Vinayak Chaturthi: ಜೂನ್ ತಿಂಗಳಲ್ಲಿ ವಿನಾಯಕ ಚತುರ್ಥಿ ಯಾವಾಗ? ಚತುರ್ಥಿ ಆಚರಣೆಯ ಮಹತ್ವ, ಶುಭಮುಹೂರ್ತ, ಪೂಜಾವಿಧಾನದ ವಿವರ ಇಲ್ಲಿದೆ
ಜ್ಯೇಷ್ಠ ಮಾಸದ ಶುಕ್ಲ ಪಕ್ಷದ ವಿನಾಯಕ ಚತುರ್ಥಿಯನ್ನು ನಾಳೆ (ಜೂನ್ 10) ಆಚರಿಸಲಾಗುತ್ತದೆ. ಈ ದಿನದಂದು ಗಣಪತಿಯನ್ನು ಪೂಜಿಸುವುದರಿಂದ ಎಲ್ಲಾ ತೊಂದರೆಗಳಿಂದ ಮುಕ್ತಿ ದೊರೆಯುತ್ತದೆ ಎಂಬ ಧಾರ್ಮಿಕ ನಂಬಿಕೆಯಿದೆ. ಈ ದಿನದಂದು ಅನುಸರಿಸಬೇಕಾದ ವಿಧಿವಿಧಾನಗಳು, ಪೂಜಾಕ್ರಮದ ಕುರಿತ ವಿವರ ಇಲ್ಲಿದೆ.
ಹಿಂದೂ ಧರ್ಮದಲ್ಲಿ, ಪ್ರತಿ ತಿಂಗಳ ಶುಕ್ಲ ಪಕ್ಷ ಮತ್ತು ಕೃಷ್ಣ ಪಕ್ಷದ ಚತುರ್ಥಿಯಂದು ಭಗವಾನ್ ಗಣೇಶನ ಪೂಜೆಗೆ ಹೆಚ್ಚಿನ ಪ್ರಾಮುಖ್ಯ ನೀಡಲಾಗುತ್ತದೆ. ಶುಕ್ಲ ಪಕ್ಷದಲ್ಲಿ ಬರುವ ಚತುರ್ಥಿಯನ್ನು ವಿನಾಯಕ ಚತುರ್ಥಿ ಎಂದು ಕರೆಯಲಾಗುತ್ತದೆ ಮತ್ತು ಕೃಷ್ಣ ಪಕ್ಷದ ಚತುರ್ಥಿಯನ್ನು ಸಂಕಷ್ಟ ಚತುರ್ಥಿ ಎಂದು ಕರೆಯಲಾಗುತ್ತದೆ. ದೃಕ್ ಪಂಚಾಂಗದ ಪ್ರಕಾರ, ಜ್ಯೇಷ್ಠ ಮಾಸದ ಶುಕ್ಲ ಪಕ್ಷದ ಚತುರ್ಥಿ 10 ಜೂನ್ 2024 ರಂದು ಬರುತ್ತದೆ. ಈ ದಿನ ವಿನಾಯಕ ಚತುರ್ಥಿಯನ್ನು ಆಚರಿಸಲಾಗುವುದು. ವಿನಾಯಕ ಚತುರ್ಥಿಯ ದಿನದಂದು ಉಪವಾಸ ಮಾಡಿ ಗಣಪತಿಯನ್ನು ಪೂಜಿಸುವುದರಿಂದ ಎಲ್ಲಾ ದುಃಖಗಳು ನಿವಾರಣೆಯಾಗಿ ಜೀವನದಲ್ಲಿ ಸುಖ, ಸಮೃದ್ಧಿ ಮತ್ತು ನೆಮ್ಮದಿ ದೊರೆಯುತ್ತದೆ ಎಂಬ ಧಾರ್ಮಿಕ ನಂಬಿಕೆಯಿದೆ. ವಿನಾಯಕ ಚತುರ್ಥಿಯ ನಿಖರವಾದ ದಿನಾಂಕ, ಪೂಜೆಯ ಶುಭ ಸಮಯ, ಪೂಜಾ ವಿಧಾನ ಮತ್ತು ಮಹತ್ವದ ಕುರಿತ ವಿವರ ಇಲ್ಲಿದೆ.
ದೃಕ್ ಪಂಚಾಂಗದ ಪ್ರಕಾರ, ವಿನಾಯಕ ಚತುರ್ಥಿ 9 ಜೂನ್ 2024 ರಂದು ಮಧ್ಯಾಹ್ನ 3:44ಕ್ಕೆ ಪ್ರಾರಂಭವಾಗುತ್ತದೆ ಮತ್ತು ಮರುದಿನ ಅಂದರೆ 10 ಜೂನ್ ರಂದು ಸಂಜೆ 4:14 ಕ್ಕೆ ಕೊನೆಗೊಳ್ಳುತ್ತದೆ. ಆದ್ದರಿಂದ, ಉದಯತಿಥಿಯ ಪ್ರಕಾರ, ವಿನಾಯಕ ಚತುರ್ಥಿಯನ್ನು ಈ ವರ್ಷ ಜೂನ್ 10 ರಂದು ಆಚರಿಸಲಾಗುತ್ತದೆ.
ಪೂಜೆಗೆ ಶುಭ ಸಮಯ
ಈ ದಿನ ಅಂದರೆ ಜೂನ್ 10 ರಂದು ಬೆಳಿಗ್ಗೆ 10:26 ರಿಂದ ಮಧ್ಯಾಹ್ನ 1:06 ರವರೆಗೆ ಪೂಜೆಗೆ ಶುಭ ಸಮಯ.
ಚಂದ್ರೋದಯ ಗಳಿಗೆ
ಜೂನ್ 10 ರಂದು, ಚಂದ್ರೋದಯವು ರಾತ್ರಿ 8:40 ಕ್ಕೆ ಸಂಭವಿಸುತ್ತದೆ ಮತ್ತು ಚಂದ್ರಾಸ್ತವು ರಾತ್ರಿ 10:54 ಕ್ಕೆ ಸಂಭವಿಸುತ್ತದೆ. ಚಂದ್ರದೇವನಿಗೆ ಅರ್ಘ್ಯ ಅರ್ಪಿಸಲು ಒಟ್ಟು 2 ಗಂಟೆ 47 ನಿಮಿಷಗಳ ಸಮಯವಿರುತ್ತದೆ.
ವಿನಾಯಕ ಚತುರ್ಥಿಯ ಪೂಜಾ ವಿಧಾನ
* ವಿನಾಯಕ ಚತುರ್ಥಿಯಂದು ಬೆಳಗ್ಗೆ ಬೇಗ ಏದ್ದು ಸ್ನಾನ ಮಾಡಬೇಕು.
* ಸ್ನಾನದ ನಂತರ ಶುಭ್ರವಾದ ಬಟ್ಟೆಗಳನ್ನು ಧರಿಸಿ.
* ಮನೆಯ ದೇವರ ಕೋಣೆಯನ್ನು ಸ್ವಚ್ಛಗೊಳಿಸಿ.
* ದೇವಸ್ಥಾನದಲ್ಲಿ ಸಣ್ಣ ವೇದಿಕೆಯ ಮೇಲೆ ಕೆಂಪು ಅಥವಾ ಹಳದಿ ಬಟ್ಟೆಯನ್ನು ಹರಡಿ.
* ಅದರ ಮೇಲೆ ಗಣೇಶನ ವಿಗ್ರಹವನ್ನು ಸ್ಥಾಪಿಸಿ. ಇದರ ನಂತರ, ಅವರಿಗೆ ಹಣ್ಣುಗಳು, ಹಳದಿ ಹೂವುಗಳು, ದೂರ್ವಾ, ಅಕ್ಷತೆಗಳನ್ನು ಅರ್ಪಿಸಿ.
* ಗಣೇಶನಿಗೆ ಧೂಪ, ದೀಪ ಮತ್ತು ನೇವೈದ್ಯವನ್ನು ಅರ್ಪಿಸಿ.
ಇದರ ನಂತರ, ಗಣೇಶನಿಗೆ ಮೋದಕ ಅಥವಾ ಲಡ್ಡುವನ್ನು ಅರ್ಪಿಸಿ.
* ಗಣಪತಿಯ 'ಓಂ ಗನ್ ಗಣೇಶಾಯ ನಮಃ' ಎಂಬ ಬೀಜ ಮಂತ್ರವನ್ನು 108 ಬಾರಿ ಜಪಿಸಿ.
* ಗಣಪತಿಗೆ ಆರತಿ ಮಾಡಿ.
* ಸಾಧ್ಯವಾದರೆ ಗಣೇಶನ ದೇವಸ್ಥಾನಕ್ಕೆ ಹೋಗಿ ಆಶೀರ್ವಾದ ಪಡೆಯಿರಿ.
* ಇದಾದ ನಂತರ ದಿನವಿಡೀ ಉಪವಾಸವಿದ್ದು ಸಂಜೆ ಚಂದ್ರದೇವನಿಗೆ ಅರ್ಘ್ಯವನ್ನು ಅರ್ಪಿಸಿದ ನಂತರ ಉಪವಾಸವನ್ನು ಮುರಿಯಿರಿ.
* ಈ ದಿನ ಉಪವಾಸ ಮಾಡುವವರು ಸಾತ್ವಿಕ ಆಹಾರವನ್ನು ಸೇವಿಸಬೇಕು.
ವಿನಾಯಕ ಚತುರ್ಥಿಯ ಮಹತ್ವ
ಸನಾತನ ಧರ್ಮದಲ್ಲಿ ವಿನಾಯಕ ಚತುರ್ಥಿ ದಿನದಂದು ಗಣಪತಿಯನ್ನು ಪೂಜಿಸುವುದು ಮಂಗಳಕರವೆಂದು ಪರಿಗಣಿಸಲಾಗಿದೆ. ಈ ದಿನದಂದು ಉಪವಾಸ ಮತ್ತು ಆರಾಧನೆಯಿಂದ, ಗಣೇಶನು ತನ್ನ ಭಕ್ತರ ಎಲ್ಲಾ ತೊಂದರೆಗಳನ್ನು ನಿವಾರಿಸುತ್ತಾನೆ ಮತ್ತು ಜೀವನದಲ್ಲಿ ಸಂತೋಷ, ಸಮೃದ್ಧಿ ಮತ್ತು ನೆಮ್ಮದಿಯನ್ನು ಅನುಗ್ರಹಿಸುತ್ತಾನೆ ಎಂದು ನಂಬಲಾಗಿದೆ. ಈ ದಿನ ಚಂದ್ರದೇವನ ಆರಾಧನೆಗೆ ಹೆಚ್ಚಿನ ಮಹತ್ವವಿದೆ. ಚಂದ್ರ ದೇವರಿಗೆ ನೀರು ಅರ್ಘ್ಯ ಮಾಡದೆ ಪೂಜೆ ಮಾಡಿದರೂ ಪೂರ್ಣ ಫಲ ಸಿಗುವುದಿಲ್ಲ ಎಂಬ ಧಾರ್ಮಿಕ ನಂಬಿಕೆ ಇದೆ.
(ಗಮನಿಸಿ: ಈ ಲೇಖನದಲ್ಲಿ ನೀಡಲಾದ ಮಾಹಿತಿಯು ಸಂಪೂರ್ಣವಾಗಿ ನಿಜ ಮತ್ತು ನಿಖರವಾಗಿದೆ ಎಂದು ನಾವು ಹೇಳಿಕೊಳ್ಳುವುದಿಲ್ಲ. ಇವುಗಳನ್ನು ಅಳವಡಿಸಿಕೊಳ್ಳುವ ಮೊದಲು, ಸಂಬಂಧಿತ ಕ್ಷೇತ್ರದ ತಜ್ಞರಿಂದ ಸಲಹೆ ಪಡೆಯಿರಿ)
