AUS vs NED ICC World Cup Highlights: 90 ರನ್‌ಗೆ ನೆದರ್ಲೆಂಡ್ಸ್‌ ಆಲೌಟ್;‌ 309 ರನ್‌ಗಳಿಂದ ಗೆದ್ದ ಆಸ್ಟ್ರೇಲಿಯಾ

Australia vs Netherlands World Cup 2023 Highlights:‌ ಆಸ್ಟ್ರೇಲಿಯಾ ತಂಡವು ವಿಶ್ವಕಪ್‌ನ 24ನೇ ಪಂದ್ಯದಲ್ಲಿ ನೆದರ್ಲೆಂಡ್ಸ್ ವಿರುದ್ಧ ಭರ್ಜರಿ ಜಯ ಸಾಧಿಸಿದೆ. ಆ ಮೂಲಕ ಸೆಮಿ ಫೈನಲ್‌ ಹಂತಕ್ಕೇರುವ ಆಸೆಯನ್ನು ಇನ್ನೂ ಉಳಿಸಿಕೊಂಡಿದೆ. ಆಸ್ಟ್ರೇಲಿಯಾ ಮತ್ತು ನೆದರ್ಲೆಂಡ್ಸ್ ಪಂದ್ಯದ ಹೈಲೈಟ್ಸ್ ಇಲ್ಲಿದೆ.‌

09.00 PM AUS vs NED ICC ODI World Cup Highlights: ಬಲಿಷ್ಠ ಕಾಂಗರೂಗಳಿಗೆ ನೆದರ್ಲೆಂಡ್ಸ್‌ ಸರಿಸಾಟಿಯಾಗಲಿಲ್ಲ. 309 ರನ್‌ಗಳಿಂದ ದಿಗ್ವಿಜಯ ಸಾಧಿಸುವ ಮೂಲಕ, ಆಸೀಸ್‌ ವಿಶ್ವಕಪ್‌ನಲ್ಲಿ ದಾಖಲೆಯ ಗೆಲುವು ಸಾಧಿಸಿದೆ. ಇಬ್ಬರು ಬ್ಯಾಟರ್‌ಗಳ ಅಬ್ಬರದಾಟದ ನಡುವೆ, ಜಂಪಾ ಸೇರಿದಂತೆ ಬೌಲರ್‌ಗಳ ಮಿಂಚಿನ ದಾಳಿ ತಂಡದ ಪ್ರಮುಖ ಗೆಲುವಿನಲ್ಲಿ ಪಾತ್ರ ವಹಿಸಿದೆ. ಗೆಲುವಿನ ಬಳಿ ಆಸೀಸ್‌ ಅಂಕಪಟ್ಟಿಯಲ್ಲಿ ನಾಲ್ಕನೇ ಸ್ಥಾನದಲ್ಲೇ ಉಳಿದಿದೆ. ಇಲ್ಲಿಗೆ ಇಂದಿನ ಲೈವ್‌ ಅಪ್ಡೇಟ್‌ ಮುಕ್ತಾಯಗೊಳಿಸುತ್ತಿದ್ದೇವೆ. ನಾಳೆ ವಿಶ್ವಕಪ್‌ನಲ್ಲಿ ಇಂಗ್ಲೆಂಡ್‌ ಮತ್ತು ಶ್ರೀಲಂಕಾ ತಂಡಗಳು ಮುಖಾಮುಖಿಯಾಗುತ್ತಿವೆ. ಮತ್ತೆ ಸಿಗೋಣ. ಶುಭರಾತ್ರಿ.

08.30 PM AUS vs NED ICC ODI World Cup Live Updates, NED 90 (21): ನೆದರರ್ಲೆಂಡ್ಸ್‌ ಕೇವಲ 90 ರನ್‌ಗಳಿಗೆ ಸರ್ವಪತನ ಕಂಡಿದೆ. ಅದು ಕೂಡಾ 21 ಓವರ್‌ಗಳಲ್ಲಿ. ಆಸ್ಟ್ರೇಲಿಯಾ ಭರ್ಜರಿ 309 ರನ್‌ಗಳಿಂದ ಗೆದ್ದು ಬೀಗಿದೆ. ವಿಶ್ವಕಪ್‌ ಇತಿಹಾಸದಲ್ಲೇ ರನ್‌ಗಳ ಅಂತರದಿಂದ ಇದು ಅತಿ ದೊಡ್ಡ ಗೆಲುವಾಗಿದೆ.

08.25 PM AUS vs NED ICC ODI World Cup Live Updates, NED 90/9 (20.5): ಆರ್ಯನ್‌ ದತ್‌ 1 ರನ್‌ ಗಳಿಸಿ ಔಟಾಗಿದ್ದಾರೆ.

08.15 PM AUS vs NED ICC ODI World Cup Live Updates, NED 86/8 (18.4): ನೆದರ್ಲೆಂಡ್ಸ್‌ ಸತತ ವಿಕೆಟ್‌ ಕಳೆದುಕೊಂಡು ಸಂಕಷ್ಟದಲ್ಲಿದೆ. ಲೋಗನ್ ವ್ಯಾನ್ ಬೀಕ್ ಮತ್ತು ರೋಲೋಫ್ ವ್ಯಾನ್ ಡೆರ್ ಮೆರ್ವೆ ಸತತ ಎರಡು ಎಸೆತಗಳಲ್ಲಿ ಜಂಪಾಗೆ ವಿಕೆಟ್‌ ಒಪ್ಪಿಸಿದ್ದಾರೆ.

08.05 PM AUS vs NED ICC ODI World Cup Live Updates, NED 84/6 (17.5): ತೇಜಾ ನಿಡಮನೂರು 14 ರನ್‌ ಗಳಿಸಿ ಔಟಾಗಿದ್ದಾರೆ. ನೆದರ್ಲೆಂಡ್ಸ್‌ ಪರ ಯಾರೊಬ್ಬರೂ ಕ್ರೀಸ್‌ಕಚ್ಚಿ ಆಡುತ್ತಿಲ್ಲ. ತಂಡದ ಮುಂದೆ ಇನ್ನೂ 300ಕ್ಕೂ ಆಧಿಕ ರನ್‌ ಗುರಿ ಇದೆ.

07.44 PM AUS vs NED ICC ODI World Cup Live Updates, NED 62/5 (13.2): ನೆದರ್ಲೆಂಡ್ಸ್‌ ಐದನೇ ವಿಕೆಟ್‌ ಕಳೆದುಕೊಂಡಿದೆ. ಬೌಂಡರಿ ಲೈನ್‌ ಬಳಿ ಡೇವಿಡ್‌ ವಾರ್ನರ್‌ ಅದ್ಭುತ‌ ಕ್ಯಾಚ್‌ ಹಿಡಿದು ಎನ್‌ಗೆಲ್‌ಬ್ರೆಕ್ಟ್ ವಿಕೆಟ್‌ ಪಪಡೆದಿದ್ದಾರೆ.

07.30 PM AUS vs NED ICC ODI World Cup Live Updates, NED 53/4 (10.5): ಡಚ್‌ ಬಳಗದ ನಾಲ್ಕನೇ ವಿಕೆಟ್‌ ಪತನವಾಗಿದೆ. ಬಾಸ್‌ ಡಿ ಲೀಡ್‌ 4 ರನ್‌ ಗಳಿಸಿ ಕಮಿನ್ಸ್‌ಗೆ ವಿಕೆಟ್‌ ಒಪ್ಪಿಸಿದ್ದಾರೆ.

07.20 PM AUS vs NED ICC ODI World Cup Live Updates, NED 47/3 (9.2): ನೆದರ್ಲೆಂಡ್ಸ್‌ ಮೂರನೇ ವಿಕೆಟ್‌ ಕಳೆದುಕೊಂಡಿದೆ. ಕಾಲಿನ್‌ ಅಕರ್ಮೆನ್‌ 10 ರನ್‌ ಗಳಿಸಿ ಹೇಜಲ್‌ವುಡ್‌ ಎಸೆತದಲ್ಲಿ ಎಲ್‌ಬಿಡಬ್ಲ್ಯೂ ಬಲೆಗೆ ಬಿದ್ದಾದ್ದಾರೆ.

07.05 PM AUS vs NED ICC ODI World Cup Live Updates, NED 37/2 (6): ರಕ್ಷಣಾತ್ಮಕ ಆಟವಾಡುತ್ತಿದ್ದ ವಿಕ್ರಮ್‌ಜಿತ್‌ ಸಿಂಗ್‌ 25 ರನ್‌ ಗಳಿಸಿ ರನೌಟ್‌ ಆಗಿದ್ದಾರೆ. ಗ್ಲೆನ್‌ ಮ್ಯಾಕ್ಸ್‌ವೆಲ್‌ ಡೈರೆಕ್ಟ್‌ ಹಿಟ್‌ಗೆ ಬಲಿಯಾಗಿದ್ದಾರೆ.

07.00 PM AUS vs NED ICC ODI World Cup Live Updates, NED 28/1 (4.5): 28 ರನ್‌ಗಳ ಜೊತೆಯಾಟದ ಬಳಿಕ ಮ್ಯಾಕ್ಸ್‌ ಓಡೌಟ್‌ 6 ರನ್‌ ಗಳಿಸಿ ಔಟಾಗಿದ್ದಾರೆ.

06.45 PM AUS vs NED ICC ODI World Cup Live Updates, NED 18/0 (2): ನೆದಲೆಂಡ್ಸ್‌ ತಂಡ ಚೇಸಿಂಗ್‌ ಆರಂಭಿಸಿದೆ. ವಿಕ್ರಮ್‌ಜಿತ್‌ ಸಿಂಗ್‌ ಮತ್ತು ಮ್ಯಾಕ್ಸ್‌ ಓ ಡೌಡ್‌ ವೇಗದ ಆಟಕ್ಕೆ ಮುಂದಾಗಿದ್ದಾರೆ.

06.05 PM AUS vs NED ICC ODI World Cup Live Updates, AUS 399/8 (50): ಆಸ್ಟ್ರೇಲಿಯಾ ತಂಡ ಬೃಹತ್ ಮೊತ್ತ ಕಲೆ ಹಾಕಿದೆ. ಆ ಮೂಲಕ ನೆದರ್ಲೆಂಡ್ಸ್‌ ತಂಡಕ್ಕೆ ಭರ್ಜರಿ ಗುರಿ ನೀಡಿದೆ.

Australia vs Netherlands World Cup 2023 Live Updates:‌ ಸತತ ಎರಡು ಸೋಲುಗಳು ಮತ್ತು ಸತತ ಎರಡು ಗೆಲುವುಗಳೊಂದಿಗೆ ಆಡಿರುವ ನಾಲ್ಕು ಪಂದ್ಯಗಳಿಂದ 4 ಅಂಕಗಳನ್ನು ಪಡೆದಿರುವ ಆಸ್ಟ್ರೇಲಿಯಾ ತಂಡ ಇಂದು ವಿಶ್ವಕಪ್‌ನ 24ನೇ ಪಂದ್ಯದಲ್ಲಿ ನೆದರ್ಲೆಂಡ್ಸ್ ತಂಡವನ್ನು ಎದುರಿಸುತ್ತಿದೆ. ಬಲಿಷ್ಠ ದಕ್ಷಿಣ ಆಫ್ರಿಕಾ ತಂಡವನ್ನೇ 38 ರನ್‌ಗಳಿಂದ ಮಣಿಸಿದ್ದ ನೆದರ್ಲೆಂಡ್ಸ್ ಪಡೆ ಆಸ್ಟ್ರೇಲಿಯಾಗೆ ಸೋಲುಣಿಸುವ ನಿರೀಕ್ಷೆಯಲ್ಲಿದೆ. ಆಸ್ಟ್ರೇಲಿಯಾ ಮತ್ತು ನೆದರ್ಲೆಂಡ್ಸ್ ಪಂದ್ಯದ ಲೈಪ್ ಅಪ್ಡೇಟ್‌ಗಳನ್ನು ಇಲ್ಲಿ ತಿಳಿಯಿರಿ.‌

06.05 PM AUS vs NED ICC ODI World Cup Live Updates, AUS 399/8 (50): ಆಸ್ಟ್ರೇಲಿಯಾ ತಂಡ ಬೃಹತ್ ಮೊತ್ತ ಕಲೆ ಹಾಕಿದೆ. ಆ ಮೂಲಕ ನೆದರ್ಲೆಂಡ್ಸ್‌ ತಂಡಕ್ಕೆ ಭರ್ಜರಿ ಗುರಿ ನೀಡಿದೆ.

|#+|

05.45 PM AUS vs NED ICC ODI World Cup Live Updates, AUS 389/6 (49): ಗ್ಲೆನ್‌ ಮ್ಯಾಕ್ಸ್‌ವೆಲ್‌ ವೇಗದ ಶತಕ ಸಿಡಿಸಿದ್ದಾರೆ. ಕೇವಲ 40 ಎಸೆತಗಳಲ್ಲಿ ಮೂರಂಕಿ ಗಳಿಸುವ ಮೂಲಕ ವಿಶ್ವಕಪ್‌ನಲ್ಲಿ ಅತಿ ವೇಗದ ಶತಕ ಸಿಡಿಸಿದ ದಾಖಲೆ ಮಾಡಿದ್ದಾರೆ.

05.45 PM AUS vs NED ICC ODI World Cup Live Updates, AUS 340/6 (47): ಮ್ಯಾಕ್ಸ್‌ವೆಲ್‌ ಸ್ಫೋಟಕ ಅರ್ಧಶತಕ ಸಿಡಿಸಿದ್ದಾರೆ. ತಂಡದ ಮೊತ್ತವನ್ನು ಹಿಗ್ಗಿಸುತ್ತಿದ್ದಾರೆ.

05.25 PM AUS vs NED ICC ODI World Cup Live Updates, AUS 290/6 (42.2): ಕ್ಯಾಮರೂನ್‌ ಗ್ರೀನ್‌ 8 ರನ್‌ ಗಳಿಸಿ ರನೌಟ್‌ ಆಗಿದ್ದಾರೆ.

05.10 PM AUS vs NED ICC ODI World Cup Live Updates, AUS 267/5 (39.1): 93 ಎಸೆತಗಳಿಂದ ಸ್ಫೋಟಕ 104 ರನ್‌ ಸಿಡಿಸಿ ಡೇವಿಡ್‌ ವಾರ್ನರ್‌ ಔಟಾಗಿದ್ದಾರೆ. ಆಸ್ಟ್ರೇಲಿಯಾ ತಂಡ ಪ್ರಮುಖ ಐದು ವಿಕೆಟ್‌ಗಳನ್ನು ಕಳೆದುಕೊಂಡಿದೆ.

05.05 PM AUS vs NED ICC ODI World Cup Live Updates, AUS 266/4 (39): 14 ರನ್‌ ಗಳಿಸಿ ಜೋಶ್‌ ಇಂಗ್ಲಿಸ್‌ ಔಟಾಗಿದ್ದಾರೆ.

05.05 PM AUS vs NED ICC ODI World Cup Live Updates, AUS 266/3: ಡೇವಿಡ್‌ ವಾರ್ನರ್‌ ಸತತ ಎರಡನೇ ಶತಕ ಸಿಡಿಸಿದ್ದಾರೆ. ಏಕದಿನ ಕ್ರಿಕೆಟ್‌ನಲ್ಲಿ 22ನೇ ಸೆಂಚುರಿ ಸ್ಫೋಟಿಸಿದ್ದಾರೆ.

04.55 PM AUS vs NED ICC ODI World Cup Live Updates, AUS 244/3 (36.1): ವಾರ್ನರ್‌ ಜೊತೆಗೆ 84(76) ರನ್‌ಗಳ ಜೊತೆಯಾಟದ ಬಳಿಕ 47 ಎಸೆತಗಳಲ್ಲಿ 62 ರನ್‌ ಗಳಿಸಿ ಲ್ಯಾಬುಶೇನ್‌ ಔಟಾಗಿದ್ದಾರೆ.

04.45 PM AUS vs NED ICC ODI World Cup Live Updates, AUS 237/2 (35.1): ವಾರ್ನರ್‌ ಮತ್ತು ಲ್ಯಾಬುಶೇನ್‌ ವೇಗದ ಆಟವಾಡುತ್ತಿದ್ದಾರೆ. ಇವರಿಬ್ಬರ ಬ್ಯಾಟ್‌ನಿಂದ ಈಗಾಗಲೇ ಅರ್ಧಶತಕದ ಜೊತೆಯಾಟ ಬಂದಿದೆ.

04.15 PM AUS vs NED ICC ODI World Cup Live Updates, AUS 185/2 (29): ಸ್ಮಿತ್‌ ಔಟಾದ ಬಳಿಕ, ವಾರ್ನರ್‌ ಮತ್ತು ಲ್ಯಾಬುಶೇನ್‌ ಜೊತೆಯಾಟವಾಡುತ್ತಿದ್ದಾರೆ. ಸದ್ಯ ಇನ್ನಿಂಗ್ಸ್‌ ಸ್ವಲ್ಪ ನಿಧಾನವಾಗಿದ್ದು, ಉಭಯ ಆಟಗಾರರು ರಕ್ಷಣಾತ್ಮಕ ಆಟಕ್ಕೆ ಮುಂದಾಗಿದ್ದಾರೆ.

03.50 PM AUS vs NED ICC ODI World Cup Live Updates, AUS 160/2 (23.3): ಡೇವಿಡ್‌ ವಾರ್ನರ್‌ ಜೊತೆಗಿನ ಭರ್ಜರಿ 132(118) ರನ್‌ಗಳ ಜೊತೆಯಾಟದ ಬಳಿಕ ಸ್ಟೀವ್‌ ಸ್ಮಿತ್‌ 71(68) ರನ್‌ ಗಳಿಸಿ ವಿಕೆಟ್‌ ಒಪ್ಪಿಸಿದ್ದಾರೆ. ಮರ್ವೆ ಅದ್ಭುತ ಕ್ಯಾಚ್‌ ಹಿಡಿದಿದ್ದಾರೆ.

03.45 PM AUS vs NED ICC ODI World Cup Live Updates, AUS 158/1 (23): ವಾರ್ನರ್‌ ಔಟಾಗುವ ಹಂತದಲ್ಲಿದ್ದರು. ಮರ್ವೆ ಅದ್ಭುತ ಕ್ಯಾಚ್‌ ಹಿಡಿದರು. ಆದರೆ ಥರ್ಡ್‌ ಅಂಪೈರ್ ಪರಿಶೀಲಿಸಿ ಅದನ್ನು ನಾಟೌಟ್‌ ಎಂದು ಘೋಷಿಸಿದ್ದಾರೆ.

03.30 PM AUS vs NED ICC ODI World Cup Live Updates, AUS 124/1 (20): ವಾರ್ನರ್‌ ಮತ್ತು ಸ್ಮಿತ್‌ ಇಬ್ಬರೂ ತಲಾ ಅರ್ಧಶತಕ ಸಿಡಿಸಿ ಆಡುತ್ತಿದ್ದಾರೆ. 20 ಓವರ್‌ ವೇಳೆಗೆ ಇವರಿಬ್ಬರಿಂದ 96 ರನ್‌ಗಳ ಜೊತೆಯಾಟ ಬಂದಿದೆ.

03.10 PM AUS vs NED ICC ODI World Cup Live Updates, AUS 90/1 (16): ವಾರ್ನರ್‌ ಮತ್ತು ಸ್ಮಿತ್‌ ಅರ್ಧಶತಕದ ಜೊತೆಯಾಟವಾಡಿದ್ದಾರೆ. ಇಬ್ಬರ ಬ್ಯಾಟ್‌ನಿಂದ ಈವರೆಗೆ ಅಜೇಯ 62 ರನ್‌ಗಳು ಬಂದಿವೆ.

02.45 PM AUS vs NED ICC ODI World Cup Live Updates, AUS 66/1 (10): ಮಾರ್ಷ್‌ ವಿಕೆಟ್‌ ಪತನದ ಬಳಿಕ ಡೇವಿಡ್‌ ವಾರ್ನರ್‌ ಮತ್ತು ಸ್ಟೀವ್‌ ಸ್ಮಿತ್‌ ಉತ್ತಮ ಬ್ಯಾಟಿಂಗ್‌ ಮಾಡುತ್ತಿದ್ದಾರೆ. ಪವರ್‌ಪ್ಲೇ ಅಂತ್ಯದ ವೇಳೆಗೆ ಆಸೀಸ್‌ ಸುಸ್ಥಿತಿಯಲ್ಲಿದೆ.

02.15 PM AUS vs NED ICC ODI World Cup Live Updates, AUS 28/1 (3.5): ಡಚ್ಚರು ಆಸೀಸ್‌ಗೆ ಮೊದಲ ಹೊಡೆತ ಕೊಟ್ಟಿದ್ದಾರೆ. ಮಿಚೆಲ್‌ ಮಾರ್ಷ್‌ ಅನಗತ್ಯ ಹೊಡೆತಕ್ಕೆ ಕೈ ಹಾಕಿ 9(15) ರನ್‌ ಗಳಿಸಿ ಕ್ಯಾಚ್‌ ನೀಡಿ ನಿರ್ಗಮಿಸಿದ್ದಾರೆ.

02.05 PM AUS vs NED ICC ODI World Cup Live Updates, AUS 10/0 (1.2): ಆಸ್ಟ್ರೇಲಿಯಾ ತಂಡ ಬ್ಯಾಟಿಂಗ್‌ ಆರಂಭಿಸಿದೆ. ಮಿಚೆಲ್‌ ಮಾರ್ಷ್‌ ಮತ್ತು ಡೇವಿಡ್‌ ವಾರ್ನರ್‌ ಇನ್ನಿಂಗ್ಸ್‌ ಆರಂಭಿಸಿದ್ದಾರೆ.

01.35 PM AUS vs NED ICC ODI World Cup Live Updates,ನೆದರ್ಲ್ಯಾಂಡ್ಸ್ ಆಡುವ ಬಳಗ: ವಿಕ್ರ‌ಮ್‌ಜಿತ್ ಸಿಂಗ್, ಮ್ಯಾಕ್ಸ್ ಓಡೌಡ್, ಕಾಲಿನ್ ಅಕರ್ಮನ್, ಬಾಸ್ ಡಿ ಲೀಡ್, ತೇಜ ನಿಡಮನೂರು, ಸ್ಕಾಟ್ ಎಡ್ವರ್ಡ್ಸ್ (ನಾಯಕ/ವಿಕೆಟ್‌ ಕೀಪರ್), ಸೈಬ್ರಾಂಡ್ ಎಂಗಲ್ಬ್ರೆಕ್ಟ್, ಲೋಗನ್ ವ್ಯಾನ್ ಬೀಕ್, ರೋಲೋಫ್ ವ್ಯಾನ್ ಡೆರ್ ಮೆರ್ವೆ, ಆರ್ಯನ್ ದತ್ತ್, ಪಾಲ್ ವ್ಯಾನ್ ಮೀಕೆರೆನ್

01.35 PM AUS vs NED ICC ODI World Cup Live Updates, ಆಸ್ಟ್ರೇಲಿಯಾ ಆಡುವ ಬಳಗ: ಡೇವಿಡ್ ವಾರ್ನರ್, ಮಿಚೆಲ್ ಮಾರ್ಷ್, ಸ್ಟೀವನ್ ಸ್ಮಿತ್, ಮಾರ್ನಸ್ ಲ್ಯಾಬುಶೇನ್, ಜೋಶ್ ಇಂಗ್ಲಿಸ್ (ವಿಕೆಟ್‌ ಕೀಪರ್), ಗ್ಲೆನ್ ಮ್ಯಾಕ್ಸ್‌ವೆಲ್, ಕ್ಯಾಮರೂನ್ ಗ್ರೀನ್, ಪ್ಯಾಟ್ ಕಮಿನ್ಸ್ (ನಾಯಕ), ಮಿಚೆಲ್ ಸ್ಟಾರ್ಕ್, ಜೋಶ್ ಹೇಜಲ್‌ವುಡ್, ಆಡಮ್ ಜಂಪಾ.

01.30 PM AUS vs NED ICC ODI World Cup Live Updates:‌ ನೆದರ್ಲೆಂಡ್ಸ್‌ ವಿರುದ್ಧ ಟಾಸ್‌ ಗೆದ್ದ ಆಸ್ಟ್ರೇಲಿಯಾ ಬ್ಯಾಟಿಂಗ್‌ ಆಯ್ಕೆ ಮಾಡಿಕೊಂಡಿದೆ.

12.18 PM: Australia vs Netherlands World Cup 2023 Live Updates: ಆಸೀಸ್‌-ಡಚ್ಚರ ಪಂದ್ಯವನ್ನ ಎಲ್ಲಿ ನೋಡುವುದು?

ಆಸ್ಟ್ರೇಲಿಯಾ ಮತ್ತು ನೆದರ್ಲೆಂಡ್ಸ್ ನಡುವಿನ ವಿಶ್ವಕಪ್ ಪಂದ್ಯವನ್ನು ಸ್ಟಾರ್ ಸ್ಪೋರ್ಟ್ಸ್ ವಾಹಿನಿಗಳಲ್ಲಿ ಲೈವ್ ವೀಕ್ಷಿಸಬಹುದು. ಮೊಬೈಲ್‌ನಲ್ಲಿ ಆದರೆ ಡಿಸ್ಕಿಪ್ಲಸ್ ಹಾಟ್‌ಸ್ಟಾರ್ ಅಪ್ಲಿಕೇಶನ್ ಮೂಲಕ ಉಚಿತವಾಗಿ ನೋಡಬಹುದು.

12.17 PM: Australia vs Netherlands World Cup 2023 Live Updates: ಆಸ್ಟ್ರೇಲಿಯಾ ಆಡುವ ಸಂಭಾವ್ಯ 11ರ ಬಳಗ

ಡೇವಿಡ್ ವಾರ್ನರ್, ಮಿಚೆಲ್ ಮಾರ್ಷ್, ಸ್ವೀವ್ ಸ್ಮಿತ್, ಮಾರ್ನಸ್ ಲ್ಯಾಲುಶೇನ್, ಗ್ಲೆನ್ ಮ್ಯಾಕ್ಸ್‌ವೆಲ್, ಜೋಶ್ ಇಂಗ್ಲಿಸ್ (ವಿಕೆಟ್ ಕೀಪರ್), ಮಾರ್ಕಸ್ ಸ್ಟೊಯ್ನಿಸ್, ಪ್ಯಾಟ್ ಕಮಿನ್ಸ್ (ನಾಯಕ), ಮಿಚೆಲ್ ಸ್ಟಾರ್ಕ್, ಆಡಮ್ ಝಂಪಾ, ಜೋಶ್ ಹೇಜಲ್‌ವುಡ್.

12.16 PM: Australia vs Netherlands World Cup 2023 Live Updates: ನೆದರ್ಲೆಂಡ್ಸ್ ಆಡುವ ಸಂಭಾವ್ಯ 11ರ ಬಳಗ

ವಿಕ್ರಮ್‌ಜಿತ್ ಸಿಂಗ್, ಮ್ಯಾಕ್ಸ್ ಒ ಡೌಡ್, ಕಾಲಿನ್ ಅಕರ್ಮನ್, ಬಾಸ್ ಡಿ ಲೀಡ್, ತೇಜ ನಿಡಮನೂರು, ಸ್ಕಾಟ್ ಎಡ್ವರ್ಡ್ಸ್ (ನಾಯಕ ಮತ್ತು ವಿಕೆಟ್ ಕೀಪರ್), ಸೈಬ್ರಾಂಡ್ ಎಂಗಲ್ಬ್ರೆಕ್ಟ್, ಲೋಗನ್ ವ್ಯಾನ್ ಬೀಕ್, ರೋಲೋಫ್ ವ್ಯಾನ್ ಡೆರ್ ಮೆರ್ಮೆ, ಆರ್ಯನ್ ದತ್, ಪಾಲ್ ವ್ಯಾನ್ ಮೀಕರನ್.

11.22 AM: Australia vs Netherlands World Cup 2023 Live Updates: ದೆಹಲಿ ಹವಾಮಾನದ ವಿವರ

ದೆಹಲಿಯ ಅರುಣ್ ಜೇಟ್ಲಿ ಸ್ಟೇಡಿಯಂ ಸುತ್ತಮುತ್ತಲಿನ ಹವಾಮಾನವನ್ನು ನೋಡುವುದಾದರೆ ಇಲ್ಲಿ ಮೋಡ ಕವಿದ ವಾತಾವರಣ ಇದ್ದು, ಪಂದ್ಯ ಆರಂಭದ ವೇಳೆಗೆ ತಾಪಮಾನವು 31 ಡಿಗ್ರಿ ಸೆಲ್ಸಿಯಸ್ ಇರಲಿದೆ. ಮಳೆಯ ಸಾಧ್ಯತೆ ಇಲ್ಲ. ಹೀಗಾಗಿ ಆಸ್ಟ್ರೇಲಿಯಾ-ನೆದರ್ಲೆಂಡ್ಸ್ ನಡುವಿನ ಪಂದ್ಯ ಸುಗಮವಾಗಿ ಸಾಗಲಿದೆ.

10.57 AM: Australia vs Netherlands World Cup 2023 Live Updates: ಉಭಯ ತಂಡಗಳ ಹಿಂದಿನ ಫಲಿತಾಂಶ ಹೀಗಿದೆ

ಆಸ್ಟ್ರೇಲಿಯಾ ಮತ್ತು ನೆದರ್ಲೆಂಡ್ಸ್ ತಂಡಗಳು ಏಕದಿನ ಕ್ರಿಕೆಟ್‌ನಲ್ಲಿ ಈವರೆಗೆ 2 ಬಾರಿ ಮುಖಾಮುಖಿಯಾಗಿವೆ. ಇದರಲ್ಲಿ ಎರಡೂ ಪಂದ್ಯಗಳನ್ನು ಆಸ್ಟ್ರೇಲಿಯಾ ಗೆದ್ದುಕೊಂಡಿದೆ. ಡಚ್ಚರು ಇನ್ನೂ ಖಾತೆಯನ್ನೇ ತೆರಿದಿಲ್ಲ.

10.22 AM: Australia vs Netherlands World Cup 2023 Live Updates: ಹೇಗಿದೆ ಅರುಣ್ ಜೇಟ್ಲಿ ಮೈದಾನದ ಪಿಚ್?

ದೆಹಲಿಯ ಅರುಣ್ ಜೇಟ್ಲಿ ಸ್ಟೇಡಿಯಂನಲ್ಲಿ ಈವರೆಗೆ ನಡೆದ 2023ರ ವಿಶ್ವಕಪ್ ಪಂದ್ಯಗಳಲ್ಲಿ ರನ್ ಮಳೆಯೇ ಹರಿದಿದೆ. ಕಳೆದ 10 ಪಂದ್ಯಗಳಲ್ಲಿ ಮೊದಲ ಇನ್ನಿಂಗ್ಸ್‌ ಸರಾಸರಿ ಸ್ಟೋರ್ 258. ಈ ಸ್ಥಳದಲ್ಲಿ ಟಾಸ್ ಗೆದ್ದ ತಂಡವು ಮೊದಲು ಬ್ಯಾಟಿಂಗ್ ಮಾಡಿ ಉತ್ತಮ ಟಾರ್ಗೆಟ್ ನೀಡಲು ಆದ್ಯತೆ ನೀಡುತ್ತದೆ. ಮೊದಲು ಬ್ಯಾಟಿಂಗ್ ಮಾಡುವ ತಂಡ ಶೇಕಡಾ 60 ರಷ್ಟು ಗೆಲುವು ಸಾಧಿಸುವ ಸಾಧ್ಯತೆ ಇದೆ. ಜೇಟ್ಲಿ ಮೈದಾನವು ಸ್ಪಿನ್ನರ್‌ಗಳಿಗೆ ಹೆಚ್ಚು ನೆರವಾಗಲಿದೆ. ಪಂದ್ಯ ಮುಂದುವರಿದ್ದಂತೆ ಪಿಚ್ ನಿಧಾನಗೊಳ್ಳುತ್ತದೆ.

8.56 AM: Australia vs Netherlands World Cup 2023 Live Updates: ಆಸ್ಟ್ರೇಲಿಯಾ ತಂಡ

ಪ್ಯಾಟ್ ಕಮಿನ್ಸ್ (ನಾಯಕ), ಡೇವಿಡ್ ವಾರ್ನರ್, ಸ್ವೀವ್ ಸ್ಮಿತ್, ಅಲೆಕ್ಸ್ ಕ್ಯಾರಿ, ಜೋಶ್ ಇಂಗ್ಲಿಸ್, ಸೀನ್​ ಅಬಾಟ್, ಆಷ್ಟನ್ ಅಗರ್, ಕ್ಯಾಮರೂನ್ ಗ್ರೀನ್, ಜೋಶ್ ಹೇಜಲ್​ವುಡ್​, ಟ್ರಾವಿಸ್ ಹೆಡ್, ಮಿಚೆಲ್ ಮಾರ್ಷ್, ಗ್ಲೆನ್ ಮ್ಯಾಕ್ಸ್‌ವೆಲ್, ಮಾರ್ಕಸ್ ಸ್ಟೋಯ್ನಿಸ್, ಆ್ಯಡಂ ಝಂಪಾ, ಮಿಚೆಲ್ ಸ್ಟಾರ್ಕ್.

8.55 AM: Australia vs Netherlands World Cup 2023 Live Updates: ನೆದರ್ಲೆಂಡ್ಸ್​​ ತಂಡ

ಸ್ಕಾಟ್ ಎಡ್ವರ್ಡ್ಸ್ (ನಾಯಕ), ಮ್ಯಾಕ್ಸ್‌ ಒ ಡೌಡ್, ಬಾಸ್ ಡಿ ಲೀಡೆ, ವಿಕ್ರಮ್ ಸಿಂಗ್, ತೇಜ ನಿಡಮನೂರು, ಪಾಲ್ ವ್ಯಾನ್ ಮೀಕೆರೆನ್, ಕಾಲಿನ್ ಅಕರ್ಮನ್, ರೋಲೋಫ್ ವ್ಯಾನ್ ಡೆರ್ ಮೆರ್ವೆ, ಲೋಗನ್ ವ್ಯಾನ್ ಬೀಕ್, ಆರ್ಯನ್ ದತ್, ರಿಯಾನ್ ಕ್ಲೈನ್, ವೆಸ್ಲಿ ಬ್ಯಾರೆಸಿ, ಸಕ್ವಿಬ್ ಪ್ಯಾರೆಸಿ ಜುಲ್ಪಿಕರ್, ಶರೀಜ್ ಅಹ್ಮದ್, ಸೈಬ್ರಾಂಡ್ ಎಂಗಲ್‌ಬ್ರೆಕ್ಟ್.

8.52 AM: Australia vs Netherlands World Cup 2023 Live Updates: ಆಸ್ಟ್ರೇಲಿಯಾ ಮತ್ತು ನೆದರ್ಲೆಂಡ್ಸ್ ಪಂದ್ಯದ ಸಂಪೂರ್ಣ ಮಾಹಿತಿ

ಪಂದ್ಯ: ಆಸ್ಟ್ರೇಲಿಯಾ ಮತ್ತು ನೆದರ್ಲೆಂಡ್ಸ್ , ಐಸಿಸಿ ಪುರುಷರ ವಿಶ್ವಕಪ್ 2023 24ನೇ ಪಂದ್ಯ

ದಿನಾಂಕ: ಅಕ್ಟೋಬರ್ 25, 2023 ಬುಧವಾರ

ಸಮಯ: ಮಧ್ಯಾಹ್ನ 2 ಗಂಟೆ (ಭಾರತೀಯ ಕಾಲಮಾನ)

ಸ್ಥಳ: ಅರುಣ್ ಜೇಟ್ಲಿ ಸ್ಟೇಡಿಯಂ, ದೆಹಲಿ