎಷ್ಟೇ ಹಣ ಇದ್ದರೂ ಗ್ರಹಗತಿಗಳ ಬೆಂಬಲ ಇಲ್ಲದೆ ಅಂದುಕೊಂಡಿದ್ದನ್ನು ಸಾಧಿಸಲು ಸಾಧ್ಯವಾಗುವುದಿಲ್ಲ.
ಹೊಸ ವರ್ಷ ಬರುತ್ತಿದೆ, ಈ ವರ್ಷವಾದರೂ ಭೂಮಿ ಕೊಳ್ಳುವ, ಮನೆ ಖರೀದಿಸುವ ಅಥವಾ ಕಟ್ಟಲು ಸಾಧ್ಯವಾಗಬಹುದಾ ಎಂದು ಹಲವರು ಕುತೂಹಲದಿಂದ ಕಾಯುತ್ತಿದ್ದಾರೆ. ಯಾವೆಲ್ಲಾ ರಾಶಿಯವರಿಗೆ ಸ್ವಂತ ಮನೆ, ಭೂಮಿ ಕನಸು ನನಸಾಗುತ್ತದೆ, ಯಾವ ರಾಶಿಯವರು ಇನ್ನೂ ಕಾಯಬೇಕು? ಇಲ್ಲಿದೆ ಮಾಹಿತಿ.
ಮೇಷ, ವೃಷಭ, ಮಿಥುನ, ಕಟಕ ರಾಶಿಯವರಿಗೆ 2025 ರಲ್ಲಿ ಮನೆ ಖರೀದಿ, ನಿರ್ಮಾಣಕ್ಕೆ ಶುಭ ಸಮಯ
ಮೇಷ ರಾಶಿ
ಈ ರಾಶಿಯವರಿಗೆ 2025 ರಲ್ಲಿ ಮನೆ ಖರೀದಿಸಲು ಉತ್ತಮ ಸಮಯವಿದೆ. 2025 ನಿಮಗೆ ಮಧ್ಯಮ ಮಟ್ಟದಲ್ಲಿ ಫಲಪ್ರದವಾಗಬಹುದು. ನೀವು ಈಗಾಗಲೇ ಸ್ವಲ್ಪ ಭೂಮಿಯನ್ನು ಹೊಂದಿದ್ದರೆ ಮತ್ತು ಅದರಲ್ಲಿ ನಿಮ್ಮ ಮನೆಯನ್ನು ನಿರ್ಮಿಸಲು ಬಯಸಿದರೆ, ಈ ದಿಕ್ಕಿನಲ್ಲಿ ಮಾಡಿದ ಪ್ರಯತ್ನಗಳು ಯಶಸ್ವಿಯಾಗುವ ಸಾಧ್ಯತೆಯಿದೆ. ನೀವು ಪ್ರಾಮಾಣಿಕ ಪ್ರಯತ್ನ ಮಾಡಿದರೆ ಮಾತ್ರ ಈ ವರ್ಷ ನೀವು ಮನೆ ಕಟ್ಟುವ ಕೆಲಸದಲ್ಲಿ ಯಶಸ್ವಿಯಾಗುತ್ತೀರಿ. 2025ರಲ್ಲಿ ನಿಮ್ಮ ಸ್ವಂತ ಮನೆ ಕನಸು ನನಸಾಗುವುದು.
ವೃಷಭ ರಾಶಿ
ಈ ರಾಶಿಯವರಿಗೆ ವರ್ಷದ ಆರಂಭದಲ್ಲಿ ಅಂದರೆ ಜನವರಿಯಿಂದ ಮಾರ್ಚ್ ವರೆಗಿನ ಸಮಯದಲ್ಲಿ ಶನಿ ಪ್ರಭಾವ ಇರುತ್ತದೆ. ಅಂತಹ ಪರಿಸ್ಥಿತಿಯಲ್ಲಿ, ಶನಿದೇವನು ನಿಮಗೆ ಮನೆ ಮತ್ತು ಆಸ್ತಿಯ ವಿಷಯದಲ್ಲಿ ಸಮಸ್ಯೆಗಳನ್ನು ಉಂಟುಮಾಡಬಹುದು. ಹೀಗಾಗಿ, ಈ ವರ್ಷ ಯಾವುದೇ ಭೂಮಿಯನ್ನು ಖರೀದಿಸಲು ನೀವು ಯೋಚಿಸುತ್ತಿದ್ದರೆ, ಅದನ್ನು ಸಂಪೂರ್ಣವಾಗಿ ಪರಿಶೀಲಿಸುವುದು ಉತ್ತಮ. ವಿವಾದಿತ ಭೂಮಿಯನ್ನು ಖರೀದಿಸುವುದರಿಂದ ನಿಮ್ಮ ಸಮಸ್ಯೆಗಳು ಹೆಚ್ಚಾಗಬಹುದು. ಒಟ್ಟಾರೆಯಾಗಿ, ಮನೆ ಖರೀದಿಸುವ ಅಥವಾ ಮನೆ ನಿರ್ಮಿಸುವ ವಿಚಾರದಲ್ಲಿ 2025 ರ ವರ್ಷ ನಿಮಗೆ ಅನುಕೂಲವಲ್ಲ. ಆದರೆ ಈ ಸಮಯದಲ್ಲಿ ನೀವು ಮನೆಯನ್ನು ರಿಪೇರಿ ಮಾಡಬಹುದು ಅಥವಾ ನವೀಕರಿಸಬಹುದು.
ಮಿಥುನ ರಾಶಿ
ಸ್ವಂತ ಮನೆಯ ವಿಚಾರಕ್ಕೆ ಬಂದರೆ, 2025 ರಲ್ಲಿ ಮನೆಯನ್ನು ಖರೀದಿಸುವ ವಿಚಾರದಲ್ಲಿ ಮಧ್ಯಮ ಫಲ ನೀಡುತ್ತದೆ. ವರ್ಷದ ಆರಂಭದಲ್ಲಿ, ಅಂದರೆ ಜನವರಿಯಿಂದ ಮೇ ಅವಧಿಯಲ್ಲಿ ರಾಹು-ಕೇತುಗಳ ಪ್ರಭಾವ ಹೆಚ್ಚಾಗಿರುತ್ತದೆ. ಪರಿಣಾಮವಾಗಿ, ನೀವು ಭೂಮಿ ಅಥವಾ ಮನೆಯನ್ನು ಖರೀದಿಸುವಾಗ ನೀವು ಜಾಗರೂಕರಾಗಿರಬೇಕು ಏಕೆಂದರೆ ಅದು ವಿವಾದಕ್ಕೆ ಒಳಗಾಗಬಹುದು. ನೀವು ಕಡಿಮೆ ಬೆಲೆಯಲ್ಲಿ ಪಡೆದರೂ ಸಹ, ಯಾವುದೇ ರೀತಿಯ ವಿವಾದಿತ ಆಸ್ತಿಯನ್ನು ಖರೀದಿಸುವುದರಿಂದ ದೂರವಿರಿ. ಮೇ ತಿಂಗಳ ನಂತರ ಶನಿಯು ನಿಮಗೆ ಧನಾತ್ಮಕ ಫಲಿತಾಂಶಗಳನ್ನು ನೀಡುತ್ತಾನೆ.
ಕಟಕ ರಾಶಿ
2025 ರಲ್ಲಿ ಈ ರಾಶಿಯವರ ಸ್ವಂತ ಮನೆ ಹೊಂದುವ ಕನಸು ನನಸಾಗಬಹುದು. ಹೊಸ ಮನೆ ಖರೀದಿಸಲು ಅಥವಾ ಭೂಮಿಗೆ ಸಂಬಂಧಿಸಿದ ವಿಷಯಗಳಿಗೆ ಈ ವರ್ಷ ಅನುಕೂಲಕರವಾಗಿದೆ. ಸ್ವಂತ ಮನೆಯನ್ನು ನೀವು ಹೊಂದಲು ಬಯಸಿದರೆ, ಈ ಹಾದಿಯಲ್ಲಿ ಯಾವುದೇ ಸಮಸ್ಯೆಯನ್ನು ಎದುರಿಸುವ ಸಾಧ್ಯತೆಗಳು ಕಡಿಮೆ. ಆದರೆ ನಿಮ್ಮ ಕಠಿಣ ಪರಿಶ್ರಮ ಮತ್ತು ಕರ್ಮಕ್ಕೆ ಅನುಗುಣವಾಗಿ ಫಲಿತಾಂಶಗಳು ದೊರೆಯುತ್ತದೆ. ನಿಮ್ಮ ಜನ್ಮಸ್ಥಳದಿಂದ ದೂರದಲ್ಲಿ ಭೂಮಿಯನ್ನು ಖರೀದಿಸಲು ಬಯಸಿದರೆ ಅಥವಾ ಅಂತಹ ಸ್ಥಳದಲ್ಲಿ ಮನೆ ನಿರ್ಮಿಸಲು ಬಯಸಿದರೆ, ಮೇ ಮಧ್ಯದ ನಂತರದ ಸಮಯ ಶುಭವಾಗಿದೆ.
ಗಮನಿಸಿ: ಇದು ಪ್ರಚಲಿತದಲ್ಲಿರುವ ಧಾರ್ಮಿಕ ನಂಬಿಕೆಗಳನ್ನು ಆಧರಿಸಿದ ಬರಹ. ಓದುಗರಿಗೆ ಮಾಹಿತಿ ನೀಡುವ ಉದ್ದೇಶದಿಂದಷ್ಟೇ ಪ್ರಕಟಿಸಲಾಗಿದೆ.
ವಿಭಾಗ