ಹನುಮಂತನಿಗೆ ಸಿಂದೂರ ತುಂಬಾ ಇಷ್ಟ ಏಕೆ; ದೀರ್ಘಾಯುಷ್ಯಕ್ಕೆ ಸಂಬಂಧಿಸಿದ ಈ ಕಥೆ ಓದಿ

ಹನುಮ ದೇವಾಲಯಗಳಲ್ಲಿ, ದೇವರನ್ನು ಸಿಂದೂರದಿಂದ ಅಲಂಕರಿಸಿರುವುದನ್ನು ಮತ್ತು ಭಕ್ತರು ಅದನ್ನು ಚುಕ್ಕೆಯಂತೆ ಹಣೆಗೆ ಹಚ್ಚಿಕೊಳ್ಳುವುದನ್ನು ನೋಡುತ್ತೇವೆ. ಮಾರುತಿಗೆ ಸಿಂದೂರ ಅರ್ಪಿಸಿದರೆ ಭಕ್ತರ ಇಷ್ಟಾರ್ಥಗಳು ಈಡೇರುತ್ತವೆ ಎಂಬ ನಂಬಿಕೆಯೂ ಇದೆ. ನೇರವಾಗಿ ಹೇಳುವುದಾದರೆ, ಕೇಸರಿ ಬಣ್ಣದ ಸಿಂಧೂರವು ಹನುಮಾನ್ ದೇವಾಲಯಗಳಲ್ಲಿ ಮಾತ್ರ ಕಂಡುಬರುತ್ತದೆ. ವಾಸ್ತವವಾಗಿ, ಕೇಸರಿ ಬದಲಿಗೆ ದೇವರಿಗೆ ಸಿಂದೂರವನ್ನು ಅರ್ಪಿಸುವುದರ ಹಿಂದೆ ಒಂದು ಸಣ್ಣ ಕಥೆ ಇದೆ. ಆ ಕಥೆಯನ್ನು ಪಂಚಾಂಗಕರ್ತ ಚಿಲಕಮರ್ತಿ ಪ್ರಭಾಕರ ಚಕ್ರವರ್ತಿ ಶರ್ಮಾ ಅವರು ಇಲ್ಲಿ ವಿವರಿಸಿದ್ದಾರೆ.

ಹನುಮಂತನು ಸೀತೆಯ ಹಾದಿಯನ್ನು ಹುಡುಕಲು ಲಂಕೆಯಲ್ಲಿ ಅಶೋಕವನ ತಲುಪುತ್ತಾನೆ. ತಕ್ಷಣ ಸೀತೆಯ ಬಳಿಗೆ ಹೋಗಲಿಲ್ಲ. ಅವನು ಸ್ವಲ್ಪ ಹೊತ್ತು ತನ್ನ ತಾಯಿಯನ್ನು ಗಮನಿಸಿದನು. ಆ ಸಮಯದಲ್ಲಿ, ಆಕೆಯ ಹಣೆಯಲ್ಲಿದ್ದ ಸಿಂದೂರವನ್ನು ನೋಡುತ್ತಾನೆ. ನಂತರ, ಅವನು ಸೀತೆಯ ಬಳಿಗೆ ಹೋಗಿ ಸಿಂದೂರವನ್ನು ಧರಿಸಲು ಕಾಣವೇನೆಂದು ಕೇಳುತ್ತಾನೆ. ಆಗ ಸೀತಾ ದೇವಿ ಹೇಳುತ್ತಾನೆ. ಶ್ರೀರಾಮಚಂದ್ರನಿಗೆ ಸಿಂದೂರವೆಂದರೆ ತುಂಬಾ ಇಷ್ಟ. ಹೀಗಾಗಿ ಆತನ ದೀರ್ಘಾಯುಷ್ಯಕ್ಕಾಗಿ ಅದನ್ನು ಧರಿಸುತ್ತಿರುವುದಾಗಿ ವಿವರಿಸಿದಳು.

ಸ್ವಲ್ಪ ಸಿಂಧೂರ ಹಚ್ಚಿಕೊಂಡರೆ ರಾಮನಿಗೆ ದೀರ್ಘಾಯುಷ್ಯ ಸಿಗುತ್ತದೆ ಎಂದಾದರೆ ನಾನು ಇಡೀ ದೇಹಕ್ಕೆ ಹಚ್ಚಿಕೊಂಡರೆ ರಾಮನಿಗೆ ಯಾವುದೇ ತೊಂದರೆ ಇರುವುದಿಲ್ಲ ಎಂಬ ನಿರ್ಧಾರಕ್ಕೆ ಬರುತ್ತಾನೆ. ಅದೇ ಸಮಯದಲ್ಲಿ, ಭಗವಂತನಿಂದ ಹೆಚ್ಚಿನ ಪ್ರೀತಿಯನ್ನು ಪಡೆಯುವ ಉದ್ದೇಶದಿಂದ ಹನುಮಂತನು ತನ್ನ ದೇಹದಾದ್ಯಂತ ಸಿಂದೂರವನ್ನು ಹಚ್ಚಿಕೊಳ್ಳಲು ಪ್ರಾರಂಭಿಸಿದ. ಈ ಭಕ್ತಿಯನ್ನು ನೋಡಿ ಶ್ರೀರಾಮನು ತುಂಬಾ ಸಂತೋಷಗೊಂಡು, "ನನ್ನ ಎಲ್ಲಾ ಭಕ್ತರು ನಿನ್ನನ್ನು ಸಿಂದೂರದಿಂದ ಪೂಜಿಸುತ್ತಾರೆ" ಎಂದು ವರವನ್ನು ನೀಡಿದನೆಂದು ಹೇಳಲಾಗುತ್ತದೆ.

ಹನುಮಂತನಿಗೆ ಸಿಂದೂರ ಪೂಜೆ ಮಾಡುವುದರಿಂದಾಗುವ ಪ್ರಯೋಜನಗಳು

• ನಿಮಗೆ ರಾಮನ ಆಶೀರ್ವಾದ ಸಿಗುತ್ತದೆ
• ಆರೋಗ್ಯ ಸಮಸ್ಯೆಗಳಿಂದ ಮುಕ್ತಿ ಪಡೆಯುತ್ತೀರಿ
• ಭಯ ಮತ್ತು ದುಷ್ಟಶಕ್ತಿಗಳಿಂದ ರಕ್ಷಣೆ ಸಿಗುತ್ತದೆ
• ಮಾನಸಿಕ ಶಾಂತಿ ಮತ್ತು ಧೈರ್ಯ ಬರುತ್ತೆ

ಪೂಜೆ ಮಾಡುವುದು ಹೇಗೆ?

• ಮಂಗಳವಾರ ಅಥವಾ ಶನಿವಾರದಂದು ಹನುಮಂತನ ವಿಗ್ರಹ ಅಥವಾ ಫೋಟೊಗೆ ಸಿಂದೂರವನ್ನು ಹಚ್ಚಬಹುದು.
• ಹನುಮಾನ್ ಚಾಲೀಸಾ, ಆಂಜನೇಯ ಅಷ್ಟೋತ್ತರ ಮತ್ತು ಹನುಮಾನ್ ಬಾಹುಕಮ್ ಅನ್ನು ಪಠಿಸಬಹುದು.
• ಸಾಧ್ಯವಾದರೆ ಹೆಸರುಬೇಳೆ ಕೋಸಂಬರಿ ನೈವೇದ್ಯವನ್ನು ಅರ್ಪಿಸಬಹುದು

(ಬರಹ: ಚಿಲಕಮರ್ತಿ ಪ್ರಭಾಕರ ಚಕ್ರವರ್ತಿ ಶರ್ಮಾ, ಪಂಚಾಂಗಕರ್ತ)