ಪಿತೃ ಪಕ್ಷದಲ್ಲಿ ಇಂದಿರಾ ಏಕಾದಶಿ; ಭಗವಾನ್ ವಿಷ್ಣುವಿನ ಆಶೀರ್ವಾದ ಪಡೆಯಲು ಪಠಿಸಬೇಕಾದ 10 ಮಂತ್ರಗಳಿವು
ಇಂದಿರಾ ಏಕಾದಶಿ: ಪಿತೃ ಪಕ್ಷದಲ್ಲಿ ಇಂದಿರಾ ಏಕಾದಶಿಯಂದು ಉಪವಾಸ ಮಾಡುವುದು ಪೂರ್ವಜರ ಶಾಂತಿಗಾಗಿ ಅತ್ಯಂತ ಮಂಗಳಕರವೆಂದು ಪರಿಗಣಿಸಲಾಗಿದೆ. ಈ ದಿನದಂದು ಭಗವಾನ್ ವಿಷ್ಣುವನ್ನು ಮೆಚ್ಚಿಸಲು, ಪೂಜೆಯ ಜೊತೆಗೆ ವಿಶೇಷ ಮಂತ್ರಗಳನ್ನು ಪಠಿಸುವುದರಿಂದ ಭಗವಂತನ ಅನುಗ್ರಹ ಇರಲಿದೆ.
ಇಂದಿರಾ ಏಕಾದಶಿ: ಹಿಂದೂ ಧರ್ಮದಲ್ಲಿ ಭಗವಾನ್ ವಿಷ್ಣುವಿನ ಆರಾಧನೆಗೆ ಏಕಾದಶಿಯ ದಿನಾಂಕವು ಬಹಳ ಮುಖ್ಯ ಎಂದು ಪರಿಗಣಿಸಲಾಗಿದೆ. ಪ್ರತಿ ತಿಂಗಳ ಶುಕ್ಲ ಪಕ್ಷ ಮತ್ತು ಕೃಷ್ಣ ಪಕ್ಷದಲ್ಲಿ ಬರುವ ಏಕಾದಶಿ ತಿಥಿಯನ್ನು ವಿವಿಧ ಹೆಸರುಗಳಿಂದ ಕರೆಯಲಾಗುತ್ತದೆ. ಈ ದಿನದಂದು ಪೂಜೆ ಮಾಡಿ ಉಪವಾಸ ಮಾಡಿದರೆ ಭಗವಾನ್ ವಿಷ್ಣುವಿನ ಆಶೀರ್ವಾದ ಸಿಗಲಿದೆ. ಭಾದ್ರಪದ ಮಾಸದ ಕೊನೆಯ ಏಕಾದಶಿಯನ್ನು ಇಂದಿರಾ ಏಕಾದಶಿ ಎಂದು ಕರೆಯಲಾಗುತ್ತದೆ. ಇಂದಿರಾ ಏಕಾದಶಿ ವ್ರತದ ಆಚರಣೆಯು ವಿಷ್ಣುವಿನ ಆಶೀರ್ವಾದವನ್ನು ತರುತ್ತದೆ ಮತ್ತು ಪೂರ್ವಜರಿಗೆ ಮೋಕ್ಷವನ್ನು ತರುತ್ತದೆ ಎಂದು ನಂಬಲಾಗಿದೆ. ದೃಕ್ ಪಂಚಾಂಗದ ಪ್ರಕಾರ ಇಂದಿರಾ ಏಕಾದಶಿ ವ್ರತವನ್ನು ಇಂದು (2024ರ ಸೆಪ್ಟೆಂಬರ್ 28 ಶನಿವಾರ) ಆಚರಿಸಲಾಗುತ್ತದೆ. ಏಕಾದಶಿ ವ್ರತದಂದು ಜಗದ ಪೋಷಕನಾದ ವಿಷ್ಣುವನ್ನು ಪೂಜಿಸುವುದರಿಂದ ಜೀವನದ ಎಲ್ಲಾ ದುಃಖಗಳು ದೂರವಾಗಿ ಸಂಪತ್ತು ಮತ್ತು ಸಮೃದ್ಧಿ ಹೆಚ್ಚಾಗಲಿದೆ ಎಂಬ ನಂಬಿಕೆ ಇದೆ.
ಇಂದಿರಾ ಏಕಾದಶಿ ಪೂಜೆ ಮುಹೂರ್ತ
ಸೆಪ್ಟೆಂಬರ್ 28 ಶನಿವಾರ ಬೆಳಿಗ್ಗೆ 7.41 ರಿಂದ 9.11 ರವರೆಗೆ ಇರುತ್ತದೆ. ಬಳಿಕ ಮಧ್ಯಾಹ್ನ 1.40ರಿಂದ 3.10ರವರೆಗೆ ಪೂಜಾ ಕೈಂಕರ್ಯವಿರುತ್ತದೆ. ಸೂರ್ಯೋದಯದ ನಂತರ ಏಕಾದಶಿ ಉಪವಾಸವನ್ನು ಆಚರಿಸಬೇಕು ಎಂದು ಜ್ಯೋತಿಷಿಗಳು ಹೇಳುತ್ತಾರೆ.
ಈ ದಿನ ವಿಷ್ಣುವಿನ ಸಾಲಿಗ್ರಾಮವನ್ನು ಪೂಜಿಸುವುದು ಮತ್ತು ವಿಶೇಷ ಮಂತ್ರಗಳನ್ನು ಪಠಿಸುವುದು ಅತ್ಯಂತ ಮಂಗಳಕರ ಮತ್ತು ಫಲಪ್ರದವೆಂದು ಪರಿಗಣಿಸಲಾಗಿದೆ. ಇಂದಿರಾ ಏಕಾದಶಿ ದಿನದಂದು ಸಮಸ್ಯೆಗಳಿಂದ ಪರಿಹಾರ ಪಡೆಯಲು ನೀವೂ ಈ ಮಂತ್ರಗಳನ್ನು ಪಠಿಸುವುದರಿಂದ ಪ್ರಯೋಜನ ಪಡೆಯಬಹುದು. ವಿಷ್ಣುವಿನ ಸಾಮಾನ್ಯ ಮಂತ್ರಗಳನ್ನು ತಿಳಿಯೋಣ.
ವಿಷ್ಣುವಿನ ಸಾಮಾನ್ಯ ಮಂತ್ರಗಳು
1. ಓಂ ನಮೋ ಭಗವತೇ ವಾಸುದೇವಾಯ
2. ಶ್ರೀ ಕೃಷ್ಣ ಗೋವಿಂದ ಹರೇ ಮುರಾರೆ
ಓ ನಾಥ ನಾರಾಯಣ ವಾಸುದೇವೈ
3. ಓಂ ವಿಷ್ಣವೇ ನಮಃ
4. ಓಂ ಅಂ ವಾಸುದೇವಾಯ ನಮಃ
5. ಓಂ ಪ್ರದ್ಯುಮ್ನಾಯ ನಮಃ
6. ಓಂ ನಾರಾಯಣಾಯ ನಮಃ
7. ಓಂ ಅನಿರುದ್ಧಾಯ ನಮಃ
8. ಓಂ ಹೂಂ ವಿಷ್ಣವೇ ನಮಃ
9. ಓಂ ನಮೋ ನಾರಾಯಣ. ಶ್ರೀ ಮನ್ ನಾರಾಯಣ ನಾರಾಯಣ ಹರಿ ಹರಿ
10. ಓಂ ಅನಿರುದ್ಧಾಯ ನಮಃ
ಇದಲ್ಲದೆ, ಇಂದಿರಾ ಏಕಾದಶಿಯಂದು ವಿಷ್ಣು ಸಹಸ್ರ ನಾಮವನ್ನು ಪಠಿಸುವುದು ಅತ್ಯಂತ ಮಂಗಳಕರವೆಂದು ಪರಿಗಣಿಸಲಾಗಿದೆ. ಇದು ಸಂಪತ್ತನ್ನು ಹೆಚ್ಚಿಸುತ್ತದೆ ಎಂದು ನಂಬಲಾಗಿದೆ. ಜೀವನದ ಎಲ್ಲಾ ಕಷ್ಟಗಳು ದೂರವಾಗುತ್ತವೆ. ಕೌಟುಂಬಿಕ ಜೀವನ ಸುಖಮಯವಾಗಿರುತ್ತದೆ. ಈ ದಿನ ಭಜನೆ ಮತ್ತು ಕೀರ್ತನೆಗಳನ್ನು ಮಾಡುವುದರಿಂದ ಪುಣ್ಯಫಲ ಸಿಗುತ್ತದೆ.
ಇಂದಿರಾ ಏಕಾದಶಿಯ ದಿನ ಸಾಲಿಗ್ರಾಮವನ್ನು ಸರಿಯಾಗಿ ಪೂಜಿಸಬೇಕು. ಹೀಗೆ ಮಾಡುವುದರಿಂದ ಸಂಪತ್ತು ಮತ್ತು ಧಾನ್ಯಗಳು ವೃದ್ಧಿಯಾಗುತ್ತವೆ ಮತ್ತು ಪಿತೃಗಳು ಸಂತೋಷಪಡುತ್ತಾರೆ. ಇಂದು (ಸೆಪ್ಟೆಂಬರ್ 28, ಶನಿವಾರ) ಉಪವಾಸವಿರಬೇಕು ಮತ್ತು ಪಿತೃದೇವತೆಗಳಿಗೆ ಪಿಂಡವನ್ನು ಅರ್ಪಿಸಬೇಕು, ಬ್ರಾಹ್ಮಣರಿಗೆ ದಕ್ಷಿಣೆಯನ್ನು ನೀಡಬೇಕು. ಹೀಗೆ ಮಾಡುವುದರಿಂದ ಸಂಪತ್ತು ದ್ವಿಗುಣವಾಗುತ್ತದೆ.
ಕುಟುಂಬದಲ್ಲಿನ ಸಮಸ್ಯೆಗಳು ದೂರವಾಗುತ್ತವೆ ಮತ್ತು ಅವರು ಸಂತೋಷವಾಗಿರುತ್ತಾರೆ. ಈ ಏಕಾದಶಿಯಂದು ನೀವು ಯಾವುದೇ ದಾನ ಮಾಡಿದರೂ ಅದರ ಫಲವು ಪಿತೃಗಳಿಗೆ ಸಿಗುತ್ತದೆ. ಆದ್ದರಿಂದಲೇ ಈ ಏಕಾದಶಿಯನ್ನು ಮೋಕ್ಷದಯಾನಿ ಏಕಾದಶಿ ಎಂದು ಪರಿಗಣಿಸಲಾಗುತ್ತದೆ.
ಗಮನಿಸಿ: ಇದು ಪ್ರಚಲಿತದಲ್ಲಿರುವ ಧಾರ್ಮಿಕ ನಂಬಿಕೆಗಳನ್ನು ಆಧರಿಸಿದ ಬರಹ. ಓದುಗರಿಗೆ ಮಾಹಿತಿ ನೀಡುವ ಉದ್ದೇಶದಿಂದಷ್ಟೇ ಪ್ರಕಟಿಸಲಾಗಿದೆ.
