4NB, 4NB, 0NB, 0, 4NB, 0NB, 4; ಭಾರತದ ಈ ಬ್ಯಾಟರ್ಗೆ ಭಯ ಬಿದ್ದು 2 ಬಾಲ್ಗೆ 21 ರನ್ ನೀಡಿದ್ದ ಪಾಕ್ ಬೌಲರ್
ಭಾರತ ತಂಡದ ವೀರೇಂದ್ರ ಸೆಹ್ವಾಗ್ ಅವರಿಗೆ ಭಯ ಬಿದ್ದು ಪಾಕಿಸ್ತಾನದ ಈ ಬೌಲರ್ ಕೇವಲ 2 ಎಸೆತಗಳಿಗೆ ಗೆ 21 ರನ್ ನೀಡಿದ್ದರು. ಇದು ಕ್ರಿಕೆಟ್ ಜಗತ್ತಿನ ಅತ್ಯಂತ ಕೆಟ್ಟ ಓವರ್.
ಕ್ರಿಸ್ ಗೇಲ್, ಎಬಿ ಡಿವಿಲಿಯರ್ಸ್, ವೀರೇಂದ್ರ ಸೆಹ್ವಾಗ್, ಯುವರಾಜ್ ಸಿಂಗ್, ಆ್ಯಡಂ ಗಿಲ್‌ಕ್ರಿಸ್ಟ್... ಹೀಗೆ ಕ್ರಿಕೆಟ್ ಲೋಕದಲ್ಲಿ ವಿಧ್ವಂಸಕ ಬ್ಯಾಟ್ಸ್ಮನ್ಗಳ ಪಟ್ಟಿ ಹೇಳುತ್ತಾ ಹೋದಂತೆಲ್ಲಾ ದೊಡ್ಡದೇ ಇದೆ. ಆದರೆ ಭಾರತೀಯ ಆಟಗಾರರ ವಿಷಯದಲ್ಲಿ ಈ ಪಟ್ಟಿಯಲ್ಲಿ ಮೊದಲಿಗರು ವೀರೇಂದ್ರ ಸೆಹ್ವಾಗ್. ಬೌಲರ್ ಯಾರೇ ಆಗಿರಲಿ, ಯಾವುದೇ ಓವರ್ ಆಗಿರಲಿ, ಮೊದಲ ಎಸೆತದಲ್ಲೇ ಸಿಕ್ಸರ್ ಹೊಡೆಯುವುದು ಸೆಹ್ವಾಗ್ ಅವರ ಶೈಲಿ.
ಹೀಗೆ ಅಬ್ಬರಿಸುವ ಮೂಲಕ ಎದುರಾಳಿ ಬೌಲರ್ಗಳನ್ನು ಹೆದರಿಸುತ್ತಿದ್ದರು. 2000ರ ದಶಕದಲ್ಲಿ ಪಾಕಿಸ್ತಾನದ ಬೌಲರ್ಗೆ ನರಕ ತೋರಿಸಿದ್ದ. ಪಾಕಿಸ್ತಾನಿ ಬೌಲರ್ ರಾಣಾ ನವೀದ್-ಉಲ್-ಹುಸೇನ್ಗೆ ಸೆಹ್ವಾಗ್ ನೈಟ್ಮೇರ್ ಆಗಿದ್ದ. ಅಂದು ಸೆಹ್ವಾಗ್ಗೆ ಭಯಬಿದ್ದು ಕೇವಲ ಎರಡು ಎಸೆತಗಳಿಗೆ ಆ ಬೌಲರ್ 21 ರನ್ ಬಿಟ್ಟುಕೊಟ್ಟಿದ್ದ. ಇಷ್ಟಕ್ಕೂ ಆ ಓವರ್ ಏನಾಗಿತ್ತು? ಆ ಪಂದ್ಯದ ಹೈಲೈಟ್ಸ್ ಏನೆಂದು ತಿಳಿಯೋಣ.
ಹೇಗಿತ್ತು ಆ ಓವರ್?
ಈ ಪಂದ್ಯ ಸರಿಯಾಗಿ 17 ವರ್ಷಗಳ ಹಿಂದೆ ನಡೆದಿತ್ತು. ಭಾರತ ಮತ್ತು ಪಾಕಿಸ್ತಾನ ನಡುವಿನ ದ್ವಿಪಕ್ಷೀಯ ಸರಣಿಯ ಭಾಗವಾಗಿ 2004ರ ಮಾರ್ಚ್ 13ರಂದು ಈ ಏಕದಿನ ನಡೆದಿತ್ತು. ಆ ಪಂದ್ಯದ ಇನ್ನಿಂಗ್ಸ್‌ನ 11ನೇ ಓವರ್‌ನಲ್ಲಿ ರಾಣಾ ಬೌಲಿಂಗ್ ಮಾಡಿದರು. ಆಗಲೇ ಬಿರುಸಿನ ಬ್ಯಾಟಿಂಗ್ ನಡೆಸುವ ಮೂಲಕ ಬೌಲರ್ಗಳಿಗೆ ಬೆಂಡೆತ್ತುತ್ತಿದ್ದ ಸೆಹ್ವಾಗ್, ರಾಣಾ ಬೌಲಿಂಗ್ನಲ್ಲಿ ಬೌಂಡರಿಗಳ ಸುರಿಮಳೆಗೈದರು. ಇದರಿಂದ ಒತ್ತಡಕ್ಕೊಳಗಾದ ರಾಣಾ, ಮೊದಲ ಎಸೆತದಲ್ಲೇ ನೋ-ಬಾಲ್ ಎಸೆದರು. ಅದನ್ನು ಸೆಹ್ವಾಗ್ ಬೌಂಡರಿಗಟ್ಟಿದರು.
2ನೇ ಎಸೆತವೂ ನೋ ಬಾಲ್ ಆಗಿತ್ತು. ಮತ್ತೊಮ್ಮೆ ಫೋರ್ ಹೊಡೆದರು. ಮೂರನೇ ಎಸೆತವೂ ನೋ ಬಾಲ್ ಹಾಕಿದ. ಆದರೆ ಯಾವುದೇ ರನ್ ಬರಲಿಲ್ಲ. ನಾಲ್ಕನೇ ಎಸೆತ ಕಾನೂನುಬದ್ಧ ಎಸೆತವಾಗಿತ್ತು. ಆದರೆ ಐದನೇ ಎಸೆತದಲ್ಲಿ ಮತ್ತೆ ನೋ ಬಾಲ್ ಎಸೆದರು. ಸೆಹ್ವಾಗ್ ಅದಕ್ಕೂ ಬೌಂಡರಿ ಬಾರಿಸಿದರು. ಅದರ ಮರು ಅಂದರೆ 6ನೇ ಎಸೆತ ನೋ-ಬಾಲ್ ಆಗಿದ್ದರೂ, ಯಾವುದೇ ರನ್ ಬರಲಿಲ್ಲ. ಕೊನೆಗೆ, 2ನೇ ಕಾನೂನುಬದ್ಧ ಎಸೆತ ಎಸೆದಾಗ, ಸೆಹ್ವಾಗ್ ಆ ಚೆಂಡನ್ನು ಬೌಂಡರಿಗೆ ಹೊಡೆದರು. ಹೀಗೆ ಎರಡು ಎಸೆತಗಳಿಗೆ ಒಟ್ಟು 21 ರನ್ ಬಿಟ್ಟುಕೊಟ್ಟಿದ್ದರು.
ಕ್ರಿಕೆಟ್ ಜಗತ್ತಿನ ಅತ್ಯಂತ ಕೆಟ್ಟ ಓವರ್
ಇದರೊಂದಿಗೆ, ಆ ಓವರ್‌ನಲ್ಲಿ ಕೇವಲ ಎರಡು ಎಸೆತಗಳಲ್ಲಿ 21 ರನ್‌ಗಳು ಬಂದವು. ಸೆಹ್ವಾಗ್ 4NB, 4NB, 0NB, 0, 4NB, 0NB, 4 ರೂಪದಲ್ಲಿ 21 ರನ್ ಗಳಿಸಿದರು. ಏತನ್ಮಧ್ಯೆ, ವಿಶ್ಲೇಷಕರು ಹೇಳುವಂತೆ ಇದು ಕ್ರಿಕೆಟ್ ಜಗತ್ತಿನಲ್ಲಿ ಅತ್ಯಂತ ಕೆಟ್ಟ ಓವರ್ ಆಗಿದೆ. ಆ ಓವರ್‌ನ ಉಳಿದ ಎಸೆತಗಳಲ್ಲಿ ರಾಣಾ ಕೇವಲ ಮೂರು ರನ್‌ಗಳನ್ನು ಮಾತ್ರ ನೀಡಿದ್ದರು ಎಂಬುದು ಗಮನಾರ್ಹ.
Prasanna Kumar PN
