ದೇಗುಲ ದರ್ಶನ: ಇಲ್ಲಿ ಹರಕೆ ಕಟ್ಟಿದರೆ ಇಷ್ಟಾರ್ಥ ಸಿದ್ಧಿ; ದಕ್ಷಿಣ ಕನ್ನಡ ಜಿಲ್ಲೆಯ ಸದಾಶಿವ ರುದ್ರ ದೇವಸ್ಥಾನದ ಇತಿಹಾಸ ತಿಳಿಯಿರಿ

ಭಕ್ತರ ಬೇಡಿಕೆಗಳನ್ನು ಈಡೇರಿಸುವ ಮೂಲಕ ಪ್ರತಿಯೊಂದು ದೇವಾಲಯವೂ ತನ್ನದೆ ಆದ ಇತಿಹಾಸವನ್ನು ಹೊಂದಿರುತ್ತದೆ. ದಕ್ಷಿಣ ಜಿಲ್ಲೆಯಲ್ಲಿರುವ ದೇವಾಲಯವೊಂದು ವಿಭಿನ್ನವಾಗಿ ಗುರುತಿಸಿಕೊಂಡಿದೆ. ಇಲ್ಲಿ ಮಣ್ಣಿನಿಂದ ಮಾಡಿದ ವಸ್ತುಗಳನ್ನು ಮಾತ್ರ ಹರಕೆ ಕಟ್ಟಲಾಗುತ್ತೆ. ಹೀಗೆ ಮಾಡಿದರೆ ಭಕ್ತರ ಇಷ್ಟಾರ್ಥಗಳು ಈಡೇರುತ್ತವೆ ಎಂಬ ನಂಬಿಕೆ ಇದೆ. ಈ ದೇವಾಲಯವನ್ನು ಹರಕೆಯ ದೇವಾಲಯ ಅಂತಲೂ ಕರೆಯಲಾಗುತ್ತೆ. ದಕ್ಷಿಣ ಕನ್ನಡ ಜಿಲ್ಲೆ ಬೆಳ್ತಂಗಡಿ ತಾಲೂಕಿನ ಸುಂದರ ಪ್ರಕೃತಿ ನಡುವೆ ಸುರ್ಯ ಎಂಬ ಹಳ್ಳಿಯಲ್ಲಿ ಸದಾಶಿವ ರುದ್ರ ದೇವಾಲಯ ಇದೆ. ಈ ದೇವಾಲಯಕ್ಕೆ ನೂರಾರು ವರ್ಷಗಳ ಇತಿಹಾಸ ಇದ್ದು, ಶ್ರೀಕ್ಷೇತ್ರ ಧರ್ಮಸ್ಥಳದ ಮೂಲಕ ಇಲ್ಲಿಗೆ ಭೇಟಿ ನೀಡಬಹುದು. ಉಜಿರೆಯಿಂದ ಕೇವಲ ನಾಲ್ಕು ಕಿಲೋಮೀಟರ್ ಆಗುತ್ತದೆ. ಪ್ರಶಾಂತ ಮತ್ತು ಶಾಂತವಾದ ವಾತಾವರಣಕ್ಕೂ ದೇವಾಲಯ ಹೆಸರುವಾಸಿಯಾಗಿದೆ.

ಸದಾಶಿವ ರುದ್ರ ದೇವಾಸ್ಥಾನದ ಕಥೆ

ಸುರ್ಯ ಎಂಬುದು ಒಂದು ಸಣ್ಣ ಹಳ್ಳಿ. ಆ ಹಳ್ಳಿಯಲ್ಲಿ ಗೃಹಿಣಿಯೊಬ್ಬಳು ವಾಸವಿರುತ್ತಾಳೆ. ಕಾಡಿಗೆ ತೆರಳಿ ಸೊಪ್ಪು ತಂದು ಜೀವನ ನಡೆಸುವುದು ಈಕೆಯ ದಿನನಿತ್ಯದ ಕೆಲಸ. ಒಮ್ಮೆ ತನ್ನ ಮಗನ ಜೊತೆಯಲ್ಲಿ ಸೊಪ್ಪನ್ನು ಕಡಿದು ತರಲು ಕಾಡಿಗೆ ತೆರಳುತ್ತಾಳೆ. ತನ್ನ ಬಳಿ ಇದ್ದ ಕುಡುಗೋಲಿನಿಂದ ಸೂಪ್ಪನ್ನು ಕಡಿಯಲು ಆರಂಭಿಸುತ್ತಾಳೆ. ಸೊಪ್ಪಿನ ಮಧ್ಯೆ ಶಿವಲಿಂಗವನ್ನು ಹೋಲುವಂತ ಶಿಲೆ ಒಂದಿರುತ್ತದೆ.

ಈಕೆಯು ತನಗೆ ತಿಳಿಯದಂತೆ ತನ್ನ ಬಳಿ ಇದ್ದ ಕುಡುಗೋಲಿನಿಂದ ಆ ಶಿಲೆಗೆ ರಭಸವಾಗಿ ಹೊಡೆಯುತ್ತಾಳೆ. ಆಕೆಯ ಏಟಿಗೆ ಲಿಂಗರೂಪಿ ಶಿಲೆಯಿಂದ ರಕ್ತವು ಬರಲಾರಂಭಿಸುತ್ತದೆ. ಅದನ್ನು ನೋಡಿದ ಆಕೆಯು ಗಾಬರಿಗೊಂಡು ಜೋರಾಗಿ ತನ್ನ ಮಗನನ್ನು ಕರೆಯುತ್ತಾಳೆ. ಈ ಕಾರಣದಿಂದಲೇ ಈ ಧಾರ್ಮಿಕ ಕ್ಷೇತ್ರಕ್ಕೆ ಸುರ್ಯ ಎಂಬ ಹೆಸರು ಬಂದಿದೆ. ಹಳ್ಳಿಯ ಜನರು ಒಂದುಗೂಡಿ ಆ ಶಿಲೆಯನ್ನು ಹಳ್ಳಿಗೆ ತಂದು ದೇವಾಲಯವನ್ನು ನಿರ್ಮಾಣ ಮಾಡುತ್ತಾರೆ.

ಇದನ್ನೂ ಓದಿ: ‌ದೇಗುಲ ದರ್ಶನ: ಶುದ್ಧರತ್ನೇಶ್ವರ ದೇಗುಲದ ಬ್ರಹ್ಮತೀರ್ಥದಿಂದ ಕಿಡ್ನಿ ಸಮಸ್ಯೆ ದೂರಾಗುತ್ತೆ ಎಂಬ ಪ್ರತೀತಿ, ಇದು ಬ್ರಹ್ಮನ ಶಾಪ ವಿಮೋಚನೆಯಾದ ಜಾಗ

ಋಷಿಮುನಿಗಳಿಗೆ ಸಂಬಂಧಿಸಿದ ಕತೆಯೊಂದು ಈ ಕ್ಷೇತ್ರಕ್ಕೆ ಸಂಬಂಧಿಸಿದಂತೆ ಇದೆ. ದೇವಾಲಯದ ಬಳಿಯಲ್ಲಿಯೇ ಅರಣ್ಯಪ್ರದೇಶ ಒಂದಿತ್ತು. ಅರಣ್ಯವಾದರೂ ಅಲ್ಲಿ ಪ್ರಶಾಂತದ ವಾತಾವರಣ ಇತ್ತು. ಅಲ್ಲಿಯೇ ಹರಕೆ ಬನ ಇರುವುದು. ಈ ಪ್ರದೇಶದಲ್ಲಿ ದೇವರ ಅನುಗ್ರಹವನ್ನು ಪಡೆದಿದ್ದ ಭೃಗು ಮಹರ್ಷಿಗಳ ಶಿಷ್ಯವರ್ಗವು ಇಲ್ಲಿಗೆ ಬರುತ್ತದೆ. ಅವರಿಗೆ ಅಲ್ಲಿಯೇ ತಪಸ್ಸು ಮಾಡಬೇಕೆಂಬ ಮಹದಾಸೆ ಉಂಟಾಗುತ್ತದೆ. ಆಗ ಹಿರಿಯ ಶಿಷ್ಯರೊಬ್ಬರು ಶಿವ ಪಾರ್ವತಿಯರನ್ನು ಕುರಿತು ಗಾಡವಾದ ತಪಸ್ಸನ್ನು ಮಾಡುತ್ತಾರೆ. ಆಗ ಅವರ ತಪಸ್ಸಿಗೆ ಮೆಚ್ಚಿದ ಶಿವ ಪಾರ್ವತಿಯರು ಪ್ರತ್ಯಕ್ಷವಾಗುತ್ತಾರೆ. ಶಿಷ್ಯನನ್ನು ಕುರಿತ ಶಿವನು ನಿನಗೆ ಯಾವ ವರ ಬೇಕು ಕೇಳು ಎಂದು ಹೇಳುತ್ತಾನೆ. ಆಗ ಆ ಶಿಷ್ಯರು ಶಿವ ಪಾರ್ವತಿಯರನ್ನು ಕುರಿತು ದಯಮಾಡಿ ನೀವು ಇದೇ ಕ್ಷೇತ್ರದಲ್ಲಿ ಲಿಂಗ ರೂಪದಲ್ಲಿ ನೆಲೆಸಬೇಕು. ಇಲ್ಲಿ ಬಂದು ಹರಕೆ ಪೂರೈಸುವ ಭಕ್ತರ ಕಷ್ಟಗಳನ್ನು ಪರಿಹರಿಸಬೇಕೆಂದು ಬೇಡಿಕೊಳ್ಳುತ್ತಾರೆ. ಆ ದಿನದಿಂದಲೂ ಇಂದಿನವರೆಗೆ ಕೇವಲ ಹರಕೆ ತೀರಿಸುವ ಮೂಲಕ ಭಕ್ತರು ತಮ್ಮ ಇಷ್ಟಾರ್ಥಗಳನ್ನು ಪೂರೈಸಿಕೊಳ್ಳುತ್ತಿದ್ದಾರೆ.

ಇದನ್ನೂ ಓದಿ: ದೇಗುಲ ದರ್ಶನ: ತಮಿಳುನಾಡಿನ ಈ ದೇಗುಲದಲ್ಲಿ ಪೂಜೆ ಮಾಡಿದರೆ ಕ್ಯಾನ್ಸರ್, ಚರ್ಮರೋಗ ಗುಣವಾಗುವ ನಂಬಿಕೆ, ಶಿವ ಧರೆಗೆಳಿದು ಬಂದ ಪುಣ್ಯಕ್ಷೇತ್ರವಿದು

ತುಂಬಾ ಸರಳ ಹರೆಯ ದೇವರು

ಭಕ್ತರು ತಮ್ಮ ಮನೋಭಿಲಾಷೆಗಳನ್ನು ಪೂರೈಸಿಕೊಳ್ಳಲು ದೇವರಲ್ಲಿ ಪ್ರಾರ್ಥನೆ ಮಾಡಿಕೊಳ್ಳುತ್ತಾರೆ. ತಮ್ಮ ಇಷ್ಟಾರ್ಥಿಗಳು ಫಲಿಸಿದಾಗ ತಾವು ಮಾಡಿದ್ದ ಸಂಕಲ್ಪಕ್ಕೆ ಅನುಗುಣವಾಗಿ ಮಣ್ಣಿನ ಗೊಂಬೆಗಳನ್ನು ಹರಕೆಯ ರೂಪದಲ್ಲಿ ಶ್ರೀ ಸದಾಶಿವ ರುದ್ರ ದೇವರಿಗೆ ಅರ್ಪಿಸುವುತ್ತಾರೆ. ಭಕ್ತರು ಹರಕೆಯಾಗಿ ನೀಡಿದ ಹರಕೆಯ ಮಣ್ಣಿನ ಗೊಂಬೆಗಳನ್ನು ಲಿಂಗದ ಸುತ್ತಲೂ ಜೋಡಿಸಿರುತ್ತಾರೆ. ಕೇವಲ ಹಗಲಿನ ವೇಳೆಯಲ್ಲಿ ಮಾತ್ರ 'ಹರಕೆ ಬನ' ಕ್ಕೆ ಪ್ರವೇಶವನ್ನು ನಿರ್ಬಂಧಿಸಲಾಗಿದೆ.

ಇದನ್ನೂ ಓದಿ: ಇಲ್ಲಿ ಕಾಗೆಗಳೇ ಇಲ್ಲ, ನಂದಿ ವಿಗ್ರಹ ಪ್ರತಿವರ್ಷ ಬೆಳೆಯುತ್ತಿದೆ; ಆಂಧ್ರಪ್ರದೇಶ ಯಾಗಂಟಿ ಉಮಾಮಹೇಶ್ವರ ದೇವಸ್ಥಾನ ದರ್ಶನ

ಯಾವುದೇ ಹರಕೆ ಆದರೂ ಒಂದು ಸೇರು ಅಕ್ಕಿ , ಒಂದು ತೆಂಗಿನಕಾಯಿ ಮತ್ತು ಐದುರೂಪಾಯಿಗಳನ್ನು ದೆವರಿಗೆ ಸಲ್ಲಿಸಬೇಕಾಗುತ್ತದೆ. ಒಬ್ಬರು ಒಮ್ಮೆಲೆ ಎಷ್ಟು ಹರಕೆಯನ್ನು ಸಹ ಮಾಡಿಕೊಳ್ಳಬಹುದು. ತೊಟ್ಟಿಲಿನಿಂದ ಹಿಡಿದು ಮನೆಯವರೆಗು ಎಲ್ಲಾ ರೀತಿಯ ಮಣ್ಣಿನ ಪ್ರತಿಮೆಗಳು ಹರಕೆಗೆ ಅನುಕೂಲವಾಗುವಂತೆ ದೊರೆಯುತ್ತವೆ.