ಟಿ20ಐ ​ರ‍್ಯಾಂಕಿಂಗ್​​ ಪ್ರಕಟ; ಅಭಿಷೇಕ್ ಶರ್ಮಾ, ವರುಣ್ ಚಕ್ರವರ್ತಿಗೆ ಭರ್ಜರಿ ಬಡ್ತಿ, ಬರೋಬ್ಬರಿ 38 ಸ್ಥಾನ ಜಿಗಿದ ಯುವರಾಜ್ ಶಿಷ್ಯ
ಕನ್ನಡ ಸುದ್ದಿ  /  ಕ್ರಿಕೆಟ್  /  ಟಿ20ಐ ​ರ‍್ಯಾಂಕಿಂಗ್​​ ಪ್ರಕಟ; ಅಭಿಷೇಕ್ ಶರ್ಮಾ, ವರುಣ್ ಚಕ್ರವರ್ತಿಗೆ ಭರ್ಜರಿ ಬಡ್ತಿ, ಬರೋಬ್ಬರಿ 38 ಸ್ಥಾನ ಜಿಗಿದ ಯುವರಾಜ್ ಶಿಷ್ಯ

ಟಿ20ಐ ​ರ‍್ಯಾಂಕಿಂಗ್​​ ಪ್ರಕಟ; ಅಭಿಷೇಕ್ ಶರ್ಮಾ, ವರುಣ್ ಚಕ್ರವರ್ತಿಗೆ ಭರ್ಜರಿ ಬಡ್ತಿ, ಬರೋಬ್ಬರಿ 38 ಸ್ಥಾನ ಜಿಗಿದ ಯುವರಾಜ್ ಶಿಷ್ಯ

ICC mens T20I ranking: ಟಿ20ಐ ​ರ‍್ಯಾಂಕಿಂಗ್​​ ಪ್ರಕಟಗೊಂಡಿದ್ದು ಬ್ಯಾಟಿಂಗ್​ನಲ್ಲಿ ಅಭಿಷೇಕ್ ಶರ್ಮಾ, ಬೌಲಿಂಗ್​ನಲ್ಲಿ ವರುಣ್ ಚಕ್ರವರ್ತಿ ಭರ್ಜರಿ ಬಡ್ತಿ ಪಡೆದಿದ್ದಾರೆ. ಯುವರಾಜ್ ಶಿಷ್ಯ ಬರೋಬ್ಬರಿ 38 ಸ್ಥಾನ ಜಿಗಿದು 2ನೇ ಸ್ಥಾನಕ್ಕೇರಿದ್ದಾರೆ.

ಟಿ20ಐ ​ರ‍್ಯಾಂಕಿಂಗ್​​ ಪ್ರಕಟ; ಅಭಿಷೇಕ್ ಶರ್ಮಾ, ವರುಣ್ ಚಕ್ರವರ್ತಿಗೆ ಭರ್ಜರಿ ಬಡ್ತಿ, ಬರೋಬ್ಬರಿ 38 ಸ್ಥಾನ ಜಿಗಿದ ಯುವರಾಜ್ ಶಿಷ್ಯ
ಟಿ20ಐ ​ರ‍್ಯಾಂಕಿಂಗ್​​ ಪ್ರಕಟ; ಅಭಿಷೇಕ್ ಶರ್ಮಾ, ವರುಣ್ ಚಕ್ರವರ್ತಿಗೆ ಭರ್ಜರಿ ಬಡ್ತಿ, ಬರೋಬ್ಬರಿ 38 ಸ್ಥಾನ ಜಿಗಿದ ಯುವರಾಜ್ ಶಿಷ್ಯ

ಇಂಗ್ಲೆಂಡ್ ವಿರುದ್ಧದ 5 ಪಂದ್ಯಗಳ ಟಿ20ಐ ಸರಣಿಯಲ್ಲಿ ಭರ್ಜರಿ ಶತಕ ಸಹಿತ 279 ರನ್​ ಗಳಿಸಿ ಭಾರತ ತಂಡದ ಪರ ಸರಣಿಯೊಂದರಲ್ಲಿ ಅತ್ಯಧಿಕ ರನ್ ಕಲೆ ಹಾಕಿದ ಎರಡನೇ ಆಟಗಾರ ಎಂಬ ದಾಖಲೆ ನಿರ್ಮಿಸಿದ್ದ ಭಾರತದ ಆರಂಭಿಕ ಎಡಗೈ ಆಟಗಾರ ಅಭಿಷೇಕ್​ ಶರ್ಮಾ, ಇದೀಗ ಟಿ20ಐ ಪುರುಷರ ಬೌಲಿಂಗ್​ ರ‍್ಯಾಂಕಿಂಗ್​​ನಲ್ಲಿ ಅಮೋಘ ಬಡ್ತಿ ಪಡೆದಿದ್ದಾರೆ. ಸುನಾಮಿ ಸೃಷ್ಟಿಸಿದ್ದ ಯುವರಾಜ್ ಸಿಂಗ್ ಶಿಷ್ಯ, ಒಟ್ಟು 38 ಸ್ಥಾನ ಜಿಗಿದು ಐಸಿಸಿ ಟಿ20ಐ ರ‍್ಯಾಂಕಿಂಗ್​​ನಲ್ಲಿ ಎರಡನೇ ಸ್ಥಾನಕ್ಕೇರಿದ್ದಾರೆ.

ಪ್ರಕಟಗೊಂಡ ಐಸಿಸಿ ಟಿ20ಐ ಕ್ರಿಕೆಟ್​ನ ನೂತನ ಶ್ರೇಯಾಂಕದಲ್ಲಿ ಆಸ್ಟ್ರೇಲಿಯಾದ ಟ್ರಾವಿಸ್ ಹೆಡ್ ಅಗ್ರಸ್ಥಾನದಲ್ಲೇ ಮುಂದುವರೆದಿದ್ದಾರೆ. ಅಲ್ಲದೆ, ಟಾಪ್​​-5 ರ‍್ಯಾಂಕಿಂಗ್​​ನಲ್ಲಿ ಭಾರತ ತಂಡದವರೇ ಮೂವರು ಇರುವುದು ಮತ್ತೊಂದು ವಿಶೇಷ. ಅಭಿಷೇಕ್ 2ರಲ್ಲಿ ಸ್ಥಾನ ಪಡೆದಿದ್ದರೆ, ತಿಲಕ್ ವರ್ಮಾ 3 ಮತ್ತು ಸೂರ್ಯಕುಮಾರ್ ಯಾದವ್ 5ನೇ ಸ್ಥಾನ ಪಡೆದಿದ್ದಾರೆ. ಸೂರ್ಯ ಕಳೆದ 4 ಸರಣಿಗಳಿಂದ ನೀಡಿರುವ ಕಳಪೆ ಪ್ರದರ್ಶನದ ಹೊರತಾಗಿಯೂ ಅಗ್ರ 5ರಲ್ಲೇ ಸ್ಥಾನ ಭದ್ರಪಡಿಸಿಕೊಂಡಿದ್ದಾರೆ.

ಫೆಬ್ರವರಿ 2ರ ಭಾನುವಾರ ಮುಂಬೈನ ವಾಂಖೆಡೆ ಕ್ರೀಡಾಂಗಣದಲ್ಲಿ ಇಂಗ್ಲೆಂಡ್ ವಿರುದ್ಧ ಅಭಿಷೇಕ್, 54 ಎಸೆತಗಳಲ್ಲಿ 13 ಸಿಕ್ಸರ್​, 7 ಬೌಂಡರಿ ಸಹಿತ 135 ರನ್ ಚಚ್ಚಿದ್ದರು. 2ನೇ ಸ್ಥಾನಕ್ಕೆ ಜಿಗಿದಿರುವ ಭಾರತದ ಆಟಗಾರ 829 ರೇಟಿಂಗ್ ಹೊಂದಿದ್ದಾರೆ. ನಂಬರ್ ಸ್ಥಾನ ಪಡೆದಿರುವ ಟ್ರಾವಿಸ್ ಹೆಡ್ 855 ರೇಟಿಂಗ್ ಹೊಂದಿದ್ದಾರೆ. ಈ ಹಿಂದೆ 2ನೇ ಸ್ಥಾನದಲ್ಲಿದ್ದ ತಿಲಕ್ ವರ್ಮಾ ಒಂದು ಸ್ಥಾನ ಕುಸಿದು 803 ರೇಟಿಂಗ್‌ನೊಂದಿಗೆ 3ನೇ ಸ್ಥಾನದಲ್ಲಿದ್ದಾರೆ.

ಬೌಲಿಂಗ್ ವಿಭಾಗದಲ್ಲಿ ವರುಣ್​ಗೆ ಬಡ್ತಿ

ಭಾರತದ ಸ್ಪಿನ್ನರ್ ವರುಣ್ ಚಕ್ರವರ್ತಿ ಐಸಿಸಿ ಪುರುಷರ ಟಿ20ಐ ಬೌಲರ್‌ಗಳ ಶ್ರೇಯಾಂಕದಲ್ಲಿ 3 ಸ್ಥಾನ ಜಿಗಿತ ಕಂಡು 3ನೇ ಸ್ಥಾನಕ್ಕೆ ಜಿಗಿದಿದ್ದಾರೆ. ಇಂಗ್ಲೆಂಡ್ ವಿರುದ್ಧದ 5 ಪಂದ್ಯಗಳ ಸರಣಿಯಲ್ಲಿ ಅದ್ಭುತ ಪ್ರದರ್ಶನದ ಮೂಲಕ ಸರಣಿಶ್ರೇಷ್ಠ ಆಟಗಾರ ಪ್ರಶಸ್ತಿ ಗೆದ್ದುಕೊಂಡಿದ್ದ ವರುಣ್, 9.86ರ ಸರಾಸರಿಯಲ್ಲಿ 14 ವಿಕೆಟ್‌ಗಳನ್ನು ಕಬಳಿಸಿದ್ದರು. ಭಾರತದ ವಿರುದ್ಧ ಕಳಪೆ ಪ್ರದರ್ಶನ ನೀಡಿದ್ದ ಸ್ಪಿನ್ನರ್ ಆದಿಲ್ ರಶೀದ್ ನಂಬರ್​ 1 ಪಟ್ಟದಿಂದ ಕುಸಿದಿದ್ದಾರೆ. ಬದಲಾಗಿ ವೆಸ್ಟ್​ ಇಂಡಿಸ್​ನ ಅಕೇಲ್ ಹೊಸೈನ್ ಅಗ್ರಸ್ಥಾನಕ್ಕೇರಿದ್ದಾರೆ.

ಟಿ20ಐ ಬ್ಯಾಟರ್​ಗಳ ಶ್ರೇಯಾಂಕ

1. ಟ್ರಾವಿಸ್ ಹೆಡ್ - 855

2. ಅಭಿಷೇಕ್ ಶರ್ಮಾ - 829

3. ತಿಲಕ್ ವರ್ಮಾ - 803

4. ಫಿಲ್ ಸಾಲ್ಟ್ - 798

5. ಸೂರ್ಯಕುಮಾರ್ ಯಾದವ್ - 738

6. ಜೋಸ್ ಬಟ್ಲರ್ - 729

7. ಬಾಬರ್ ಅಜಮ್ - 712

8. ಪಾತುಮ್ ನಿಸ್ಸಂಕ - 707

9. ಮೊಹಮ್ಮದ್ ರಿಜ್ವಾನ್ - 704

10. ಕುಸಾಲ್ ಪೆರೆರಾ - 675

ಟಿ20ಐ ಬೌಲರ್​​ಗಳ ಶ್ರೇಯಾಂಕ

1. ಅಕೇಲ್ ಹೊಸೈನ್ - 707

2. ಆದಿಲ್ ರಶೀದ್ - 705

2. ವರುಣ್ ಚಕ್ರವರ್ತಿ - 705

4. ವನಿಂದು ಹಸರಂಗ - 698

5. ಆಡಮ್ ಜಂಪಾ - 694

6. ರವಿ ಬಿಷ್ಣೋಯ್ - 671

7. ಮಹೇಶ್ ತೀಕ್ಷಣ - 665

8. ರಶೀದ್ ಖಾನ್ - 664

9. ಅರ್ಷದೀಪ್ ಸಿಂಗ್ - 652

10. ಜೋಫ್ರಾ ಆರ್ಚರ್ - 649

Whats_app_banner