ಕನ್ನಡ ಸುದ್ದಿ  /  Cricket  /  Bcci To Introduce Smart Replay System In Ipl 2024 How Will The Technology Fasten Drs Process Help Tv Umpire Prs

Explained: ಐಪಿಎಲ್​ನಲ್ಲಿ ಡಿಆರ್​​ಎಸ್ ಬದಲಿಗೆ ಸ್ಮಾರ್ಟ್ ರಿಪ್ಲೆ ಸಿಸ್ಟಮ್ ಬಳಕೆ; ಎಸ್​ಆರ್​ಎಸ್ ಹೇಗೆ ಕೆಲಸ ಮಾಡುತ್ತದೆ?

Smart Replay System : ಐಪಿಎಲ್​ ರೋಚಕತೆ ಮತ್ತಷ್ಟು ಹೆಚ್ಚಿಸಲು ಪ್ರಸಕ್ತ ಟೂರ್ನಿಯಲ್ಲಿ ಹೊಸ ನಿಯಮವೊಂದನ್ನು ಪರಿಚಯಿಸಲು ಬಿಸಿಸಿಐ ಮುಂದಾಗಿದೆ. 17ನೇ ಆವೃತ್ತಿಯಲ್ಲಿ ಐಪಿಎಲ್​ ಡಿಸಿಷನ್ ರಿವ್ಯೂ ಸಿಸ್ಟಮ್ ಬದಲಿಗೆ ಸ್ಮಾರ್ಟ್ ರಿಪ್ಲೆ ಸಿಸ್ಟಮ್ ಬಳಕೆಗೆ ಬಿಸಿಸಿಐ ಮುಂದಾಗಿದೆ.

ಐಪಿಎಲ್​ನಲ್ಲಿ ಡಿಆರ್​​ಎಸ್ ಬದಲಿಗೆ ಸ್ಮಾರ್ಟ್ ರಿಪ್ಲೆ ಸಿಸ್ಟಂ
ಐಪಿಎಲ್​ನಲ್ಲಿ ಡಿಆರ್​​ಎಸ್ ಬದಲಿಗೆ ಸ್ಮಾರ್ಟ್ ರಿಪ್ಲೆ ಸಿಸ್ಟಂ (IPL)

ಐಪಿಎಲ್​ (IPL 2024) ಜಾತ್ರೆಗೆ ಕ್ಷಣಗಣನೆ ಆರಂಭಗೊಂಡಿದೆ. ಉದ್ಘಾಟನಾ ಪಂದ್ಯದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಮತ್ತು ಚೆನ್ನೈ ಸೂಪರ್ ಕಿಂಗ್ಸ್ (CSK vs RCB) ಸೆಣಸಾಟ ನಡೆಸಲಿವೆ. ಐಪಿಎಲ್​ ರೋಚಕತೆ ಮತ್ತಷ್ಟು ಹೆಚ್ಚಿಸಲು ಪ್ರಸಕ್ತ ಟೂರ್ನಿಯಲ್ಲಿ ಹೊಸ ನಿಯಮವೊಂದನ್ನು ಪರಿಚಯಿಸಲು ಬಿಸಿಸಿಐ ಮುಂದಾಗಿದೆ. 17ನೇ ಆವೃತ್ತಿಯಲ್ಲಿ ಐಪಿಎಲ್​ ಡಿಸಿಷನ್ ರಿವ್ಯೂ ಸಿಸ್ಟಮ್ ಬದಲಿಗೆ ಸ್ಮಾರ್ಟ್ ರಿಪ್ಲೆ ಸಿಸ್ಟಮ್ (Smart Replay System) ಬಳಕೆಗೆ ಬಿಸಿಸಿಐ (BCCI) ಮುಂದಾಗಿದೆ.

ಈ ಹಿಂದೆ ಫೀಲ್ಡ್ ಅಂಪೈರ್ಸ್​​ ತೀರ್ಪುಗಳಲ್ಲಿ ಲೋಪದೋಷ ಕಂಡು ಬರುತ್ತಿತ್ತು. ಈ ಹಿನ್ನೆಲೆಯಲ್ಲಿ ಸ್ಮಾರ್ಟ್​ ರಿಪ್ಲೆ ಸಿಸ್ಟಮ್ ಮೂಲಕ ದಕ್ಷತೆ ಹೆಚ್ಚಿಸಲು ಮತ್ತು ಪ್ರಕ್ರಿಯೆ ಸುಗಮಗೊಳಿಸಲು ಈ ವ್ಯವಸ್ಥೆ ಜಾರಿಗೆ ತರಲಾಗುತ್ತಿದೆ. ಡಿಆರ್​​ಎಸ್​​ನಂತೆ ಗೊಂದಲಗಳು ಇಲ್ಲದೆ, ಸ್ಪಷ್ಟವಾದ ತೀರ್ಪು ಪ್ರಕಟವಾಗಲಿದೆ ಎಂದು ಇಎಸ್ಪಿಎನ್ ಕ್ರಿಕ್ಇನ್ಫೋ ವರದಿ ಮಾಡಿದೆ.

ಸ್ಮಾರ್ಟ್ ರಿವ್ಯೂ ಸಿಸ್ಟಮ್ ಹೇಗೆ ಕೆಲಸ ಮಾಡುತ್ತದೆ?

ಡಿಸಿಷನ್ ರಿವ್ಯೂ ಸಿಸ್ಟಮ್​ನಂತೆ ಫೀಲ್ಡ್​ ಅಂಪೈರ್ 3ನೇ ಅಂಪೈರ್​ಗೆ ಮನವಿ ಸಲ್ಲಿಸಬೇಕು. ಆದರೆ ಇಲ್ಲಿ 3ನೇ ಅಂಪೈರ್ ಇನ್​​ಪುಟ್ ಕೊಡುವವರೆಗೂ ಕಾಯುವಂತಿಲ್ಲ. ಬದಲಾಗಿ ಹೊಸ ತಂತ್ರಜ್ಞಾನದ ಮೂಲಕ ತೀರ್ಪುನೀಡಲಾಗುತ್ತದೆ. ಹಾಕ್​-ಐ ಅಪರೇಟ್​ಗಳ ನೆರವಿನಿಂದ ತಕ್ಷಣವೇ ತೀರ್ಪು ಹೊರಬರಲಿದೆ. ಈ ವ್ಯವಸ್ಥೆಯು ಮೈದಾನದಲ್ಲಿ ಇರಿಸಲಾಗಿರುವ ಹಾಕ್-ಐನಿಂದ ಎಂಟು ಹೈಸ್ಪೀಡ್ ಕ್ಯಾಮೆರಾಗಳನ್ನು ಒಳಗೊಂಡಿರುತ್ತದೆ.

8 ಹೈಸ್ಪೀಡ್​ ಕ್ಯಾಮೆರಾಗಳಿಂದ ಚಿತ್ರ ತ್ವರಿತ ವಿಶ್ಲೇಷಣೆ ಮತ್ತು ನೈಜ-ಸಮಯದ ಚಿತ್ರಗಳನ್ನು ಒದಗಿಸಲು ಟಿವಿ ಅಂಪೈರ್ ಜೊತೆಗೆ ಇಬ್ಬರು ಹಾಕ್-ಐ ಆಪರೇಟರ್​ಗಳನ್ನು ನಿಯೋಜಿಸಲಾಗುತ್ತದೆ. 3ನೇ ಅಂಪೈರ್ ಮತ್ತು ಹಾಕ್​-ಐ ಆಪರೇಟರ್​​ಗಳ ನಡುವೆ ಮಧ್ಯಸ್ಥಿಕೆ ವಹಿಸಿದ್ದ ಟಿವಿ ಪ್ರಸಾರ ನಿರ್ದೇಶಕರು ಈ ನೂತನ ಪದ್ದತಿಯಲ್ಲಿ ಭಾಗವಹಿಸಲ್ಲ. ಬದಲಾಗಿ, ಹಾಕ್​-ಐ ಆಪರೇಟರ್​​​ಗಳು ಸ್ಪ್ಲಿಟ್-ಸ್ಕ್ರೀನ್​ಗಳ ಮೂಲಕ ಪರಿಶೀಲನೆ ನಡೆಸಲಿದ್ದಾರೆ. ಆಯಾ ಸ್ಕ್ರೀನ್​ ಮೂಲಕ ನೆರವು ಪಡೆಯಲಾಗುತ್ತದೆ.

ಬೌಂಡರಿ ಲೈನ್​ನಲ್ಲಿ ಫೀಲ್ಡರ್​ ಕ್ಯಾಚ್​ ಹಿಡಿದಿದ್ದಾರೆ ಎಂದು ಇಟ್ಟುಕೊಳ್ಳೋಣ. ಆಗ ಫೀಲ್ಡರ್​ ಕಾಲು ಬೌಂಡರಿ ಗೆರೆ ಟಚ್​ ಆಗಿದೆಯೇ ಇಲ್ಲವೇ ಎಂಬುದನ್ನು ತಿಳಿಯಲು ಕಾಲಿನ ಭಾಗದ ವಿಡಿಯೋವನ್ನು ಸ್ಪ್ಲಿಟ್​ ಸ್ಕ್ರೀನ್​ನಲ್ಲಿ ಪರಿಶೀಲನೆ ನಡೆಸಲಿದ್ದಾರೆ. ಹಾಗೆಯೇ ಪಾದದ ಯಾವ ಭಾಗ ಬೌಂಡರಿ ಗೆರೆಗೆ ಟಚ್​ ಆಗಿದೆ ಎಂಬುದನ್ನು ಸ್ಪಷ್ಟವಾಗಿ ತಿಳಿಯಬಹುದು. ಈ ಹಿಂದೆ ಅಷ್ಟು ಸ್ಪಷ್ಟನೆ ಸಿಗುತ್ತಿರಲಿಲ್ಲ. ಅಂತಹ ಸಂದರ್ಭದಲ್ಲಿ 3ನೇ ಅಂಪೈರ್​ ಹೇಳಿದ್ದೇ ಅಂತಿಮ ನಿರ್ಧಾರವಾಗಿರುತ್ತಿತ್ತು. ಈಗ ಯಾವುದೇ ಸಮಸ್ಯೆ ಕೂಡ ಉದ್ಭವವಾಗುವುದಿಲ್ಲ. ನೋಬಾಲ್, ಸ್ಟಂಪ್ಸ್ ಸೇರಿದಂತೆ ಪ್ರತಿಯೊಂದನ್ನು ಪರಿಶೀಲಿಸಬಹುದು.

ಕ್ಯಾಮೆರಾಗಳು ಎಲ್ಲೆಲ್ಲೆ ಇರುತ್ತವೆ?

8 ಹಾಕ್​-ಐ-ಕ್ಯಾಮೆರಾಗಳನ್ನು ಪ್ರತಿ ಐಪಿಎಲ್ ಪಂದ್ಯದಲ್ಲೂ ಬಳಕೆ ಮಾಡಲಾಗುತ್ತದೆ. ವಿಕೆಟ್ ಸ್ಕ್ವೇರ್​ ಬಳಿ ನಾಲ್ಕು ಕ್ಯಾಮೆರಾಗಳು ಮತ್ತು ಬೌಂಡರಿ ಗೆರೆಗಳ ಬಳಿಕ 4 ಕ್ಯಾಮೆರಾಗಳನ್ನೂ ಅಳವಡಿಸಲಾಗುತ್ತದೆ. ರನೌಟ್, ಸ್ಟಂಪ್ಸ್, ಕ್ಯಾಚ್​​, ಓವರ್​​ ಥ್ರೋ ದೃಶ್ಯಗಳನ್ನು ಈ ಕ್ಯಾಮೆರಾಗಳಲ್ಲಿ ಪರಿಶೀಲಿಸಬಹುದು. ಹಾಕ್-ಐ ಕ್ಯಾಮೆರಾಗಳು ಪ್ರತಿ ಸೆಕೆಂಡಿಗೆ ಬರೋಬ್ಬರಿ 300 ಫ್ರೇಮ್‌ಗಳಲ್ಲಿ ಸೆರೆಹಿಡಿಯುತ್ತವೆ. ಇದು ಸ್ಪಷ್ಟ ಚಿತ್ರಣವನ್ನು ನೀಡಲಿದೆ. ಐಪಿಎಲ್​ನಲ್ಲಿ ಯಶಸ್ಸು ಕಂಡರೆ, ಬಿಸಿಸಿಐನ ಎಲ್ಲಾ ಟೂರ್ನಿಗಳು ಮತ್ತು ಐಸಿಸಿಯೂ ಸ್ಮಾರ್ಟ್ ರಿಪ್ಲೆ ಸಿಸ್ಟಮ್​ ಅನ್ನು ಪರಿಚಯಿಸಿದರೂ ಅನುಮಾನವೇ ಬೇಡ.

IPL_Entry_Point