Swapna Shastra: ಕನಸಿನಲ್ಲಿ ಇರುವೆಗಳನ್ನು ಕಂಡಿರಾ; ಹಾಗಾದರೆ ಸಂಪತ್ತು, ಸಮೃದ್ಧಿ ವೃದ್ಧಿಸೋದು ಗ್ಯಾರಂಟಿ
Swapna Shastra: ಕನಸು ಕಾಣೋದು ಕೆಲವೊಮ್ಮ ಒಳ್ಳೆಯ ಸಂಕೇತವಾದರೆ, ಮತ್ತೆ ಕೆಲವೊಮ್ಮ ಅಪಶಕುನವಾಗುವ ಸೂಚಕ. ಕನಸಿನಲ್ಲಿ ಕಾಣುವ ವಿಷಯಗಳು ಖಂಡಿತವಾಗಿಯೂ ಕೆಲವು ಅರ್ಥವನ್ನು ಹೊಂದಿರುತ್ತವೆ. ಕನಸಿನಲ್ಲಿ ಇರುವೆಗಳನ್ನು ಕಂಡರೆ ಶುಭವೋ, ಅಶುಭವೋ..ಇಲ್ಲಿದೆ ಮಾಹಿತಿ.
Swapna Shastra: ಒಬ್ಬ ವ್ಯಕ್ತಿಯು ಸಾಮಾನ್ಯವಾಗಿ ಮಲಗುವ ಸಮಯದಲ್ಲಿ ವಿವಿಧ ರೀತಿಯ ಕನಸುಗಳನ್ನು ಕಾಣುತ್ತಾನೆ. ಆದರೆ ಹಿಂದೂ ಪುರಾಣದಲ್ಲಿ ಪ್ರಕಾರ, ಕನಸಿನಲ್ಲಿ ಕಾಣುವ ವಿಷಯಗಳಿಗೆ ಕೆಲವು ಅರ್ಥಗಳಿವೆ ಎಂದು ನಿಮಗೆ ತಿಳಿದಿದೆಯೇ? ಕನಸಿನಲ್ಲಿ ಇರುವೆಗಳನ್ನು ನೋಡುವುದರ ಹಿಂದೆ ಏನೋ ವಿಶೇಷ ಅಡಗಿದೆ.
ಕನಸಿನಲ್ಲಿ ಇರುವೆಗಳನ್ನು ಕಂಡರೆ ಸಂಪತ್ತು, ಸಮೃದ್ಧಿ ಹೆಚ್ಚಲಿದೆ
ಇರುವೆಗಳನ್ನು ಸಂಪತ್ತು ಮತ್ತು ಸಮೃದ್ಧಿಯ ಸಂಕೇತವೆಂದು ಪರಿಗಣಿಸಲಾಗುತ್ತದೆ. ನಿಮ್ಮ ಕನಸಿನಲ್ಲಿ ಇರುವೆಗಳನ್ನು ನೋಡಿದರೆ, ನೀವು ಜೀವನದಲ್ಲಿ ಸಂಪತ್ತು ಮತ್ತು ಸಮೃದ್ಧಿಯನ್ನು ಪಡೆಯಲಿದ್ದೀರಿ ಎಂದರ್ಥ. ಇದರರ್ಥ ನೀವು ಜೀವನದಲ್ಲಿ ಸಂತೋಷವನ್ನು ಪಡೆಯುತ್ತೀರಿ.
ಕಠಿಣ ಪರಿಶ್ರಮ ಹಾಗೂ ಶ್ರದ್ಧೆಯ ಸಂಕೇತ
ಸಾಮಾನ್ಯವಾಗಿ ಇರುವೆ ತುಂಬಾ ಕಠಿಣ ಮತ್ತು ಶ್ರದ್ಧೆಯಿಂದ ಕೆಲಸ ಮಾಡುವ ಜೀವಿಯಾಗಿ ಗುರುತಿಸಿಕೊಂಡಿದೆ. ನಿಮ್ಮ ಕನಸಿನಲ್ಲಿ ಇರುವೆಗಳನ್ನು ಕಂಡರೆ ನಿಮ್ಮ ಗುರಿಗಳನ್ನು ಸಾಧಿಸಲು ನೀವು ತುಂಬಾ ಕಷ್ಟಪಟ್ಟು ಮತ್ತು ಸಮರ್ಪಣೆಯೊಂದಿಗೆ ಕೆಲಸ ಮಾಡಬೇಕು ಎಂಬ ಅರ್ಥವಿದೆ.
ಕನಸಿನಲ್ಲಿ ಇರುವೆಗಳ ಸಮೂಹ ಕಂಡರೆ ಅಶುಭ ಸೂಚಕ
ನೀವು ಇರುವೆಗಳ ಸಮೂಹವನ್ನು ಕನಸಿನಲ್ಲಿ ಕಂಡರೆ ಅದು ಶುಭವಲ್ಲ. ನೀವು ತೊಂದರೆಗೆ ಸಿಲುಕುತ್ತೀರಿ ಎಂಬುದ ಸಂಕೇತ. ಒಂದು ವೇಳೆ ಅಂತಹ ಕನಸು ಬಿದ್ದದ್ದೇ ಆದಲ್ಲಿ, ಆ ಕನಸಿನ ಬಗ್ಗೆ ನಿಮ್ಮವರೊಂದಿಗೆ ಹಂಚಿಕೊಳ್ಳಿ. ಇದರಿಂದ ಅದರ ಪ್ರಭಾವ ಕಡಿಮೆಯಾಗುತ್ತದೆ.
ಕನಸಿನಲ್ಲಿ ಕೆಂಪು ಇರುವೆ ಕಂಡಿದೆಯೇ..?
ನಿಮ್ಮ ಕನಸಿನಲ್ಲಿ ಕೆಂಪು ಇರುವೆ ಕಂಡರೆ ಸ್ವಲ್ಪ ಎಚ್ಚರದಿಂದ ಇರಬೇಕು. ಏಕೆಂದರೆ ಅದನ್ನು ಅಶುಭವೆಂದು ಪರಿಗಣಿಸಲಾಗುತ್ತದೆ. ನೀವು ಕೆಂಪು ಇರುವೆಗಳ ಕನಸು ಕಂಡರೆ, ನೀವು ವ್ಯಾಪಾರ ಅಥವಾ ಕೆಲಸದಲ್ಲಿ ನಷ್ಟವನ್ನು ಅನುಭವಿಸಬಹುದು ಎಂದರ್ಥ. ಇದು ಪ್ರೀತಿ, ಸ್ನೇಹ ಮತ್ತು ಸಂಬಂಧಗಳಲ್ಲಿನ ಕಹಿಯನ್ನು ಸಹ ಸೂಚಿಸುತ್ತದೆ.
ಒಟ್ಟಿನಲ್ಲಿ ನಾವು ಕಾಣುವ ಕನಸುಗಳು ನಮ್ಮ ಜೀವನದಲ್ಲಿ ಪ್ರಮುಖ ಪಾತ್ರವನ್ನು ವಹಿಸುತ್ತದೆ. ಜೀವನದಲ್ಲಿ ಮುಂದೆ ಬರಲು, ಯಶಸ್ಸು ಸಾಧಿಸಲು ಕನಸುಗಳ ಬೆನ್ನತ್ತಿ ಹೋಗಬೇಕಾಗುತ್ತದೆ. ಅದರಲ್ಲೂ ಕಾಣುವ ನಸುಗಳು ಶುಭವೋ ಅಶುಭವೋ ಎಂಬುದನ್ನು ತಿಳಿದು ನಡೆದರೆ ಅವು ನಮ್ಮ ಯಶಸ್ಸಿನ ಮುನ್ಸೂಚನೆಯನ್ನು ನೀಡಬಲ್ಲದು.
ವಿಭಾಗ