ಮೋಜಿನ ಹವ್ಯಾಸಗಳಿಂದ ಗಮನ ಸೆಳೆವ 5 ರಾಶಿಯವರು, ಎಲ್ರಿಗಿಂತ ಇವರೊಂಥರ ಡಿಫ್ರೆಂಟ್‌ ಬಿಡಿ
ಬದುಕಿನಲ್ಲಿ ಮೋಜ ಮಸ್ತಿ ಇಲ್ಲ ಅಂದ್ರೆ ಇದೂ ಒಂದ್‌ ಲೈಫಾ ಅನ್ನಿಸೋದು ಸುಳ್ಳಲ್ಲ. ಕೆಲವರು ಕ್ರೇಜಿಯಾಗಿರೋದಕ್ಕೆ ಬಹಳ ಇಷ್ಟ ಪಡ್ತಾರೆ. ಈ 5 ರಾಶಿಯವರಂತೂ ಮೋಜಿನ ಹವ್ಯಾಸಗಳ ಮೂಲಕವೇ ಗಮನ ಸೆಳಿತಾರೆ. ಹಾಗಾದ್ರೆ ಇದ್ರಲ್ಲಿ ನಿಮ್‌ ರಾಶಿನೂ ಇದ್ಯಾ ನೋಡಿ.
ಬದುಕಿನಲ್ಲಿ ಎಲ್ಲರೂ ಒಂದೇ ತರಹ ಇರುವುದಿಲ್ಲ. ಕೆಲವರು ಗಂಭೀರವಾಗಿದ್ದರೆ ಇನ್ನೂ ಕೆಲವರು ಸಾಕಷ್ಟು ತಮಾಷೆಯಾಗಿರುತ್ತಾರೆ. ಕೆಲವರು ಬದುಕನ್ನು ಬಹಳ ಗಂಭೀರವಾಗಿ ತೆಗೆದುಕೊಂಡರೆ ಇನ್ನೂ ಕೆಲವರು ʼಲೈಫ್‌ ಕ್ರೇಜಿ ಆಗಿರ್ಬೇಕ್‌ ಗುರುʼ ಅಂತಾರೆ. ಕೆಲವರಿಗೆ ವಿಭಿನ್ನ ಹವ್ಯಾಸಗಳನ್ನು ರೂಢಿಸಿಕೊಳ್ಳುವುದು ಇಷ್ಟವಾಗುತ್ತದೆ. ಬೇರೆಯವರಿಗೆ ಕಣ್ಣಿಗೆ ಅದು ಹುಚ್ಚು ಹವ್ಯಾಸ ಅನ್ನಿಸಿದ್ರೂ ನಿಮಗಂತೂ ಅದು ಪಕ್ಕಾ ಮ್ಯಾಚ್‌ ಆಗುತ್ತೆ. ಹಾಗಾದ್ರೆ ರಾಶಿಗೆ ಅನುಗುಣವಾಗಿ ನೀವು ಇಷ್ಟಪಡುವ ಫನ್ನಿ ಹಾಬಿ ಅಥವಾ ಒಂಥರಾ ಹುಚ್ಚು ಹವ್ಯಾಸ ಯಾವುದು ನೋಡಿ.
ಮೇಷ ರಾಶಿ
ಈ ರಾಶಿಯ ವ್ಯಕ್ತಿಗಳು ಬಹಳ ಧೈರ್ಯವಂತರು. ಇವರು ಯಾವುದೇ ಕೆಲಸವನ್ನು ಧೈರ್ಯದಿಂದ ಮಾಡುತ್ತಾರೆ. ಎತ್ತರದಿಂದ ಜಿಗಿಯುವುದು, ಬಂಡೆಗಳನ್ನು ಹತ್ತುವುದು, ಹಗ್ಗ ಹಿಡಿದು ಜಾರುವುದು ಮುಂತಾದ ಸಾಹಸಮಯ ಕ್ರೀಡೆಗಳು ಇವರಿಗೆ ಬಹಳ ಇಷ್ಟವಾಗುತ್ತದೆ. ಇದು ಇವರಿಗೆ ಥ್ರಿಲ್‌ ನೋಡುವ ಹವ್ಯಾಸವಾಗಿದೆ.
ಕುಂಭ ರಾಶಿ
ಕುಂಭ ರಾಶಿಯವರು ವಿಭಿನ್ನ ಹಾಗೂ ಹೊಸ ಆಲೋಚನೆಗಳ ಚಿಂತನೆಗೆ ಹೆಸರುವಾಸಿಯಾಗಿದ್ದಾರೆ. ಈ ರಾಶಿಯವರು ಎಲ್ಲರೂ ಇಷ್ಟಪಡುವ ಹವ್ಯಾಸಕ್ಕಿಂತ ಭಿನ್ನವಾಗಿರುವುದನ್ನು ಇಷ್ಟಪಡುತ್ತಾರೆ. ಇವರು ಹೊಸ ಗ್ಯಾಜೆಟ್‌ಗಳಲ್ಲಿ ಆಟವಾಡುವುದು, ವಿಸ್ಮಯಕಾರಿ ಆರ್ಟ್‌ ಪ್ರಾಜೆಕ್ಟ್‌ಗಳಲ್ಲಿ ಕೆಲಸ ಮಾಡುವುದು ಇವರಿಗೆ ಇಷ್ಟವಾಗುತ್ತದೆ. ಇವರು ಕುತೂಹಲಿಗಳೂ ಆಗಿರುವುದರಿಂದ ಅಸಾಮಾನ್ಯ ವಿಷಯಗಳನ್ನು ಅನ್ವೇಷಿಸಲು ಇಷ್ಟಪಡುತ್ತಾರೆ.
ಮಿಥುನ ರಾಶಿ
ಮಿಥುನ ರಾಶಿಯವರು ಎರಡು ವ್ಯಕ್ತಿತ್ವದ ಮುಖ ಹೊಂದಿದ್ದಾರೆ. ಇವರು ಮನಸ್ಸನ್ನು ಬ್ಯುಸಿಯಾಗಿಡುವ ಉದ್ದೇಶದಿಂದ ವಿಭಿನ್ನ ಕೆಲಸಗಳನ್ನು ಮಾಡಲು ಇಷ್ಟಪಡುತ್ತಾರೆ. ಒಗಟು, ಪಜಲ್‌ ಬಿಡಿಸುವುದು ಇವರಿಗೆ ಇಷ್ಟವಾಗುತ್ತದೆ. ಥಟ್ಟಂತ ಹೇಳಿಯಂತಹ ಆಟಗಳು ಇವರಿಗೆ ಇಷ್ಟವಾಗುತ್ತದೆ. ಇದರಿಂದ ಇವರು ನಮ್ಮ ಮೆದುಳನ್ನು ಸದಾ ಕ್ರಿಯಾಶೀಲರಾಗಿ ಇರಿಸುತ್ತಾರೆ.
ಧನು ರಾಶಿ
ಧನುರಾಶಿಯವರು ಸಾಹಸಮಯ ಹಾಗೂ ಹೊಸ ಸ್ಥಳಗಳನ್ನು ಅನ್ವೇಷಿಸಲು ಇಷ್ಟಪಡುತ್ತಾರೆ. ಲಾಂಗ್‌ವಾಕ್‌ ಹೋಗುವುದು ಇವರಿಗೆ ಅಚ್ಚುಮೆಚ್ಚು. ಕಾಡಿನಲ್ಲಿ ಬದುಕುವುದನ್ನು ಇವರು ಇಷ್ಟ ಪಡುತ್ತಾರೆ. ಮುಂದೆ ಏನಾಗಬಹುದು ಎಂಬ ಕ್ರೇಜಿ ಮನಸ್ಥಿತಿ ಇವರದ್ದು. ತಮ್ಮಿಂದ ಏನೆಲ್ಲಾ ಸಾಧ್ಯ ನೋಡೇ ಬಿಡೋಣ ಎನ್ನುವ ಮನೋಭಾವದವರು.
ಮೀನ ರಾಶಿ
ಮೀನರಾಶಿಯವರು ಸೃಜನಶೀಲರು, ಇವರನ್ನು ಕಾಲ್ಪನಿಕ ಪ್ರಪಂಚಕ್ಕೆ ಕೊಂಡ್ಯೊಯುವ ವಸ್ತುಗಳನ್ನು ಇವರು ಪ್ರೀತಿಸುತ್ತಾರೆ. ಕಥೆಗಳನ್ನು ಹೇಳಲು ಇವರು ವರ್ಚುವಲ್‌ ರಿಯಾಲಿಟಿ ಬಳಸಬಹುದು. ಬೇರೆಯವರಂತೆ ನಟಿಸುವುದು ಇವರಿಗೆ ಇಷ್ಟವಾಗುತ್ತದೆ. ದೈನಂದಿನ ಬದುಕಿನಲ್ಲಿ ನಡೆಯುವುದಕ್ಕಿಂತ ಕಾಲ್ಪನಿಕ ಅಂಶಗಳು ಇವರಿಗೆ ಇಷ್ಟವಾಗುತ್ತದೆ.
ನೋಡಿದ್ರಲ್ಲ ಈ ರಾಶಿಯವರೇ ನೋಡಿ ಕ್ರೇಜಿ ಹವ್ಯಾಸ ಹೊಂದಿರವವರು. ಇವ್ರು ಕೇಜಿ ಅನ್ನಿಸೋದು ಮಾತ್ರವಲ್ಲ, ಅನ್ವೇಷಣಾ ಗುಣದಿಂದಲೂ ಕೂಡ ಖ್ಯಾತಿ ಪಡೆದಿದ್ದಾರೆ. ಬೇರೆಯವರು ಪ್ರತಿದಿನ ಮಾಡುವುದಕ್ಕಿಂತ ಭಿನ್ನವಾದ ಹವ್ಯಾಸ ಇವರಿಗಿರುವ ಕಾರಣ ಇವರೊಂಥರಾ ಫನ್ನಿ ಅನ್ನಿಸೋದು ಕೂಡ ಸುಳ್ಳಲ್ಲ.
(ಗಮನಿಸಿ: ಇದು ನಂಬಿಕೆ ಮತ್ತು ಶಾಸ್ತ್ರವನ್ನು ಆಧರಿಸಿದ ಬರಹ. ಇದರಲ್ಲಿರುವ ಎಲ್ಲ ಅಂಶಗಳನ್ನೂ ʼಹಿಂದೂಸ್ತಾನ್ ಟೈಮ್ಸ್ ಕನ್ನಡʼ ಪುಷ್ಟೀಕರಿಸುವುದಿಲ್ಲ. ನಿಮ್ಮ ಸ್ವಂತ ವಿವೇಚನೆ ಬಳಸಿ ನಿರ್ಧಾರಗಳನ್ನು ತೆಗೆದುಕೊಳ್ಳಿ.)
(This copy first appeared in Hindustan Times Kannada website. To read more like this please logon to kannada.hindustantimes.com )
