Donald Trump: ಕೈಕೋಳ, ಬೆರಳಚ್ಚು, ಫೋಟೋ.. ಹೀಗಿರಲಿದೆ ಡೊನಾಲ್ಡ್ ಟ್ರಂಪ್‌‌ ಸಂಭವನೀಯ ಬಂಧನ ಪ್ರಕ್ರಿಯೆ..! 

Donald Trump

paragraph

ವಾಷಿಂಗ್ಟನ್:‌ 2016ರ ಅಮೆರಿಕ ಅಧ್ಯಕ್ಷೀಯ ಚುನಾವಣೆ ಪ್ರಚಾರದ ಸಂದರ್ಭದಲ್ಲಿ ನೀಲಿಚಿತ್ರ ತಾರೆಯೋರ್ವಳಿಗೆ ಹಣ ಪಾವತಿಸಿದ ಆರೋಪ ಎದುರಿಸುತ್ತಿರುವ ಮಾಜಿ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌, ನ್ಯಾಯಾಲಯದಿಂದ ಕ್ರಿಮಿನಲ್‌ ಆರೋಪ ಎದುರಿಸುತ್ತಿರುವ ಅಮೆರಿಕದ ಮೊದಲ ಮಾಜಿ ಅಧ್ಯಕ್ಷ ಎಂಬ ಅಪಖ್ಯಾತಿಗೆ ಗುರಿಯಾಗಿದ್ದಾರೆ.

ಈ ಮಧ್ಯೆ ನ್ಯೂಯಾರ್ಕ್‌ ಗ್ರ್ಯಾಂಡ್‌ ಜ್ಯೂರಿ ದೋಷಾರೋಪಣೆಯಿಂದಾಗಿ, ಡೊನಾಲ್ಡ್‌ ಟ್ರಂಪ್‌ ಬಂಧನ ಭೀತಿ ಎದುರಿಸುತ್ತಿದ್ದಾರೆ. ಟ್ರಂಪ್‌ ಮುಂಬರುವ ಮಂಗಳವಾರ ಶರಣಾಗುವ ಸಾಧ್ಯತೆ ಇದ್ದು, ಅವರ ಬಂಧನ ಪ್ರಕ್ರಿಯೆ ಬಗ್ಗೆ ಚರ್ಚೆಗಳು ಆರಂಭವಾಗಿವೆ. ಅಪರಾಧ ಪ್ರಕರಣಗಳ ಬಂಧನ ಪ್ರಕ್ರಿಯೆಯೇ ಟ್ರಂಪ್‌ ಅವರಿಗೂ ಅನ್ವಯಿಸಲಿದೆ ಎಂಬುದು ವಿಶೇಷ.

ಟ್ರಂಪ್‌ ಅವರ ಬಂಧನ ಅನಿವಾರ್ಯವಾದರೆ ಅವರಿಗೆ ಮೊದಲು ಪೊಲೀಸರು ಕೈಕೋಳ ತೊಡಿಸಲಿದ್ದಾರೆ. ನಂತರ ಅವರ ಬೆರಳಚ್ಚು ಪಡೆಯಲಿರುವ ಪೊಲೀಸರು, ಸಾಮಾನ್ಯ ಅಪರಾಧಿಯಂತೆ ಅವರ ಛಾಯಾಚಿತ್ರವನ್ನು ತೆಗೆದುಕೊಳ್ಳಲಿದ್ದಾರೆ. ಅಪರಾಧ ಆರೋಪದ ಮೇಲೆ ಬಂಧಿತರಾಗುವವರಿಗೆ ಕೈಕೋಳ ಹಾಕುವುದು ಮಾನದಂಡವಾಗಿದ್ದರೂ, ಮಾಜಿ ಅಧ್ಯಕ್ಷರಿಗೆ ಇದರಿಂದ ವಿನಾಯಿತಿ ನೀಡಲಾಗುತ್ತದೆಯೇ ಎಂಬುದು ಇನ್ನೂ ಅಸ್ಪಷ್ಟವಾಗಿದೆ.

ಗಂಭೀರ ಸ್ವರೂಪದ ಅಪರಾಧ ಎಸಗಿರುವ ಆರೋಪಿಗಳನ್ನು ಸಾಮಾನ್ಯವಾಗಿ ಬೆನ್ನಿನ ಹಿಂದೆ ಕೈಗಳನ್ನು ಕಟ್ಟಿ ಬಂಧಿಸಲಾಗುತ್ತದೆ. ಆದರೆ ಸಾಮಾನ್ಯ ಮತ್ತು ಅಪಾಯರಹಿತ ಆರೋಪಿಗಳಿಗೆ ಶರೀರದ ಮುಂಭಾಗದಲ್ಲಿ ಕೈಕೋಳ ತೊಡಿಸಲಾಗುತ್ತದೆ. ಟ್ರಂಪ್‌ ಅವರ ಬಂಧನದ ವೇಳೆ ಪೊಲೀಸರು ಯಾವ ರೀತಿಯ ಮಾನದಂಡವನ್ನು ಅನುಸರಿಲಿದ್ದಾರೆ ಎಂಬುದು ಈಗ ಚರ್ಚಾಸ್ಪದವಾಗಿದೆ.

ಲೋವರ್ ಮ್ಯಾನ್‌ಹ್ಯಾಟನ್‌ನ ಕ್ರಿಮಿನಲ್ ಕೋರ್ಟ್‌ ಕಟ್ಟಡದಲ್ಲಿ, ಡೊನಾಲ್ಡ್‌ ಟ್ರಂಪ್‌ ಅವರು ನ್ಯಾಯಾಧೀಶರ ಮುಂದೆ ಶರಣಾಗಲಿದ್ದಾರೆ. ಈ ಸಂದರ್ಭದಲ್ಲಿ ಅಮೆರಿಕದ ರಹಸ್ಯ ಸೇವೆಯ ಸಶಸ್ತ್ರ ಏಜೆಂಟ್‌ಗಳು, ಡೊನಾಲ್ಡ್‌ ಟ್ರಂಪ್‌ ಅವರ ಭದ್ರತೆಗೆ ನಿಯೋಜನೆಗೊಳ್ಳಲಿದ್ದಾರೆ.

ನ್ಯಾಯಾಲಯದಲ್ಲಿ ಡೊನಾಲ್ಡ್‌ ಟ್ರಂಪ್‌ ಅವರಿಗೆ ಸ್ಟೇಟ್ಸ್ ನ್ಯಾಯಾಲಯದ ಅಧಿಕಾರಿಗಳು‌ ಭದ್ರತೆಯನ್ನುಒದಗಿಸುತ್ತಾರೆ. ಆದರೆ ಫೆಡರಲ್ ಏಜೆನ್ಸಿಯ ಮುಖ್ಯ ವಕ್ತಾರ ಆಂಥೋನಿ ಜೆ. ಗುಗ್ಲಿಯೆಲ್ಮಿ ಪ್ರಕಾರ, ಟ್ರಂಪ್‌ ಅವರ ಭದ್ರತೆಗಾಗಿ ಜಾರಿಗೆ ತರಲಾಗುವ ಕ್ರಮಗಳ ಬಗ್ಗೆ ಈಗಲೇ ಪ್ರತಿಕ್ರಿಯಿಸಲು ಸಾಧ್ಯವಿಲ್ಲ ಎಂದು ಹೇಳಿದ್ದಾರೆ.

ಟ್ರಂಪ್‌ ವಿರುದ್ಧ ನ್ಯೂಯಾರ್ಕ್‌ ಗ್ರ್ಯಾಂಡ್‌ ಜ್ಯೂರಿ ದೋಷಾರೋಪಣೆ ಪ್ರಕಸಿದ ಬಳಿಕ, ಪ್ರಾಸಿಕ್ಯೂಟರ್‌ಗಳು ಟ್ರಂಪ್‌ ಪರ ವಕೀಲರನ್ನು ಸಂಪರ್ಕಿಸಿದ್ದಾರೆ. ಈ ವೇಳೆ ಟ್ರಂಪ್‌ ಅವರ ಶರಣಾಗತಿ ಪ್ರಕ್ರಿಯೆಯ ಬಗ್ಗೆ ಮಾತುಕತೆ ನಡೆದಿದೆ ಎಂದು ಮೂಲಗಳು ಖಚಿತಪಡಿಸಿವೆ. ಆದರೆ ಟ್ರಂಪ್‌ ಮುಂಬರುವ ಮಂಗಳವಾರ ಶರಣಾಗುವುದಿಲ್ಲ ಎಂದು ಸ್ಪಷ್ಟಪಡಿಸಿರುವ ಅವರ ಪರ ವಕೀಲರು, ಟ್ರಂಪ್‌ ಶರಣಾಗತಿಗೆ ಹೆಚ್ಚಿನ ಕಾಲಾವಕಾಶ ಕೋರಿದ್ದಾರೆ.

ಡೊನಾಲ್ಡ್‌ ಟ್ರಂಪ್‌ ವಿರುದ್ಧದ ದೋಷಾರೋಪಣೆಯು ಅಹಿಂಸಾತ್ಮಕ ಅಪರಾಧದ ಆರೋಪಗಳನ್ನು ಮಾತ್ರ ಒಳಗೊಂಡಿದ್ದು,ನ್ಯೂಯಾರ್ಕ್ ಕಾನೂನಿನಡಿಯಲ್ಲಿ ಅಂತಹ ಪ್ರಕರಣಗಳಲ್ಲಿ ಆರೋಪಿಯನ್ನು ಜಾಮೀನಿನ ಮೇಲೆ ಬಿಡುಗಡೆ ಮಾಡಬಹುದಾಗಿದೆ. ಹೀಗಾಗಿ ಟ್ರಂಪ್‌ ಬಂಧನವಾದರೂ, ಅದು ನೈಜ ರೂಪದಲ್ಲಿ ಕಾರ್ಯರೂಪಕ್ಕೆ ಬರುವುದು ಅನುಮಾನ ಎನ್ನಲಾಗಿದೆ.

ತಮ್ಮ ವಿರುದ್ಧದ ದೋಷಾರೋಪಣೆ ಆರೋಪಗಳನ್ನು ಸ್ಪಷ್ಟವಾಗಿ ತಿರಸ್ಕರಿಸಿರುವ ಡೊನಾಲ್ಡ್‌ ಟ್ರಂಪ್‌, ನ್ಯೂಯಾರ್ಕ್‌ ಗ್ರ್ಯಾಂಡ್‌ ಜ್ಯೂರಿಯ ತೀರ್ಪನ್ನು ತಮ್ಮ ಅಧ್ಯಕ್ಷೀಯ ಚುನಾವಣಾ ಪ್ರಚಾರ ತಂತ್ರದ ಭಾಗವಾಗಿ ಬಳಸುತ್ತಿದ್ದಾರೆ. ಅಲ್ಲದೇ ಜೋ ಬೈಡನ್‌ ಈ ತಪ್ಪಿಗಾಗಿ ಭಾರೀ ಬೆಲೆ ತೆರಲಿದ್ದಾರೆ ಎಂದು ಟ್ರಂಪ್‌ ಎಚ್ಚರಿಸಿದ್ದಾರೆ.

ಮಾಜಿ ಅಧ್ಯಕ್ಷರು ಶರಣಾಗಲು ನಿರಾಕರಿಸುವ ಸಾಧ್ಯತೆಯಿಲ್ಲದ ಸಂದರ್ಭದಲ್ಲಿ, ಅವರನ್ನು ಹಸ್ತಾಂತರಿಸುವ ನ್ಯೂಯಾರ್ಕ್‌ ರಾಜ್ಯದ ಮನವಿಯನ್ನು ಪರುಸ್ಕರಿಸುವುದಿಲ್ಲ ಎಂದು ಫ್ಲೋರಿಡಾದ ರಿಪಬ್ಲಿಕನ್‌ ಗವರ್ನರ್‌ ರಾನ್‌ ಡಿಸಾಂಟಿಸ್‌ ಘೋಷಿಸಿದ್ದಾರೆ. ಆದರೆ ನ್ಯೂಯಾರ್ಕ್ ಪ್ರಾಸಿಕ್ಯೂಟರ್‌ಗಳು ವಾಸ್ತವವಾಗಿ ಟ್ರಂಪ್‌ ಅವರನ್ನು ಹಸ್ತಾಂತರಿಸುವಂತೆ ಕೋರಿಕೊಂಡರೆ, ಸ್ವತಃ ರಾನ್‌ ಡಿಸಾಂಟಿಸ್‌ ಅವರೇ ಕಾನೂನು ಕ್ರಮವನ್ನು ಎದುರಿಸುವ ಸಾಧ್ಯತೆಗಳಿವೆ.

Eating idli: "ಇಡ್ಲಿಗಿಂತ ರುಚಿ ಬೇರೆ ಇಲ್ಲ...", ಆರ್ಡರ್‌ನಲ್ಲೇ ದಾಖಲೆ ಮಾಡಿದ ಇಡ್ಲಿಪ್ರಿಯ, ಮಸಾಲೆದೋಸೆ ಬಳಿಕ ಇಡ್ಲಿಯೇ ಜನಪ್ರಿಯ

ತಟ್ಟೆ ಇಡ್ಲಿ, ರವಾ ಇಡ್ಲಿ, ಮಿನಿ ಇಡ್ಲಿ ಸೇರಿದಂತೆ ಬಗೆಬಗೆಯ ಇಡ್ಲಿಯನ್ನು ಪ್ರತಿನಿತ್ಯ ಇಡ್ಲಿಪ್ರಿಯರು ಆನ್‌ಲೈನ್‌ನಲ್ಲಿ ಆರ್ಡರ್‌ ಮಾಡುತ್ತಿದ್ದು, ಇಡ್ಲಿ ಆರ್ಡರ್‌ ಮಾಡುವುದರಲ್ಲಿ ಇಡ್ಲಿಪ್ರಿಯರೊಬ್ಬರು ಹೊಸ ದಾಖಲೆ ಮಾಡಿದ್ದಾರೆ.

Bihar Youtuber Case: ವಲಸಿಗರ ಮೇಲೆ ಹಲ್ಲೆ ವಿಡಿಯೋ, ಬಿಹಾರದ ಯೂಟ್ಯೂಬರ್‌ನನ್ನು ತಮಿಳುನಾಡು ಪೊಲೀಸರ ಕೈಗೆ ಒಪ್ಪಿಸಿದ ಕೋರ್ಟ್‌

ತಮಿಳುನಾಡಿನಲ್ಲಿ ವಲಸಿಗರ ಮೇಲೆ ಹಲ್ಲೆ ನಡೆಯುತ್ತಿದೆ ಎಂದು ಫೇಕ್‌ ವಿಡಿಯೋ ಪ್ರಕಟಿಸಿದ ಆರೋಪದ ಮೇರೆಗೆ ಬಿಹಾರದ ಯೂಟ್ಯೂಬರ್‌ನನ್ನು ಮೂರು ದಿನಗಳ ಕಾಲ ತಮಿಳುನಾಡು ಪೊಲೀಸರ ಕಸ್ಟಡಿಗೆ ಮಧುರೈ ಕೋರ್ಟ್‌ ಒಪ್ಪಿಸಿದೆ.

New York Police: ಡೊನಾಲ್ಡ್‌ ಟ್ರಂಪ್‌ ಬಂಧನ ಸಾಧ್ಯತೆ: ಹೈ ಅಲರ್ಟ್‌ ಮೋಡ್‌ಗೆ ಜಾರಿದ ನ್ಯೂಯಾರ್ಕ್‌ ಪೊಲೀಸ್‌!

New York Police

ಟ್ರಂಪ್‌ ಅವರು ಮುಂಬರುವ ಲೋವರ್ ಮ್ಯಾನ್‌ಹ್ಯಾಟನ್‌ನ ಕ್ರಿಮಿನಲ್ ಕೋರ್ಟ್‌ ಕಟ್ಟಡದಲ್ಲಿ, ನ್ಯಾಯಾಧೀಶರ ಮುಂದೆ ಶರಣಾಗುವ ಸಾಧ್ಯತೆ ದಟ್ಟವಾಗಿದೆ. ಈ ಹಿನ್ನೆಲೆಯಲ್ಲಿ ನ್ಯಾಯಾಲಯ ಒಂದು ವೇಳೆ ಆದೇಶ ನೀಡಿದರೆ, ಟ್ರಂಪ್‌ ಅವರನ್ನು ಬಂಧಿಸಲು ನ್ಯೂಯಾರ್ಕ್‌ ಪೊಲೀಸ್‌ ಇಲಾಖೆ ಸಜ್ಜಾಗಿದೆ. ಟ್ರಂಪ್‌ ವಿಚಾರಣೆ ಹಿನ್ನೆಲೆಯಲ್ಲಿ ನ್ಯೂಯಾರ್ಕ್‌ ಪೊಲೀಸ್‌ ಹೈ ಅಲರ್ಟ್‌ಗೆ ಜಾರಿದೆ.

Stormy Daniels: ದೋಷಾರೋಪಣೆಗೆ ಗುರಿಯಾದ ಟ್ರಂಪ್‌: ನೀಲಿತಾರೆ ಸ್ಟಾರ್ಮಿ ಡೇನಿಯಲ್ಸ್ ನೀಡಿದ ಮೊದಲ ಪ್ರತಿಕ್ರಿಯೆ ಇದು..

Stormy Daniels

ಅಮೆರಿಕದ ಮಾಜಿ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ವಿರುದ್ಧ ದೋಷಾರೋಪಣೆ ಪಟ್ಟಿ ಸಲ್ಲಿಸಲಾಗಿದ್ದು, ಈ ಕುರಿತು ನೀಲಿತಾರೆ ಸ್ಟಾರ್ಮಿ ಡೇನಿಯಲ್ಸ್ ಪ್ರತಿಕ್ರಿಯೆ ನೀಡಿದ್ದಾರೆ. ವಿಚಾರಣೆಯುದ್ದಕ್ಕೂ ತಮ್ಮನ್ನು ಬೆಂಬಲಿಸಿದ ಪ್ರತಿಯೊಬ್ಬರಿಗೂ ಧನ್ಯವಾದ ಅರ್ಪಿಸುವುದಾಗಿ ಸ್ಟಾರ್ಮಿ ಡೇನಿಯಲ್ಸ್ ತಿಳಿಸಿದ್ದಾರೆ. ಈ ಕುರಿತು ಇಲ್ಲಿದೆ ಮಾಹಿತಿ..

ನ್ಯೂಯಾರ್ಕ್‌ ಗ್ರ್ಯಾಂಡ್‌ ಜ್ಯೂರಿ ದೋಷಾರೋಪಣೆಯಿಂದಾಗಿ, ಡೊನಾಲ್ಡ್‌ ಟ್ರಂಪ್‌ ಬಂಧನ ಭೀತಿ ಎದುರಿಸುತ್ತಿದ್ದಾರೆ. ಟ್ರಂಪ್‌ ಮುಂಬರುವ ಮಂಗಳವಾರ ಶರಣಾಗುವ ಸಾಧ್ಯತೆ ಇದ್ದು, ಅವರ ಬಂಧನ ಪ್ರಕ್ರಿಯೆ ಬಗ್ಗೆ ಚರ್ಚೆಗಳು ಆರಂಭವಾಗಿವೆ. ಅಪರಾಧ ಪ್ರಕರಣಗಳ ಬಂಧನ ಪ್ರಕ್ರಿಯೆಯೇ ಟ್ರಂಪ್‌ ಅವರಿಗೂ ಅನ್ವಯಿಸಲಿದೆ ಎಂಬುದು ವಿಶೇಷ. ಈ ಕುರಿತು ಹೆಚ್ಚಿನ ಮಾಹಿತಿ ಇಲ್ಲಿದೆ..

Martin Cooper: ಮೊಬೈಲ್‌ ಆವಿಷ್ಕರಿಸಿದಾತನ ಮನದಾಳದ ಮಾತುಗಳು..ಮಾರ್ಟಿನ್‌ ಕೂಪರ್‌ ಬೇಸರಕ್ಕೆ ಕಾರಣ ನಾವು, ನೀವು..

‌Martin Cooper

ವಾಷಿಂಗ್ಟನ್:‌ ಸರಿಸುಮಾರು ಎರಡು ದಶಕಗಳ ಹಿಂದೆ ಮೊಬೈಲ್‌ ಫೋನ್‌ ಹೊಂದಿರುವಾತ ಸಮಾಜದ ಪ್ರತಿಷ್ಠಿತ ವ್ಯಕ್ತಿ ಎಂದೆನಿಸಿಕೊಳ್ಳುತ್ತಿದ್ದ. ಒಂದು ಕಾಲದಲ್ಲಿ ರೇಡಿಯೋ, ಟೆಲಿಫೋನ್‌, ಟಿವಿ ಹೊಂದಿದ್ದ ವ್ಯಕ್ತಿಗೆ ಸಿಗುತ್ತಿದ್ದ ಮರ್ಯಾದೆಯೇ, ಮೊಬೈಲ್‌ ಫೋನ್‌ ಹೊಂದಿರುವ ವ್ಯಕ್ತಿಗೂ ಸಿಗುತ್ತಿತ್ತು.

ಆದರೆ ಕಾಲಕಳೆದಂತೆ ಹೇಗೆ ರೇಡಿಯೋ, ಟೆಲಿಫೋನ್‌ ಮತ್ತು ಟಿವಿ ಸಾಮಾನ್ಯರಲ್ಲಿ ಸಾಮಾನ್ಯರನ್ನೂ ತಲುಪಿತೋ, ಹಾಗೆಯೇ ಮೊಬೈಲ್‌ ಫೋನ್‌ ಕೂಡ ಸಮಾಜದ ಎಲ್ಲ ವರ್ಗದ ಜನರನ್ನು ಇಂದು ತಲುಪಿದೆ. ಇದೇ ಕಾರಣಕ್ಕೆ ಮೊಬೈಲ್‌ ಫೋನ್‌ ಹೊಂದಿರುವುದು ಇದೀಗ ಸಾಮಾನ್ಯ ಸಂಗತಿ. ಈಗೆನಿದ್ದರೂ ವ್ಯಕ್ತಿಯೊಬ್ಬ ಹೊಂದಿರುವ ಸ್ಮಾರ್ಟ್‌ಫೋನ್‌ ಬೆಲೆ ಮೇಲೆ, ಆತನ ಗೌರವವನ್ನು ಅಳೆಯಲಾಗುತ್ತದೆ.

ಅದಿರಲಿ, ಮೊಬೈಲ್‌ ಫೋನ್‌ಗಳೆಂದರೆ ಆಟಿಕೆ ವಸ್ತುಗಳಂತಾಗಿರುವ ಈ ಜಮಾನಾದಲ್ಲಿ, ಮೊಬೈಲ್‌ ಫೋನ್‌ ಆವಿಷ್ಕರಿಸಿದ ವ್ಯಕ್ತಿ ಏನು ಹೇಳುತ್ತಾರೆ ಎಂದು ಕೇಳಿದರೆ ನಿಜಕ್ಕೂ ನೀವೆಲ್ಲರೂ ಆಶ್ವರ್ಯಚಕಿತರಾಗುತ್ತೀರಿ.

"ಸೆಲ್‌ಫೋನ್‌ ಪಿತಾಮಹ" ಎಂದು ಕರೆಯಲ್ಪಡುವ ಅಮೆರಿಕನ್ ಎಂಜಿನಿಯರ್ ಮಾರ್ಟಿನ್ ಕೂಪರ್, ಮೊಬೈಲ್‌ ಬಳಕೆದಾರರ ವರ್ತನೆಗೆ ತೀವ್ರ ಬೇಸರ ವ್ಯಕ್ತಪಡಿಸಿದ್ದಾರೆ. ಮೊಬೈಲ್‌ ಗೀಳು ಜನರನ್ನು ಸಮಾಜದಿಂದ ದೂರವಾಗುವಂತೆ ಮಾಡುತ್ತಿದೆ ಎಂಬುದು ಮಾರ್ಟಿನ್‌ ಕೂಪರ್‌ ಅವರ ಅಳಲಾಗಿದೆ.

"ರಸ್ತೆ ದಾಟುತ್ತಿರುವ ವ್ಯಕ್ತಿ ರಸ್ತೆ ಮೇಲೆ ಗಮನಹರಿಸದೇ ತನ್ನ ಮೊಬೈಲ್‌ ಫೋನ್‌ ನೋಡುತ್ತಿರುವುದನ್ನು ಗಮನಿಸಿದಾಗ, ನಾನು ನಿಜಕ್ಕೂ ಬೇಸರಗೊಳ್ಳುತ್ತೇನೆ. ನನ್ನ ಆವಿಷ್ಕಾರವೊಂದು ಜನರ ಸಾಮಾನ್ಯ ಜ್ಞಾನವನ್ನೇ ಕಿತ್ತುಕೊಳ್ಳುತ್ತಿದೆ ಎಂದು ನನಗೆ ಭಾಸವಾಗುತ್ತದೆ.." ಎಂದು 94 ವರ್ಷದ ಕ್ಯಾಲಿಫೋರ್ನಿಯಾದ ಡೆಲ್ ಮರ್‌ ನಿವಾಸಿ ಮಾರ್ಟಿನ್‌ ಕೂಪರ್‌ ಖೇದ ವ್ಯಕ್ತಪಡಿಸುತ್ತಾರೆ..

"ಜನ ಈಗ ರಸ್ತೆಯಲ್ಲಿ ನಡೆದಾಡುವಾಗ, ಕಾರು ಮತ್ತು ಇತರೆ ವಾಹನ ಚಲಾಯಿಸುತ್ತಿರುವಾಗ, ತಮ್ಮವರೊಡನೆ ಇದ್ದಾಗ, ಹೀಗೆ ಎಲ್ಲ ಸಮಯದಲ್ಲೂ ಮೊಬೈಲ್‌ ಬಳಸುತ್ತಿದ್ದಾರೆ. ಜನರು ಸಾಮಾಜಿಕವಾಗಿ ಬೆರೆಯುವುದನ್ನು ಮರೆತಿದ್ದಾರೆ. ತಮ್ಮವರೊಂದಿಗೆ ಕೂಡಿ ಕಾಲ ಕಳೆಯುವ ಜೀವನ ಪ್ರೀತಿ ಈ ಪೀಳಿಗೆಯ ಜನರಲ್ಲಿ ಕಂಡುಬರುತ್ತಿಲ್ಲ.." ಎಂದು ಮಾರ್ಟಿನ್‌ ಕೂಪರ್‌ ಹೇಳುತ್ತಾರೆ.

"ಮೊಬೈಲ್‌ ನಿಜಕ್ಕೂ ಒಂದು ಅದ್ಭುತ ಆವಿಷ್ಕಾರ, ಜನರ ಸಂವಹನ ವ್ಯವಸ್ಥೆಯನ್ನೇ ಬದಲಿಸಿದ ಈ ಆವಿಷ್ಕಾರ, ಜನರನ್ನು ಸಮಾಜದಿಂದ ದೂರ ಮಾಡಬಾರದು ಎಂಬುದು ನನ್ನ ಒತ್ತಾಸೆ.." ಈ ನಿಟ್ಟಿನಲ್ಲಿ ಸಮಾಜ ನಿಜಕ್ಕೂ ಚಿಂತನೆ ಮಾಡುವ ಕಾಲ ಬಂದಿದೆ ಎಂದು ಹಿರಿಯರಾದ ಮಾರ್ಟಿನ್‌ ಕೂಪರ್‌ ಸಲಹೆ ನೀಡುತ್ತಾರೆ.

ಮಾರ್ಟಿನ್‌ ಕೂಪರ್ ಆ್ಯಪಲ್‌ ಸ್ಮಾರ್ಟ್‌ವಾಚ್‌ನ್ನು ಬಳಸುತ್ತಾರೆ. ಅಲ್ಲದೇ ಉನ್ನತ-ಮಟ್ಟದ ಐಫೋನ್ ಅವರ ಬಳಿ ಇದೆ. ಆದರೆ ಸುಧಾರಿತ ತಂತ್ರಜ್ಞಾನದ ಪೂರ್ಣ ತಿಳುವಳಿಕೆ ತಮಗಿಲ್ಲ ಎಂದು ಅವರು ಒಪ್ಪಿಕೊಳ್ಳುತ್ತಾರೆ. ಆದರೆ ಆಧುನಿಕ ಯುಗದ ಸ್ಮಾರ್ಟ್‌ಫೋನ್‌ಗಳ ಬಗ್ಗೆ ತಿಳಿದುಕೊಳ್ಳಲು ನನಗೆ ತುಂಬ ಕುತೂಹಲವಿದೆ ಎನ್ನುತ್ತಾರೆ 94 ವರ್ಷದ ಮಾರ್ಟಿನ್‌ ಕೂಪರ್.

ಮೊಟೊರೊಲಾ ಸಂಸ್ಥೆಯಲ್ಲಿ ಉದ್ಯೋಗಿಯಾಗಿದ್ದ ಮಾರ್ಟಿನ್‌ ಕೂಪರ್. ಏಪ್ರಿಲ್ 3, 1973ರಂದು ಮೊಟ್ಟಮೊದಲ ಮೊಬೈಲ್ ಫೋನ್ ಕರೆ‌ ಮಾಡುವ ಮೂಲಕ ಇತಿಹಾಸ ಸೃಷ್ಟಿಸಿದ್ದರು. ಮೊಬೈಲ್‌ ಫೋನ್‌ ಆವಿಷ್ಕಾರಕ್ಕಾಗಿ 1972ರಲ್ಲಿ ಆರಂಭವಾದ ಅವರ ಪ್ರಯತ್ನವು, DynaTAC- ಡೈನಾಮಿಕ್ ಅಡಾಪ್ಟಿವ್ ಟೋಟಲ್ ಏರಿಯಾ ಕವರೇಜ್ ಫೋನ್ ಆವಿಷ್ಕಾರದೊಂದಿಗೆ ಯಶಸ್ವಿಯಾಗಿ ಪೂರ್ಣಗೊಂಡಿತು.

ಮಾರ್ಟಿನ್‌ ಕೂಪರ್‌ ಆವಿಷ್ಕರಿಸಿ ಈ ಮೊಟ್ಟ ಮೊದಲ ಮೊಬೈಲ್‌ ಫೋನ್‌ ಬರೋಬ್ಬರಿ ಒಂದು ಕಿಲೋಗಿಂತ ಹೆಚ್ಚು ತೂಕವಿತ್ತು. ಸುಮಾರು 25 ನಿಮಿಷಗಳ ಮಾತನಾಡುವ ಬ್ಯಾಟರಿ ಅವಧಿಯನ್ನು ಹೊಂದಿದ್ದ ಈ ಫೋನ್‌, ಆ ಕಾಲದ ಅತ್ಯಂತ ಕ್ರಾಂತಿಕಾರಿ ಆವಿಷ್ಯಾರ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿತ್ತು.

"ಈ ಜಗತ್ತಿನ ಪ್ರತಿ ವ್ಯಕ್ತಿ ಬಳಿ ಒಂದು ದಿನ ಸೆಲ್‌ಫೋನ್ ಇರಬೇಕು ಎಂದು ನಾವು ಕನಸು ಕಂಡಿದ್ದೇವು. ಈಗಿನ ವಾಸ್ತವ ಸ್ಥಿತಿಯನ್ನು ನೋಡಿದರೆ ನಮ್ಮ ಆ ಕನಸು ಈಡೇರಿದೆ ಎಂಬ ತೃಪ್ತಿ ಸಿಗುತ್ತದೆ. ಆದರೆ ಜನರು ಮೊಬೈಲ್‌ ಬಳಕೆಯ ತಮ್ಮ ವರ್ತನೆಯನ್ನು ಬದಲಾಯಿಸಿಕೊಳ್ಳಬೇಕಿದೆ. ನಮ್ಮ ಆವಿಷ್ಕಾರ ಮಾನವ ಕುಲದ ಏಳಿಗೆಗೆ ಮೀಸಲು ಎಂಬುದನ್ನು ಸಾಬೀತುಪಡಿಸುವುದು ಭವಿಷ್ಯದ ಪೀಳಿಗೆಯ ಜವಾಬ್ದಾರಿ.." ಎಂದು ಮಾರ್ಮಿಕವಾಗಿ ಹೇಳುತ್ತಾರೆ ಮಾರ್ಟಿನ್‌ ಕೂಪರ್.

"ಸೆಲ್‌ಫೋನ್‌ ಪಿತಾಮಹ" ಎಂದು ಕರೆಯಲ್ಪಡುವ ಅಮೆರಿಕನ್ ಎಂಜಿನಿಯರ್ ಮಾರ್ಟಿನ್ ಕೂಪರ್, ಮೊಬೈಲ್‌ ಬಳಕೆದಾರರ ವರ್ತನೆಗೆ ಬೇಸರ ವ್ಯಕ್ತಪಡಿಸಿದ್ದಾರೆ. ಮೊಬೈಲ್‌ ಗೀಳು ಜನರನ್ನು ಸಮಾಜದಿಂದ ದೂರವಾಗುವಂತೆ ಮಾಡುತ್ತಿದೆ ಎಂಬುದು ಕೂಪರ್‌ ಅವರ ಅಳಲಾಗಿದೆ. ರಸ್ತೆ ದಾಟುತ್ತಿರುವ ವ್ಯಕ್ತಿ ಮೊಬೈಲ್‌ ಫೋನ್‌ ನೋಡುವುದನ್ನು ಗಮನಿಸಿದಾಗ, ನಾನು ಬೇಸರಗೊಳ್ಳುತ್ತೇನೆ ಎಂದಿದ್ದಾರೆ ಕೂಪರ್.

India From Space: ಬಾಹ್ಯಾಕಾಶದಿಂದ ಕಂಡ ನಮ್ಮ ಹೆಮ್ಮೆಯ ಭಾರತ: ಇಸ್ರೋ ಬಿಡುಗಡೆ ಮಾಡಿದ ಈ ಚಿತ್ರಗಳು ಅದೆಷ್ಟು ಅದ್ಭುತ!

India

ಬೆಂಗಳೂರು: ಭಾರತದ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ(ಇಸ್ರೋ)ಯ ಉಪಗ್ರಹವೊಂದು, ಬಾಹ್ಯಾಕಾಶದಿಂದ ಭೂಮಿಯ ಅದ್ಭುತ ಚಿತ್ರಗಳನ್ನು ಸೆರೆಹಿಡಿದಿದ್ದು, ಇಸ್ರೋ ಬಿಡುಗಡೆ ಮಾಡಿರುವ ಈ ಚಿತ್ರಗಳಲ್ಲಿ ಭಾರತವನ್ನು ಅತ್ಯಂತ ಸ್ಪಷ್ಟವಾಗಿ ಗುರುತಿಸಬಹುದಾಗಿದೆ. ಇಸ್ರೋ ಬಿಡುಗಡೆ ಮಾಡಿರುವ ಈ ಚಿತ್ರಗಳು ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ಸದ್ದು ಮಾಡುತ್ತಿದ್ದು, ಈ ಕುರಿತ ವಿಸ್ತೃತ ಮಾಹಿತಿ ಇಲ್ಲಿದೆ..

March 30 Kannada News Updates: ಅಮೆರಿಕ ಸೇನೆಯ 2 ಹೆಲಿಕಾಪ್ಟರ್‌ಗಳು ಪತನ: 9 ಯೋಧರು ಹುತಾತ್ಮ 

ರಾಜ್ಯ, ದೇಶ ಹಾಗೂ ವಿದೇಶದ ಎಲ್ಲಾ ಬ್ರೇಕಿಂಗ್‌ ಸುದ್ದಿಗಳು ಇಲ್ಲಿ ಲಭ್ಯ. ಪ್ರತಿ ಕ್ಷಣದ ನಿಖರ ಸುದ್ದಿಗಾಗಿ ಇಲ್ಲಿ ಕ್ಲಿಕ್‌ ಮಾಡಿ

 March 30 Kannada News Updates

ಮೋದಿ ಉಪನಾಮ' ಹೇಳಿಕೆ ನೀಡಿ ಲೋಕಸಭೆಯಿಂದ ಅನರ್ಹಗೊಂಡಿರುವ ಕಾಂಗ್ರೆಸ್​ ನಾಯಕ ರಾಹುಲ್​ ಗಾಂಧಿ ಎಲ್ಲಿ ಆ ಹೇಳಿಕೆ ನೀಡಿದ್ದರೋ ಅಲ್ಲಿಗೆ ಬಂದು ಅಂದರೆ ಕೋಲಾರದಲ್ಲಿ ಕಾಂಗ್ರೆಸ್ ಪಕ್ಷದ ಸತ್ಯಮೇವ ಜಯತೆ ಆಂದೋಲನಕ್ಕೆ ಚಾಲನೆ ನೀಡಿ ಮಾತನಾಡಲಿದ್ದಾರೆ ಎಂದು ಕಾಂಗ್ರೆಸ್ ಧುರೀಣ ಎಮ್ ಆರ್ ಸೀತಾರಾಮ್ ತಿಳಿಸಿದ್ದಾರೆ.&nbsp;

ಏಪ್ರಿಲ್ 5ರಂದು ಕೋಲಾರದಿಂದಲೇ ಸತ್ಯಮೇವ ಜಯತೆ ಆಂದೋಲನಕ್ಕೆ ರಾಹುಲ್ ಗಾಂಧಿಯಿಂದ ಚಾಲನೆ

ಕೆಂಟುಕಿಯಲ್ಲಿ ತರಬೇತಿ ಕಾರ್ಯಾಚರಣೆಯಲ್ಲಿದ್ದ ಅಮೆರಿಕ ಸೇನೆಯ 2 ಬ್ಲ್ಯಾಕ್ ಹಾಕ್ ಹೆಲಿಕಾಪ್ಟರ್‌ಗಳು ಪತನವಾಗಿದ್ದು, ಒಂಬತ್ತು ಸೈನಿಕರು ಹುತಾತ್ಮರಾಗಿದ್ದಾರೆ ಎಂದು ಸೇನಾ ವಕ್ತಾರರು ತಿಳಿಸಿದ್ದಾರೆ.

ಅಮೆರಿಕ ಸೇನೆಯ 2 ಹೆಲಿಕಾಪ್ಟರ್‌ಗಳು ಪತನ: 9 ಯೋಧರು ಹುತಾತ್ಮ

ಮಧ್ಯಪ್ರದೇಶದ ಇಂದೋರ್‌ನಲ್ಲಿ ದೇವಸ್ಥಾನದ ಮೆಟ್ಟಿಲುಬಾವಿ ಕುಸಿತದಲ್ಲಿ ಮೃತಪಟ್ಟವರ ಸಂಖ್ಯೆ 13 ಕ್ಕೆ ಏರಿಕೆಯಾಗಿದೆ.

ಮೆಟ್ಟಿಲುಬಾವಿ ಕುಸಿತ: ಸಾವಿನ ಸಂಖ್ಯೆ 13ಕ್ಕೆ ಏರಿಕೆ

ಕರ್ನಾಟಕ ಮತ್ತು ತಮಿಳುನಾಡಿನಲ್ಲಿ ಹಿಂದಿ ಹೇರಿಕೆ ಬಗ್ಗೆ ತೀವ್ರ ವಿರೋಧ ವ್ಯಕ್ತವಾದ ಬೆನ್ನಲ್ಲೇ ಮೊಸರಿನ ಪ್ಯಾಕೆಟ್‌ಗಳ ಮೇಲೆ ಹಿಂದಿಯಲ್ಲಿ ‘ದಹಿ’ ಎಂದು ಮುದ್ರಿಸುವಂತೆ ಹೊರಡಿಸಿದ್ದ ಆದೇಶವನ್ನು ಭಾರತೀಯ ಆಹಾರ ಸುರಕ್ಷತೆ ಮತ್ತು ಗುಣಮಟ್ಟ ಪ್ರಾಧಿಕಾರ (ಎಫ್‌ಎಸ್‌ಎಸ್‌ಎಐ) ಇಂದು (ಗುರುವಾರ -ಮಾರ್ಚ್​ 30) ಹಿಂಪಡೆದಿದೆ.

ಮೊಸರು ಪ್ಯಾಕೆಟ್‌ ಮೇಲೆ 'ದಹಿ' ಮುದ್ರಣ ಆದೇಶ ಹಿಂಪಡೆದ ಎಫ್‌ಎಸ್‌ಎಸ್‌ಎಐ

ಮಧ್ಯಪ್ರದೇಶದ ಇಂದೋರ್‌ನಲ್ಲಿ ದೇವಸ್ಥಾನದ ಮೆಟ್ಟಿಲುಬಾವಿ ಕುಸಿದು ನಾಲ್ವರು ಸಾವನ್ನಪ್ಪಿದ್ದಾರೆ. ಒಟ್ಟು 19 ಮಂದಿಯನ್ನು ರಕ್ಷಿಸಲಾಗಿದೆ. ಇಂದೋರ್‌ನ ಬೆಳೇಶ್ವರ ಮಹಾದೇವ್ ಜುಲೇಲಾಲ್ ದೇವಸ್ಥಾನದಲ್ಲಿರುವ ಪುರಾತನ ಮೆಟ್ಟಿಲುಬಾವಿ ಇದಾಗಿದೆ. ರಕ್ಷಣಾ ಕಾರ್ಯಾಚರಣೆ ಮುಂದುವರೆದಿದೆ.

ದೇವಾಲಯದ ಮೆಟ್ಟಿಲುಬಾವಿ ಕುಸಿದು ನಾಲ್ವರು ಸಾವು

ಇಂದು ದೇಶದೆಲ್ಲೆಡೆ ರಾಮ ನವಮಿ ಸಂಭ್ರಮ ಜೋರಾಗಿದೆ. ಆದರೆ ಆಂಧ್ರ ಪ್ರದೇಶದ ಪಶ್ಚಿಮ ಗೋದಾವರಿ ಜಿಲ್ಲೆಯ ದುವ ಗ್ರಾಮದ ವೇಣುಗೋಪಾಲ ಸ್ವಾಮಿ ದೇವಾಲಯದಲ್ಲಿ ರಾಮ ನವಮಿ ಆಚರಣೆ ವೇಳೆ ಅಗ್ನಿ ಅವಘಡ ಸಂಭವಿಸಿದೆ. ದೇಗುಲಕ್ಕೆ ಬೆಂಕಿ ಹೊತ್ತಿಕೊಳ್ಳುತ್ತಿದ್ದಂತೆಯೇ ಭಕ್ತರು ಭಯಭೀತರಾಗಿ ಓಡಿದ್ದಾರೆ. ಸದ್ಯ ಯಾವುದೇ ಸಾವು-ನೋವು ಸಂಭವಿಸಿಲ್ಲ.

ರಾಮ ನವಮಿ ಆಚರಣೆ ವೇಳೆ ದೇಗುಲಕ್ಕೆ ಬೆಂಕಿ

ಗುಬ್ಬಿ ಕ್ಷೇತ್ರದ ಜೆಡಿಎಸ್ ಶಾಸಕ ಶ್ರೀನಿವಾಸ್ ಬೆಂಗಳೂರಿನಲ್ಲಿ ಕರ್ನಾಟಕ ಕಾಂಗ್ರೆಸ್ ಮುಖ್ಯಸ್ಥ ಡಿಕೆ ಶಿವಕುಮಾರ್ ಮತ್ತು ಕಾಂಗ್ರೆಸ್ ನಾಯಕ ಸಿದ್ದರಾಮಯ್ಯ ಅವರ ಸಮ್ಮುಖದಲ್ಲಿ ಕಾಂಗ್ರೆಸ್ ಪಕ್ಷಕ್ಕೆ ಸೇರ್ಪಡೆಯಾದರು.

ಕಾಂಗ್ರೆಸ್‌ ಪಕ್ಷಕ್ಕೆ ಸೇರ್ಪಡೆಗೊಂಡ ಗುಬ್ಬಿ ಕ್ಷೇತ್ರದ ಜೆಡಿಎಸ್ ಶಾಸಕ ಶ್ರೀನಿವಾಸ್

ಹರಿದ್ವಾರದ ಹರ್ ಕಿ ಪೌರಿಯಲ್ಲಿ ಆಯೋಜಿಸಲಾದ 'ಸನ್ಯಾಸ ದೀಕ್ಷಾ ಮಹೋತ್ಸವ'ದಲ್ಲಿ ಯೋಗ ಗುರು ರಾಮದೇವ್ ಮತ್ತು ಆರ್‌ಎಸ್‌ಎಸ್ ಮುಖ್ಯಸ್ಥ ಮೋಹನ್ ಭಾಗವತ್ ಭಾಗವಹಿಸಿದ್ದರು.

‘ಸನ್ಯಾಸ ದೀಕ್ಷಾ ಮಹೋತ್ಸವ’ದಲ್ಲಿ ಭಾಗಿಯಾದ ಆರ್‌ಎಸ್‌ಎಸ್‌ ಮುಖ್ಯಸ್ಥ ಮೋಹನ್‌ ಭಾಗವತ್

ನಿನ್ನೆ ಸಂಜೆ ಮಹಾರಾಷ್ಟ್ರದ ಔರಂಗಾಬಾದ್‌ನಲ್ಲಿ, &nbsp;ಕ್ಷುಲ್ಲಕ ಕಾರಣಕ್ಕೆ ಎರಡು ಗುಂಪುಗಳ ನಡುವೆ ಹಿಂಸಾತ್ಮಕ ಘರ್ಷಣೆ ನಡೆದಿದ್ದು, ಕಿಡಿಗೇಡಿಗಳು ಪೊಲೀಸ್‌ ವಾಹನಗಳಿಗೆ ಬೆಂಕಿ ಹಚ್ಚಿದ್ದಾರೆ. &nbsp;ರಾಮ ನವಮಿ ಪ್ರಯುಕ್ತ ನಡೆದ ಮೆರವಣಿಗೆಯಲ್ಲಿ ಮಸೀದಿ ಮುಂದೆ ಸಂಗೀತ ಹಚ್ಚಿರುವ ವಿಚಾರದಲ್ಲಿ ಎರಡು ಗುಂಪುಗಳ ನಡುವೆ ಘರ್ಷಣೆ ಸಂಭವಿಸಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಮಹಾರಾಷ್ಟ್ರದಲ್ಲಿ ಎರಡು ಗುಂಪುಗಳ ನಡುವೆ ಘರ್ಷಣೆ: ಪೊಲೀಸ್‌ ವಾಹನಗಳಿಗೆ ಬೆಂಕಿ!

ಮಾನನಷ್ಟ ಮೊಕದ್ದಮೆಯಲ್ಲಿ ಶಿಕ್ಷೆಗೆ ಗುರಿಯಾದ ನಂತರ ಲೋಕಸಭೆಯಿಂದ ಅನರ್ಹಗೊಂಡಿರುವ ರಾಹುಲ್ ಗಾಂಧಿಯವರ ಪ್ರಕರಣದಲ್ಲಿ, "ಪ್ರಜಾಪ್ರಭುತ್ವದ ಮೂಲಭೂತ ತತ್ವಗಳು" ಅನ್ವಯಿಸಬೇಕು ಎಂದು ಜರ್ಮನಿ ಅಭಿಪ್ರಾಯಪಟ್ಟಿದೆ.

ಪ್ರಜಾಪ್ರಭುತ್ವದ ಮೂಲಭೂತ ತತ್ವಗಳ ಪಾಲನೆ ಮುಖ್ಯ: ರಾಹುಲ್‌ ಅನರ್ಹತೆಗೆ ಜರ್ಮನಿ ಪ್ರತಿಕ್ರಿಯೆ

ದೇಶಾದ್ಯಂತ ರಾಮ ನವಮಿ ಸಂಭ್ರಮ ಕಳೆಗಟ್ಟಿದ್ದು, ಪ್ರಭು ಶ್ರೀರಾಮನ ಭಕ್ತರು ಬೆಳಗ್ಗೆಯಿಂದಲೇ ದೇವಸ್ಥಾನಗಳಿಗೆ ಭೇಟಿ ನೀಡುತ್ತಿದ್ದಾರೆ. ಅದರಂತೆ ರಾಷ್ಟ್ರ ರಾಜಧಾನಿ ನವದೆಹಲಿಯಝಂಡೆವಾಲನ್ ದೇವಸ್ಥಾನಕ್ಕೆ ಭೇಟಿ ನೀಡಿದ ಭಕ್ತರು, ವಿಶೇಷ ಪ್ರಾರ್ಥನೆ ಸಲ್ಲಿಸಿದರು.

ದೇಶಾದ್ಯಂತ ರಾಮ ನವಮಿ ಸಂಭ್ರಮ: ದೇವಸ್ಥಾನಗಳಿಗೆ ಲಗ್ಗೆ ಇಟ್ಟ ಭಕ್ತ ಸಮೂಹ

ಚುನಾವಣಾ ಆಯೋಗದ ಕರ್ನಾಟಕ ವಿಧಾನಸಭೆ ಚುನಾವಣೆ ದಿನಾಂಕ ಘೋಷಣೆ ನಿರ್ಧಾರವನ್ನು ಸ್ವಾಗತಿಸಿರುವ ಆಡಲಿತಾರೂಢ ಬಿಜೆಪಿ, ಮೇ 13ರಂದು ರಾಜ್ಯದಲ್ಲಿ ಮತ್ತೆ ಕಮಲ ಅರಳಲಿದೆ ಎಂದು ಭರವಸೆ ವ್ಯಕ್ತಪಡಿಸಿದೆ.

ವಿಧಾನಸಭೆ ಚುನಾವಣೆ ದಿನಾಂಕ ಘೋಷಣೆ ನಿರ್ಧಾರ ಸ್ವಾಗತಿಸಿದ ಬಿಜೆಪಿ

ಮಹತ್ವದ ಬೆಳವಣಿಗೆಯೊಂದರಲ್ಲಿ ಭಾರತದಲ್ಲಿ ಪಾಕಿಸ್ತಾನ ಸರ್ಕಾರದ ಅಧಿಕೃತ ಟ್ವಿಟ್ಟರ್‌ ಖಾತೆಯನ್ನು ತಡೆಹಿಡಿಯಲಾಗಿದೆ. ಭಾರತದಲ್ಲಿ ಪಾಕಿಸ್ತಾನ ಸರ್ಕಾರದ ಅಧಿಕೃತ ಟ್ವಿಟ್ಟರ್‌ ಖಾತೆಯನ್ನು ನಿಷೇಧಿಸಿರುವುದು ಇದು ಮೂರನೇ ಬಾರಿ.

ಭಾರತದಲ್ಲಿ ಪಾಕಿಸ್ತಾನ ಸರ್ಕಾರದ ಅಧಿಕೃತ ಟ್ವಿಟ್ಟರ್‌ ಖಾತೆಗೆ ತಡೆ

ಚುನಾವಣಾ ಆಯೋಗದ ಕರ್ನಾಟಕ ವಿಧಾನಸಭೆ ಚುನಾವಣೆ ದಿನಾಂಕ ಘೋಷಣೆ ನಿರ್ಧಾರವನ್ನು ಸ್ವಾಗತಿಸಿರುವ ಕಾಂಗ್ರೆಸ್‌, ಮೇ 10 ಕೇವಲ ಮತದಾನದ ದಿನವಲ್ಲ, ಕಾಂಗ್ರೆಸ್ ಅಧಿಕಾರಕ್ಕೆ ಬರುವ ಹಾಗೂ ಜನರ ಭವಿಷ್ಯ ನಿರ್ಮಾಣ ಮಾಡುವ ದಿನ ಎಂದು ಅಭಿಪ್ರಾಯಪಟ್ಟಿದೆ.

ವಿಧಾನಸಭೆ ಚುನಾವಣೆ ದಿನಾಂಕ ಘೋಷಣೆ ನಿರ್ಧಾರ ಸ್ವಾಗತಿಸಿದ ಕಾಂಗ್ರೆಸ್‌

ರಾಮನವಮಿಯ ಮುನ್ನಾ ದಿನದಂದು, ಒಡಿಶಾದ ಪುರಿ ಬೀಚ್‌ನಲ್ಲಿ ಖ್ಯಾತ ಮರಳು ಕಲಾವಿದ ಸುದರ್ಶನ್ ಪಟ್ನಾಯಕ್ ಅವರು, ಅಯೋಧ್ಯೆಯ ರಾಮ ಮಂದಿರದ ಕಿರುಚಿತ್ರದೊಂದಿಗೆ ಭಗವಾನ್ ಶ್ರೀ ರಾಮನ ಮೂರ್ತಿಯನ್ನು ರಚಿಸಿದ್ದಾರೆ.

ಪುರಿ ಬೀಚ್‌ನ ಮರಳಿನಲ್ಲಿ ಅರಳಿದ ಅಯೋಧ್ಯೆಯ ರಾಮ ಮಂದಿರ

ರಾಜ್ಯ, ದೇಶ ಹಾಗೂ ವಿದೇಶದ ಎಲ್ಲಾ ಬ್ರೇಕಿಂಗ್‌ ಸುದ್ದಿಗಳು ಇಲ್ಲಿ ಲಭ್ಯ. ಪ್ರತಿ ಕ್ಷಣದ ನಿಖರ ಸುದ್ದಿಗಾಗಿ ಇಲ್ಲಿ ಕ್ಲಿಕ್‌ ಮಾಡಿ

March 29 Kannada News Updates:  ಜಾಗತಿಕ ಭದ್ರತಾ ಸವಾಲಿನ ಸ್ವರೂಪ ಬದಲಾಗಿದೆ; ಎಸ್‌ಸಿಒ ಸಭೆಯಲ್ಲಿ ಅಜಿತ್‌ ದೋವಲ್‌ ಅಭಿಮತ

‌Ajit Doval

ಮಹಾರಾಷ್ಟ್ರದಲ್ಲಿ ಕಳೆದ 24 ಗಂಟೆಗಳಲ್ಲಿ 483 ಹೊಸ ಕೋವಿಡ್​​ ಪ್ರಕರಣಗಳು ಪತ್ತೆಯಾಗಿದ್ದು, ಮೂವರು ಸಾವನ್ನಪ್ಪಿದ್ದಾರೆ.

24 ಗಂಟೆಯಲ್ಲಿ ಮಹಾರಾಷ್ಟ್ರದಲ್ಲಿ ಕೋವಿಡ್​ಗೆ ಮೂವರು ಸಾವು

2023ನೇ ಸಾಲಿನ ಸಿಇಟಿ ಪರೀಕ್ಷೆಗೆ ತಮ್ಮ ಹೆಸರನ್ನು ನೋಂದಣಿ ಮಾಡಿಕೊಳ್ಳಲು ಹಾಗೂ ಆನ್ ಲೈನ್ ಮೂಲಕ ಅರ್ಜಿ ಸಲ್ಲಿಸಲು ಸಾಗರೋತ್ತರ ಭಾರತೀಯ ಅಭ್ಯರ್ಥಿಗಳಿಗೆ (ಒಸಿಐ) ಮತ್ತು ಭಾರತೀಯ ಮೂಲದ ಅಭ್ಯರ್ಥಿಗಳಿಗೆ (ಪಿಐಒ) ಅವಕಾಶ ಮಾಡಿಕೊಡಲಾಗಿದೆ ಎಂದು ಕರ್ನಾಟಕ ಪರೀಕ್ಷಾ ಪ್ರಾಧಿಕಾರದ ಕಾರ್ಯನಿರ್ವಾಹಕ ನಿರ್ದೇಶಕಿ ಎಸ್.ರಮ್ಯಾ ಅವರು ಬುಧವಾರ ತಿಳಿಸಿದ್ದಾರೆ.ಈ ಬಗ್ಗೆ ಪತ್ರಿಕಾ ಪ್ರಕಟಣೆ ನೀಡಿರುವ ಅವರು, ಮೇಲ್ಕಂಡ ವಿಭಾಗಗಳ ಅಡಿ ಬರುವ ಅರ್ಹ ಅಭ್ಯರ್ಥಿಗಳು ಮಾರ್ಚ್ 30ರ ಗುರುವಾರ ಬೆಳಿಗ್ಗೆ 11 ಗಂಟೆಯಿಂದ ಏಪ್ರಿಲ್ 5ರ ಮಧ್ಯಾಹ್ನ 12 ಗಂಟೆಯವರೆಗೆ ಈ ಪ್ರಕ್ರಿಯೆಯನ್ನು ಪೂರೈಸಿಕೊಳ್ಳಬಹುದು ಎಂದಿದ್ದಾರೆ.

ಸಿಇಟಿ: ಓಸಿಐ, ಪಿಐಒ ಅಭ್ಯರ್ಥಿಗಳಿಗೆ ನೋಂದಣಿಗೆ ಅವಕಾಶ

ರಾಹುಲ್ ಗಾಂಧಿ ಅವರನ್ನು ಲೋಕಸಭೆಯಿಂದ ಅನರ್ಹಗೊಳಿಸಿರುವುದನ್ನು ಖಂಡಿಸಿ ಭಾರತೀಯ ಯುವ ಕಾಂಗ್ರೆಸ್ ಬೆಂಗಳೂರಿನಲ್ಲಿ 'ಪಂಜಿನ ಮೆರವಣಿಗೆ' ನಡೆಸಿದ್ದು, ಬಳಿಕ ಅವರನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ.

ಬೆಂಗಳೂರಿನಲ್ಲಿ 'ಪಂಜಿನ ಮೆರವಣಿಗೆ'

ಬಳ್ಳಾರಿ ಮಹಾನಗರದ ಮೇಯರ್ ಸ್ಥಾನ ಕಾಂಗ್ರೆಸ್​​ ಪಾಲಾಗಿದೆ. ಡಿ.ತ್ರಿವೇಣಿ ಅವರು ಬಳ್ಳಾರಿ ಮೇಯರ್​ ಆಗಿ ಹಾಗೂ ಬಿ. ಜಾನಕಿ ಅವರು ಉಪ ಮೇಯರ್ ಆಗಿ ಆಯ್ಕೆಯಾಗಿದ್ದಾರೆ.

ಬಳ್ಳಾರಿ ಮೇಯರ್​​ ಸ್ಥಾನ ಕಾಂಗ್ರೆಸ್​ ಪಾಲು

ಭಾರತದಲ್ಲಿ ಕೋವಿಡ್-19, ಇನ್‌ಫ್ಲುಯೆನ್ಜಾ ವೈರಸ್ ಹೆಚ್ಚಳವಾದ ಹಿನ್ನೆಲೆ ಪ್ರಧಾನಿ ಮೋದಿ ಇಂದು ಆರೋಗ್ಯ ಸಚಿವಾಲಯದ ಅಧಿಕಾರಿಗಳ ಜೊತೆ ಉನ್ನತ ಮಟ್ಟದ ಸಭೆ ನಡೆಸಿದ್ದಾರೆ.

ಪ್ರಧಾನಿ ಮೋದಿಯಿಂದ ಉನ್ನತ ಮಟ್ಟದ ಸಭೆ

ಸಂಸತ್ತಿನಲ್ಲಿ 2ನೇ ಅವಧಿಯ ಬಜೆಟ್​ ಅಧಿವೇಶನ ನಡೆಯುತ್ತಿದ್ದು, ರಾಜ್ಯಸಭಾ ಕಲಾಪವನ್ನು ಏಪ್ರಿಲ್​ 3ಕ್ಕೆ ಮುಂದೂಡಲಾಗಿದೆ.&nbsp;

ರಾಜ್ಯಸಭಾ ಕಲಾಪ ಮುಂದೂಡಿಕೆ

ಜಾಗತಿಕ ಭದ್ರತಾ ಸವಾಲಿನ ಸ್ವರೂಪ ಬದಲಾಗಿದದ್ದು, ಶಾಂಘೈ ಸಹಕಾರ ಸಂಘದ ಸದಸ್ಯ ರಾಷ್ಟ್ರಗಳೂ ಈ ಪರಿಣಾಮವನ್ನು ಎದುರಿಸುತ್ತಿವೆ ಎಂದು ಭಾರತದ ರಾಷ್ಟ್ರೀಯ ಭದ್ರತಾ ಸಲಹೆಗಾರ ಅಜಿತ್‌ ದೋವಲ್‌ ಹೇಳಿದ್ದಾರೆ. ಅವರು &nbsp;ನವದೆಹಲಿಯಲ್ಲಿ ನಡೆದ ಎಸ್‌ಸಿಒ ರಾಷ್ಟ್ರೀಯ ಭದ್ರತಾ ಸಲಹೆಗಾರರ ಸಭೆಯನ್ನುದ್ದೇಶಿಸಿ ಮಾತನಾಡಿದರು.

ಜಾಗತಿಕ ಭದ್ರತಾ ಸವಾಲಿನ ಸ್ವರೂಪ ಬದಲಾಗಿದೆ; ಎಸ್‌ಸಿಒ ಸಭೆಯಲ್ಲಿ ಅಜಿತ್‌ ದೋವಲ್‌ ಅಭಿಮತ

ಮೇ 10ರಂದು ನಡೆಯಲಿದೆ ಕರ್ನಾಟಕ ವಿಧಾನಸಭೆ ಚುನಾವಣೆ ನಡೆಯಲಿದ್ದು, ರಾಜ್ಯದಲ್ಲಿ ಒಂದೇ ಹಂತದಲ್ಲಿ ಮತದಾನ ನಡೆಯಲಿದೆ ಎಂದು ಕೇಂದ್ರ ಚುನಾವಣಾ ಆಯೋಗ ಸ್ಪಷ್ಟಪಡಿಸಿದೆ. ಮೇ.13ರಂದು ಚುನಾವಣಾ ಫಲಿತಾಂಶ ಘೋಷಣೆಯಾಗಲಿದೆ.

March 29 Kannada News Updates: ಮೇ 10ರಂದು ನಡೆಯಲಿದೆ ಕರ್ನಾಟಕ ವಿಧಾನಸಭೆ ಚುನಾವಣೆ: ಇಲ್ಲಿದೆ ಮಾಹಿತಿ

*ಶಾಂತಿಯುತ ಮತದಾನಕ್ಕೆ ಚುನಾವಣಾ ಆಯೋಗದ ಬದ್ಧತೆ.*ಸೂಕ್ಷ್ಮ ಮತಗಟ್ಟೆಗಳ ಮೇಲೆ ಹೆಚ್ಚಿನ ನಿಗಾ.*ಯುವ ಮತದಾರರನ್ನು ಮತದಾನಕ್ಕೆ ಪ್ರೆರೇಪಿಸಲು ಅಭಿಯಾನ.*ಚುನಾವಣೆಗೆ ಸಂಪೂರ್ಣ ಸಿದ್ಧವಾದ ಕರ್ನಾಟದ ಎಲ್ಲಾ ಜಿಲ್ಲಾಡಳಿತಗಳು.

ಚುನಾವಣಾ ಆಯೋಗದ ಪತ್ರಿಕಾಗೋಷ್ಠಿ ಮುಖ್ಯಾಂಶಗಳು

*24 ಮೇ 2023 ರಂದು ಕರ್ನಾಟಕ ವಿಧಾನಸಭೆ &nbsp;ಅವಧಿ ಅಂತ್ಯ.*ರಾಜ್ಯದಲ್ಲಿ ಒಟ್ಟು 224 ವಿಧಾನಸಭಾ ಕ್ಷೇತ್ರಗಳು*36 ಮೀಸಲು ವಿಧಾನಸಭಾ ಕ್ಷೇತ್ರಗಳು*ಒಟ್ಟು 5.22 ಕೋಟಿ ಮತದಾರರು.*2.62 ಕೋಟಿ ಪುರುಷ ಮತದಾರರು.*2.59 ಕೋಟಿ ಮಹಿಳಾ ಮತದಾರರು.*9.17 ಲಕ್ಷ ಮತದಾರರಿಂದ ಮೊದಲ ಬಾರಿಗೆ ಮತದಾನ.*ಕರ್ನಾಟಕದಲ್ಲಿ ಮೊದಲ ಬಾರಿಗೆ 'ವೋಟ್‌ ಫ್ರಾಮ್‌ ಹೋಮ್‌' ಸೌಲಭ್ಯ.

ಕರ್ನಾಟಕ ವಿಧಾನಸಭೆ ಚುನಾವಣೆ ದಿನಾಂಕ ಘೋಷಣೆಗೆ ಕ್ಷಣಗಣನೆ ಆರಂಭವಾಗಿದ್ದು, ಕೇಂದ್ರ ಚುನಾವಣಾ ಆಯುಕ್ತ ರಾಜೀವ್‌ ಕುಮಾರ್‌ ನವದೆಹಲಿಯಲ್ಲಿ ಪತ್ರಿಕಾಗೋಷ್ಠಿ ಉದ್ದೇಶಿಸಿ ಮಾತನಾಡುತ್ತಿದ್ದಾರೆ.

ಕರ್ನಾಟಕ ವಿಧಾನಸಭೆ ಚುನಾವಣೆ ದಿನಾಂಕ ಘೋಷಣೆಗೆ ಕ್ಷಣಗಣನೆ: ಚುನಾವಣಾ ಆಯೋಗದ ಪತ್ರಿಕಾಗೋಷ್ಠಿ

ಭಾರತವು ಇಂದು ಶಾಂಘೈ ಸಹಕಾರ ಒಕ್ಕೂಟ(SCO)ದ ರಾಷ್ಟ್ರೀಯ ಭದ್ರತಾ ಸಲಹೆಗಾರರ ​​ಸಭೆಯನ್ನು ಆಯೋಜಿಸಲಿದೆ. ಪಾಕಿಸ್ತಾನ ಮತ್ತು ಚೀನಾದ ಪ್ರತಿನಿಧಿಗಳು ವಿಡಿಯೋ ಕಾನ್ಫರೆನ್ಸ್‌ ಮೂಲಕ ಈ ಸಭೆಯಲ್ಲಿ ಭಾಗವಹಿಸುವ ನಿರೀಕ್ಷೆ ಇದೆ.

ಎಸ್‌ಸಿಒ ರಾಷ್ಟ್ರೀಯ ಭದ್ರತಾ ಸಲಹೆಗಾರರ ಸಭೆಗೆ ಭಾರತದ ಆತಿಥ್ಯ

ರಾಷ್ಟ್ರ ರಾಜಧಾನಿ ನವದೆಹಲಿಯಲ್ಲಿ ಬಿಜೆಪಿ ಕೇಂದ್ರ ಕಚೇರಿಯ ವಿಸ್ತರಿತ ಕಟ್ಟಡವನ್ನು ಪ್ರಧಾನಮಂತ್ರಿ ನರೇಂದ್ರ ಮೋದಿ ಉದ್ಘಾಟಿಸಿದ್ದಾರೆ. ಈ ವೇಳೆ ಭ್ರಷ್ಟಾಚಾರ ಮುಕ್ತ ಭಾರತ ನಿರ್ಮಾಣಕ್ಕೆ ಬಿಜೆಪಿ ಅವಶ್ಯ ಎಂದು ಪ್ರಧಾನಿ ಮೋದಿ ಅಭಿಪ್ರಾಯಪಟ್ಟರು.

ಬಿಜೆಪಿ ಕೇಂದ್ರ ಕಚೇರಿಯ ವಿಸ್ತರಿತ ಕಟ್ಟಡ ಉದ್ಘಾಟಿಸಿದ ಪ್ರಧಾನಿ ಮೋದಿ

ಚೀನಾದೊಂದಿಗಿನ ತೀವ್ರ ಸ್ಪರ್ಧೆಯ ಹಿನ್ನೆಲೆಯಲ್ಲಿ, ಅಮೆರಿಕವು ತನ್ನ ರಕ್ಷಣಾ ಬಜೆಟ್‌ ಗಾತ್ರವನ್ನು ಹೆಚ್ಚಿಸಿಕೊಳ್ಳಲು ಮುಂದಾಗಿದೆ. ಈ ಕುರಿತು ಮಾಹಿತಿ ನೀಡಿರುವ ಅಮೆರಿಕದ ರಕ್ಷಣಾ ಕಾರ್ಯದರ್ಶಿ ಲಾಯ್ಡ್‌ ಆಸ್ಟಿನ್‌, ಬರೋಬ್ಬರಿ 842 ಶತಕೋಟಿ ಅಮೆರಿಕನ್‌ ಡಾಲರ್ ಬಜೆಟ್ ಪ್ರಸ್ತಾವನೆ ಸಲ್ಲಿಸಲಾಗಿದೆ ಎಂದು ಸ್ಪಷ್ಟಪಡಿಸಿದ್ದಾರೆ.

ಚೀನಾ ಗುಮ್ಮ: ರಕ್ಷಣಾ ಬಜೆಟ್‌ ಗಾತ್ರ ಹೆಚ್ಚಳಕ್ಕೆ ಮುಂದಾದ ಅಮೆರಿಕ

ಅಮೆರಿಕ ಅಧ್ಯಕ್ಷ ಜೋ ಬೈಡನ್‌ ಅವರು ಇಂಗ್ಲೆಂಡ್‌ಗೆ ಭೇಟಿ ನೀಡಲಿದ್ದು, ಇದಕ್ಕೂ ಮೊದಲೇ ಉತ್ತರ ಐರ್ಲೆಂಡ್‌ನಲ್ಲಿ ಭಯೋತ್ಪಾದಕ ದಾಳಿಯ ಬೆದರಿಕೆ ಹೆಚ್ಚಾಗಿದೆ. ಬೈಡನ್‌ ಭೇಟಿ ಸಂದರ್ಭದಲ್ಲಿ ಭಯೋತ್ಪಾದಕ ದಾಳಿಗಳು ನಡೆಯಬಹುದು ಎಂದು ಗುಪ್ತಚರ ಮೂಲಗಳು ಎಚ್ಚರಿಕೆ ನೀಡಿವೆ.

ಇಂಗ್ಲೆಂಡ್‌ ಭೇಟಿಗೆ ಸಜ್ಜಾದ ಬೈಡನ್:‌ ಭಯೋತ್ಪಾದಕ ದಾಳಿ ಬೆದರಿಕೆ ತೀವ್ರ!

ಕಾಂಗ್ರೆಸ್ ಸೇರ್ಪಡೆಯಾದ ಮಾಜಿ ಸಂಸದ, ಹಾವೇರಿ ಜಿಲ್ಲೆ ಶಿಗ್ಗಾವ್ ನ ಬಿಜೆಪಿ ಮುಖಂಡ ಹಾಗೈ ಸಿಎಂ ಬಸವರಾಜ ಬೊಮ್ಮಾಯಿ ಅವರ ಆಪ್ತ ಮಂಜುನಾಥ್ ಕುನ್ನೂರ ಹಾಗೂ ಅವರ ಪುತ್ರ ರಾಜು ಕುನ್ನೂರ ಕಾಂಗ್ರೆಸ್‌ ಪಕ್ಷಕ್ಕೆ ಸೇರ್ಪಡೆಗೊಂಡಿದ್ದಾರೆ. ಅದೇ ರೀತಿ ಕೆ.ಆರ್. ಪೇಟೆಯ ಜೆಡಿಸ್ ನಾಯಕ ದೇವರಾಜ್, ಶಿವಮೊಗ್ಗದ ಬಿಜೆಪಿ ಮುಖಂಡ ಅರುಣ್ ಕೂಡ ಕಾಂಗ್ರೆಸ್‌ ಪಕ್ಷವನ್ನು ಸೇರಿಕೊಂಡಿದ್ದಾರೆ.

ಸಿಎಂ ಬೊಮ್ಮಾಯಿ ಆಪ್ತ ಮಂಜುನಾಥ್‌ ಕುನ್ನೂರ ಕಾಂಗ್ರೆಸ್‌ ಸೇರ್ಪಡೆ!

Aurora: ಭಾಸ್ಕರನ ಕೋಪವನ್ನು ಬಣ್ಣಗಳಾಗಿ ಪರಿವರ್ತಿಸಿದ ಅವನಿ: ಅಮೆರಿಕದ ಆಗಸದಲ್ಲಿ ಅರೋರಾ 'ಗ್ರೀನ್‌ ಡ್ಯಾನ್ಸ್'

Aurora

ವಾಷಿಂಗ್ಟನ್:‌ ಸೂರ್ಯನ ಕರೋನದಲ್ಲಿನ ದೊಡ್ಡ ರಂಧ್ರವು, ಪ್ರಬಲವಾದ ಭೂಕಾಂತೀಯ ಚಂಡಮಾರುತವನ್ನು ಉಂಟುಮಾಡಿದೆ. ಇದು ಭೂಮಿಯ ಕಾಂತಕ್ಷೇತ್ರವನ್ನು ಗಂಭೀರವಾಗಿ ಹಾನಿಗೊಳಿಸಿದ್ದು, ಇದರಿಂದಾಗಿ ಭವ್ಯವಾದ ನಾರ್ದರ್ನ್ ಲೈಟ್ಸ್(ಅರೋರಾ) ಪ್ರದರ್ಶನಕ್ಕೆ ಅಮೆರಿಕ ಸಾಕ್ಷಿಯಾಗಿದೆ.

ಅಮೆರಿಕದ ಹಲವು ರಾಜ್ಯಗಳಲ್ಲಿ ಅರೋರಾ ಬೊರಿಯಾಲಿಸ್‌ನ ಹಸಿರು ನೃತ್ಯ ಕಂಡುಬಂದಿದ್ದು, ಸಾಮಾಜಿಕ ಜಾಲತಾಣಗಳಲ್ಲಿ ಇವುಗಳ ಫೋಟೋ ಮತ್ತು ವಿಡಿಯೋಗಳು ಭಾರೀ ಸದ್ದು ಮಾಡುತ್ತಿವೆ.

ವಾತಾವರಣದಲ್ಲಿನ ಆಮ್ಲಜನಕ ಮತ್ತು ಸಾರಜನಕದ ಸ್ಥಳವು, ಆಕಾಶದಲ್ಲಿ ಗೋಚರಿಸುವ ಬಣ್ಣಗಳನ್ನು ನಿರ್ಧರಿಸುತ್ತದೆ ಎಂದು ತಜ್ಞರು ಹೇಳುತ್ತಾರೆ. ಸಾರಜನಕ ಮತ್ತು ಆಮ್ಲಜನಕ ಕ್ರಮವಾಗಿ ಹಸಿರು, ಕೆಂಪು ಮತ್ತು ನೀಲಿ ಬಣ್ಣಗಳ ಮುಖ್ಯ ಮೂಲಗಳಾಗಿವೆ. ಅರೋರಾ ಬೊರಿಯಾಲಿಸ್‌ನ ವಿದ್ಯಮಾನ ರಾತ್ರಿ ಆಗಸವನ್ನು ಅಕ್ಷರಶ: ಬೆಳಗುತ್ತದೆ.

ಅರೋರಾ ಎಂದರೇನು?

ನಾಸಾದ ಪ್ರಕಾರ, ಭೂಮಿಯ ಉತ್ತರ ಅಥವಾ ದಕ್ಷಿಣ ಧ್ರುವದ ಸಮೀಪ ಹೆಚ್ಚಾಗಿ ಕಂಡುಬರುವ ಅರೋರಾ ವಿದ್ಯಮಾನ, ಆಗಾಗ್ಗೆ ಆಕಾಶದಲ್ಲಿ ಸುಂದರವಾದ ಬೆಳಕಿನ ಪ್ರದರ್ಶನ ಏರ್ಪಡಿಸುತ್ತದೆ. ಉತ್ತರ ಧ್ರುವದಲ್ಲಿ ಘಟಿಸುವ ಈ ವಿದ್ಯಮಾನವನ್ನು ಅರೋರಾ ಬೋರಿಯಾಲಿಸ್ ಅಥವಾ ಉತ್ತರ ದೀಪಗಳು ಎಂದು ಕರೆಯಲಾಗುತ್ತದೆ. ಅದೇ ರೀತಿ ದಕ್ಷಿಣ ಧ್ರುವದಲ್ಲಿ ಘಟಿಸುವ ಈ ವಿದ್ಯಮಾನವನ್ನು ಅರೋರಾ ಆಸ್ಟ್ರೇಲಿಸ್ ಅಥವಾ ದಕ್ಷಿಣದ ದೀಪಗಳು ಎಂದು ಕರೆಯಲಾಗುತ್ತದೆ.

ಅರೋರಾಗಳು ವಾಸ್ತವವಾಗಿ ಸೂರ್ಯನಿಂದ ಉಂಟಾಗುತ್ತವೆ. ಸೂರ್ಯನು ನಮಗೆ ಶಾಖ ಮತ್ತು ಬೆಳಕಿಗಿಂತ ಇನ್ನೂ ಹೆಚ್ಚಿನದನ್ನು ರವಾನಿಸುತ್ಕತಾನೆ. ಸೂರ್ಯನ ಶಕ್ತಿಯ ಕಣಗಳು ಭೂಮಿಯತ್ತ ಧಾವಿಸಿದಾಗ, ಭೂಮಿಯ ಸುತ್ತಲಿನ ರಕ್ಷಣಾತ್ಮಕ ಕಾಂತೀಯ ಕ್ಷೇತ್ರವು, ಹೆಚ್ಚಿನ ಶಕ್ತಿ ಮತ್ತು ಸೂರ್ಯ ಕಣಗಳಿಂದ ನಮ್ಮನ್ನು ರಕ್ಷಿಸುತ್ತದೆ. ಇದು ನಮ್ಮ ಗಮನಕ್ಕೆ ಬರುವುದಿಲ್ಲವಾದರೂ, ಅರೋರಾ ವಿದ್ಯಮಾನದ ರೂಪದಲ್ಲಿ ಸ್ಪಷ್ಟವಾಗಿ ಗೋಚರವಾಗುತ್ತದೆ.

ಆದರೆ ಸೂರ್ಯನು ಎಲ್ಲಾ ಸಮಯದಲ್ಲೂ ಒಂದೇ ಪ್ರಮಾಣದ ಶಕ್ತಿಯನ್ನು ಕಳುಹಿಸುವುದಿಲ್ಲ. ಸೌರ ಮಾರುತ ಮತ್ತು ಸೌರ ಬಿರುಗಾಳಿಗಳು ಕೂಡ ಭೂಮಿಯತ್ತ ನುಗ್ಗಿ ಬರುತ್ತವೆ. ಕರೋನಲ್ ಮಾಸ್ ಎಜೆಕ್ಷನ್ ಎಂದು ಕರೆಯಲ್ಪಡುವ ಈ ಸೌರ ಚಂಡಮಾರುತ, ಹೆಚ್ಚಿನ ವೇಗದಲ್ಲಿ ಬಾಹ್ಯಾಕಾಶದಲ್ಲಿ ಪ್ರಯಾಣಿಸಬಹುದಾದ ವಿದ್ಯುದೀಕೃತ ಅನಿಲವನ್ನು ಒಳಗೊಂಡಿರುತ್ತವೆ.

<blockquote class="twitter-tweet">Witnessed literally the most insane aurora of my life tonight in Fairbanks. This was unreal. <a href="https://t.co/D3b6YNqX31">pic.twitter.com/D3b6YNqX31</a>&mdash; Vincent Ledvina (@Vincent_Ledvina) <a href="https://twitter.com/Vincent_Ledvina/status/1639248478105931781?ref_src=twsrc%5Etfw">March 24, 2023</a></blockquote> <script async src="https://platform.twitter.com/widgets.js" charset="utf-8"></script>

ಸೌರ ಚಂಡಮಾರುತವು ಭೂಮಿಯ ಕಡೆಗೆ ಬಂದಾಗ, ಕೆಲವು ಶಕ್ತಿ ಮತ್ತು ಸಣ್ಣ ಕಣಗಳು ಉತ್ತರ ಮತ್ತು ದಕ್ಷಿಣ ಧ್ರುವಗಳಲ್ಲಿನ ಕಾಂತೀಯ ಕ್ಷೇತ್ರದ ರೇಖೆಗಳ ಕೆಳಗೆ ಚಲಿಸುತ್ತವೆ. ಇವು ಭೂಮಿಯ ವಾತಾವರಣಕ್ಕೆ ಪ್ರವೇಶಿಸಿದಾಗ, ಕಣಗಳು ನಮ್ಮ ವಾತಾವರಣದಲ್ಲಿನ ಅನಿಲಗಳೊಂದಿಗೆ ಸಂವಹನ ನಡೆಸುತ್ತವೆ. ಇದರ ಪರಿಣಾಮವಾಗಿ ಆಕಾಶದಲ್ಲಿ ಬೆಳಕಿನ ಸುಂದರವಾದ ಪ್ರದರ್ಶನಗಳು ಕಂಡುಬರುತ್ತವೆ.

ಆಮ್ಲಜನಕವು ಹಸಿರು ಮತ್ತು ಕೆಂಪು ಬೆಳಕನ್ನು ಹೊರಹಾಕಿದರೆ, ಸಾರಜನಕವು ನೀಲಿ ಮತ್ತು ನೇರಳೆ ಬಣ್ಣವನ್ನು ಉತ್ಪಾದಿಸುತ್ತದೆ. ಈ ಸಂದರ್ಭದಲ್ಲಿ ಭೂಮಿಯ ಉತ್ತರ ಮತ್ತು ದಕ್ಷಿಣ ಧ್ರುವಗಳು ಸುಂದರವಾದ ಬೆಳಕಿನ ನೃತ್ಯಕ್ಕೆ ಸಾಕ್ಷಿಯಾಗುತ್ತವೆ. ಆದರೆ ಅಮೆರಿಕ ಈ ಬಾರಿ ಈ ಅರೋರಾ ಸೌಂದರ್ಯವನ್ನು ಸವಿಯುವ ಪರಿಸ್ಥಿತಿಯಲ್ಲಿ ಇಲ್ಲ. ಏಕೆಂದರೆ ಮಿಸಿಸಿಪ್ಪಿಯಲ್ಲಿ ಬೀಸಿರುವ ಭೀಕರ ಚಂಡಮಾರುತವು, ಇದುವರೆಗೂ ಜನರನ್ನು 23 ಬಲಿ ಪಡೆದಿದ್ದು, ಹಲವು ಜನರು ಗಂಭೀರವಾಗಿ ಗಾಯಗೊಂಡಿದ್ದಾರೆ. ರಕ್ಷಣಾ ಕಾರ್ಯಾಚರಣೆಗಳಿಗೆ ಮಿಸಿಸಿಪ್ಪಿ ರಾಜ್ಯ ಮುಂದಡಿ ಇಟ್ಟಿದೆ.

<h3>ಸಂಬಂಧಿತ ಸುದ್ದಿ</h3><h2><a class="manualbacklink" target="_blank" href="https://kannada.hindustantimes.com/nation-and-world/iss-shares-breathtakingly-beautiful-video-of-aurora-after-its-pic-by-nasa-astronaut-goes-viral-181677919075204.html" rel="dofollow">ISS video of aurora: ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಿಂದ ಕಂಡ ಭೂರಮೆಯ ಬೆಳಕಿನಾಟ, ವಿಡಿಯೋ ಹಂಚಿಕೊಂಡ ನಾಸಾ ಗಗನಯಾನಿ</a></h2>ನಾಸಾದ ಗಗನಯಾತ್ರಿ ಜೋಶ್‌ ಕಸ್ಸಾಡ ಅವರು ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಿಂದ ತೆಗೆದಿರುವ ಅರೋರಾದ ವಿಡಿಯೋ ಇಲ್ಲಿದೆ. ಇದರೊಂದಿಗೆ ಐಎಸ್‌ಎಸ್‌ ಎಂದರೆ ಏನು? ಎಲ್ಲಿದೆ? ಹೇಗಿದೆ? ಇತ್ಯಾದಿ ಮಾಹಿತಿಗಳನ್ನೂ ನೀಡಲಾಗಿದೆ. ಈ ಕುರಿತು ಹೆಚ್ಚಿನ ಮಾಹಿತಿಗಾಗಿ ಇಲ್ಲಿ <a class="manualbacklink" target="_blank" href="https://kannada.hindustantimes.com/nation-and-world/iss-shares-breathtakingly-beautiful-video-of-aurora-after-its-pic-by-nasa-astronaut-goes-viral-181677919075204.html" rel="dofollow">ಕ್ಲಿಕ್ಕಿಸಿ.</a>

ಅಮೆರಿಕದ ಹಲವು ರಾಜ್ಯಗಳಲ್ಲಿ ಅರೋರಾ ಬೊರಿಯಾಲಿಸ್‌ನ ಹಸಿರು ನೃತ್ಯ ಕಂಡುಬಂದಿದ್ದು, ಸಾಮಾಜಿಕ ಜಾಲತಾಣಗಳಲ್ಲಿ ಇವುಗಳ ಫೋಟೋ ಮತ್ತು ವಿಡಿಯೋಗಳು ಭಾರೀ ಸದ್ದು ಮಾಡುತ್ತಿವೆ. ಈ ಕುರಿತು ವಿಸ್ತೃತ ಮಾಹಿತಿ ಇಲ್ಲಿದೆ..

2nd Cold War: ಎರಡನೇ ಶೀತಲ ಸಮರದ ಮುನ್ಸೂಚನೆ ನೀಡಿದ ಕ್ಸಿ-ಪುಟಿನ್ ಗೆಳೆತನ: ಭಾರತ ತೆಗೆದುಕೊಳ್ಳಲಿದೆ ವಿಶ್ವಶಾಂತಿಯ ಒಡೆತನ

Russia-China

ಮಾಸ್ಕೋ: ಚೀನಾ ಅಧ್ಯಕ್ಷ ಕ್ಸಿ ಜಿನ್‌ಪಿಂಗ್‌ ಅವರ ರಷ್ಯಾ ಭೇಟಿಯ ಪರಿಣಾಮಗಳ ಬಗ್ಗೆ ಜಗತ್ತಿನ ಕುತೂಹಲ ಇನ್ನೂ ತಣಿಯುತ್ತಿಲ್ಲ. ರಷ್ಯಾ ಅಧ್ಯಕ್ಷ ವ್ಲಾಡಿಮಿರ್‌ ಪುಟಿನ್‌ ಅವರೊಂದಿಗಿನ ಕ್ಸಿ ಜಿನ್‌ಪಿಂಗ್‌ ನಡೆಸಿರುವ ದ್ವಿಪಕ್ಷೀಯ ಮಾತುಕತೆ, ಜಗತ್ತನ್ನು ಎರಡನೇ ಶೀತಲ ಸಮರಕ್ಕೆ ನೂಕಲಿದೆ ಎಂಬ ಮಾತುಗಳು ಈಗ ಎಲ್ಲೆಡೆ ಕೇಳಿಬರುತ್ತಿವೆ.

ಕ್ಸಿ ಜಿನ್‌ಪಿಂಗ್‌ ಮತ್ತು ವ್ಲಾಡಿಮಿರ್‌ ಪುಟಿನ್‌ ನಡುವಿನ ಈ ಸ್ನೇಹ ಸಂಬಂಧ, ಯುರೋಪ್‌ನ್ನು ಆತಂಕಕ್ಕೆ ದೂಡಿದೆ. ಚೀನಾ ಮತ್ತು ರಷ್ಯಾದ ಈ ಹೊಸ ಪಾಲುದಾರಿಗೆ ಜಗತ್ತನ್ನು ಎರಡನೇ ಶೀತಲ ಸಮರದತ್ತ ಕೊಂಡೊಯ್ಯಲಿದೆ ಎಂದು ಹಲವು ಅಂತಾರಾಷ್ಟ್ರೀಯ ರಾಜಕೀಯ ವಿಶ್ಲೇಷಕರು ಅಂದಾಜಿಸಿದ್ದಾರೆ.

ಪ್ರಪಂಚದೊಂದಿಗೆ ರಷ್ಯಾ ಮತ್ತು ಚೀನಾ ಮುಖಾಮುಖಿಯಾಗುವ ದಿನಗಳು ದೂರವಿಲ್ಲ. ಈ ಎರಡು ದೈತ್ಯ ಶಕ್ತಿಗಳ ಸಮ್ಮಿಲನ ವಿಶ್ವವನ್ನು ಅದರಲ್ಲೂ ವಿಶೇಷವಾಗಿ ಯುರೋಪ್‌ನ್ನು ಸಂಕಷ್ಟಕ್ಕೆ ದೂಡಲಿದೆ. ಚೀನಾದ ಆರ್ಥಿಕ ನೆರವಿನಿಂದ ಮತ್ತಷ್ಟು ಬಲಾಢ್ಯವಾಗಲಿರುವ ರಷ್ಯಾ, ಉಕ್ರೇನ್‌ ಮೇಲಿನ ದಾಳಿಯನ್ನು ತೀವ್ರಗೊಳಿಸಲಿದೆ. ಆದರೆ ಇದು ರಷ್ಯಾವನ್ನು ಚೀನಾದ ಅಧೀನ ರಾಷ್ಟ್ರವನ್ನಾಗಿಯೂ ಪರಿವರ್ತಿಸಲಿದೆ ಎಂದು ಹಲವು ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.

ಈ ಎರಡು ಸರ್ವಾಧಿಕಾರಿ ರಾಷ್ಟ್ರಗಳ ವಿರುದ್ಧ ತಮ್ಮ ರಕ್ಷಣೆಯನ್ನು ಸಂಘಟಿಸುವ ಸವಾಲನ್ನು, ವಿಶ್ವದ ಪ್ರಜಾಪ್ರಭುತ್ವ ರಾಷ್ಟ್ರಗಳು ಎದುರಿಸಲಿವೆ. ಇದು ಜಗತ್ತನ್ನು ಎರಡನೇ ಶೀತಲ ಸಮರಕ್ಕೆ ದೂಡಲ್ಲಿದ್ದು, ಇದು ಮೊದಲನೇ ಶೀತಲ ಸಮರಕ್ಕಿಂತ ಸುದೀರ್ಘವಾಗಿರಲಿದೆ ಎಂದು ರಾಜಕೀಯ ವಿಶ್ಲೇಷಕರು ಎಚ್ಚರಿಸಿದ್ದಾರೆ.

21ನೇ ಶತಮಾನದ ರಷ್ಯಾ ಮತ್ತು ಚೀನಾ ಮತ್ತು ಅವುಗಳನ್ನು ಮುನ್ನಡೆಸುತ್ತಿರುವ ನಾಯಕರು, ಮೂಲ ರಷ್ಯನ್ ಮತ್ತು ಚೀನೀ ಕ್ರಾಂತಿಗಳ ನೇರ ಉತ್ಪನ್ನ. ಕ್ಸಿ ಮತ್ತು ಪುಟಿನ್ ಈ ಹಿಂಸಾತ್ಮಕ ಕ್ರಾಂತಿಗಳ ಉತ್ತರಾಧಿಕಾರಿಗಳಾಗಿ, ಪಾಶ್ಚಿಮಾತ್ಯ ವಿರೋಧಿ ಕಲ್ಪನೆಗಳನ್ನು ಮುಂದುವರೆಸಲಿದ್ದಾರೆ ಎಂದೂ ರಾಜಕೀಯ ವಿಶ್ಲೇಷಕರು ಅಂದಾಜಿಸಿದ್ದಾರೆ.

ಪುಟಿನ್ ಸೋವಿಯತ್ ಸಾಮ್ರಾಜ್ಯದ ಕುಸಿತವನ್ನು "20 ನೇ ಶತಮಾನದ ಅತಿದೊಡ್ಡ ಭೌಗೋಳಿಕ ರಾಜಕೀಯ ದುರಂತ" ಎಂದು ಕರೆದಿದ್ದಾರೆ. ಅದೇ ರೀತಿ ಕ್ಸಿ ಜಿನ್‌ಪಿಂಗ್‌ ಕೂಡ ಚೀನಿ ಕಮ್ಯೂನಿಸ್ಟ್‌ ಪಕ್ಷದ ಮೂಲ ಸಿದ್ಧಾಂತಗಳಿಗೆ ಮರುಜೀವ ನೀಡುವ ಕುರಿತು ಮಾತನಾಡುತ್ತಿದ್ದಾರೆ. ಇದು ಜಾಗತಿಕ ಪ್ರಜಾಪ್ರಭುತ್ವ ರಾಷ್ಟ್ರಗಳಿಗೆ ಎಚ್ಚರಿಕೆಯ ಕರೆಗಂಟೆಯಾಗಿದೆ ಎಂದು ಅಮೆರಿಕನ್ ಸ್ಪೈಮಾಸ್ಟರ್ ಜ್ಯಾಕ್ ಡಿವೈನ್ ಹೇಳುತ್ತಾರೆ.

20ನೇ ಶತಮಾನದಲ್ಲಿ ನಿರಂಕುಶ ಕಮ್ಯೂನಿಸ್ಟ್ ರಾಜ್ಯಗಳಾಗಿ, ರಷ್ಯಾ ಮತ್ತು ಚೀನಾ ವಿಶ್ವದ ಪ್ರಜಾಪ್ರಭುತ್ವ ರಾಷ್ಟ್ರಗಳಳಿಗೆ ಸವಾಲು ಹಾಕಿದವು. ದಶಕದ ಅವಧಿಯ ಚೀನಾ-ಸೋವಿಯತ್ ಒಕ್ಕೂಟದ ಮೈತ್ರಿಯು ಕೊರಿಯನ್ ಯುದ್ಧ ಮತ್ತು ಬಹು ತೈವಾನ್ ಬಿಕ್ಕಟ್ಟುಗಳಿಗೆ ಕಾರಣವಾಯಿತು. ಇದು ಯುರೋಪ್ ಮತ್ತು ಏಷ್ಯಾ ಎರಡರಲ್ಲೂ ಅಮೆರಿಕ ಮತ್ತು ಅದರ ಮಿತ್ರರಾಷ್ಟ್ರಗಳಿಗೆ ತೀವ್ರ ಸವಾಲನ್ನು ಉಂಟುಮಾಡಿತು ಎಂದು ಜ್ಯಾಕ್‌ ಡಿವೈನ್‌ ಇತಿಹಾಸವನ್ನು ನೆನಪಿಸುತ್ತಾರೆ.

ಇಂದು ಚೀನಾ-ರಷ್ಯಾ ನಡುವಿನ ಈ ಬಾಂಧವ್ಯ, ಈ ಮಹತ್ವಾಕಾಂಕ್ಷೆಗಳನ್ನು ಮರುಸ್ಥಾಪಿಸುವ ಉದ್ದೇಶ ಹೊಂದಿದೆ. ಆಕ್ರಮಣಕಾರಿ, ಮಿಲಿಟರಿ ರಾಷ್ಟ್ರೀಯತೆಯ ನೆರಳಿನಡಿ, ಈ ಎರಡೂ ರಾಷ್ಟ್ರಗಳು ಒಂದಾಗಿರುವುದು ಪ್ರಜಾಪ್ರಭುತ್ವ ರಾಷ್ಟ್ರಗಳಿಗೆ ಮಾರಕ ಎಂದು ಜ್ಯಾಕ್‌ ಡಿವೈನ್‌ ಎಚ್ಚರಿಸಿದ್ದಾರೆ.

2010ರಿಂದಲೇ ಚೀನಾ ಮತ್ತು ರಷ್ಯಾ ತಮ್ಮ ಮಿಲಿಟರಿ, ಆರ್ಥಿಕ ಮತ್ತು ರಾಜತಾಂತ್ರಿಕ ಸಂಬಂಧಗಳನ್ನು ವಿಸ್ತರಿಸಲು ಮುಂದಾಗಿವೆ. ತೈವಾನ್‌ನ ಮೇಲಿನ ಚೀನಾದ ಹಕ್ಕುಗಳಿಗೆ ರಷ್ಯಾ ತನ್ನ ಬೆಂಬಲವನ್ನು ಘೋಷಿಸಿದೆ. ಅಲ್ಲದೇ "ಚೀನಾದ ಒಂದು ಬೇರ್ಪಡಿಸಲಾಗದ ಭಾಗ" ರಷ್ಯಾ ಪರಿಗಣಿಸಿದೆ. ಎರಡೂ ರಾಷ್ಟ್ರಗಳು ನ್ಯಾಟೋ ವಿಸ್ತರಣೆಯನ್ನು ವಿರೋಧಿಸುತ್ತಿದ್ದು, ಇದೇ ಕಾರಣಕ್ಕೆ ಉಕ್ರೇನ್‌ ಮೇಲಿನ ರಷ್ಯಾ ದಾಳಿಗೆ ಚೀನಾ ಪರೋಕ್ಷ ನೆರವು ನೀಡುತ್ತಿದೆ ಎಂದು ಜ್ಯಾಕ್‌ ಡಿವೈನ್‌ ಆಪಾದಿಸಿದ್ದಾರೆ.

ಭಾರತದ ಪಾತ್ರ:

ಇನ್ನು ಚೀನಾ-ರಷ್ಯಾ ಒಂದಾಗುವಿಕೆಯನ್ನು ಎರಡನೇ ಶೀತಲ ಸಮರದ ಮುನ್ಸೂಚನೆ ಎಂದು ಪರಿಗಣಿಸುತ್ತಿರುವ ಯುರೋಪ್‌ನ ರಾಜಕೀಯ ಪಂಡಿತರು, ವಿಶ್ವಶಾಂತಿಯ ಪ್ರಕ್ರಿಯೆಯಲ್ಲಿ ಭಾರತದ ಪಾತ್ರವನ್ನು ಗುರುತಿಸಲು ಆರಂಭಿಸಿದ್ದಾರೆ. ಜಗತ್ತಿನ ಬಲಾಢ್ಯ ಪ್ರಜಾಪ್ರಭುತ್ವ ರಾಷ್ಟ್ರಗಳಲ್ಲಿ ಒಂದಾಗಿರುವ ಭಾರತ, ವಿಶ್ವಶಾಂತಿ ಸ್ಥಾಪನೆಯಲ್ಲಿ ತನ್ನದೇ ಆದ ಮಹತ್ತರವಾದ ಪಾತ್ರ ನಿರ್ವಹಿಸಬಲ್ಲದು ಎನ್ನುತ್ತಾರೆ ಜ್ಯಾಕ್‌ ಡಿವೈನ್.‌

ತನ್ನ ಸಾಂಪ್ರದಾಯಿಕ ಶತ್ರುವಾಗಿರುವ ಚೀನಾದೊಂದಿಗೆ ರಷ್ಯಾ ಕೈಜೋಡಿಸಿರುವುದನ್ನು ಭಾರತ ಸುಮ್ಮನೆ ಕುಳಿತು ನೋಡಲು ಸಾಧ್ಯವಿಲ್ಲ. ಅದು ಖಂಡಿತವಾಗಿಯೂ ತನ್ನ ಜಾಗತಿಕ ಪಾತ್ರದ ಕುರಿತು ಚಿಂತನೆ ಆರಂಭಿಸಿದೆ. ಭಾರತದ ನೆರವಿಲ್ಲದೇ ವಿಶ್ವಶಾಂತಿ ಸ್ಥಾಪನೆ ಸಾಧ್ಯವಿಲ್ಲ ಎಂದು ಜ್ಯಾಕ್‌ ಡಿವೈನ್‌ ಸ್ಪಷ್ಟಪಡಿಸಿದ್ದಾರೆ.

ಚೀನಾ ಅಧ್ಯಕ್ಷ ಕ್ಸಿ ಜಿನ್‌ಪಿಂಗ್‌ ಅವರ ರಷ್ಯಾ ಭೇಟಿಯ ಪರಿಣಾಮಗಳ ಬಗ್ಗೆ ಜಗತ್ತಿನ ಕುತೂಹಲ ಇನ್ನೂ ತಣಿಯುತ್ತಿಲ್ಲ. ರಷ್ಯಾ ಅಧ್ಯಕ್ಷ ವ್ಲಾಡಿಮಿರ್‌ ಪುಟಿನ್‌ ಅವರೊಂದಿಗಿನ ಕ್ಸಿ ಜಿನ್‌ಪಿಂಗ್‌ ನಡೆಸಿರುವ ದ್ವಿಪಕ್ಷೀಯ ಮಾತುಕತೆ, ಜಗತ್ತನ್ನು ಎರಡನೇ ಶೀತಲ ಸಮರಕ್ಕೆ ನೂಕಲಿದೆ ಎಂಬ ಮಾತುಗಳು ಈಗ ಎಲ್ಲೆಡೆ ಕೇಳಿಬರುತ್ತಿವೆ. ಅಲ್ಲದೇ ಈ ಸಂದರ್ಭದಲ್ಲಿ ಭಾರತದ ಪಾತ್ರದ ಕುರಿತು ವಿಶ್ಲೇಷಣೆ ಆರಂಭವಾಗಿದೆ.

March 25 Kannada News Updates: ಟೆಕ್ಸಾಸ್‌ನಲ್ಲಿ ಪ್ರಚಾರ ಸಭೆ ನಡೆಸಲು ಸಿದ್ಧರಾದ ಡೊನಾಲ್ಡ್‌ ಟ್ರಂಪ್

ರಾಜ್ಯ, ದೇಶ ಹಾಗೂ ವಿದೇಶದ ಎಲ್ಲಾ ಬ್ರೇಕಿಂಗ್‌ ಸುದ್ದಿಗಳು ಇಲ್ಲಿ ಲಭ್ಯ. ಪ್ರತಿ ಕ್ಷಣದ ನಿಖರ ಸುದ್ದಿಗಾಗಿ ಇಲ್ಲಿ ಕ್ಲಿಕ್‌ ಮಾಡಿ.

ಟೆಕ್ಸಾಸ್‌ನಲ್ಲಿ ಅಧ್ಯಕ್ಷೀಯ ಪ್ರಚಾರ ಸಭೆ ನಡೆಸಲು, ರಿಪಬ್ಲಿಕನ್‌ ನಾಯಕ ಡೊನಾಲ್ಡ್ ಟ್ರಂಪ್ ಸಿದ್ಧರಾಗಿದ್ದಾರೆ

ಟೆಕ್ಸಾಸ್‌ನಲ್ಲಿ ಪ್ರಚಾರ ಸಭೆ ನಡೆಸಲು ಸಿದ್ಧರಾದ ಡೊನಾಲ್ಡ್‌ ಟ್ರಂಪ್

ಅರ್ಥ್‌ ಅವರ್ ಅನ್ನು ಗುರುತಿಸಲು ದೆಹಲಿಯ ಅಕ್ಷರಧಾಮ ದೇವಾಲಯದ ದೀಪಗಳನ್ನು ರಾತ್ರಿ 8.30 ರಿಂದ 9.30 ರವರೆಗೆ ಒಂದು ಗಂಟೆಯವರೆಗೆ ಆಫ್ ಮಾಡಲಾಗಿದೆ.

ಅರ್ಥ್‌ ಅವರ್:‌ ಒಂದು ಗಂಟೆಗಳ ಕಾಲ ದೆಹಲಿಯ ಅಕ್ಷರಧಾಮ ದೇವಾಲಯದ ದೀಪಗಳು ಆಫ್

ಅಮೆರಿಕದ ಮಿಸಿಸಿಪ್ಪಿಯಲ್ಲಿ ಸುಂಟರಗಾಳಿ ಮತ್ತು ಚಂಡಮಾರುತ ಅಪ್ಪಳಿಸಿದ್ದರಿಂದ 23 ಜನರು ತಮ್ಮ ಪ್ರಾಣ ಕಳೆದುಕೊಂಡಿದ್ದಾರೆ.

ಮಿಸಿಸಿಪ್ಪಿಯಲ್ಲಿ ಭೀಕರ ಚಂಡಮಾರುತ: 23 ಜನರ ದುರ್ಮರಣ!

ಚಿಕ್ಕಬಳ್ಳಾಪುರ ಜಿಲ್ಲೆಯ ಗೌರಿಬಿದನೂರಿನಲ್ಲಿ ಇಂದು ಶಾಸಕ ಶಿವಶಂಕರ ರೆಡ್ಡಿ ಅವರು ಆಯೋಜಿಸಿದ್ದ ಮಹಿಳಾ ಸಮಾವೇಶ ಹಾಗೂ ರೋಡ್ ಶೋದಲ್ಲಿ ಬಾಗವಹಿಸಿದ್ದ ಪ್ರತಿಪಕ್ಷ ನಾಯಕ ಸಿದ್ದರಾಮಯ್ಯ, ಮುಂಬರುವ ವಿಧಾನಸಭಾ ಚುನಾವಣೆಯಲ್ಲಿ ಕಾಂಗ್ರೆಸ್ ಪಕ್ಷವನ್ನು ಬೆಂಬಲಿಸುವಂತೆ ಮನವಿ ಮಾಡಿದರು.

ಕಾಂಗ್ರೆಸ್‌ ಪಕ್ಷವನ್ನು ಅಧಿಕಾರಕ್ಕೆ ತರುವ ಸಂಕಲ್ಪ ಮಾಡಿ: ಸಿದ್ದರಾಮಯ್ಯ ಕರೆ

ದಾವಣಗೆರೆಯಲ್ಲಿ ನಡೆಯುತ್ತಿರುವ ಬಿಜೆಪಿ ವಿಜಯ ಸಂಕಲ್ಪ ಯಾತ್ರೆ ಮಹಾಸಂಗಮ ಕಾರ್ಯಕ್ರಮದಲ್ಲಿ, ಪ್ರಧಾನಿ ಮೋದಿ ಭಾಗವಹಿಸಿದ್ದಾರೆ. &nbsp;ಶೀಘ್ರದಲ್ಲೇ ಪ್ರಧಾನಿ ಮೋದಿ ಅವರು ಜನರನ್ನು ಉದ್ದೇಶಿಸಿ ಭಾಷಣ ಮಾಡಲಿದ್ದಾರೆ.

ದಾವಣಗೆರೆಯಲ್ಲಿ ಬಿಜೆಪಿ ವಿಜಯ ಸಂಕಲ್ಪ ಯಾತ್ರೆ ಮಹಾಸಂಗಮ ಕಾರ್ಯಕ್ರದದಲ್ಲಿ ಮೋದಿ ಭಾಗಿ

ಬೆಂಗಳೂರು ಮೆಟ್ರೋದ ಕೃಷ್ಣರಾಜಪುರ ಮಾರ್ಗದ ವೈಟ್‌ಫೀಲ್ಡ್ (ಕಾಡುಗೋಡಿ) ಅನ್ನು ಪ್ರಧಾನಿ ಮೋದಿ ಉದ್ಘಾಟಿಸಿದರು

ವೈಟ್‌ಫೀಲ್ಡ್ (ಕಾಡುಗೋಡಿ)-ಕೆ.ಆರ್.ಪುರಂ ಮೆಟ್ರೋ ಉದ್ಘಾಟಿಸಿದ ಪ್ರಧಾನಿ ಮೋದಿ

&nbsp;ಪ್ರಧಾನಿ ನರೇಂದ್ರ ಮೋದಿಯಿಂದ ವೈಟ್ ಫೀಲ್ಡ್ – ಕೆಆರ್ ಪುರಂ ಮೆಟ್ರೋ ಮಾರ್ಗ ಲೋಕಾರ್ಪಣೆ- ನೇರ ಪ್ರಸಾರ

ಇಂದು ಪ್ರಧಾನಿ ನರೇಂದ್ರ ಮೋದಿಯವರು ವೈಟ್‌ಫೀಲ್ಡ್‌- ಕೆಆರ್‌ ಪುರ ಮೆಟ್ರೋ ಮಾರ್ಗವನ್ನು ಉದ್ಘಾಟನೆ ಮಾಡಲಿದ್ದಾರೆ. ಸುಮಾರು 13.71 ಕಿ.ಮೀ. ನಿಲ್ದಾಣದ ಈ ಮೆಟ್ರೋ ರೈಲು ಮಾರ್ಗದಿಂದಾಗಿ ಟ್ರಾಫಿಕ್‌ ದಟ್ಟಣೆ ಕಡಿಮೆಯಾಗುವ ನಿರೀಕ್ಷೆಯಿದ್ದು, ಮುಖ್ಯವಾಗಿ ಐಟಿ ಉದ್ಯೋಗಿಗಳಿಗೆ ಅನುಕೂಲವಾಗಲಿದೆ. <a class="manualbacklink" target="_blank" href="https://kannada.hindustantimes.com/karnataka/pm-narendra-modi-inaugurates-the-kr-pura-whitefield-metro-line-in-bengaluru-stations-and-other-details-181679720049030.html">ಈ ಕುರಿತು ವರದಿ ಇಲ್ಲಿದೆ.</a>

ಪ್ರಧಾನಿ ಮೋದಿ ಉದ್ಘಾಟಿಸಲಿರುವ ವೈಟ್‌ಫೀಲ್ಡ್‌- ಕೆಆರ್‌ ಪುರ ಮೆಟ್ರೋ ಇಂದು ಉದ್ಘಾಟನೆ

ಚಿಕ್ಕಬಳ್ಳಾಪುರತಾಲೂಕಿನ ಮುದ್ದೇನಹಳ್ಳಿಯ ಸತ್ಯಸಾಯಿ ಗ್ರಾಮದಲ್ಲಿ ನೂತನ ಮೆಡಿಕಲ್‌ ಕಾಲೇಜು ನಿರ್ಮಾಣಗೊಂಡಿದೆ. ಈ ವೈದ್ಯಕೀಯ ಕಾಲೇಜಿಗೆ ಶ್ರೀ ಮಧುಸೂದನ ಸಾಯಿ ವೈದ್ಯಕೀಯ ವಿಜ್ಞಾನ ಮತ್ತು ಸಂಶೋಧನಾ ಸಂಸ್ಥೆ ಎಂದು ನಾಮಕರಣ ಮಾಡಲಾಗಿದೆ. ಪ್ರಧಾನಿ ನರೇಂದ್ರ ಮೋದಿಯವರು &nbsp;ಈ ವೈದ್ಯಕೀಯ ಕಾಲೇಜನ್ನು ಲೋಕಾರ್ಪಣೆಗೊಳಿಸಲಿದ್ದಾರೆ. ಉಚಿತವಾಗಿ ಶಿಕ್ಷಣ ಮತ್ತು ವೈದ್ಯಕೀಯ ಸೇವೆ ನೀಡುವ ಅಪರೂಪದ ಈ ಸಂಸ್ಥೆಯ ಕುರಿತು <a class="manualbacklink" target="_blank" href="https://kannada.hindustantimes.com/karnataka/every-year-100-free-mbbs-seats-chikkaballapur-new-medical-college-will-be-inaugurated-by-pm-narendra-modi-181679637762289.html">ವಿಶೇಷ ವರದಿ ಇಲ್ಲಿದೆ.</a>

ಪ್ರಧಾನಿಯಿಂದ ಮಧುಸೂದನ್ ಸಾಯಿ ವೈದ್ಯಕೀಯ ವಿಜ್ಜಾನ ಮತ್ತು ಸಂಶೋಧನಾ ಸಂಸ್ಥೆ ಉದ್ಘಾಟನೆ- ನೇರ ಪ್ರಸಾರ

ಕರ್ನಾಟಕದಲ್ಲಿ ಸಂಚಲನ ಉಂಟು ಮಾಡಿದ್ದ 545 ಪಿಎಸ್‌ಐ ನೇಮಕಾತಿ ಅಕ್ರಮಕ್ಕೆ ಸಂಬಂಧಪಟ್ಟಂತೆ ಕಳೆದ ವರ್ಷ ವಿಚಾರಣೆಗೆ ಹಾಜರಾಗಿದ್ದ ಸಿದ್ದಾಪುರದ ನೆಲೆಮಾಂವ ಗ್ರಾಮದ ಗಣಪತಿ ಭಟ್‌ (63) ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. ವರದಿಗಳ ಪ್ರಕಾರ, ನಿನ್ನೆ ಅವರು ಹೆರೂರು ಗ್ರಾಮದಲ್ಲಿ ಎಂಆರ್‌ ಭಟ್ಟರ ತೋಟದ ಮನೆಯಲ್ಲಿ ನೇಣು ಬಿಗಿದು <a class="manualbacklink" target="_blank" href="https://kannada.hindustantimes.com/karnataka/psi-recruitment-scam-in-karnataka-ganapathi-bhat-suicide-181679715698415.html">ಆತ್ಮಹತ್ಯೆ </a>ಮಾಡಿಕೊಂಡಿದ್ದಾರೆ.

ಗಣಪತಿ ಭಟ್‌ ಆತ್ಮಹತ್ಯೆ

ರಾಜ್ಯ ವಿಧಾನಸಭೆ ಚುನಾವಣೆಗೆ ಅಖಾಡ ಸಜ್ಜಾಗುತ್ತಿದ್ದು, ಇಂದು ಬೆಳಗ್ಗೆ ಕಾಂಗ್ರೆಸ್ ಅಭ್ಯರ್ಥಿಗಳ ಮೊದಲ ಪಟ್ಟಿ ಬಿಡುಗಡೆಯಾಗಿದೆ.124 ಕ್ಷೇತ್ರಗಳಿಗೆ ಘೋಷಿಸಿರುವ ಅಭ್ಯರ್ಥಿಗಳ ಪಟ್ಟಿಯಲ್ಲಿ ಕ್ಷೇತ್ರ ಹುಡುಕಾಟದಲ್ಲಿದ್ದ ಮಾಜಿ ಸಿಎಂ ಸಿದ್ದರಾಮಯ್ಯ ಅವರ ಸ್ಪರ್ಧೆಯ ಕಣವೂ ಫಿಕ್ಸ್ ಆಗಿದೆ. ಕೆಪಿಸಿಸಿ ಅಧ್ಯಕ್ಷ ಡಿಕೆ ಶಿವಕುಮಾರ್ ಕನಕಪುರದಿಂದ ಸ್ಪರ್ಧಿಸಿದರೆ, ವಿಪಕ್ಷ ನಾಯಕ ಸಿದ್ದರಾಮಯ್ಯ ವರುಣಾ ವಿಧಾನಸಭಾ ಕೇತ್ರದಿಂದ ಕಣಕ್ಕಿಳಿಯಲಿದ್ದಾರೆ. ಈ ಕುರಿತ ಕಂಪ್ಲಿಟ್‌ ರಿಪೋರ್ಟ್‌ <a class="manualbacklink" target="_blank" href="https://kannada.hindustantimes.com/karnataka/assembly-election-2023-congress-announces-the-first-list-of-124-candidates-for-karnataka-assembly-elections-181679712151008.html">ಇಲ್ಲಿದೆ.</a>

ವಿಧಾನಸಭೆ ಚುನಾವಣೆ: ಕಾಂಗ್ರೆಸ್ ಅಭ್ಯರ್ಥಿಗಳ ಮೊದಲ ಪಟ್ಟಿ ಬಿಡುಗಡೆ

ಬ್ಯಾಡರಹಳ್ಳಿ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ನಡೆದಿದ್ದ ಬೆಂಗಳೂರು ಮಹಾನಗರ ಸಾರಿಗೆ ಸಂಸ್ಥೆ-ಬಿಎಂಟಿಸಿ ಬಸ್​​ಗೆ ಬೆಂಕಿ ತಗುಲಿ ಕಂಡಕ್ಟರ್ ಸಜೀವ ದಹನವಾಗಿದ್ದ ಪ್ರಕರಣಕ್ಕೆ ಬಿಗ್ ಟ್ವಿಸ್ಟ್ ಸಿಕ್ಕಿದೆ. &nbsp;ನಿರ್ವಾಹಕ ಬಸ್ಸಿನೊಳಗೆ ಸುಟ್ಟು ಕರಕಲಾದ ಘಟನೆ ಸಂಭವಿಸುವ ಕೆಲವೇ ಗಂಟೆಗಳ ಮುನ್ನ ಹತ್ತಿರದ ಪೆಟ್ರೋಲ್ ಬಂಕ್ ನಲ್ಲಿ ಐದು ಲೀಟರ್ ಪೆಟ್ರೋಲ್ ಮತ್ತು 2 ಲೀಟರ್ ಡೀಸೆಲ್ ಖರೀದಿಸಿದ್ದಾರೆ ಎಂದು ತನಿಖೆಯಲ್ಲಿ ಗೊತ್ತಾಗಿದೆ. <a class="manualbacklink" target="_blank" href="https://kannada.hindustantimes.com/karnataka/big-twist-in-bmtc-conductor-death-case-the-secret-revealed-in-bengaluru-police-investigation-181679705139345.html">ಈ ಕುರಿತು ವರದಿ ಇಲ್ಲಿದೆ ಓದಿ</a>

ಬಸ್ ನಲ್ಲೇ ಬಿಎಂಟಿಸಿ ಕಂಡಕ್ಟರ್ ಸಜೀವ ದಹನ ಪ್ರಕರಣಕ್ಕೆ ಬಿಗ್ ಟ್ವಿಸ್ಟ್

ರಾಜ್ಯದ ಅತ್ಯಂತ ಹಿಂದುಳಿದ ವರ್ಗಗಳಾಗಿರುವ ಪಿಂಜಾರ, ನದಾಫ್, ಚಪ್ಪರ ಬಂದ್, ಒಟಾರಿ ಸೇರಿದಂತೆ ಇತರ 13 ಜಾತಿಗಳ ಸರ್ವತೋಮುಖ ಅಭಿವೃದ್ಧಿಗಾಗಿ ಹಿಂದುಳಿದ ವರ್ಗಗಳ ಪ್ರವರ್ಗ 1 ರ ಪಿಂಜಾರ, ನದಾಫ್ ಹಾಗೂ ಇತರ 13 ಜಾತಿಗಳ ಅಭಿವೃದ್ಧಿ ನಿಗಮವನ್ನು ಸ್ಥಾಪಿಸಿ, ಆದೇಶ ಹೊರಡಿಸಲಾಗಿದೆ.

ಪಿಂಜಾರ, ನದಾಫ್ ಹಾಗೂ ಇತರ 13 ಜಾತಿಗಳ ಅಭಿವೃದ್ಧಿ ನಿಗಮ ಸ್ಥಾಪಿಸಿ ಸರಕಾರ ಆದೇಶ

<ul><li>ಇಂದು ಪ್ರಧಾನಿ ನರೇಂದ್ರ ಮೋದಿಯವರು ಕರ್ನಾಟಕಕ್ಕೆ ಆಗಮಿಸುತ್ತಿದ್ದಾರೆ.</li><li>ಇತ್ತೀಚಿನ ದಿನಗಳಲ್ಲಿ ಪ್ರಧಾನಿಯವರು ರಾಜ್ಯಕ್ಕೆ ನೀಡುತ್ತಿರುವ 7ನೇ ಭೇಟಿ ಇದಾಗಿದೆ.</li><li>ವೈಟ್​​ಫೀಲ್ಡ್ ಮತ್ತು ಕೆ. ಆರ್​ ಪುರ ನಡುವಿನ ಮೆಟ್ರೋಗೆ ಚಾಲನೆ ನೀಡಲಿದದ್ದಾರೆ.</li><li>ಮುದ್ದೇನಹಳ್ಳಿಯಲ್ಲಿ ಖಾಸಗಿ ವೈದ್ಯಕೀಯ ಕಾಲೇಜು ಉದ್ಘಾಟನೆ ಹಾಗೂ ದಾವಣಗೆರೆಯಲ್ಲಿನ ಕಾರ್ಯಕ್ರಮಗಳಲ್ಲಿ ಮೋದಿ ಭಾಗವಹಿಸಲಿದ್ದಾರೆ.</li></ul>

ಇಂದು ಕರ್ನಾಟಕಕ್ಕೆ ಪ್ರಧಾನಿ ನರೇಂದ್ರ ಮೋದಿ ಭೇಟಿ, ವೈಟ್‌ಫೀಲ್ಡ್‌ ಮೆಟ್ರೋಗೆ ಚಾಲನೆ ಸೇರಿದಂತೆ ವಿವಿಧ ಕಾರ್ಯಕ್ರಮಗಳಲ್ಲಿ ಭಾಗಿ

ಅಲ್ಪ ಸಂಖ್ಯಾತರಿಗೆ 2ಬಿಯಡಿ ನೀಡಲಾಗಿದ್ದ ಶೇಕಡ 4 ಮೀಸಲಾತಿಯನ್ನು ರದ್ದುಗೊಳಿಸುವ ನಿರ್ಧಾರವನ್ನು ಕರ್ನಾಟಕ ಸರಕಾರ ಮಾಡಿದೆ. ಅಲ್ಪ ಸಂಖ್ಯಾತರಿಗೆ ಆರ್ಥಿಕವಾಗಿ ಹಿಂದುಳಿದ ವರ್ಗ (ಇಡಬ್ಲ್ಯುಎಸ್‌) ದಡಿ ಮೀಸಲಾತಿ ನೀಡಲು ನಿರ್ಧರಿಸಲಾಗಿದೆ. ಈ ಕುರಿತು ರಾಜ್ಯ ಸಚಿವ ಸಂಪುಟ ಸಭೆಯಲ್ಲಿ ಮಹತ್ವದ ನಿರ್ಧಾರ ತೆಗೆದುಕೊಳ್ಳಲಾಗಿದೆ. ಅಲ್ಪ ಸಂಖ್ಯಾತರಿಗೆ ಈ ಹಿಂದೆ 2ಬಿಐಡಿ ನೀಡುತ್ತಿದ್ದ ಮೀಸಲಾತಿಯನ್ನು ಕರ್ನಾಟಕದ ಎರಡು ಪ್ರಬಲ ಸಮುದಾಯಗಳಾದ ಒಕ್ಕಲಿಗ ಮತ್ತು ಲಿಂಗಾಯಿತ ಸಮುದಾಯಕ್ಕೆ ಸೇರಿಸಲು ನಿರ್ಧರಿಸಲಾಗಿದೆ. <a class="manualbacklink" target="_blank" href="https://kannada.hindustantimes.com/karnataka/karnataka-decides-to-abolish-4-percent-reservation-for-minorities-places-them-under-ews-181679705753884.html">ಈ ಕುರಿತ ವರದಿ ಇಲ್ಲಿದೆ ಓದಿ.</a>

ಅಲ್ಪ ಸಂಖ್ಯಾತರ ಶೇಕಡ 4 ಮೀಸಲಾತಿ ರದ್ದು

<ul><li>ನ್ಯಾಯಮೂರ್ತಿ ಎ.ಜೆ ಸದಾಶಿವ ಆಯೋಗದ ಶಿಫಾರಸಿನಂತೆ ಎಸ್ಸಿ ಸಮುದಾಯಗಳಿಗೆ ಒಳ ಮೀಸಲಾತಿ ಕಲ್ಪಿಸಲು ಇಂದು ನಡೆದ ಸಚಿವ ಸಂಪುಟ ಸಭೆಯಲ್ಲಿ ‌ತೀರ್ಮಾನ ತೆಗೆದುಕೊಂಡಿರುವ ಹಿನ್ನೆಲೆಯಲ್ಲಿ ಮಾದಿಗ ಸಮುದಾಯದ ವತಿಯಿಂದ ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯವರನ್ನು ಅಭಿನಂದಿಸಲಾಯಿತು.</li><li>ಈ ಸಂದರ್ಭದಲ್ಲಿ ಮಾದರ ಚೆನ್ನಯ್ಯ ಸ್ವಾಮೀಜಿ, ಕೇಂದ್ರ ಸಚಿವರಾದ ಎ. ನಾರಾಯಣಸ್ವಾಮಿ, ಸಚಿವರಾದ ಗೋವಿಂದ ‌ಕಾರಜೋಳ, ಡಾ.‌ಕೆ ಸುಧಾಕರ್, ಮುರುಗೇಶ ನಿರಾಣಿ ಹಾಗೂ ಮತ್ತಿತರರು ಹಾಜರಿದ್ದರು.</li></ul>

ಮಾದಿಗ ಸಮುದಾಯದಿಂದ ಅಭಿನಂದನೆ

<ul><li>ಕೇಂದ್ರ ಸರ್ಕಾರಿ ನೌಕರರು ಮತ್ತು ಪಿಂಚಣಿದಾರರಿಗೆ ಶೇ.4ರಷ್ಟು ತುಟ್ಟಿಭತ್ಯೆ ಹೆಚ್ಚಿಸಲಾಗಿದೆ.</li><li>ನಿನ್ನೆ ನಡೆದ ಸಚಿವ ಸಂಪುಟ ಸಭೆಯಲ್ಲಿ ಕೇಂದ್ರ ಸರ್ಕಾರಿ ನೌಕರರಿಗೆ ತುಟ್ಟಿಭತ್ಯೆ ಹೆಚ್ಚಳದ ಘೋಷಣೆ ಮಾಡಲಾಗಿದೆ.</li><li>ಕೇಂದ್ರ ಸರ್ಕಾರವು ತನ್ನ ಒಂದು ಕೋಟಿಗೂ ಹೆಚ್ಚು ಉದ್ಯೋಗಿಗಳಿಗೆ ತುಟ್ಟಿಭತ್ಯೆಯನ್ನು ಶೇಕಡಾ 4.ರಷ್ಟು ಹೆಚ್ಚಿಸಿದೆ.</li><li>ಒಟ್ಟಾರೆಯಾಗಿ ಶೇಕಡಾ 38 ರಿಂದ ಶೇಕಡಾ 42 ಕ್ಕೆ ತುಟ್ಟಿಭತ್ಯೆ ಏರಿಕೆಯಾಗಿದೆ.</li></ul>

ಕೇಂದ್ರ ಸರ್ಕಾರಿ ನೌಕರರಿಗೆ ಶೇ.4ರಷ್ಟು ತುಟ್ಟಿ ಭತ್ಯೆ ಹೆಚ್ಚಳ

ರಾಜ್ಯ, ದೇಶ ಹಾಗೂ ವಿದೇಶದ ಎಲ್ಲಾ ಬ್ರೇಕಿಂಗ್‌ ಸುದ್ದಿಗಳು ಇಲ್ಲಿ ಲಭ್ಯ. ಪ್ರತಿ ಕ್ಷಣದ ನಿಖರ ಸುದ್ದಿಗಾಗಿ ಇಲ್ಲಿ ಕ್ಲಿಕ್‌ ಮಾಡಿ.

Russia-China Relations: 'ಬಿಗ್‌ ಬ್ರದರ್' ಭೇಟಿಯಿಂದ ಪುಟಿನ್ ಪುಳಕಿತ:‌ ಯುದ್ಧೋನ್ಮಾದ ನಾಯಕರ ಆಲಿಂಗನ ತರದಿರಲಿ ಅನಾಹುತ! 

‌China-Russia

ಮಾಸ್ಕೋ: ಚೀನಾ ಅಧ್ಯಕ್ಷ ಕ್ಸಿ ಜಿನ್‌ಪಿಂಗ್‌ ಅವರ ರಷ್ಯಾ ಪ್ರವಾಸ ಜಾಗತಿಕವಾಗಿ ಚರ್ಚೆಗೆ ಒಳಪಟ್ಟಿದೆ. ಉಕ್ರೇನ್‌ ವಿರುದ್ಧ ಮಿಲಿಟರಿ ಕಾರ್ಯಾಚರಣೆಯಿಂದಾಗಿ ಜಾಗತಿಕವಾಗಿ ಕೆಂಗಣ್ಣಿಗೆ ಗುರಿಯಾಗಿರುವ ರಷ್ಯಾ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್‌, 'ನೀರಿನಲ್ಲಿ ಮುಳುಗುತ್ತಿರುವವನಿಗೆ ಹುಲ್ಲ ಕಡ್ಡಿಯೂ ಆಸರೆ..' ಎಂಬ ಗಾದೆ ಮಾತಿನಂತೆ, ಕ್ಸಿ ಜಿನ್‌ಪಿಂಗ್‌ ಅವರ ಮಾಸ್ಕೋ ಭೇಟಿಯನ್ನೇ ವಿಜೃಂಭಿಸುತ್ತಿದ್ದಾರೆ.

ಮಾಸ್ಕೋಗೆ ಕ್ಸಿ ಜಿನ್‌ಪಿಂಗ್ ಅವರ ಆಡಂಬರ ತುಂಬಿದ ಭೇಟಿಯು, ರಷ್ಯಾ-ಚೀನಾ ದೇಶಗಳ ನಡುವೆ ಬೆಳೆಯುತ್ತಿರುವ ಅಸಮಾನ್ಯ ಮೈತ್ರಿಯತ್ತ ಬೆಳಕು ಚೆಲ್ಲಿದೆ. ಅಲ್ಲದೇ ಕ್ಸಿ ಜಿನ್‌ಪಿಂಗ್‌ ಮತ್ತು ವ್ಲಾಡಿಮಿರ್‌ ಪುಟಿನ್‌ ಅವರ ಆಲಿಂಗನವು, ರಷ್ಯಾ ಪಾಲಿಗೆ ಚೀನಾ 'ಹಿರಿಯ ಸಹೋದರ' ಇದ್ದಂತೆ ಎಂಬ ಜಾಗತಿಕ ಅಭಿಪ್ರಾಯವನ್ನು ಮತ್ತಷ್ಟು ಗಟ್ಟಿಗೊಳಿಸಿದೆ.

ಉಕ್ರೇನ್‌ ವಿರುದ್ಧದ ಯುದ್ಧದಿಂದಾಗಿ ರಷ್ಯಾ ಅಧ್ಯಕ್ಷ ವ್ಲಾಡಿಮಿರ್‌ ಪುಟಿನ್‌ ಜಾಗತಿಕವಾಗಿ ಛಿಮಾರಿಗೆ ಒಳಗಾಗಿದ್ದಾರೆ. ಅಲ್ಲದೇ ಸುದೀರ್ಘ ಯುದ್ಧದಿಂದಾಗಿ ರಷ್ಯಾದ ಆರ್ಥಿಕತೆ ಸೊರಗುತ್ತಿದೆ. ಅಲ್ಲದೇ ಪಾಶ್ಚಿಮಾತ್ಯ ನಿರ್ಬಂಧದ ಒತ್ತಡ ಕೂಡ, ರಷ್ಯಾವನ್ನು ಸಾಕಷ್ಟು ಹಿಂಸಿಸುತ್ತಿದೆ. ಈ ವರ್ಷ ರಷ್ಯಾದ ಆರ್ಥಿಕತೆ ಸುಮಾರು ಶೇ. 2.5ರಷ್ಟು ಕುಗ್ಗುವ ಮುನ್ಸೂಚನೆ ದೊರೆತಿದೆ.

ಹೀಗಾಗಿ ರಷ್ಯಾಗೆ ಈಗ ತುರ್ತಾಗಿ ರಾಜತಾಂತ್ರಿಕ ಮತ್ತು ಆರ್ಥಿಕ ನೆರವಿನ ಅಗತ್ಯವಿದೆ. ಚೀನಾ ಈ ಅಗತ್ಯತೆಯನ್ನು ಪೂರೈಸಲು ಸಿದ್ಧವಾಗಿದ್ದು, ರಷ್ಯಾವನ್ನು ಜಾಗತಿಕವಾಗಿ ಒಬ್ಬಂಟಿಗೊಳಿಸುವ ಅಮೆರಿಕದ ಪ್ರಯತ್ನಗಳಿಗೆ ಹಿನ್ನಡೆಯುಂಟು ಮಾಡುವ ಸಾಧ್ಯತೆಗಳಿವೆ. ಇದಕ್ಕೆ ಪೂರಕವಾಗಿ ಕ್ಸಿ ಜಿನ್‌ಪಿಂಗ್‌ ಅವರು ವ್ಲಾಡಿಮಿರ್‌ ಪುಟಿನ್‌ ಅವರಿಗೆ ವ್ಯಾಪಾರ ಮತ್ತು ನೈತಿಕ ಬೆಂಬಲದ ವಾಗ್ದಾನ ಮಾಡಿ ಗಮನ ಸೆಳೆದಿದ್ದಾರೆ.

ರಷ್ಯಾದಿಂದ ಕಚ್ಚಾತೈಲವನ್ನು ಹೆಚ್ಚಿನ ಪ್ರಮಾಣದಲ್ಲಿ ಖರೀದಿಸುವ ಇರಾದೆ ಇದುವರೆಗೂ ಚೀನಾಗೆ ಇರಲಿಲ್ಲ. ಆದರೆ ಉಭಯ ದೇಶಗಳ ನಡುವೆ ವಾಣಿಜ್ಯ ಚಟುವಟಿಕೆಗಳು ಹೆಚ್ಚಲಿವೆ ಎಂಬ ಕ್ಸಿ ಜಿನ್‌ಪಿಂಗ್‌ ಅವರ ಸಂದೇಶ, ರಷ್ಯಾದಿಂದ ಚೀನಾ ಕಚ್ಚಾತೈಲವನ್ನು ಖರೀದಿಸಲಿದೆ ಎಂಬುದರ ಮುನ್ಸೂಚನೆ ಎಂದು ಅಂತಾರಾಷ್ಟ್ರೀಯ ವಿದ್ಯಮಾನಗಳ ವಿಶ್ಲೇಷಕರು ಅಂದಾಜಿಸಿದ್ದಾರೆ.

ಆದರೆ ರಷ್ಯಾ ಜೊತೆಗಿನ ಚೀನಾದ 'ಸ್ನೇಹ ಭಾವನೆರಹಿತ ಮತ್ತು ಹಿತಾಸಕ್ತಿ-ಚಾಲಿತ ಸ್ವರೂಪವನ್ನು ಸ್ಪಷ್ಟವಾಗಿ ತೋರಿಸುತ್ತದೆ ಎಂದು ಏಷ್ಯಾ ಸೊಸೈಟಿಯ ತಜ್ಞ ಫಿಲಿಪ್ ಇವನೊವ್ ಹೇಳಿದ್ದಾರೆ. ರಷ್ಯಾದ ಸದ್ಯದ ಪರಿಸ್ಥಿತಿಯ ಲಾಭ ಪಡೆಯಲು ಚೀನಾ ಹವಣಿಸುತ್ತಿದೆಯೇ ಹೊರತು, ನೈಜ ಸನೇಹ ಸಂಬಂಧ ಸ್ಥಾಪಿಸುವ ಯಾವುದೇ ಇರಾದೆ ಡ್ರ್ಯಾಗನ್‌ ರಾಷ್ಟ್ರಕ್ಕಿಲ್ಲ ಎಂದು ಇವನೊವ್‌ ಅಭಿಪ್ರಾಯಪಟ್ಟಿದ್ದಾರೆ.

ಚೀನಾದ ಮೇಲಿನ ರಷ್ಯಾದ ಅವಲಂಬನೆಯ ಗ್ರಹಿಕೆಯನ್ನು ಗಾಢಗೊಳಿಸುವುದು ಕ್ಸಿ ಜಿನ್‌ಪಿಂಗ್‌ ಅವರ ಉದ್ದೇಶವಾಗಿದೆ. ಪುಟಿನ್‌ ಕೂಡ ಈ ಸತ್ಯವನ್ನು ಬಲ್ಲವರಾಗಿದ್ದು, ಸದ್ಯದ ಅತಂತ್ರ ಪರಿಸ್ಥಿತಿಯಿಂದ ಹೊರಬರಲು, ಕ್ಸಿ ಜಿನ್‌ಪಿಂಗ್‌ ಅವರನ್ನು 'ಬಿಗ್‌ ಬ್ರದರ್'(ಹಿರಿಯ ಸಹೋದರ) ಎಂದು ಬಣ್ಣಿಸಿದ್ದಾರೆ ಎಂಬುದು ಇವನೊವ್‌ ಅವರ ವಾದವಾಗಿದೆ.

ಕ್ಸಿ ಜಿನ್‌ಪಿಂಗ್ ಅವರ ರಷ್ಯಾ ಭೇಟಿಯು, ಚೀನಾದ ರಾಜತಾಂತ್ರಿಕ ಪ್ರಭಾವವನ್ನು ವರ್ಧಿಸುವ ಸಂಘಟಿತ ಪ್ರಯತ್ನದ ಭಾಗವಾಗಿ ಕಂಡುಬಂದಿದೆ. ಇತ್ತೀಚಿನ ದಶಕಗಳಲ್ಲಿ ಬೀಜಿಂಗ್ ತನ್ನ ಆರ್ಥಿಕ ಗುರಿಯನ್ನು ಏಷ್ಯಾದಿಂದ ಆಫ್ರಿಕಾದತ್ತ ವರ್ಗಾಯಿಸುತ್ತಿದೆ. ಅಲ್ಲದೇ ಸಾಂಪ್ರದಾಯಿಕ ಎದುರಾಳಿಗಳಾದ ಇರಾನ್ ಮತ್ತು ಸೌದಿ ಅರೇಬಿಯಾ ನಡುವೆ ಮಧ್ಯಸ್ಥಿಕೆವಹಿಸುವ ಮೂಲಕ, ಮಧ್ಯಪ್ರಾಚ್ಯ ರಾಷ್ಟ್ರಗಳನ್ನು ತನ್ನ ಪ್ರಭಾವ ವಿಸ್ತರಿಸುವ ಯೋಜನೆ ರೂಪಿಸಿದೆ ಎಂದು ರಾಜಕೀಯ ವಿಶ್ಲೇಷಕರು ಹೇಳುತ್ತಾರೆ.

"ಚೀನಾ-ರಷ್ಯಾದ ಸಂಬಂಧವು ಬೀಜಿಂಗ್‌ನ ನಿಯಮಗಳ ಮೇಲೆ ಅಭಿವೃದ್ಧಿ ಹೊಂದುತ್ತಿದೆ ಮತ್ತು ಅದನ್ನು ಒಪ್ಪಿಕೊಳ್ಳುವುದನ್ನು ಬಿಟ್ಟು ಪುಟಿನ್‌ಗೆ ಬೇರೆ ದಾರಿಯಿಲ್ಲ. ಅವರು ಈಗ ಕ್ಸಿ ಅವರ ಜೂನಿಯರ್ ಪಾಲುದಾರರಾಗಿದ್ದಾರೆ.." ಎಂದು ಪ್ರಖ್ಯಾತ ರಾಜಕೀಯ ವಿಶ್ಲೇಷಕ ವಿಟ್ಮೋರ್ ಹೇಳಿದ್ದಾರೆ.

"ರಷ್ಯಾ-ಚೀನಾ ಸಂಬಂಧ ಸ್ಪಷ್ಟವಾಗಿ ಅಸಮಾನವಾಗಿದೆ. ಚೀನಾದ ಆರ್ಥಿಕತೆಯು ರಷ್ಯಾಕ್ಕಿಂತ 10 ಪಟ್ಟು ದೊಡ್ಡದಾಗಿದೆ. ಬೀಜಿಂಗ್‌ ಮೇಲೆ ಮಾಸ್ಕೋದ ಅವಲಂಬನೆಯು ವೇಗವಾಗಿ ಬೆಳೆಯುತ್ತಿದೆ. ರಷ್ಯಾವನ್ನು ತನ್ನ ಅಧೀನ ರಾಷ್ಟ್ರವನ್ನಾಗಿ ಮಾಡಿಕೊಳ್ಳಲು ಚೀನಾಗೆ ಇದು ಸೂಕ್ತ ಕಾಲ ಎಂದು ವಿಟ್ಮೋರ್ ಅಭಿಪ್ರಾಯಪಟ್ಟಿದ್ದಾರೆ.

ರಷ್ಯಾ-ಭಾರತ ಸಂಬಂಧಕ್ಕೆ ಧಕ್ಕೆ:

ತನ್ನ ಸಾಂಪ್ರದಾಯಿಕ ಶತ್ರು ಚೀನಾದೊಂದಿಗೆ ರಷ್ಯಾ ಸಂಬಂಧ ಬೆಳೆಸುತ್ತಿರುವುದು, ಸಹಜವಾಗಿ ಭಾರತದ ಆತಂಕಕ್ಕೆ ಕಾರಣವಾಗಿದೆ. ಆದರೆ ಕ್ಸಿ ಜಿನ್‌ಪಿಂಗ್‌ ಅವರ ಮಾಸ್ಕೋ ಭೇಟಿಯಿಂದ, ರಷ್ಯಾ-ಭಾರತದ ನಡುವಿನ ಸಂಬಂಧಕ್ಕೆ ಯಾವುದೇ ಧಕ್ಕೆ ಇಲ್ಲ ಎಂದು ರಷ್ಯಾದ ರಾಯಭಾರ ಅಧಿಕಾರಿಗಳು ಸ್ಪಷ್ಟಪಡಿಸಿದ್ದಾರೆ.

ಚೀನಾ ಅಧ್ಯಕ್ಷ ಕ್ಸಿ ಜಿನ್‌ಪಿಂಗ್‌ ಅವರ ರಷ್ಯಾ ಪ್ರವಾಸ ಜಾಗತಿಕವಾಗಿ ಚರ್ಚೆಗೆ ಒಳಪಟ್ಟಿದೆ. ರಷ್ಯಾ-ಚೀನಾ ದೇಶಗಳ ನಡುವೆ ಬೆಳೆಯುತ್ತಿರುವ ಅಸಮಾನ್ಯ ಮೈತ್ರಿಯ ಕುರಿತು ಜಗತ್ತು ಈಗ ಹೆಚ್ಚು ಚಿಂತಿಸುವಂತಾಗಿದೆ. ಚೀನಾದ ಮೇಲಿನ ರಷ್ಯಾದ ಅವಲಂಬನೆಯ ಗ್ರಹಿಕೆ ಗಾಢವಾಗುತ್ತಿರುವುದು ಅಂತಾರಾಷ್ಟ್ರೀಯ ರಾಜಕೀಯ ವಿಶ್ಲೇಷಕರ ಗಮನ ಸೆಳೆದಿದೆ. ಈ ಕುರಿತು ಇಲ್ಲಿದೆ ಮಾಹಿತಿ..

Earth At Night: ಇರುಳಿನ ಮಡಿಲಿಗೆ ಒರಗಿದ ವಸುಧೆ: ಕಾರ್ಗತ್ತಲಿನಲ್ಲೂ ಬೆಳಗುವ ಭವ್ಯ ಭಾರತ ನಿಮಗೆ ಕಾಣುವುದೇ?

Earth

ವಾಷಿಂಗ್ಟನ್:‌ ಸಕಲ ಜೀವ ರಾಶಿಗಳನ್ನು ಸಲುಹುತ್ತಿರುವ ಭೂಮಿ ಕೇವಲ ನಮ್ಮ ಸೌರವವ್ಯೂಹದ ವಿಶಿಷ್ಟ ಗ್ರಹ ಮಾತ್ರವಲ್ಲ, ಗೋಚರ ಬ್ರಹ್ಮಾಂಡದಲ್ಲೇ ಇದುವರೆಗೂ ಪತ್ತೆಹಚ್ಚಿರುವ ಜೀವ ಸಂಕುಲದ ಅಸ್ತಿತ್ವ ಹೊಂದಿರುವ ಏಕೈಕ ಗ್ರಹ. ತನ್ನ ಅಕ್ಷದ ಮೇಲೆ ಒಂದು ಸುತ್ತು ಸುತ್ತಲು 24 ಗಂಟೆಗಳ ಅವಧಿ ತೆಗೆದುಕೊಳ್ಳುವ ವಸುಧೆ, ತನ್ನ ಅರ್ಧ ಪಾರ್ಶ್ಚವನ್ನು ಸೂರ್ಯ ರಶ್ಮಿಗೆ ಸಮರ್ಪಿಸಿದರೆ, ಇನ್ನರ್ಧ ಭಾಗವನ್ನು ಇರುಳಿನ ಮಡಿಲಿಗೆ ಸಮರ್ಪಿಸುತ್ತಾಳೆ.

ಭೂಮಿಯನ್ನು ಬಾಹ್ಯಾಕಾಶದಿಂದ ನೋಡುವ ಸಾಮರ್ಥ್ಯ ಪಡೆದಿರುವ ಆಧುನಿಕ ಮಾನವ, ವಸುಧೆಯ ಬೆಳಗಿನ ವೈಭವ ಮಾತ್ರವಲ್ಲದೇ ಇರುಳಿನ ಸೊಬಗನ್ನೂ ಏಕಕಾಲದಲ್ಲಿ ಸವಿಯಬಲ್ಲ. ಅದರಂತೆ ಅಮೆರಿಕದ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ ನಾಸಾ, ಕತ್ತಲು ಆವರಿಸಿದ ಭೂಮಿಯ ಅದ್ಭುತ ಛಾಯಾಚಿತ್ರವೊಂದನ್ನು ತನ್ನ ಅಧಿಕೃತ ಇನ್ಸ್ಟಾಗ್ರಾಮ್‌ ಪೇಜ್‌ನಲ್ಲಿ ಹಂಚಿಕೊಂಡಿದೆ.

ನಮ್ಮ ಗ್ರಹದಾದ್ಯಂತ ಮಾನವ ವಸಾಹತು ಮಾದರಿಗಳ ಸ್ಪಷ್ಟ ನೋಟವನ್ನು ಒದಗಿಸುವ ನಾಸಾದ ಈ ಚಿತ್ರ, ಸಾಮಾಜಿಕ ಜಾಲತಾಣಗಳಲ್ಲಿ ಈಗಾಗಲೇ ಭಾರೀ ಸದ್ದು ಮಾಡುತ್ತಿದೆ. ಭೂಮಿಯ ಮೇಲಿನ ಅತ್ಯಂತ ಬುದ್ಧಿವಂತ ಪ್ರಾಣಿಯಾದ ಮಾನವ, ತನ್ನ ಬುದ್ಧಿಶಕ್ತಿಯಿಂದ ಈ ಗ್ರಹವನ್ನು ಹೇಗೆ ರೂಪಿಸಿದ್ದಾನೆ ಎಂಬುದಕ್ಕೆ ನಾಸಾದ ಈ ಚಿತ್ರ ಸಾಕ್ಷಿಯಾಗಿದೆ.

2016ರಲ್ಲೇ ಕ್ಲಿಕ್ಕಿಸಿದ ಭೂಮಿಯ ಕತ್ತಲು ಭಾಗದ ಈ ಅದ್ಭುತ ಚಿತ್ರದಲ್ಲಿ, ತಿಳಿ ನೀಲಿ ಬಣ್ಣದಲ್ಲಿ ಹೊಳೆಯುತ್ತಿರುವ ಭೂಮಿಯ ಬಾಹ್ಯ ರೇಖೆಯನ್ನು ಸ್ಪಷ್ಟವಾಗಿ ಗುರುತಿಸಬಹುದು. ಯುರೋಪ್ ಮತ್ತು ಉತ್ತರ ಆಫ್ರಿಕಾದ ನಗರಗಳು ಹೇಗೆ ಕಾರ್ಗತ್ತಲಿನಲ್ಲೂ ವಿದ್ಯುತ್‌ ದೀಪಗಳಿಂದ ಬೆಳಗುತ್ತಿವೆ ಎಂಬುದನ್ನು ನಾವು ಈ ಚಿತ್ರದಲ್ಲಿ ನೋಡಬಹುದಾಗಿದೆ.

<blockquote class="instagram-media" data-instgrm-captioned data-instgrm-permalink="https://www.instagram.com/p/CqGnEhlpKJT/?utm_source=ig_embed&amp;utm_campaign=loading" data-instgrm-version="14" style=" background:#FFF; border:0; border-radius:3px; box-shadow:0 0 1px 0 rgba(0,0,0,0.5),0 1px 10px 0 rgba(0,0,0,0.15); margin: 1px; max-width:540px; min-width:326px; padding:0; width:99.375%; width:-webkit-calc(100% - 2px); width:calc(100% - 2px);"><div style="padding:16px;"> <a href="https://www.instagram.com/p/CqGnEhlpKJT/?utm_source=ig_embed&amp;utm_campaign=loading" style=" background:#FFFFFF; line-height:0; padding:0 0; text-align:center; text-decoration:none; width:100%;" target="_blank"> <div style=" display: flex; flex-direction: row; align-items: center;"> <div style="background-color: #F4F4F4; border-radius: 50%; flex-grow: 0; height: 40px; margin-right: 14px; width: 40px;"></div> <div style="display: flex; flex-direction: column; flex-grow: 1; justify-content: center;"> <div style=" background-color: #F4F4F4; border-radius: 4px; flex-grow: 0; height: 14px; margin-bottom: 6px; width: 100px;"></div> <div style=" background-color: #F4F4F4; border-radius: 4px; flex-grow: 0; height: 14px; width: 60px;"></div></div></div><div style="padding: 19% 0;"></div> <div style="display:block; height:50px; margin:0 auto 12px; width:50px;"><svg width="50px" height="50px" viewBox="0 0 60 60" version="1.1" xmlns="https://www.w3.org/2000/svg" xmlns:xlink="https://www.w3.org/1999/xlink"><g stroke="none" stroke-width="1" fill="none" fill-rule="evenodd"><g transform="translate(-511.000000, -20.000000)" fill="#000000"><g><path d="M556.869,30.41 C554.814,30.41 553.148,32.076 553.148,34.131 C553.148,36.186 554.814,37.852 556.869,37.852 C558.924,37.852 560.59,36.186 560.59,34.131 C560.59,32.076 558.924,30.41 556.869,30.41 M541,60.657 C535.114,60.657 530.342,55.887 530.342,50 C530.342,44.114 535.114,39.342 541,39.342 C546.887,39.342 551.658,44.114 551.658,50 C551.658,55.887 546.887,60.657 541,60.657 M541,33.886 C532.1,33.886 524.886,41.1 524.886,50 C524.886,58.899 532.1,66.113 541,66.113 C549.9,66.113 557.115,58.899 557.115,50 C557.115,41.1 549.9,33.886 541,33.886 M565.378,62.101 C565.244,65.022 564.756,66.606 564.346,67.663 C563.803,69.06 563.154,70.057 562.106,71.106 C561.058,72.155 560.06,72.803 558.662,73.347 C557.607,73.757 556.021,74.244 553.102,74.378 C549.944,74.521 548.997,74.552 541,74.552 C533.003,74.552 532.056,74.521 528.898,74.378 C525.979,74.244 524.393,73.757 523.338,73.347 C521.94,72.803 520.942,72.155 519.894,71.106 C518.846,70.057 518.197,69.06 517.654,67.663 C517.244,66.606 516.755,65.022 516.623,62.101 C516.479,58.943 516.448,57.996 516.448,50 C516.448,42.003 516.479,41.056 516.623,37.899 C516.755,34.978 517.244,33.391 517.654,32.338 C518.197,30.938 518.846,29.942 519.894,28.894 C520.942,27.846 521.94,27.196 523.338,26.654 C524.393,26.244 525.979,25.756 528.898,25.623 C532.057,25.479 533.004,25.448 541,25.448 C548.997,25.448 549.943,25.479 553.102,25.623 C556.021,25.756 557.607,26.244 558.662,26.654 C560.06,27.196 561.058,27.846 562.106,28.894 C563.154,29.942 563.803,30.938 564.346,32.338 C564.756,33.391 565.244,34.978 565.378,37.899 C565.522,41.056 565.552,42.003 565.552,50 C565.552,57.996 565.522,58.943 565.378,62.101 M570.82,37.631 C570.674,34.438 570.167,32.258 569.425,30.349 C568.659,28.377 567.633,26.702 565.965,25.035 C564.297,23.368 562.623,22.342 560.652,21.575 C558.743,20.834 556.562,20.326 553.369,20.18 C550.169,20.033 549.148,20 541,20 C532.853,20 531.831,20.033 528.631,20.18 C525.438,20.326 523.257,20.834 521.349,21.575 C519.376,22.342 517.703,23.368 516.035,25.035 C514.368,26.702 513.342,28.377 512.574,30.349 C511.834,32.258 511.326,34.438 511.181,37.631 C511.035,40.831 511,41.851 511,50 C511,58.147 511.035,59.17 511.181,62.369 C511.326,65.562 511.834,67.743 512.574,69.651 C513.342,71.625 514.368,73.296 516.035,74.965 C517.703,76.634 519.376,77.658 521.349,78.425 C523.257,79.167 525.438,79.673 528.631,79.82 C531.831,79.965 532.853,80.001 541,80.001 C549.148,80.001 550.169,79.965 553.369,79.82 C556.562,79.673 558.743,79.167 560.652,78.425 C562.623,77.658 564.297,76.634 565.965,74.965 C567.633,73.296 568.659,71.625 569.425,69.651 C570.167,67.743 570.674,65.562 570.82,62.369 C570.966,59.17 571,58.147 571,50 C571,41.851 570.966,40.831 570.82,37.631"></path></g></g></g></svg></div><div style="padding-top: 8px;"> <div style=" color:#3897f0; font-family:Arial,sans-serif; font-size:14px; font-style:normal; font-weight:550; line-height:18px;">View this post on Instagram</div></div><div style="padding: 12.5% 0;"></div> <div style="display: flex; flex-direction: row; margin-bottom: 14px; align-items: center;"><div> <div style="background-color: #F4F4F4; border-radius: 50%; height: 12.5px; width: 12.5px; transform: translateX(0px) translateY(7px);"></div> <div style="background-color: #F4F4F4; height: 12.5px; transform: rotate(-45deg) translateX(3px) translateY(1px); width: 12.5px; flex-grow: 0; margin-right: 14px; margin-left: 2px;"></div> <div style="background-color: #F4F4F4; border-radius: 50%; height: 12.5px; width: 12.5px; transform: translateX(9px) translateY(-18px);"></div></div><div style="margin-left: 8px;"> <div style=" background-color: #F4F4F4; border-radius: 50%; flex-grow: 0; height: 20px; width: 20px;"></div> <div style=" width: 0; height: 0; border-top: 2px solid transparent; border-left: 6px solid #f4f4f4; border-bottom: 2px solid transparent; transform: translateX(16px) translateY(-4px) rotate(30deg)"></div></div><div style="margin-left: auto;"> <div style=" width: 0px; border-top: 8px solid #F4F4F4; border-right: 8px solid transparent; transform: translateY(16px);"></div> <div style=" background-color: #F4F4F4; flex-grow: 0; height: 12px; width: 16px; transform: translateY(-4px);"></div> <div style=" width: 0; height: 0; border-top: 8px solid #F4F4F4; border-left: 8px solid transparent; transform: translateY(-4px) translateX(8px);"></div></div></div> <div style="display: flex; flex-direction: column; flex-grow: 1; justify-content: center; margin-bottom: 24px;"> <div style=" background-color: #F4F4F4; border-radius: 4px; flex-grow: 0; height: 14px; margin-bottom: 6px; width: 224px;"></div> <div style=" background-color: #F4F4F4; border-radius: 4px; flex-grow: 0; height: 14px; width: 144px;"></div></div></a><p style=" color:#c9c8cd; font-family:Arial,sans-serif; font-size:14px; line-height:17px; margin-bottom:0; margin-top:8px; overflow:hidden; padding:8px 0 7px; text-align:center; text-overflow:ellipsis; white-space:nowrap;"><a href="https://www.instagram.com/p/CqGnEhlpKJT/?utm_source=ig_embed&amp;utm_campaign=loading" style=" color:#c9c8cd; font-family:Arial,sans-serif; font-size:14px; font-style:normal; font-weight:normal; line-height:17px; text-decoration:none;" target="_blank">A post shared by NASA (@nasa)</a></div></blockquote> <script async src="//www.instagram.com/embed.js"></script>

ನಾಸಾ ಹಂಚಿಕೊಂಡ ಈ ಅಪರೂಪದ ಛಾಯಾಚಿತ್ರದಲ್ಲಿ ಭಾರತವನ್ನು ಕೂಡ ಸ್ಪಷ್ಟವಾಗಿ ಗುರುತಿಸಬಹುದಾಗಿದ್ದು, ಕತ್ತಲ ರಾತ್ರಿಯಲ್ಲಿ ಪ್ರಕಾಶಮಾನವಾಗಿ ಹೊಳೆಯುವ ಏಕೈಕ ದೇಶವೆಂದರೆ ಅದು ಭಾರತ ಮಾತ್ರ ಎಂದು ಬಹುತೇಕ ನೆಟ್ಟಿಗರು ತಮ್ಮ ಅಭಿಪ್ರಾಯ ಹೊರಹಾಕಿದ್ದಾರೆ.

ಈ ಕುರಿತು ಪ್ರತಿಕ್ರಿಯೆ ನೀಡಿರುವ ನಾಸಾದ ಮಾಜಿ ವಿಜ್ಞಾನಿ ಮಿಗುಯೆಲ್ ರೋಮನ್, ನಗರೀಕರಣ, ಆರ್ಥಿಕ ಬದಲಾವಣೆಗಳು ಮತ್ತು ವಿದ್ಯುದೀಕರಣದ ಮೂಲಕ ಕಾಲಾನುಕ್ರಮದಲ್ಲಿ ನಡೆದ ಬದಲಾವಣೆಗಳನ್ನು ನಾವು ಮೇಲ್ವಿಚಾರಣೆ ಮಾಡಬಹುದು ಎಂದು ಹೇಳಿದ್ದಾರೆ. ಮಾನವ ತನ್ನ ಬುದ್ಧಿಮತ್ತೆಯಿಂದ ಭೂಮಿಯನ್ನು ಹೇಗೆ ರೂಪಿಸಿದ್ದಾನೆ ಮತ್ತು ಅದರ ಸ್ವರೂಪದ ಅಮೂಲಾಗ್ರ ಬದಲಾವಣೆಗೆ ಹೇಗೆ ಕಾರಣೀಭೂತನಾಗಿದ್ದಾನೆ ಎಂಬುದನ್ನು ಈ ಚಿತ್ರದ ಮೂಲಕ ತಿಳಿದುಕೊಳ್ಳಬಹುದು ಎಂದು ರೋಮನ್‌ ಅಭಿಪ್ರಾಯಪಟ್ಟಿದ್ದಾರೆ.

ನಾಸಾ ತನ್ನ ಅಧಿಕೃತ ಇನ್ಸ್ಟಾಗ್ರಾಮ್‌ ಪೇಜ್‌ನಲ್ಲಿ ಹಂಚಿಕೊಂಡ ಭೂಮಿಯ ಇರುಳಿನ ಭಾಗದ ಈ ಫೋಟೋವನ್ನು, ಕೇವಲ ಒಂದು ದಿನದಲ್ಲಿ ಹತ್ತು ಲಕ್ಷಕ್ಕೂ ಅಧಿಕ ಜನ ವೀಕ್ಷಿಸಿದ್ದಾರೆ. ಬ್ರಹ್ಮಾಂಡದ ಈ ಅಪರೂಪದ 'ನೀಲಿ ವಜ್ರ' ನಮ್ಮ ಮನೆ ಎಂದು ಹೇಳಿಕೊಳ್ಳುವುದಕ್ಕೆ ಹೆಮ್ಮೆ ಎನಿಸುತ್ತದೆ ಎಂದು ನೆಟ್ಟಿಗರು ಕಾಮೆಂಟ್‌ ಮಾಡಿದ್ದಾರೆ.

<h3>ಸಂಬಂಧಿತ ಸುದ್ದಿ</h3><h2><a class="manualbacklink" target="_blank" href="https://kannada.hindustantimes.com/nation-and-world/earths-rotation-day-january-8-2023-history-and-interesting-facts-what-will-happen-earth-stop-rotating-181673138392735.html">Earth's Rotation Day: ಇಂದು ಭೂಮಿ ತಿರುಗುವ ದಿನ, ಭೂಮಿ ತನ್ನ ಕಕ್ಷೆಯಲ್ಲಿ ತಿರುಗುವುದನ್ನು ನಿಲ್ಲಿಸಿದರೆ ಏನಾಗಬಹುದು?</a></h2>ಇಂದು ಭೂಮಿಯ ತಿರುಗುವಿಕೆ ದಿನ (Earth's Rotation Day). ಪ್ರತಿವರ್ಷ ಜನವರಿ 8ರಂದು ಜಗತ್ತಿನಾದ್ಯಂತ ಭೂಮಿಯ ಚಲನೆ ದಿನ, ಭೂಮಿಯ ತಿರುಗುವಿಕೆ ದಿನವಾಗಿ ಆಚರಿಸಲಾಗುತ್ತದೆ. ಪ್ರತಿದಿನದಂತೆ ಈ ದಿನವೂ ತನ್ನ ಕಕ್ಷೆಯಲ್ಲಿ ಭೂಮಿ ಸಹಜವಾಗಿ ತಿರುಗುತ್ತಿದೆ. ಹೀಗಿದ್ದರೂ, ಈ ದಿನವನ್ನು ಏಕೆ ಭೂಮಿಯ ಚಲನೆ ದಿನವಾಗ ಆಚರಿಸಲಾಗುತ್ತದೆ? ಎಂಬ ಮಾಹಿತಿಯೊಂದಿಗೆ ಭೂಮಿ ತನ್ನ ಕಕ್ಷೆಯಲ್ಲಿ ಸುತ್ತುವುದನ್ನು ನಿಲ್ಲಿಸಿದರೆ ಏನಾಗಬಹುದು ಎಂಬ ಮಾಹಿತಿಯೂ ಇಲ್ಲಿದೆ. ಈ ಕುರಿತು ಹೆಚ್ಚಿನ ಮಾಹಿತಿಗೆ ಇಲ್ಲಿ <a class="manualbacklink" target="_blank" href="https://kannada.hindustantimes.com/nation-and-world/earths-rotation-day-january-8-2023-history-and-interesting-facts-what-will-happen-earth-stop-rotating-181673138392735.html">ಕ್ಲಿಕ್ಕಿಸಿ.</a>

ಅಮೆರಿಕದ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ ನಾಸಾ, ಕತ್ತಲು ಆವರಿಸಿದ ಭೂಮಿಯ ಅದ್ಭುತ ಛಾಯಾಚಿತ್ರವೊಂದನ್ನು ತನ್ನ ಅಧಿಕೃತ ಇನ್ಸ್ಟಾಗ್ರಾಮ್‌ ಪೇಜ್‌ನಲ್ಲಿ ಹಂಚಿಕೊಂಡಿದೆ. ನಮ್ಮ ಗ್ರಹದಾದ್ಯಂತ ಮಾನವ ವಸಾಹತು ಮಾದರಿಗಳ ಸ್ಪಷ್ಟ ನೋಟವನ್ನು ಒದಗಿಸುವ ನಾಸಾದ ಈ ಚಿತ್ರ, ಸಾಮಾಜಿಕ ಜಾಲತಾಣಗಳಲ್ಲಿ ಈಗಾಗಲೇ ಭಾರೀ ಸದ್ದು ಮಾಡುತ್ತಿದೆ. ಈ ಕುರಿತು ಇಲ್ಲಿದೆ ಮಾಹಿತಿ..

Nikhil Kulkarni