Asia Cup 2023:ಏಷ್ಯಾಕಪ್, ವಿಶ್ವಕಪ್ ಪಂದ್ಯಗಳನ್ನ ಮೊಬೈಲ್‌ನಲ್ಲಿ ಉಚಿತವಾಗಿ ನೋಡುವುದು ಹೇಗೆ
ಏಷ್ಯಾಕಪ್, ಐಸಿಸಿ ವಿಶ್ವಕಪ್ ಪಂದ್ಯಗಳನ್ನು ಮೊಬೈಲ್‌ನಲ್ಲಿ ಉಚಿತವಾಗಿ ನೋಡಬಹುದು. ಅದಕ್ಕಾಗಿ ಡಿಸ್ನಿ ಪ್ಲಸ್ ಹಾಟ್‌ಸ್ಟಾರ್ ಅವಕಾಶ ಕಲ್ಪಿಸಿದೆ. ಉಚಿತವಾಗಿ ಪಂದ್ಯಗಳನ್ನು ನೋಡಲು ಹೀಗೆ ಮಾಡಿ.
ಏಷ್ಯಾಕಪ್ (Asia Cup 2023) ಮತ್ತು ವಿಶ್ವಕಪ್‌ಗಾಗಿ (World Cup 2023) ಕಾತುರದಿಂದ ಕಾಯುತ್ತಿರುವ ಕ್ರಿಕೆಟ್ ಅಭಿಮಾನಿಗಳಿಗೆ ಡಿಸ್ನಿ ಪ್ಲಸ್ ಹಾಟ್‌ಸ್ಟಾರ್ (Disney+ Hotstar) ಗುಡ್‌ ನ್ಯೂಸ್ ನೀಡಿದೆ.
ಈ ಎರಡು ಮೆಗಾ ಟೂರ್ನಿಗಳ ಎಲ್ಲಾ ಪಂದ್ಯಗಳನ್ನು ಮೊಬೈಲ್‌ನಲ್ಲಿ ಉಚಿತವಾಗಿ ವೀಕ್ಷಿಸಬಹುದಾಗಿದೆ. ಕೆಲವು ವರ್ಷಗಳ ಹಿಂದೆ ಜಿಯೋ ಸಿನಿಮಾ (Jio Cinema) ಇದೇ ರೀತಿ ಐಪಿಎಲ್ (IPL) ಪಂದ್ಯಗಳನ್ನು ಉಚಿತವಾಗಿ ನೋಡುವ ಅವಕಾಶ ನೀಡಿತ್ತು. ಇದರಿಂದ ಜಿಯೋ ಸಿನಿಮಾ ವೇದಿಕೆಗೆ ಬರುವ ವಿಸಿಟ್ ಮಾಡುವ ಗ್ರಾಹಕರ ಸಂಖ್ಯೆ ದುಪ್ಪಟ್ಟಾಗಿತ್ತು.
ಜಿಯೋ ಹಾದಿಯಲ್ಲಿ ಡಿಸ್ನಿ ಹಾಟ್‌ಸ್ಟಾರ್
ಇದೀಗ ಹಾಟ್‌ಸ್ಟಾರ್ ಕೂಡ ಇದೇ ಹಾದಿಯಲ್ಲಿ ಸಾಗುತ್ತಿದೆ. ಆದರೆ ಏಷ್ಯಾಕಪ್ ಮತ್ತು ವಿಶ್ವಕಪ್ ಪಂದ್ಯಗಳನ್ನು ಮೊಬೈಲ್ ಆ್ಯಪ್‌ನಲ್ಲಿ ಮಾತ್ರ ಉಚಿತವಾಗಿ ವೀಕ್ಷಿಸಬಹುದಾಗಿದೆ. ನೀವು ಅದನ್ನು ಕಂಪ್ಯೂಟರ್‌ ಮತ್ತು ಟಿವಿ ಪರದೆಗಳಲ್ಲಿ ನೋಡಲು ಬಯಸಿದರೆ ಚಂದಾದಾರಿಕೆಯನ್ನು ಪಡೆದಿರಬೇಕು. ಈ ಲೆಕ್ಕಾಚಾರಕ್ಕಾಗಿ ನೀವು ಮೊಬೈಲ್‌ನಲ್ಲಿ ಉಚಿತವಾಗಿ ಏಷ್ಯಾಕಪ್ ಮತ್ತು ವಿಶ್ವಕಪ್ ಪಂದ್ಯಗಳನ್ನು ವೀಕ್ಷಿಸಬೇಕಾದರೆ ಡಿಸ್ನಿ ಪ್ಲಸ್ ಹಾಟ್‌ಸ್ಟಾರ್ ಮೊಬೈಲ್ ಅಪ್ಲಿಕೇಶನ್ ಅನ್ನು ಡೌನ್‌ಲೋಡ್ ಮಾಡಿಕೊಳ್ಳಬೇಕು.
ನೀವು ಅಪ್ಲಿಕ್ಲೇಶನ್ ಡೌನ್‌ಲೋಡ್ ಮಾಡಿಕೊಂಡ ನಂತರ ನಿಮ್ಮ ಮೊಬೈಲ್ ಸಂಖ್ಯೆಯನ್ನು ನೋಂದಾಯಿಸಬೇಕಾಗುತ್ತದೆ. ಆ ನಂತರ ಉಚಿತವಾಗಿ ಪಂದ್ಯಗಳನ್ನು ವೀಕ್ಷಿಸಬಹುದು. ಹಾಟ್‌ಸ್ಟಾರ್ ಇತ್ತೀಚೆಗಷ್ಟೇ ತಮಾಷೆಯ ಜಾಹೀರಾತು ಮೂಲಕ ಈ ಮಾಹಿತಿಯನ್ನು ಹಂಚಿಕೊಂಡಿತ್ತು. ಶಸ್ತ್ರ ಚಿಕಿತ್ಸೆ ಮಾಡಲು ಸಿದ್ಧವಾಗಿರುವ ವೈದ್ಯರಿಗೆ ಆತನ ಸ್ನೇಹಿತರು ಕರೆ ಮಾಡಿ ಸುಸ್ತಾಗುತ್ತಾನೆ. ಏಷ್ಯಾ ಕಪ್ ಪಂದ್ಯ ಬರುತ್ತಿದೆ ನಿಮ್ಮ ಹಾಟ್‌ ಸ್ಟಾರ್ ಯೂಸರ್ ನೇಮ್ ಮತ್ತು ಪಾಸ್‌ವರ್ಡ್ ಹೇಳುವಂತೆ ಆತನನ್ನು ಕೇಳುತ್ತಾರೆ.
ಈಗ ಎಲ್ಲಾ ಪಂದ್ಯಗಳನ್ನು ಉಚಿತವಾಗಿ ವೀಕ್ಷಿಸಬಹುದು ಎಂದು ಹೇಳುವ ವೈದ್ಯರ ಮಾತನ್ನು ಆತನ ಮತ್ತೊಬ್ಬ ಸ್ನೇಹಿತ ನಂಬುವುದಿಲ್ಲ. ಇದು ಕೇವಲ ಐದು ನಿಮಿಷಗಳು ಎಂದು ಹೇಳುತ್ತಾರೆ. ಶಸ್ತ್ರ ಚಿಕಿತ್ಸೆ ತಡವಾಗಿ ತಾಳ್ಮೆ ಕಳೆದುಕೊಂಡ ರೋಗಿ ಕೂಡ ಸಂಪೂರ್ಣ ಪಂದ್ಯವನ್ನು ಉಚಿತವಾಗಿ ವೀಕ್ಷಿಸಬಹುದು ಎಂದು ವೈದ್ಯರ ಗೆಳೆಯನಿಗೆ ಹೇಳಿದ್ದು ತಮಾಷೆಯಾಗಿದೆ.
ಈ ತಮಾಷೆಯ ವಿಡಿಯೊವನ್ನು ಸಾಮಾಜಿಕ ಮಾಧ್ಯಮದಲ್ಲಿ ಪೋಸ್ಟ್ ಮಾಡುವ ಮೂಲಕ ನೀವು ಎಲ್ಲಿಂದಲಾದರೂ ಯಾವುದೇ ಸಮಯದಲ್ಲಿ ಏಷ್ಯಾ ಕಪ್ ಮತ್ತು ವಿಶ್ವಕಪ್ ಪಂದ್ಯಗಳನ್ನು ಉಚಿತವಾಗಿ ವೀಕ್ಷಿಸಬಹುದು ಎಂದು ಹಾಟ್‌ಸ್ಟಾರ್ ಹೇಳಿದೆ.
