ಸೂರ್ಯ ಗುರು ವಿರುದ್ದ ಸಂಚಾರ 2024: ವೃಷಭ ರಾಶಿಯವರಿಗೆ ಆರ್ಥಿಕ ಸಮಸ್ಯೆ, ಕುಂಭ ರಾಶಿಯವರಿಗೆ ಅನಾರೋಗ್ಯ; 12 ರಾಶಿಗಳ ಭವಿಷ್ಯ

ವೈದಿಕ ಜ್ಯೋತಿಷ್ಯದಲ್ಲಿ, ಗ್ರಹಗಳ ರಾಶಿ ಬದಲಾವಣೆಯನ್ನು ಬಹಳ ಮುಖ್ಯವೆಂದು ಪರಿಗಣಿಸಲಾಗುತ್ತದೆ. ಕೆಲವೊಮ್ಮೆ ಗ್ರಹಗಳ ವಿಶೇಷ ಸಂಯೋಜನೆಯು ಜನರ ಜೀವನದ ಮೇಲೆ ಆಳವಾದ ಪ್ರಭಾವವನ್ನು ಬೀರುತ್ತದೆ. ಡಿಸೆಂಬರ್ 8, 2024 ರಂದು, ಸೂರ್ಯ ಮತ್ತು ಗುರುಗಳು ಪರಸ್ಪರ ವಿರುದ್ಧವಾಗಿ ನಿಖರವಾಗಿ 180 ಡಿಗ್ರಿ ಸ್ಥಾನದಲ್ಲಿ ಬರುತ್ತವೆ. ಜ್ಯೋತಿಷ್ಯದಲ್ಲಿ, ಸೂರ್ಯನನ್ನು ಶಕ್ತಿ, ಆತ್ಮ ಮತ್ತು ನಾಯಕತ್ವದ ಅಂಶವೆಂದು ಪರಿಗಣಿಸಲಾಗುತ್ತದೆ. ಅದೇ ಸಮಯದಲ್ಲಿ, ಗುರುವನ್ನು ಜ್ಞಾನ, ಬುದ್ಧಿವಂತಿಕೆ ಮತ್ತು ವಿಸ್ತರಣೆಗೆ ಕಾರಣವಾದ ಗ್ರಹವೆಂದು ಪರಿಗಣಿಸಲಾಗಿದೆ. ಗುರು ಮತ್ತು ಸೂರ್ಯ ವಿರುದ್ಧ ಸ್ಥಾನಗಳಲ್ಲಿದ್ದಾಗ ಅನೇಕ ಹೊಸ ಸಾಧ್ಯತೆಗಳು ಮತ್ತು ಸವಾಲುಗಳು ಉದ್ಭವಿಸುತ್ತವೆ. ಸೂರ್ಯ ಮತ್ತು ಗುರುಗಳ ಈ ಸಂಯೋಜನೆಯು ಮೇಷದಿಂದ ಮೀನದವರೆಗಿನ 12 ರಾಶಿಗಳ ಮೇಲೆ ಯಾವ ರೀತಿ ಪರಿಣಾಮವನ್ನು ಬೀರುತ್ತದೆ ನೋಡೋಣ.

ಮೇಷ ರಾಶಿ

ಸೂರ್ಯ ಮತ್ತು ಗುರುವಿನ ಸಂಯೋಜನೆಯಿಂದಾಗಿ, ಸಾರ್ವಜನಿಕ ವ್ಯಕ್ತಿತ್ವ ಮತ್ತು ಸ್ವಯಂ ನಡುವೆ ಸಂಘರ್ಷದ ಪರಿಸ್ಥಿತಿ ಉಂಟಾಗುತ್ತದೆ. ಉದ್ಯೋಗಿಗಳು ತಮ್ಮ ಸ್ವಂತ ಹಿತಾಸಕ್ತಿ ಮತ್ತು ಸಂಸ್ಥೆಯ ಹಿತಾಸಕ್ತಿಗಳನ್ನು ಸಮತೋಲನಗೊಳಿಸುವುದರಲ್ಲಿ ಗೊಂದಲ ಅನುಭವಿಸಬೇಕಾಗುತ್ತದೆ. ಪ್ರಗತಿಗಾಗಿ ಹೊಸ ಅವಕಾಶಗಳ ಲಾಭ ಪಡೆಯಲು ಹೆಚ್ಚು ಕಷ್ಟ ಪಡಬೇಕು.

ವೃಷಭ ರಾಶಿ

ಸೂರ್ಯ ಮತ್ತು ಗುರು ಪರಸ್ಪರ ವಿರುದ್ಧವಾಗಿರುವುದು ಅತಿಯಾದ ಆತ್ಮವಿಶ್ವಾಸದಿಂದ ಆರ್ಥಿಕ ಜೀವನದಲ್ಲಿ ಭಯವನ್ನು ತರಬಹುದು. ಹಣಕಾಸಿನ ನಿರ್ಧಾರಗಳಲ್ಲಿ ಆತುರ ಬೇಡ. ವೃತ್ತಿಪರರಿಂದ ಸಲಹೆ ಪಡೆಯಿರಿ. ಅಲ್ಪಾವಧಿಯ ಲಾಭಗಳ ಬದಲಿಗೆ ದೀರ್ಘಾವಧಿಯ ಆರ್ಥಿಕ ಗುರಿಗಳ ಮೇಲೆ ಕೇಂದ್ರೀಕರಿಸಿ. ಭವಿಷ್ಯದ ಅನಿಶ್ಚಿತತೆಗಳನ್ನು ತಪ್ಪಿಸಲು, ವಿಮೆ ಮತ್ತು ಉಳಿತಾಯವನ್ನು ಹೊಂದಿರುವುದು ಮುಖ್ಯ.

ಮಿಥುನ ರಾಶಿ

ಈ ರಾಶಿಯ ಒಂಟಿ ಜನರು ಹೊಸ ಜನರನ್ನು ಭೇಟಿಯಾಗಬಹುದು. ನೀವು ಸಾಧ್ಯವಾದಷ್ಟು ಸ್ವತಂತ್ರವಾಗಿರಬೇಕು. ಬಲವಂತವಾಗಿ ಯಾವುದೇ ಸಂಬಂಧವನ್ನು ಬಂಧಿಗಳನ್ನಾಗಿ ಮಾಡಬೇಡಿ, ಎಲ್ಲಾ ವಿಚಾರದಲ್ಲೂ ಪ್ರಾಮಾಣಿಕರಾಗಿರಿ. ಪ್ರೀತಿಯಲ್ಲಿರುವರು ಈ ಸಮಯದಲ್ಲಿ ತಮ್ಮಿಬರ ನಡುವಿನ ಸಣ್ಣ ಪುಟ್ಟ ಮನಸ್ತಾಪಗಳನ್ನು ಸರಿಪಡಿಸಿಕೊಳ್ಳುವ ಅವಕಾಶ ಇದೆ.

ಇದನ್ನೂ ಓದಿ:  ಸಾಲದ ಸುಳಿಯಿಂದ ವಿಮುಕ್ತಿ ಪಡೆಯಲು ಬೇಕು ಲಕ್ಷ್ಮೀ ನರಸಿಂಹ ಸ್ವಾಮಿ ಆಶೀರ್ವಾದ; ಪ್ರತಿದಿನ ಈ ಋಣ ವಿಮೋಚನಾ ಸ್ತೋತ್ರ ಪಠಿಸಿ

ಕಟಕ ರಾಶಿ

ಈ ಸಮಯದಲ್ಲಿ ಕಟಕ ರಾಶಿಯ ಜನರು ವೈಯಕ್ತಿಕ ಜೀವನ ಮತ್ತು ವೃತ್ತಿ ಜೀವನದಲ್ಲಿ ಸಣ್ಣ ಪುಟ್ಟ ತೊಂದರೆಗಳನ್ನು ಎದುರಿಸಬಹುದು. ಸೂರ್ಯ ಮತ್ತು ಗುರುಗಳ ನಡುವಿನ ಈ ಸಂಯೋಗವು ನಿಮ್ಮ ಪ್ರಸ್ತುತ ಕಾರ್ಯತಂತ್ರವನ್ನು ಇನ್ನಷ್ಟು ಬಲಪಡಿಸುವಂತೆ ಸೂಚಿಸುತ್ತಿದೆ. ಸಾಮರಸ್ಯವನ್ನು ಕಾಪಾಡಿಕೊಳ್ಳಲು ಪ್ರಯತ್ನಿಸಿ. ಹೊಸ ಆಲೋಚನೆಗಳನ್ನು ಸ್ವೀಕರಿಸಲು ಸಿದ್ಧರಾಗಿರಿ.

ಸಿಂಹ ರಾಶಿ

ಸೂರ್ಯ-ಗುರುವಿನ ಸ್ಥಾನದಿಂದ ಮನೆಯ ಅಗತ್ಯತೆಗಳು ಮತ್ತು ಸ್ವಂತ ಹಿತಾಸಕ್ತಿಗಳ ನಡುವೆ ಗೊಂದಲದ ಪರಿಸ್ಥಿತಿ ಉದ್ಭವಿಸಬಹುದು. ಆದರೆ ನಿಮ್ಮ ಭಾವನೆಗಳನ್ನು ನೀವು ಮರೆ ಮಾಡಬಾರದು. ನಿಮ್ಮ ಕುಟುಂಬ ಮತ್ತು ನಿಮ್ಮ ಅಗತ್ಯಗಳಿಗಾಗಿ ಹೊಸ ಮಾರ್ಗವನ್ನು ಕಂಡುಹಿಡಿಯಲು ಪ್ರಯತ್ನಿಸಿ.

ಕನ್ಯಾ ರಾಶಿ

ಕನ್ಯಾ ರಾಶಿಯವರು ಸ್ವಲ್ಪ ಗೊಂದಲಕ್ಕೆ ಒಳಗಾಗುತ್ತಾರೆ ಏಕೆಂದರೆ ಅವರು ಎಲ್ಲವನ್ನೂ ನಿರ್ಣಯಿಸುವ ಮತ್ತು ಅತಿಯಾಗಿ ಪರಿಶೀಲಿಸುವ ಪ್ರವೃತ್ತಿಯನ್ನು ಹೊಂದಿರುತ್ತಾರೆ. ಸೂರ್ಯ ಅಹಂಕಾರ, ಸ್ವಯಂ ಗುರುತನ್ನು ಪ್ರತಿನಿಧಿಸುತ್ತಾನೆ. ಗುರುವನ್ನು ಪ್ರಗತಿಯ ಸಂಕೇತವೆಂದು ಪರಿಗಣಿಸಲಾಗುತ್ತದೆ. ಸೂರ್ಯ-ಗುರುವಿನ ವಿರೋಧವು ಕನ್ಯಾರಾಶಿಯ ಜೀವನದ ಪ್ರತಿಯೊಂದು ಅಂಶದ ಮೇಲೆ ಪರಿಣಾಮ ಬೀರುತ್ತದೆ.

ಇದನ್ನೂ ಓದಿ: ಯಾವ ದಿನ ತಲೆಸ್ನಾನ ಮಾಡುವುದು ಒಳ್ಳೆಯದು, ಈ ವಿಚಾರದಲ್ಲಿ ಮಹಿಳೆಯರು, ಪುರುಷರಿಗೆ ಪ್ರತ್ಯೇಕ ನಿಯಮಗಳಿವೆಯೇ?

ತುಲಾ ರಾಶಿ

ನಿಮ್ಮ ಬಗ್ಗೆ ನಿಮಗೆ ನಂಬಿಕೆ ಇರಲಿ, ಆದರೆ ನಿಮ್ಮ ದಾರಿಯಲ್ಲಿ ಬರುವ ಪ್ರತಿಯೊಂದು ಅವಕಾಶವನ್ನು ಪಡೆದುಕೊಳ್ಳಲು ಪ್ರಯತ್ನಿಸಬೇಡಿ. ಸಂಬಂಧದಲ್ಲಿರುವ ಜನರಿಗೆ ಸಣ್ಣ ಪುಟ್ಟ ಮನಸ್ತಾಪ ಉಂಟಾಗುವ ಸಾಧ್ಯತೆ ಇದೆ. ಸಂವಹನವು ಬಹಳ ಮುಖ್ಯವಾದ ಪಾತ್ರವನ್ನು ವಹಿಸುತ್ತದೆ. ಆದ್ದರಿಂದ, ಇಬ್ಬರೂ ಒಟ್ಟಾಗಿ ಸಮಸ್ಯೆಗೆ ಪರಿಹಾರವನ್ನು ಕಂಡುಕೊಳ್ಳಿ.

ವೃಶ್ಚಿಕ ರಾಶಿ

ಈ ಸಮಯದಲ್ಲಿ, ವೃಶ್ಚಿಕ ರಾಶಿಯ ಜನರು ಬದಲಾವಣೆಗಳ ಮೇಲೆ ಕೇಂದ್ರೀಕರಿಸುತ್ತಾರೆ, ಆದರೆ ಸೂರ್ಯ-ಗುರುಗ್ರಹದ ವಿರುದ್ಧ ಸ್ಥಾನವು ನಿಮ್ಮನ್ನು ಮುನ್ನಡೆಯಲು ಪ್ರೇರೇಪಿಸುತ್ತದೆ. ವೃತ್ತಿಪರ, ಸಾಮಾಜಿಕ ಮತ್ತು ಶೈಕ್ಷಣಿಕ ಜೀವನದಲ್ಲಿ ನೀವು ವಿಭಿನ್ನವಾದದ್ದನ್ನು ಪ್ರಯತ್ನಿಸಬಹುದು. ಈ ಸಮಯದಲ್ಲಿ ಹೊಸ ವಿಷಯಗಳನ್ನು ಕಲಿಯಲು ನಿಮಗೆ ಅನುಕೂಲಕರವಾಗಿದೆ.

ಧನಸ್ಸು ರಾಶಿ

ನಿಮ್ಮ ವೃತ್ತಿಪರ ಮತ್ತು ಬೌದ್ಧಿಕ ಅಗತ್ಯಗಳಿಗೆ ಹೊಂದಿಕೆಯಾಗುವ ಕೆಲಸವನ್ನು ಹುಡುಕಲು ಇದು ಅತ್ಯುತ್ತಮ ಸಮಯ. ವೈಯಕ್ತಿಕ ಮತ್ತು ತಂಡದ ಹಿತಾಸಕ್ತಿಗಳ ನಡುವೆ ಸಂಘರ್ಷವಿರಬಹುದು. ನಿಮ್ಮ ಗುರಿಗಳನ್ನು ಸಾಧಿಸಲು ಪ್ರಯತ್ನಗಳನ್ನು ಮಾಡುವ ಮೂಲಕ ನೀವು ಪ್ರತಿ ಸಮಸ್ಯೆಯನ್ನು ಪರಿಹರಿಸುತ್ತೀರಿ. ವೈಯಕ್ತಿಕ ಮತ್ತು ವೃತ್ತಿ ಕ್ಷೇತ್ರಗಳಲ್ಲಿ ಪ್ರಗತಿ ಇರುತ್ತದೆ.

ಮಕರ ರಾಶಿ

ಗುರು ಮತ್ತು ಸೂರ್ಯನ ವಿರೋಧದ ಸಮಯದಲ್ಲಿ ಮಕರ ರಾಶಿಯವರು ಶಿಸ್ತು, ಕೆಲಸದ ನೀತಿಯಲ್ಲಿ ಬದಲಾವಣೆಯನ್ನು ಮಾಡುವ ಸಾಮರ್ಥ್ಯ ಗಳಿಸುತ್ತಾರೆ. ಯಾವುದೇ ಪ್ರಮುಖ ನಿರ್ಧಾರಗಳನ್ನು ಕೈಗೊಳ್ಳುವ ಮುನ್ನ ಅನುಭವಿಗಳ ಸಲಹೆ ಪಡೆಯಿರಿ. ಯಾವುದಾದರೂ ಒಂದು ರೀತಿಯಲ್ಲಿ ಬದಲಾವಣೆಯು ನಿಮ್ಮ ಜೀವನವನ್ನು ಸುಧಾರಿಸುತ್ತದೆ.

ಇದನ್ನೂ ಓದಿ: ಫೆಂಗ್‌ಶೂಯಿ ಸಲಹೆಗಳು: ಪ್ರತಿದಿನ ಬಳಸುವ ಪೊರಕೆಯನ್ನು ಎಲ್ಲಿ ಇಡಬೇಕು, ಯಾವ ರೀತಿ ಇಡಬೇಕು? ಇಲ್ಲಿದೆ ಮಾಹಿತಿ

ಕುಂಭ ರಾಶಿ

ಈ ಸಮಯದಲ್ಲಿ ನೀವು ನಿಮ್ಮ ಆರೋಗ್ಯದ ಬಗ್ಗೆ ಜಾಗರೂಕರಾಗಿರಬೇಕು. ಗುರು ಮತ್ತು ಸೂರ್ಯನ ವಿರುದ್ಧ ಸಂಯೋಜನೆಯಿಂದಾಗಿ ನಿಮಗೆ ಕೆಲಸದಲ್ಲಿ ಒತ್ತಡ ಹೆಚ್ಚಾಗುತ್ತದೆ. ನಿಮ್ಮ ಮನಸ್ಸು ಮತ್ತು ದೇಹಕ್ಕೆ ಅಗತ್ಯವಾಗಿರುವ ವ್ಯಾಯಾಮಗಳನ್ನು ಮಾಡಿ. ಯಕೃತ್ತಿನ ಆರೋಗ್ಯಕ್ಕೆ ಗಮನ ಕೊಡಿ. ಅನಾರೋಗ್ಯಕರ ಆಹಾರವನ್ನು ತಪ್ಪಿಸಿ.

ಮೀನ ರಾಶಿ

ಈ ಸಮಯದಲ್ಲಿ, ನಿಮ್ಮ ಗುರಿಗಳನ್ನು ಸಾಧಿಸಲು ನೀವು ಒತ್ತಡವನ್ನು ಅನುಭವಿಸಬಹುದು. ನೀವು ಕೆಲಸವನ್ನು ತುಂಬಾ ಇಷ್ಟಪಡಬಹುದು, ಆದರೆ ಅದು ಉತ್ತಮ ಫಲಿತಾಂಶಗಳನ್ನು ನೀಡುತ್ತದೆಯೇ ಇಲ್ಲವೇ ಎಂಬುದು ನಿಮ್ಮ ನಿರ್ಧಾರಕ್ಕೆ ಬೀಟ್ಟಿದ್ದು. ಪ್ರಮುಖ ಹೂಡಿಕೆಗಳ ಬಗ್ಗೆ ಗಮನ ಹರಿಸಬಹುದು, ಅದಕ್ಕಾಗಿ ವೃತ್ತಿಪರ ಸಲಹೆ ಪಡೆಯುವುದನ್ನು ಮರೆಯಬೇಡಿ.

ಗಮನಿಸಿ: ಇದು ಪ್ರಚಲಿತದಲ್ಲಿರುವ ಧಾರ್ಮಿಕ ನಂಬಿಕೆಗಳನ್ನು ಆಧರಿಸಿದ ಬರಹ. ಓದುಗರಿಗೆ ಮಾಹಿತಿ ನೀಡುವ ಉದ್ದೇಶದಿಂದಷ್ಟೇ ಪ್ರಕಟಿಸಲಾಗಿದೆ.