ವಾಹನ ಖರೀದಿ 2025: ಧನಸ್ಸು ರಾಶಿಯವರಿಗೆ ವರ್ಷದ ದ್ವಿತೀಯಾರ್ಧ ಒಳ್ಳೆಯದು, ಕುಂಭ ರಾಶಿಯವರು ಬಜೆಟ್ಗೆ ಅನುಗುಣವಾಗಿ ವಾಹನ ಖರೀದಿ ಸೂಕ್ತ
Vehicle Purchase Muhurtham 2025: ಕಳೆದ ವರ್ಷವಾದರೂ ವಾಹನ ಖರೀದಿಸಲಿಲ್ಲ ಮುಂದಿನ ವರ್ಷದಲ್ಲಾದರೂ ವಾಹನ ಖರೀದಿ ಲಾಭವಿರಬಹುದಾ ಎಂದು ಅನೇಕರು ಕುತೂಹಲದಿಂದ ಕಾಯುತ್ತಿದ್ದಾರೆ. ಆದರೆ ಎಲ್ಲದಕ್ಕೂ ಗ್ರಹಗಳ ಆಶೀರ್ವಾದ ಮುಖ್ಯ 2025 ರಲ್ಲಿ ಧನಸ್ಸು, ಮಕರ, ಕುಂಭ, ಮೀನ ರಾಶಿಯವರಿಗೆ ವಾಹನ ಖರೀದಿ ಸಾಧ್ಯತೆಗಳ ಬಗ್ಗೆ ಮಾಹಿತಿ ಇಲ್ಲಿದೆ.
ವಾಹನ ಖರೀದಿ 2025: ಸ್ವಂತ ಮನೆ, ಹೊರಗೆ ಓಡಾಡಲು ಸ್ವಂತ ವಾಹನ ಇರಬೇಕು ಎನ್ನುವುದು ಪ್ರತಿಯೊಬ್ಬರ ಕನಸು. ಆದರೆ ಎಷ್ಟು ದುಡಿದರೂ ಕೆಲವರಿಗೆ ಒಂದು ಸ್ಕೂಟರ್ ಕೊಳ್ಳಲು ಕೂಡಾ ಆಗುವುದಿಲ್ಲ. ಎಲ್ಲರ ಜಾತಕದ 4ನೇ ಮನೆಯು ಜನರ ಜೀವನದಲ್ಲಿ ವಾಹನಗಳ ಭಾಗ್ಯವನ್ನು ಪ್ರತಿನಿಧಿಸುತ್ತದೆ. ಮಾತು, ಬುದ್ಧಿವಂತಿಕೆ ಮತ್ತು ತರ್ಕವನ್ನು ಪ್ರತಿನಿಧಿಸುವ ಬುಧ ಗ್ರಹವು ವಾಣಿಜ್ಯ ವಾಹನಗಳ ಮೇಲೂ ಪ್ರಭಾವ ಬೀರುತ್ತಾನೆ. ವೈಯಕ್ತಿಕ ಬಳಕೆಗಾಗಿ ಬಯಸುವ ವಾಹನವು ಶುಕ್ರನಿಂದ ಪ್ರಭಾವಿತವಾಗಿರುತ್ತದೆ. ಆದರೂ ನವಗ್ರಹಗಳು ಕೂಡಾ ಇದರ ಮೇಲೆ ಪ್ರಭಾವ ಬೀರುತ್ತವೆ. ನೀವು ಖರೀದಿಸುವ ವಾಹನ ನಿಮಗೆ ಅದೃಷ್ಟವೋ, ಇಲ್ಲವೋ ಎಂಬುದು ಕೂಡಾ ಇದರಿಂದಲೇ ನಿರ್ಧಾರವಾಗುತ್ತದೆ.
2024 ಕಳೆದ ಹೊಸ ವರ್ಷ ಬರುತ್ತಿದೆ. ಹೊಸ ವರ್ಷ 2025ರಲ್ಲಿ ಯಾವೆಲ್ಲಾ ರಾಶಿಯವರ ಸ್ವಂತ ವಾಹನಗಳ ಕನಸು ನನಸಾಗುತ್ತದೆ? ಯಾವ ರಾಶಿಯವರಿಗೆ ವಾಹನಗಳನ್ನು ಕೊಳ್ಳುವ ಕನಸು ಮತ್ತೆ ಮುಂದಕ್ಕೆ ಹೋಗಲಿದೆ ನೋಡೋ. ಇಲ್ಲಿ 2025 ರಲ್ಲಿ ಧನಸ್ಸು, ಮಕರ, ಕುಂಭ, ಮೀನ, ರಾಶಿಯವರಿಗೆ ವಾಹನ ಖರೀದಿ ಸಾಧ್ಯವಿದೆಯೋ, ಇಲ್ಲವೋ ಎಂಬುದನ್ನು ತಿಳಿಸಲಾಗಿದೆ.
2025 ರಲ್ಲಿ ಧನಸ್ಸು, ಮಕರ, ಕುಂಭ, ಮೀನ ರಾಶಿಯವರಿಗೆ ವಾಹನ ಖರೀದಿ ಶುಭ ಸಮಯ
ಧನು ರಾಶಿ
2025 ರಲ್ಲಿ ವಾಹನ ಖರೀದಿಸಬೇಕು ಎಂದು ಕಾಯುತ್ತಿರುವ ಧನಸ್ಸು ರಾಶಿಯವರಿಗೆ ಮುಂದಿನ ವರ್ಷ ದ್ವಿತೀಯಾರ್ಧವು ಅನುಕೂಲಕರವಾಗಿದೆ. ವರ್ಷದ ಮೊದಲಾರ್ಧದಲ್ಲಿ ವಾಹನವನ್ನು ಖರೀದಿಸುವುದನ್ನು ತಪ್ಪಿಸುವುದು ಒಳ್ಳೆಯದು ಮತ್ತು ನಿಮಗೆ ವಾಹನವನ್ನು ಖರೀದಿಸುವ ತುರ್ತು ಅಗತ್ಯವಿದ್ದಲ್ಲಿ, ಮೇ 2025 ರ ಮಧ್ಯಭಾಗದ ನಂತರ ಖರೀದಿಸಬಹುದು. ಇಲ್ಲವಾದರೆ ಸಮಸ್ಯೆಗೆ ಸಿಲುಕುವ ಸಾಧ್ಯತೆಗಳಿವೆ.
ಮಕರ ರಾಶಿ
2025 ರಲ್ಲಿ ಹೊಸ ವಾಹನವನ್ನು ಖರೀದಿಸಲು ಯೋಜಿಸುತ್ತಿದ್ದರೆ, ಈ ವರ್ಷ ಹೂಡಿಕೆಗಳಿಗೆ ಅತ್ಯುತ್ತಮ ಸಮಯವಾಗಿದೆ. ಮಾರ್ಚ್ 2025 ರ ನಂತರ ನಾಲ್ಕನೇ ಮನೆಯಿಂದ ಶನಿಯ ಪ್ರಭಾವವು ಕೊನೆಗೊಳ್ಳುತ್ತದೆ ಮತ್ತು ಹೊಸ ವಾಹನವನ್ನು ಖರೀದಿಸಲು ನಿಮ್ಮ ದಾರಿಯಲ್ಲಿ ಬರುವ ಎಲ್ಲಾ ತೊಂದರೆಗಳು ನಿವಾರಣೆಯಾಗುತ್ತದೆ. ಈ ಕಾರಣದಿಂದಾಗಿ ನೀವು ವಾಹನಗಳನ್ನು ಖರೀದಿಸುವಲ್ಲಿ ಮಾಡುವ ಎಲ್ಲಾ ಪ್ರಯತ್ನಗಳು ಯಶಸ್ವಿಯಾಗುತ್ತದೆ.
ಕುಂಭ ರಾಶಿ
ಬಹಳ ವರ್ಷಗಳಿಂದ ವಾಹನ ಖರೀದಿಸಲು ಕುಂಭ ರಾಶಿಯವರಿಗೆ ಇನ್ನು ಕಾಯುವ ಅಗತ್ಯವಿಲ್ಲ. ಈ ಬಾರಿ ನಿಮ್ಮ ಮೆಚ್ಚಿನ ವಾಹನವನ್ನು ಖರೀದಿಸಬಹುದು. ಶುಕ್ರ ಸಂಕ್ರಮಣದ ಕಾರಣ, ಹೆಚ್ಚಿನ ಫಲಿತಾಂಶಗಳು ಕುಂಭ ರಾಶಿಯವರಿಗೆ ಪರವಾಗಿರುತ್ತವೆ. ಆದರೆ ನಿಮ್ಮ ಬಜೆಟ್ಗೆ ಅನುಗುಣವಾಗಿ ವಾಹನವನ್ನು ಖರೀದಿಸಲು ಪ್ಲ್ಯಾನ್ ಮಾಡಿ, ನಿಮ್ಮ ಬಜೆಟ್ ಮೀರಿ ವಾಹನಗಳ ಮೇಲೆ ಹೂಡಿಕೆ ಮಾಡುವುದು ಸಮಸ್ಯೆ ತರಬಹುದು.
ಮೀನ ರಾಶಿ
ಹೊಸ ವಾಹನವನ್ನು ಖರೀದಿಸಲು ಬಯಸುತ್ತಿರುವ ಮೀನ ರಾಶಿಯವರು 2025 ರ ಮೊದಲಾರ್ಧದಲ್ಲಿ ಅನುಕೂಲಕರ ಫಲಿತಾಂಶಗಳನ್ನು ಪಡೆಯಬಹುದು. ನಂತರದ ಅವಧಿಯಲ್ಲಿ, ವಾಹನವನ್ನು ಖರೀದಿಸಲು ಯೋಚನೆ ಮಾಡಬೇಡಿ, ಏಕೆಂದರೆ ನಂತರ ನೀವು ಖರೀದಿಸುವ ವಾಹನಗಳಿಂದ ನಿಮಗೆ ಸಮಸ್ಯೆ ಹೆಚ್ಚಾಗಬಹುದು. ಆದ್ದರಿಂದ ಎಚ್ಚರಿಕೆಯಿಂದಿರಿ.
ಗಮನಿಸಿ: ಇದು ಪ್ರಚಲಿತದಲ್ಲಿರುವ ಧಾರ್ಮಿಕ ನಂಬಿಕೆಗಳನ್ನು ಆಧರಿಸಿದ ಬರಹ. ಓದುಗರಿಗೆ ಮಾಹಿತಿ ನೀಡುವ ಉದ್ದೇಶದಿಂದಷ್ಟೇ ಪ್ರಕಟಿಸಲಾಗಿದೆ.
ವಿಭಾಗ