ಬಾಬಾ ವಂಗಾ ಭವಿಷ್ಯವಾಣಿ: ಈ 3 ರಾಶಿಯವರಿಗೆ 2025 ಆಗಲಿದೆ ಅದೃಷ್ಟ ಬದಲಿಸುವ ವರ್ಷ, ಬಾಳಿನಲ್ಲಿ ಎದುರಾಗಲಿದೆ ಸಾಕಷ್ಟು ಧನಾತ್ಮಕ ತಿರುವು
ಕನ್ನಡ ಸುದ್ದಿ  /  ರಾಶಿ ಭವಿಷ್ಯ  /  ಬಾಬಾ ವಂಗಾ ಭವಿಷ್ಯವಾಣಿ: ಈ 3 ರಾಶಿಯವರಿಗೆ 2025 ಆಗಲಿದೆ ಅದೃಷ್ಟ ಬದಲಿಸುವ ವರ್ಷ, ಬಾಳಿನಲ್ಲಿ ಎದುರಾಗಲಿದೆ ಸಾಕಷ್ಟು ಧನಾತ್ಮಕ ತಿರುವು

ಬಾಬಾ ವಂಗಾ ಭವಿಷ್ಯವಾಣಿ: ಈ 3 ರಾಶಿಯವರಿಗೆ 2025 ಆಗಲಿದೆ ಅದೃಷ್ಟ ಬದಲಿಸುವ ವರ್ಷ, ಬಾಳಿನಲ್ಲಿ ಎದುರಾಗಲಿದೆ ಸಾಕಷ್ಟು ಧನಾತ್ಮಕ ತಿರುವು

ಬಾಬಾ ವಂಗಾ ನುಡಿದ ಸಾಕಷ್ಟು ಭವಿಷ್ಯವಾಣಿಗಳು ಸತ್ಯವಾಗಿವೆ. ಇವರು 2025ನೇ ವರ್ಷವು 3 ರಾಶಿಯವರ ಬಾಳಿನ ಅದೃಷ್ಟವನ್ನೇ ಬದಲಿಸಲಿದೆ, ಅವರ ಬಾಳಿನಲ್ಲಿ ಸಾಕಷ್ಟು ಧನಾತ್ಮಕ ತಿರುವುಗಳು ಎದುರಾಗಲಿದೆ ಎಂದು ಭವಿಷ್ಯ ನುಡಿದಿದ್ದರು. ಹಾಗಾದರೆ ಆ 3 ರಾಶಿಯವರು ಯಾರು, ನಿಮ್ಮ ರಾಶಿಯೂ ಅದರಲ್ಲಿ ಇದೆಯೇ ಎಂಬುದನ್ನು ಗಮನಿಸಿ.

ಬಾಬಾ ವಂಗಾ ಭವಿಷ್ಯವಾಣಿ
ಬಾಬಾ ವಂಗಾ ಭವಿಷ್ಯವಾಣಿ

1997ರಲ್ಲಿ ರಾಜಕುಮಾರಿ ಡಯಾನಾ ನಿಧನ, 2001ರಲ್ಲಿ ನ್ಯೂಯಾರ್ಕ್ ಅವಳಿ ಗೋಪುರಗಳ ಮೇಲೆ ಬಾಂಬ್ ದಾಳಿ, ರಷ್ಯಾ-ಉಕ್ರೇನ್ ಸಂಘರ್ಷ ಹೀಗೆ ಬಾಬಾ ವಂಗಾ ನುಡಿದ ಸಾಕಷ್ಟು ಭವಿಷ್ಯವಾಣಿಗಳು ನಿಜವಾಗಿರುವ ನಿದರ್ಶನ ನಮ್ಮ ಕಣ್ಣ ಮುಂದಿದೆ. ಆ ಕಾರಣದಿಂದ ಬಾಬಾ ವಂಗಾ ಭವಿಷ್ಯವಾಣಿಗಳ ಮೇಲೆ ಜನರಿಗೆ ನಂಬಿಕೆ ಹೆಚ್ಚಾಗುತ್ತಿದೆ. ಇವರು ಮುಂದಾಗುವ ಸಾಕಷ್ಟು ವಿಚಾರಗಳ ಬಗ್ಗೆ ಭವಿಷ್ಯ ನುಡಿದಿದ್ದರು. ಅವುಗಳಲ್ಲಿ ಕೆಲವು ಕೆಟ್ಟ ಘಟನೆಗಳಿದ್ದರೆ, ಕೆಲವು ಶುಭ ಸುದ್ದಿಗಳೂ ಇವೆ.

ಬಲ್ಗೇರಿಯನ್ ಮೂಲದ ದಿವಂಗತ ಬಾಬಾ ವಂಗಾ ತಮ್ಮ ದೂರದೃಷ್ಟಿಯ ಮೂಲಕ ಭವಿಷ್ಯ ನುಡಿಯಲು ಖ್ಯಾತರಾಗಿದ್ದರು. ದೃಷ್ಟಿ ಕಳೆದುಕೊಂಡಿದ್ದ ಇವರು ಹಲವು ವರ್ಷಗಳ ನಂತರ ಏನೆಲ್ಲಾ ಆಗಬಹುದು ಎಂದು ಆ ಕಾಲದಲ್ಲಿ ನಿಖರವಾಗಿ ತಿಳಿಸಿದ್ದರು. ಅವರು ಅಂದು ಹೇಳಿದ್ದ ಭವಿಷ್ಯವಾಣಿಗಳು ಈಗ ಒಂದೊಂದೇ ನಿಜವಾಗುತ್ತಿವೆ. 

ಅವರು 2025 ಕೆಲವು ರಾಶಿಯವರಿಗೆ ಜೀವನದ ದಿಕ್ಕು ಬದಲಾಗುವ ವರ್ಷ, ಅದೃಷ್ಟ ಒಲಿದು ಬರುವ ಕಾಲ ಎಂದು ಭವಿಷ್ಯ ನುಡಿದಿದ್ದರು. ಹಾಗಾದರೆ ಆ 3 ರಾಶಿಯವರು ಯಾರು ಎಂಬುದನ್ನು ಇಲ್ಲಿ ನೋಡೋಣ.

ಮೇಷ ರಾಶಿ

ಬದಲಾವಣೆ ಹೆಚ್ಚಾದಷ್ಟೂ ಫಲಿತಾಂಶವು ಹೆಚ್ಚು ಗಮನಾರ್ಹವಾಗಿರುತ್ತದೆ. ಈ ವರ್ಷ ಮೇಷ ರಾಶಿಯವರು ಅನುಸರಿಸಬೇಕಾದ ಮಂತ್ರ ಅದೇ ಆಗಿದ್ದರೆ ಎಲ್ಲವೂ ಸುಗಮವಾಗಿರುತ್ತದೆ. ಮನಸ್ಸಿನಲ್ಲಿಟ್ಟುಕೊಳ್ಳಬೇಕಾದ ಏಕೈಕ ವಿಷಯವೆಂದರೆ ಪ್ರತಿಯೊಂದು ಸಂಭಾವ್ಯ ಬದಲಾವಣೆಯನ್ನು ಭಯದಿಂದಲ್ಲ, ನಂಬಿಕೆ ಮತ್ತು ಮುಕ್ತ ಹೃದಯದಿಂದ ಸ್ವಾಗತಿಸುವುದು. ನಿಮ್ಮ ಬದುಕಿನಲ್ಲಿ ಈ ವರ್ಷ ಸಾಕಷ್ಟು ಧನಾತ್ಮಕ ತಿರುವುಗಳು ಎದುರಾಗಲಿವೆ ಎಂಬುದನ್ನು ನೀವು ನೀವು ನಂಬಬೇಕು. 

ವೃಷಭ ರಾಶಿ

ವೃಷಭ ರಾಶಿಯವರು 2025 ರಲ್ಲಿ ಅದೃಷ್ಟಶಾಲಿಗಳಾಗಿರುತ್ತಾರೆ. ಏಕೆಂದರೆ ಅವರು ಪ್ರತಿ ಹಂತದಲ್ಲೂ ಸಮೃದ್ಧಿಯನ್ನು ಕಂಡುಕೊಳ್ಳುತ್ತಾರೆ. ನಿಮ್ಮ ಶ್ರಮದ ಫಲವನ್ನು ಪಡೆಯಲು ಸಿದ್ಧರಾಗಿರಿ, ಇದುವರೆಗಿನ ನಿಮ್ಮ ಆದಾಯ ವಿರಳವಾಗಿರಬಹುದು. ಹೂಡಿಕೆಗಳ ವಿಷಯಕ್ಕೆ ಬಂದಾಗ ಚಾತುರ್ಯವನ್ನು ಬಳಸಿದರೆ, ನೀವು ನಿರ್ದಿಷ್ಟ ಆರ್ಥಿಕ ಲಾಭಗಳೊಂದಿಗೆ ಈ ವರ್ಷವನ್ನು ಅದೃಷ್ಟದ ವರ್ಷವನ್ನಾಗಿಸಿಕೊಳ್ಳಬಹುದು. 

ಮಿಥುನ ರಾಶಿ

ಈ ವರ್ಷ ನಿಮ್ಮ ಸೃಜನಶೀಲತೆಯನ್ನು ಹೆಚ್ಚು ಅಳವಡಿಸಿಕೊಂಡಷ್ಟೂ, ನೀವು ಯಶಸ್ಸನ್ನು ಕಾಣುವ ಸಾಧ್ಯತೆ ಹೆಚ್ಚು. ಹಲವರು ನಡೆದ ದಾರಿಯಲ್ಲಿ ಹೋಗುವುದಕ್ಕಿಂತ  ನಿಮ್ಮ ಪ್ರವೃತ್ತಿಗೆ ಅವರು ಅರ್ಹವಾದದ್ದನ್ನು ಆಯ್ಕೆ ಮಾಡಿಕೊಳ್ಳಿ, ಇದರಿಂದ ಖಂಡಿತ ಯಶಸ್ಸು ಗಳಿಸಲು ಸಾಧ್ಯ. ಮಿಥುನ ರಾಶಿಯವರು ತಮ್ಮೊಂದಿಗೆ ಸಮನ್ವಯದಿಂದ ಇರಲು ಪ್ರಯತ್ನಿಸಿದರೆ, ಈ ವರ್ಷ ಜಗತ್ತೇ ಅವರ ಕೈಯಲ್ಲಿರುತ್ತದೆ. ಈ ವರ್ಷ ನೀವು ಅಂದುಕೊಂಡಿದ್ದೆಲ್ಲವೂ ಖಂಡಿತ ನೆರವೇರುತ್ತದೆ. 

(ಗಮನಿಸಿ: ಇದು ನಂಬಿಕೆ ಮತ್ತು ಶಾಸ್ತ್ರವನ್ನು ಆಧರಿಸಿದ ಬರಹ. ಇದರಲ್ಲಿರುವ ಎಲ್ಲ ಅಂಶಗಳನ್ನೂ ಹಿಂದೂಸ್ತಾನ್ ಟೈಮ್ಸ್ ಕನ್ನಡ ಪುಷ್ಟೀಕರಿಸುವುದಿಲ್ಲ. ನಿಮ್ಮ ಸ್ವಂತ ವಿವೇಚನೆ ಬಳಸಿ ನಿರ್ಧಾರಗಳನ್ನು ತೆಗೆದುಕೊಳ್ಳಿ)

Whats_app_banner
ದೇವಾಲಯಗಳು, ಅಧ್ಯಾತ್ಮ, ದಿನ ಭವಿಷ್ಯ, ಗ್ರಹಗಳ ಸಂಚಾರ, ವಾಸ್ತು ಶಾಸ್ತ್ರ, ಪೂಜಾ ವಿಧಾನ, ವ್ರತ ವಿಧಾನ, ಹಬ್ಬ, ಸಂಸ್ಕೃತಿ, ಭಗವದ್ಗೀತೆ ಸೇರಿದಂತೆ ಜ್ಯೋತಿಷ್ಯಕ್ಕೆ ಸಂಬಂಧಿಸಿದ ಸಮಗ್ರ ಮಾಹಿತಿಗಾಗಿ 'ಹಿಂದೂಸ್ತಾನ್ ಟೈಮ್ಸ್ ಕನ್ನಡ' ರಾಶಿ ಭವಿಷ್ಯ ವಿಭಾಗ ನೋಡಿ.