ಮದುವೆ ಸಾಧ್ಯತೆಗಳು 2025: ಮೇಷ ರಾಶಿಯವರಿಗೆ ಗುರುವಿನ ದೃಷ್ಟಿಯಿಂದ ಮದುವೆ ಸಾಧ್ಯತೆ, ಕಟಕ ರಾಶಿಯವರಿಗೆ ಮೇ ನಂತರದ ಅವಧಿ ಸೂಕ್ತವಲ್ಲ

ಮದುವೆ ಸಾಧ್ಯತೆಗಳು 2025: ಮದುವೆ ಎಲ್ಲರ ಜೀವನದಲ್ಲೂ ಪ್ರಮುಖ ಘಟ್ಟ, ಇದೊಂದು ಶುಭ ಕಾರ್ಯ. ಮದುವೆ ಎರಡು ಕುಟುಂಬಗಳನ್ನು ಒಗ್ಗೂಡಿಸುತ್ತದೆ. ಎರಡು ಮನಸ್ಸುಗಳನ್ನು ಬೆಸೆಯುತ್ತದೆ. ಜೀವನದುದ್ದಕ್ಕೂ ಕಷ್ಟ ಸುಖಗಳಲ್ಲಿ ಜೊತೆಯಾಗಿ ಇರಲು ವಧು-ವರರ ಒಬ್ಬರಿಗೊಬ್ಬರು ಭರವಸೆ ನೀಡುತ್ತಾರೆ. ಎಲ್ಲರಿಗೂ ಸರಿಯಾದ ವಯಸ್ಸಿಗೆ ಮದುವೆ ಆಗುವುದಿಲ್ಲ. ಇದಕ್ಕೆ ಜಾತಕದಲ್ಲಿರುವ ದೋಷಗಳೂ ಕಾರಣವಾಗಿದೆ.

ಮದುವೆಗೆ ಗುರುಬಲ ಚೆನ್ನಾಗಿರಬೇಕು, ಶುಕ್ರ ಕೂಡಾ ಪ್ರೀತಿಯನ್ನು ಬೆಂಬಲಿಸಬೇಕು, ಹೀಗಿದ್ದಲ್ಲಿ ಯಶಸ್ವಿ ವೈವಾಹಿಕ ಜೀವನ ಸಾಧ್ಯ. 2025ರಲ್ಲಿ ಯಾವ ರಾಶಿಯರ ಮದುವೆ ಫಿಕ್ಸ್‌ ಆಗಬಹುದು, ಯಾರ ನಿಶ್ಚಿತಾರ್ಥವಾಗಬಹುದು? ಯಾವ ರಾಶಿಯವರು ವೈವಾಹಿಕ ಜೀವನಕ್ಕೆ ಕಾಲಿಡುತ್ತಾರೆ? 2025 ಮದುವೆ ಸಾಧ್ಯತೆಗಳು ಹೀಗಿದೆ.

ಮೇಷ, ವೃಷಭ, ಮಿಥುನ, ಕಟಕ ರಾಶಿಯವರ ಮದುವೆ ಸಾಧ್ಯತೆಗಳು 2025

ಮೇಷ ರಾಶಿ

ಮೇಷ ರಾಶಿಯವರಿಗೆ 2025ರ ವರ್ಷ ಅನುಕೂಲಕರವಾಗಿದೆ. 2025 ರ ಮೊದಲ 5 ತಿಂಗಳುಗಳಲ್ಲಿ, ಅಂದರೆ ಜನವರಿಯಿಂದ ಮೇ ಮಧ್ಯದವರೆಗೆ, ಗುರುಗ್ರಹದ ಸ್ಥಾನವು ಕುಟುಂಬದಲ್ಲಿ ಸದಸ್ಯರ ಹೆಚ್ಚಳಕ್ಕೆ ಸಹಾಯ ಮಾಡುತ್ತದೆ. ಈ ಸಮಯದಲ್ಲಿ ಮೇಷ ರಾಶಿಯವರು ಮದುವೆ ಆಗುವ ಸಾಧ್ಯತೆ ಹೆಚ್ಚಾಗಿದೆ. ಮೇ ಮಧ್ಯದ ನಂತರ, ಗುರುಗ್ರಹದ ದೃಷ್ಟಿ ಈ ರಾಶಿಯವರಿಗೆ ಮದುವೆ ಸಾಧ್ಯತೆಗಳನ್ನು ಹೆಚ್ಚಿಸುತ್ತದೆ. ಈ ಸಮಯದಲ್ಲಿ ಹೆಚ್ಚಿನ ಪ್ರಯತ್ನ ಮಾಡಿದರೆ ಖಂಡಿತ ಮದುವೆ ಫಿಕ್ಸ್‌ ಆಗಲಿದೆ.

ಇದನ್ನೂ ಓದಿ: ವಾಹನ ಖರೀದಿ 2025: ಮೇಷ ರಾಶಿಯವರಿಗೆ ಹೆಚ್ಚಿನ ಪ್ರಯತ್ನ ಅಗತ್ಯ, ಕಟಕ ರಾಶಿಯವರಿಗೆ ತಮ್ಮಿಷ್ಟದ ವಾಹನ ಕೊಳ್ಳಲು ಒಳ್ಳೆ ಸಮಯ

ವೃಷಭ ರಾಶಿ

ವೃಷಭ ರಾಶಿಯವರಿಗೆ ವರ್ಷದ ಆರಂಭದಿಂದ ಮೇ ಮಧ್ಯದವರೆಗಿನ ಅವಧಿಯು ಮದುವೆಗೆ ಶುಭ ಸಮಯವಿದೆ. ಗುರುವಿನ ದೃಷ್ಟಿಯಿಂದಾಗಿ 2025 ರಲ್ಲಿ ವೃಷಭ ರಾಶಿಯವರು ಮದುವೆಯಾಗಲು ಉತ್ತಮವೆಂದು ಪರಿಗಣಿಸಲಾಗಿದೆ. ಅಥವಾ ಈ ಅವಧಿಯಲ್ಲಿ ಈ ರಾಶಿಯವರು ನಿಶ್ಚಿತಾರ್ಥ ಮಾಡಿಕೊಳ್ಳಬಹುದು, ಮದುವೆ ದಿನಾಂಕವನ್ನೂ ನಿಗದಿಪಡಿಸಿಕೊಳ್ಳಬಹುದು. ಪ್ರೀತಿಯಲ್ಲಿರುವ ವೃಷಭ ರಾಶಿಯವರಿಗೆ ನಿಮ್ಮ ಲವ್‌ ಯಶಸ್ವಿಯಾಗುವ ಎಲ್ಲಾ ಸಾಧ್ಯತೆಗಳಿವೆ. ಮೇ 2025 ರ ಕೊನೆಯ ದಿನಗಳಲ್ಲಿ ನಡೆಯುವ ಮದುವೆಗಳು ಕುಟುಂಬ ಸದಸ್ಯರ ಒಪ್ಪಿಗೆಯೊಂದಿಗೆ ನಡೆಯುತ್ತವೆ.

ಮಿಥುನ ರಾಶಿ

ಮಿಥುನ ರಾಶಿಯವರಿಗೆ ವಿವಾಹವಾಗಲು ಈ ಅವಧಿಯು ಬಹಳ ಶುಭ ಸಮಯವಾಗಿದೆ. ಬಹಳ ದಿನಗಳಿಂದ ಮದುವೆಗಾಗಿ ಪ್ರಯತ್ನಿಸುತ್ತಿರುವ ವ್ಯಕ್ತಿಗಳು ಈಗ ಸೂಕ್ತ ಅವಕಾಶಗಳನ್ನು ಪಡೆಯಬಹುದು. ಮೇ ಮಧ್ಯದ ನಂತರ ದೇವಗುರು ಗುರುವಿನ ಸ್ಥಾನ ಬಹಳ ಉತ್ತಮವಾಗಿರುತ್ತದೆ. 2025 ರಲ್ಲಿ ಮದುವೆಯಾಗುವ ಮಿಥುನ ರಾಶಿಯವರು ಉತ್ತಮ ಸಂಗಾತಿಯನ್ನು ಪಡೆಯುತ್ತಾರೆ. ಶನಿಯು ನಿಮ್ಮ ಮದುವೆ ಪ್ರಯತ್ನ ಯಶಸ್ವಿಯಾಗಲು ಆಶೀರ್ವದಿಸುತ್ತಾನೆ.

ಇದನ್ನೂ ಓದಿ: ವಾಹನ ಖರೀದಿ 2025: ಸಿಂಹ ರಾಶಿಯವರಿಗೆ ಮೇ ನಂತರದ ಅವಧಿ ಸೂಕ್ತವಲ್ಲ, ತುಲಾ ರಾಶಿಯವರು ಯಾವುದೇ ಸಮಯದಲ್ಲಿ ಖರೀದಿಸಬಹುದು

ಕಟಕ ರಾಶಿ

ಕಟಕ ರಾಶಿಯವರಿಗೆ, 2025 ರ ಆರಂಭಿಕ ಅವಧಿಯು ಮದುವೆಗೆ ಫಲಪ್ರದವಾಗಿದೆ. ಜನವರಿಯಿಂದ ಮೇ ಮಧ್ಯದ ಭಾಗವು ಈ ವರ್ಷ ಮದುವೆಯಾಗಲು ಅನುಕೂಲಕರವಾಗಿದೆ. ಗುರುಗ್ರಹದ ಪ್ರಭಾವದಿಂದ, ಈ ಅವಧಿಯು ಕಟಕ ರಾಶಿಯಲ್ಲಿ ಜನಿಸಿದ ವ್ಯಕ್ತಿಗಳಿಗೆ ಸೂಕ್ತವಾಗಿದೆ. ವಿಶೇಷವಾಗಿ, ತಮ್ಮ ಜಾತಕದಲ್ಲಿ ಪ್ರೇಮವಿವಾಹದ ಸಾಧ್ಯತೆಯನ್ನು ಹೊಂದಿರುವವರ ಕನಸು 2025 ರಲ್ಲಿ ನನಸಾಗಬಹುದು. ಆದರೆ ಮೇ ನಂತರದ ಸಮಯ ಮದುವೆಗೆ ಅಷ್ಟು ಸೂಕ್ತವಲ್ಲ.

ಗಮನಿಸಿ: ಇದು ಪ್ರಚಲಿತದಲ್ಲಿರುವ ಧಾರ್ಮಿಕ ನಂಬಿಕೆಗಳನ್ನು ಆಧರಿಸಿದ ಬರಹ. ಓದುಗರಿಗೆ ಮಾಹಿತಿ ನೀಡುವ ಉದ್ದೇಶದಿಂದಷ್ಟೇ ಪ್ರಕಟಿಸಲಾಗಿದೆ.

ಇದನ್ನೂ ಓದಿ: ವಾಹನ ಖರೀದಿ 2025: ಧನಸ್ಸು ರಾಶಿಯವರಿಗೆ ವರ್ಷದ ದ್ವಿತೀಯಾರ್ಧ ಒಳ್ಳೆಯದು, ಕುಂಭ ರಾಶಿಯವರು ಬಜೆಟ್‌ಗೆ ಅನುಗುಣವಾಗಿ ವಾಹನ ಖರೀದಿ ಸೂಕ್ತ