ಹಸ್ತಸಾಮುದ್ರಿಕ: ಅದೃಷ್ಟವಂತರ ಅಂಗೈಯಲ್ಲಿ ಈ ರೀತಿಯ ರೇಖೆಗಳಿರುತ್ತವೆ; ಸಂತೋಷದ ಜೊತೆಗೆ ಐಷಾರಾಮಿ ಜೀವನ ನಡೆಸುತ್ತಾರೆ
Palmistry: ಅದೃಷ್ಟವಂತರ ಅಂಗೈಯಲ್ಲಿ ಯಾವ ರೇಖೆಗಳಿರುತ್ತವೆ ಮತ್ತು ಅವರು ಸಂತೋಷದ ಜೊತೆಗೆ ಐಷಾರಾಮಿ ಜೀವನ ನಡೆಸುಲು ಈ ರೇಖೆಗಳು ಕಾರಣವೇ ಎಂಬುದನ್ನು ತಿಳಿಯೋಣ. ಅಂಗೈಯಲ್ಲಿ ಸೂರ್ಯ ರೇಖೆ ಬಗ್ಗೆ ತಿಳಿಯೋಣ.
Palmistry: ವ್ಯಕ್ತಿಯ ಅಂಗೈಯಲ್ಲಿ ಅನೇಕ ರೇಖೆಗಳು ಕಂಡುಬರುತ್ತವೆ. ಹಸ್ತಸಾಮುದ್ರಿಕ ಶಾಸ್ತ್ರದ ಪ್ರಕಾರ, ಅಂಗೈಯ ಕೆಲವು ರೇಖೆಗಳು ಶುಭವನ್ನು ನೀಡುತ್ತವೆ ಮತ್ತು ಕೆಲವು ರೇಖೆಗಳು ಅಶುಭ ಫಲಿತಾಂಶಗಳನ್ನು ನೀಡುತ್ತವೆ. ಅಂಗೈಯಲ್ಲಿ ಅದೃಷ್ಟ ಅಥವಾ ಶುಭ ರೇಖೆಗಳಿದ್ದರೆ, ಜಾತಕದಲ್ಲಿ ಕಡಿಮೆ ಪ್ರಯತ್ನದಿಂದ ಉತ್ತಮ ಫಲಿತಾಂಶಗಳನ್ನು ಪಡೆಯಲಾಗುತ್ತದೆ. ಇಂತಹ ಜನರು ಸೌಕರ್ಯಗಳಿಂದ ತುಂಬಿದ ಜೀವನವನ್ನು ನಡೆಸುತ್ತಾರೆ. ಹಸ್ತಸಾಮುದ್ರಿಕ ಶಾಸ್ತ್ರದಲ್ಲಿ, ಸೂರ್ಯ ರೇಖೆಯನ್ನು ಮಂಗಳಕರವೆಂದು ಪರಿಗಣಿಸಲಾಗುತ್ತದೆ. ಸೂರ್ಯನ ರೇಖೆಯು ಕೆಲವೇ ಜನರ ಕೈಯಲ್ಲಿ ಸ್ಪಷ್ಟವಾಗಿ ಕಂಡುಬರುತ್ತದೆ ಎಂದು ಹೇಳಲಾಗುತ್ತದೆ. ಸೂರ್ಯ ರೇಖೆ ಅಂಗೈಯಲ್ಲಿ ಎಲ್ಲಿರುತ್ತೆ ಮತ್ತು ಯಾವ ರೀತಿಯ ಫಲಿತಾಂಶಗಳನ್ನು ನೀಡುತ್ತದೆ ಎಂಬುದನ್ನು ತಿಳಿದುಕೊಳ್ಳೋಣ.
ಅಂಗೈಯಲ್ಲಿ ಸೂರ್ಯ ಪರ್ವತ ಎಲ್ಲಿದೆ: ಸೂರ್ಯ ರೇಖೆಯು ಉಂಗುರ ಬೆರಳಿನ ಕೆಳಗೆ ಅಂದರೆ ಉಂಗುರ ಬೆರಳಿಗಿಂತ ಸ್ವಲ್ಪ ಕೆಳಗೆ ಇರುತ್ತದೆ. ಈ ಭಾಗವನ್ನು ಸೂರ್ಯ ಪರ್ವತ ಎಂದು ಕರೆಯಲಾಗುತ್ತದೆ. ಹಸ್ತಸಾಮುದ್ರಿಕ ಶಾಸ್ತ್ರದ ಪ್ರಕಾರ, ಇಲ್ಲಿ ಸರಳ ರೇಖೆ ಇದ್ದರೆ, ಅದು ಸೂರ್ಯ ರೇಖೆ. ಅಂಗೈಯಲ್ಲಿ ರೇಖೆಯು ಮುರಿಯದೆ ಮತ್ತು ಸ್ಪಷ್ಟವಾಗಿದ್ದರೆ, ಅದು ನೀವು ಅದೃಷ್ಟಶಾಲಿ ಎಂಬುದನ್ನು ಸೂಚಿಸುತ್ತದೆ.
1. ಹಸ್ತಸಾಮುದ್ರಿಕ ಶಾಸ್ತ್ರದ ಪ್ರಕಾರ, ಸೂರ್ಯ ರೇಖೆ ಅಥವಾ ಸೂರ್ಯ ಪರ್ವತವು ನಿಮ್ಮ ಅಂಗೈಯಲ್ಲಿ ಸ್ಪಷ್ಟವಾಗಿದ್ದರೆ, ನಿಮ್ಮ ಸಾಮಾಜಿಕ ಸ್ಥಾನಮಾನವು ಉತ್ತಮವಾಗಿರುತ್ತದೆ. ಜನರು ನಿಮ್ಮಿಂದ ಪ್ರಭಾವಿತರಾಗುತ್ತಾರೆ ಮತ್ತು ನಿಮ್ಮನ್ನು ಗೌರವಿಸುತ್ತಾರೆ. ಸಾಕಷ್ಟು ಅದೃಷ್ಟದ ಫಲಗಳನ್ನು ಪಡೆಯುತ್ತೀರಿ. ನಿರೀಕ್ಷೆಗೂ ಮೀರಿದ ಹಣ ಬರುತ್ತದೆ.
2. ಹಸ್ತಸಾಮುದ್ರಿಕ ಶಾಸ್ತ್ರದ ಪ್ರಕಾರ, ಅಂಗೈಯಲ್ಲಿ ಎರಡು ಸೂರ್ಯ ರೇಖೆಗಳು ಏಕಕಾಲದಲ್ಲಿ ಪರಸ್ಪರ ಅಂತರದಲ್ಲಿದ್ದರೆ, ಅದನ್ನು ಶುಭವೆಂದು ಪರಿಗಣಿಸಲಾಗುತ್ತದೆ. ಅಂತಹ ಜನರಿಗೆ ಸರ್ಕಾರಿ ಉದ್ಯೋಗ ಸಿಗುವ ಸಾಧ್ಯತೆಯಿದೆ ಎಂದು ಹೇಳಲಾಗುತ್ತದೆ.
3. ಹಸ್ತಸಾಮುದ್ರಿಕ ಶಾಸ್ತ್ರದ ಪ್ರಕಾರ, ಸೂರ್ಯ ಪರ್ವತದಿಂದ ಹೊರಹೊಮ್ಮುವ ರೇಖೆಯ ಒಂದು ಭಾಗವು ಮಧ್ಯದ ಬೆರಳಿನ ಕಡೆಗೆ ಮತ್ತು ಇನ್ನೊಂದು ಭಾಗವು ಕಿರುಬೆರಳಿನ ಕಡೆಗೆ ಹೋಗುತ್ತದೆ, ಅಂತಹ ಜನರು ತುಂಬಾ ಬುದ್ಧಿವಂತರಾಗಿರುತ್ತಾರೆ. ಇವರಿಗೆ ವ್ಯವಹಾರ ಹಾಗೂ ಉದ್ಯಮದ ಜ್ಞಾನ ಸಾಕಷ್ಟು ಇರುತ್ತದೆ. ಸಾಕಷ್ಟು ಹಣ ಗಳಿಸುವ ಕಲೆ ಇವರಿಗೆ ಇರುತ್ತದೆ.
4. ಅಂಗೈಯಲ್ಲಿ ಸೂರ್ಯ ರೇಖೆಯ ಮೇಲಿನ ಸ್ವಸ್ತಿಕ ಚಿಹ್ನೆಯನ್ನು ಶುಭವೆಂದು ಪರಿಗಣಿಸಲಾಗುತ್ತದೆ. ಅಂತಹ ವ್ಯಕ್ತಿಯು ಜೀವನದಲ್ಲಿ ಸಂತೋಷ, ಸಮೃದ್ಧಿ ಮತ್ತು ಗೌರವವನ್ನು ಪಡೆಯುತ್ತಾನೆ ಎಂದು ಹೇಳಲಾಗುತ್ತದೆ. ಗಳಿಸುವ ಜೊತೆಗೆ ಒಂದಿಷ್ಟು ದಾನವನ್ನು ಮಾಡುವ ಮನಸ್ಥಿತಿಯನ್ನು ಹೊಂದಿರುತ್ತಾರೆ.
(ಗಮನಿಸಿ: ಇದು ನಂಬಿಕೆ ಮತ್ತು ಶಾಸ್ತ್ರವನ್ನು ಆಧರಿಸಿದ ಬರಹ. ಇದರಲ್ಲಿರುವ ಎಲ್ಲ ಅಂಶಗಳನ್ನೂ ಹಿಂದೂಸ್ತಾನ್ ಟೈಮ್ಸ್ ಕನ್ನಡ ಪುಷ್ಟೀಕರಿಸುವುದಿಲ್ಲ. ನಿಮ್ಮ ಸ್ವಂತ ವಿವೇಚನೆ ಬಳಸಿ ನಿರ್ಧಾರಗಳನ್ನು ತೆಗೆದುಕೊಳ್ಳಿ).
Raghavendra M Y
