Bhagavad Gita: ಇವರಿಬ್ಬರು ಮಾತ್ರ ಮನುಷ್ಯನ ಜೀವನದ ನಿಜವಾದ ಸಂಗಾತಿಗಳು: ಜಗತ್ತಿನ ಕಟು ಸತ್ಯ ಭಗವದ್ಗೀತೆಯ ಈ ಶ್ಲೋಕದಲ್ಲಿದೆ
Bhagavad Gita: ಭಗವದ್ಗೀತೆಯು ಸಂಪೂರ್ಣ ತತ್ವಶಾಸ್ತ್ರವಾಗಿದೆ. ಅದು ನಮಗೆ ಧರ್ಮ, ಕ್ರಿಯೆ ಮತ್ತು ಪ್ರೀತಿಯ ಬಗ್ಗೆ ವಿವರವಾಗಿ ತಿಳಿಸುತ್ತದೆ. ಮನುಷ್ಯನ ಜೀವನದಲ್ಲಿ ಕೇವಲ ಇಬ್ಬರು ಮಾತ್ರ ನಿಜವಾದ ಸಂಗಾತಿಗಳು ಇದ್ದಾರೆ ಎಂದು ಶ್ರೀಕೃಷ್ಣನು ಹೇಳುತ್ತಾನೆ. ಹಾಗಾದರೆ ಅವರು ಯಾರು ತಿಳಿಯಲು ಮುಂದೆ ಓದಿ.
ಭಗವದ್ಗೀತೆಯು ಶ್ರೀಕೃಷ್ಣನ ಅಮೂಲ್ಯವಾದ ಉಪದೇಶಗಳ ಸಂಗ್ರಹವಾಗಿದೆ. ಭಾರತೀಯ ಸಂಪ್ರದಾಯದಲ್ಲಿ, ಗೀತೆಯು ಉಪನಿಷತ್ತುಗಳು ಮತ್ತು ಧರ್ಮಸೂತ್ರಗಳ ಸ್ಥಾನವನ್ನು ಹೊಂದಿದೆ. ಭಾರತಕ್ಕೆ ಮಾತ್ರ ಸೀಮಿತವಾಗಿಲ್ಲ, ದೇಶ ವಿದೇಶಗಳಲ್ಲಿಯೂ ಭಗವದ್ಗೀತೆಯನ್ನು ಪಠಣ ಮಾಡುವವರ ಸಂಖ್ಯೆ ಹೆಚ್ಚಿದೆ. ಭಗವದ್ಗೀತೆಯು ಮಹಾಭಾರತ ಯುದ್ಧದ ಸಮಯದಲ್ಲಿ ಅರ್ಜುನನಿಗೆ ಸಾಕ್ಷಾತ್ ಶ್ರೀಕೃಷ್ಣನೇ ಉಪದೇಶಿಸಿದ್ದಾನೆ. ಇದು ಅತ್ಯಂತ ಪ್ರಭಾವಶಾಲಿಯಾದ ಮತ್ತು ಜಗತ್ತಿನ ಸಂಪೂರ್ಣ ಜ್ಞಾನವನ್ನು ಹೊಂದಿರುವ ಪುಸ್ತಕ ಎಂದು ಹೇಳಲಾಗುತ್ತದೆ. ಭಗವಂತನೇ ನುಡಿದ ಅಮೂಲ್ಯ ಪದಗಳು ಮನುಷ್ಯನಿಗೆ ಜೀವನವನ್ನು ನಡೆಸಲು ಸರಿಯಾದ ಮಾರ್ಗವನ್ನು ತೋರಿಸುತ್ತವೆ. ಗೀತೆಯು ಜೀವನದಲ್ಲಿ ಧರ್ಮ, ಕ್ರಿಯೆ ಮತ್ತು ಪ್ರೀತಿಯ ಪಾಠಗಳನ್ನು ಕಲಿಸುತ್ತದೆ. ಇದು ಜೀವನದ ಸಂಪೂರ್ಣ ತತ್ವವವನ್ನು ಹೊಂದಿದೆ. ಆದ್ದರಿಂದ ಅದನ್ನು ಅನುಸರಿಸುವ ವ್ಯಕ್ತಿಯು ಜೀವನದಲ್ಲಿ ಎಂದಿಗೂ ನಿರಾಶೆಗೊಳ್ಳುವುದಿಲ್ಲ. ಶ್ರೀಕೃಷ್ಣನು ಗೀತೆಯಲ್ಲಿ ಹೇಳಿರುವ ಪ್ರಕಾರ ಜೀವನದಲ್ಲಿ ಕೇವಲ ಇಬ್ಬರು ಮಾತ್ರ ನಿಜವಾದ ಸಂಗಾತಿಗಳು. ಹಾಗಾದರೆ ಆ ಸಂಗಾತಿಗಳು ಯಾರು ಎಂದು ತಿಳಿಯೋಣ.
ಸರ್ವಧರ್ಮಾನ್ಪರಿತ್ಯಜ್ಯ ಮಾಮೇಕಂ ಶರಣಂ ವ್ರಜ |
ಅಹಂ ತ್ವಾಂ ಸರ್ವಪಾಪೇಭ್ಯೋ ಮೋಕ್ಷಾಯಿಷ್ಯಾಮಿ ಮಾ ಶುಚಃ ||
ಅರ್ಥ: ಹೇ ಅರ್ಜುನ, ಎಲ್ಲಾ ಧರ್ಮಗಳನ್ನು ತ್ಯಜಿಸಿ, ಅಂದರೆ ಪ್ರತಿಯೊಂದು ಆಶ್ರಯವನ್ನು ತ್ಯಜಿಸಿ ಮತ್ತು ನನ್ನಲ್ಲಿ ಮಾತ್ರ ಆಶ್ರಯ ಪಡೆಯುವುದರಿಂದ, ನಾನು ಅರ್ಥಾತ ಶ್ರೀಕೃಷ್ಣ ನಿನ್ನನ್ನು ಎಲ್ಲಾ ಪಾಪಗಳಿಂದ ಮುಕ್ತಗೊಳಿಸುತ್ತೇನೆ, ಆದ್ದರಿಂದ ದುಃಖಿಸಬೇಡಿ.
ಜೀವನದಲ್ಲಿ ಇಬ್ಬರು ಮಾತ್ರ ನಿಜವಾದ ಸಂಗಾತಿಗಳು ಎಂದು ಶ್ರೀಕೃಷ್ಣನು ಗೀತೆಯಲ್ಲಿ ಹೇಳುತ್ತಾನೆ. ಒಂದು ನಮ್ಮದೇ ಕರ್ಮ ಮತ್ತು ಇನ್ನೊಂದು ದೇವರು. ಉಳಿದವರೆಲ್ಲರೂ ಇಲ್ಲಿ ಭೇಟಿಯಾಗಿದ್ದಾರೆ ಮತ್ತು ಇಲ್ಲಿಯೇ ಬೇರೆಯಾಗುತ್ತಾರೆ. ಒಂಟಿಯಾಗಿ ನಿಲ್ಲಬೇಕಾದರೆ ಸರಿಯಿರುವುದಕ್ಕೆ ನಿಲ್ಲು ಎಂದು ಶ್ರೀಕೃಷ್ಣನು ಹೇಳುತ್ತಾನೆ.
ಭಗವದ್ಗೀತೆಯಲ್ಲಿ ಹೇಳಿರುವ ಹಾಗೆ ಗತಕಾಲದ ಪ್ರಭಾವವು ನಮ್ಮ ಭವಿಷ್ಯವನ್ನು ನಷ್ಟಗೊಳಿಸುತ್ತಿದ್ದರೆ ಅದನ್ನು ತ್ಯಜಿಸಬೇಕು. ಅಂದರೆ ಕೆಟ್ಟದನ್ನು ತ್ಯಜಿಸಬೇಕು ಎಂದು ಬರೆಯಲಾಗಿದೆ.
ಶ್ರೀಕೃಷ್ಣನು ಪ್ರತಿಯೊಬ್ಬ ಮನುಷ್ಯನು ಹುಟ್ಟು ಮತ್ತು ಸಾವಿನ ಚಕ್ರವನ್ನು ತಿಳಿದುಕೊಳ್ಳುವುದು ಬಹಳ ಮುಖ್ಯವಾಗಿದೆ ಎಂದು ಹೇಳುತ್ತಾನೆ. ಏಕೆಂದರೆ ಮಾನವನ ಜೀವನದಲ್ಲಿ ಒಂದೇ ಒಂದು ಸತ್ಯವಿದೆ. ಅದೇನೆಂದರೆ ಸಾವು. ಇಹಲೋಕದಲ್ಲಿ ಹುಟ್ಟಿದವನು ಮುಂದೊಂದು ದಿನ ಇಹಲೋಕ ತ್ಯಜಿಸಲೇಬೇಕು. ಇದು ಈ ಜಗತ್ತಿನ ಅಚಲವಾದ ಸತ್ಯ.
ಸಾವಿಗೆ ಎಂದಿಗೂ ಭಯಪಡಬಾರದು. ಸಾವು ಎನ್ನುವುದು ಎಂದೂ ತಪ್ಪಿಸಿಕೊಳ್ಳಲಾಗದ ಜೀವನದ ಪರಮ ಸತ್ಯ. ಅದು ಯಾರನ್ನೂ ಬಿಡುವುದಿಲ್ಲ. ಹುಟ್ಟಿದ ಪ್ರತಿ ವ್ಯಕ್ತಿಯು ಅವನ ಸಮಯ ಬಂದಾಗ ಸಾವು ನಿಶ್ಚಿತ. ಸಾವಿನ ಭಯವು ಮನುಷ್ಯನ ಪ್ರಸ್ತುತ ಆನಂದವನ್ನು ಕಸಿದುಕೊಳ್ಳುತ್ತದೆ. ಹಾಗಾಗಿ ಮನಸ್ಸಿನಲ್ಲಿ ಸಾವಿನ ಬಗ್ಗೆ ಭಯ ಇರಬಾರದು.
ಶ್ರೀಕೃಷ್ಣನು, ದೇಹವು ನಶ್ವರವಾಗಿದೆ ಆದರೆ ಆತ್ಮವು ಅಮರವಾಗಿದೆ ಎಂದು ಹೇಳುತ್ತಾನೆ. ಈ ಸತ್ಯವನ್ನು ಅರಿತುಕೊಂಡ ನಂತರವೂ ಮನುಷ್ಯನು ನಿಷ್ಟ್ರಯೋಜಕವಾದ ತನ್ನ ನಶ್ವರ ದೇಹದ ಬಗ್ಗೆ ಹೆಮ್ಮೆಪಡುತ್ತಾನೆ. ಮನುಷ್ಯನು ತನ್ನ ದೇಹದ ಬಗ್ಗೆ ಹೆಮ್ಮೆಪಡದೆ ಸತ್ಯವನ್ನು ಒಪ್ಪಿಕೊಳ್ಳಬೇಕು ಎಂದು ಕೃಷ್ಣನು ಹೇಳುತ್ತಾನೆ.
(ಗಮನಿಸಿ: ಇದು ನಂಬಿಕೆ ಮತ್ತು ಶಾಸ್ತ್ರವನ್ನು ಆಧರಿಸಿದ ಬರಹ. ಇದರಲ್ಲಿರುವ ಎಲ್ಲ ಅಂಶಗಳನ್ನೂ ಹಿಂದೂಸ್ತಾನ್ ಟೈಮ್ಸ್ ಕನ್ನಡ ಪುಷ್ಟಿಕರಿಸುವುದಿಲ್ಲ. ನಿಮ್ಮ ಸ್ವಂತ ವಿವೇಚನೆ ಬಳಸಿ ನಿರ್ಧಾರಗಳನ್ನು ತೆಗೆದುಕೊಳ್ಳಿ.)