ಕನ್ನಡ ಸುದ್ದಿ / ರಾಶಿ ಭವಿಷ್ಯ / ಸಾಲದ ಸುಳಿಯಿಂದ ವಿಮುಕ್ತಿ ಪಡೆಯಲು ಬೇಕು ಲಕ್ಷ್ಮೀ ನರಸಿಂಹ ಸ್ವಾಮಿ ಆಶೀರ್ವಾದ; ಪ್ರತಿದಿನ ಈ ಋಣ ವಿಮೋಚನಾ ಸ್ತೋತ್ರ ಪಠಿಸಿ

ಸಾಲದ ಸುಳಿಯಿಂದ ವಿಮುಕ್ತಿ ಪಡೆಯಲು ಬೇಕು ಲಕ್ಷ್ಮೀ ನರಸಿಂಹ ಸ್ವಾಮಿ ಆಶೀರ್ವಾದ; ಪ್ರತಿದಿನ ಈ ಋಣ ವಿಮೋಚನಾ ಸ್ತೋತ್ರ ಪಠಿಸಿ

Runa vimochana Mantram: ಎಷ್ಟೇ ದುಡಿದರೂ ಕೆಲವರಿಗೆ ಕಷ್ಟಗಳು ಪರಿಹಾರವಾಗುವುದಿಲ್ಲ. ಜೊತೆಗೆ ಮತ್ತೊಬ್ಬರಿ ಬಳಿ ತೆಗೆದುಕೊಂಡ ಸಾಲಗಳೂ ತೀರುವುದಿಲ್ಲ. ಇದಕ್ಕೆ ಜ್ಯೋತಿಷ್ಯದಲ್ಲಿ ಕೆಲವೊಂದು ಪರಿಹಾರಗಳಿವೆ. ಪ್ರತಿದಿನ ಋಣ ವಿಮೋಚನ ನೃಸಿಂಹ ಸ್ತೋತ್ರ ಪಠಿಸಿದರೆ ಸಾಲದ ಹೊರೆಯಿಂದ ಮುಕ್ತರಾಗಬಹುದು.

ಸಾಲದ ಸುಳಿಯಿಂದ ಹೊರ ಬರಲು ಪ್ರತಿದಿನ ಋಣ ವಿಮೋಚನ ನೃಸಿಂಹ ಸ್ತೋತ್ರ ಪಠಿಸಿ

ದುಡ್ಡೇ ದೊಡ್ಡಪ್ಪ ಎಂದು ಎಲ್ಲರೂ ಮಾತನಾಡುವುದನ್ನು ನಾವು ಕೇಳಿದ್ದೇವೆ. ಬೆಳಗ್ಗೆ ಎದ್ದಾಗಿನಿಂದ ರಾತ್ರಿ ಮಲಗುವವರೆಗೂ ದುಡ್ಡು ಇಲ್ಲ ಎಂದರೆ ಜೀವನವೇ ನಡೆಯುವುದಿಲ್ಲ. ದುಡ್ಡು ಅಷ್ಟರ ಮಟ್ಟಿಗೆ ನಮ್ಮ ದೈನಂದಿನ ಜೀವನದ ಭಾಗವಾಗಿದೆ. ಆದರೆ ಎಲ್ಲರ ಬಳಿಯೂ ಜೀವನ ಸಾಗಿಸುವಷ್ಟು ದುಡ್ಡು ಇರುವುದಿಲ್ಲ. ಇದಕ್ಕಾಗಿ ಅವರು ಸಾಲ ಮಾಡುತ್ತಾರೆ. ಆದರೆ ಎಷ್ಟೇ ಕಷ್ಟ ಪಟ್ಟರೂ ಸಾಲ ತೀರಿಸಲು ಸಾಧ್ಯವಾಗುವುದಿಲ್ಲ.

ಧೈರ್ಯ, ಆತ್ಮವಿಶ್ವಾಸದ ಜೊತೆ ಬೇಕು ದೇವರ ಆಶೀರ್ವಾದ

ಹಣಕಾಸಿನ ಸಮಸ್ಯೆಯಿಂದ ಹೊರ ಬರುವುದು ಸ್ವಲ್ಪ ಕಷ್ಟ. ಸಾಲದ ಸುಳಿಯಲ್ಲಿ ಸಿಲುಕಿ ಅದರಿಂದ ಹೊರಬರಲಾಗದೆ ಅನೇಕರು ಚಿಂತಿಸುತ್ತಾರೆ. ಕೆಲವರು ಜೀವನವನ್ನೇ ಮುಗಿಸಿಕೊಳ್ಳುವ ಕೆಟ್ಟ ನಿರ್ಧಾರಕ್ಕೆ ಬರುತ್ತಾರೆ. ಆದರೆ ಜೀವನದಲ್ಲಿ ಧೈರ್ಯ ಇರಬೇಕು, ಆತ್ಮ ವಿಶ್ವಾಸ ಇರಬೇಕು. ಏನೇ ಕಷ್ಟ ಬಂದರೂ ಅದನ್ನು ಎದುರಿಸುವಂಥ ಮನಸ್ಥಿತಿ ಇರಬೇಕು. ನಿಮ್ಮ ಧೈರ್ಯ ಹಾಗೂ ದೇವರ ಆಶೀರ್ವಾದ ಜೊತೆ ಸೇರಿದರೆ ನೀವು ಮಾಡಿದ ಸಾಲದ ಸಮಸ್ಯೆಯಿಂದ ಖಂಡಿತ ಹೊರ ಬರಬಹುದು. ಇದಕ್ಕಾಗಿ ಕೆಲವೊಂದು ಪೂಜೆ ಹಾಗೂ ಶಕ್ತಿಶಾಲಿ ಮಂತ್ರಗಳಿವೆ.

ಲಕ್ಷ್ಮೀ ನರಸಿಂಹ ಸ್ವಾಮಿಯನ್ನು ಧ್ಯಾನಿಸಿದರೆ ಒಳ್ಳೆಯ ಫಲ ಸಿಗುತ್ತದೆ. ಪ್ರತಿದಿನ ಸಂಜೆ ದೀಪಾರಾಧನೆ ಮಾಡುವುದು ಒಳ್ಳೆಯದು. ಶ್ರೀ ಲಕ್ಷ್ಮೀನರಸಿಂಹ ಸ್ತೋತ್ರವನ್ನು ಪಠಿಸುವುದರಿಂದ ಉತ್ತಮ ಫಲಿತಾಂಶಗಳನ್ನು ಕಾಣಬಹುದು. ಪ್ರತಿದಿನ 18 ಬಾರಿ ಶ್ರೀ ಲಕ್ಷ್ಮೀ ನರಸಿಂಹ ಸ್ತೋತ್ರವನ್ನು ಪಠಿಸುವುದರಿಂದ ಧೈರ್ಯ ಹೆಚ್ಚಾಗುತ್ತದೆ. ನಿಮ್ಮ ಸಾಲಗಳನ್ನು ತೀರಿಸಲು ನಿಮಗೆ ಸಾಧ್ಯವಾಗುತ್ತದೆ. ಗುರುವಾರದಂದು ಈ ಸ್ತೋತ್ರವನ್ನು ಮೊದಲು ಆರಂಭಿಸಬೇಕು.

ಇದನ್ನೂ ಓದಿ: ಯಾವ ದಿನ ತಲೆಸ್ನಾನ ಮಾಡುವುದು ಒಳ್ಳೆಯದು, ಈ ವಿಚಾರದಲ್ಲಿ ಮಹಿಳೆಯರು, ಪುರುಷರಿಗೆ ಪ್ರತ್ಯೇಕ ನಿಯಮಗಳಿವೆಯೇ?