ಗಣಿತದ ಅಂಕಿ-ಅಂಶಗಳ ಪ್ರಕಾರ ಇನ್ನೂ ಇದೆ ಸಿಎಸ್​​ಕೆಗೆ ಪ್ಲೇಆಫ್ ಅವಕಾಶ; ಒಂದು ಸೋತರೂ ಮನೆ ಕಡೆ ಪಯಣ!

ಚೆನ್ನೈ ಸೂಪರ್ ಕಿಂಗ್ಸ್ ‘ಚೆಪಾಕ್ ಕೋಟೆ’ ಕುಸಿದು ಬಿದ್ದ ಹಿನ್ನೆಲೆ ಎಂಎಸ್ ಧೋನಿ ನಾಯಕತ್ವದ ತಂಡ ಪ್ಲೇಆಫ್ ಪ್ರವೇಶಿಸಲು ಹೆಣಗಾಡುವಂತ ಪರಿಸ್ಥಿತಿಗೆ ಸಿಲುಕಿದೆ. ಪ್ಲೇಆಫ್ ತಲುಪುವ ಸಿಎಸ್​​ಕೆ ಭರವಸೆಗಳು ಹುಸಿಯಾಗಿದ್ದು, ಪ್ರಸಕ್ತ ಋತುವಿನಲ್ಲಿ ಏಳನೇ ಸೋಲನ್ನು ಅನುಭವಿಸಿದೆ. 9 ಪಂದ್ಯಗಳ ನಂತರ ತಂಡವು ಕೇವಲ ನಾಲ್ಕು ಅಂಕ ಗಳಿಸಲು ಸಾಧ್ಯವಾಗಿದೆ. ತಂಡಕ್ಕೆ ಇನ್ನೂ ಐದು ಪಂದ್ಯಗಳು ಉಳಿದಿವೆ. 5 ಪಂದ್ಯಗಳನ್ನು ಗೆದ್ದ ನಂತರ ತಂಡವು ಪ್ಲೇಆಫ್​ಗೆ ಅರ್ಹತೆ ಪಡೆಯಲು ಸಾಧ್ಯವೇ? ಅಂಕ ಪಟ್ಟಿಯಲ್ಲಿ 10ನೇ ಸ್ಥಾನ ಪಡೆದಿರುವ ಐದು ಬಾರಿಯ ಚಾಂಪಿಯನ್ ತಂಡ ಪ್ಲೇಆಫ್ ಪ್ರವೇಶಿಸಲು ಏನು ಮಾಡಬೇಕು? ಇಲ್ಲಿದೆ ವಿವರ.

ಚೆನ್ನೈ ಆಡಿದ 9 ಪಂದ್ಯಗಳಲ್ಲಿ 7ರಲ್ಲಿ ಸೋತಿದ್ದರೂ ಪ್ಲೇ ಆಫ್ ರೇಸ್​​ನಿಂದ ಇನ್ನೂ ಸಂಪೂರ್ಣವಾಗಿ ಹೊರಗುಳಿದಿಲ್ಲ. ಇದಕ್ಕೆ ತಂಡವು ಕಠಿಣ ಪರಿಶ್ರಮ ಹಾಕಬೇಕು. ಗಣಿತದ ಪ್ರಕಾರ, ತಂಡವು ಪ್ಲೇಆಫ್ ರೇಸ್​​ನಲ್ಲಿ ಇನ್ನೂ ಜೀವಂತವಾಗಿದೆ. ಏಕೆಂದರೆ ತಂಡವು ಉಳಿದ 5 ಪಂದ್ಯಗಳನ್ನು ಗೆದ್ದು 14 ಅಂಕ ಗಳಿಸಲು ಮತ್ತು ಪ್ಲೇಆಫ್​​ ತಲುಪಲು ಇನ್ನೂ ಸಾಧ್ಯವಿದೆ. ಕಳೆದ ಬಾರಿಯೂ ಆರ್​ಸಿಬಿ ಪರಿಸ್ಥಿತಿಯೂ ಹೀಗೆ ಇತ್ತು. ಅಂದು ಆರ್​​ಸಿಬಿ ಕೊನೆಯ ಆರು ಪಂದ್ಯಗಳನ್ನೂ ಸತತವಾಗಿ ಗೆದ್ದು ಪ್ಲೇಆಫ್​ಗೆ ಲಗ್ಗೆ ಇಟ್ಟಿತ್ತು. ಆದರೆ ಸಿಎಸ್​ಕೆ ತಂಡದ ಪ್ರಸ್ತುತ ಪ್ರದರ್ಶನವನ್ನು ಗಮನಿಸಿದರೆ, ಈ ಕಾರ್ಯವು ಅಸಾಧ್ಯವೆಂದು ತೋರುತ್ತದೆ.

ನೆಟ್ ರನ್ ರೇಟ್ ಹೆಚ್ಚಿಸಿಕೊಳ್ಳುವುದೂ ಮುಖ್ಯ

ಚೆನ್ನೈ ಉಳಿದ 5 ಪಂದ್ಯ ಗೆದ್ದರೆ ಸಾಲದು. ನೆಟ್​ರನ್​ರೇಟ್​ ಕೂಡ ಹೆಚ್ಚಿಸಿಕೊಳ್ಳಬೇಕು. ಸದ್ಯ -1.302 ನೆಟ್ ರನ್ ರೇಟ್ ಇದೆ. ಇದು ತುಂಬಾ ಕೆಟ್ಟದ್ದು ಎಂದರ್ಥ. ಉಳಿದ ಐದೂ ಪಂದ್ಯಗಳನ್ನು ಗೆದ್ದು 14 ಅಂಕ ಪಡೆಯುವುದರ ಜೊತೆಗೆ ಮೈನಸ್ ನೆಟ್​ ರನ್ ರೇಟ್ ಅನ್ನು ಪ್ಲಸ್ ರನ್​ ರೇಟ್ ಮಾಡಿಕೊಳ್ಳಬೇಕು. ಇದು ಸಾಲದು ಎಂಬಂತೆ ಉಳಿದ ತಂಡಗಳ ಫಲಿತಾಂಶ ಮೇಲೆಯೂ ಗಮನ ಹರಿಸಬೇಕಾಗುತ್ತದೆ. ಅಗ್ರ 4 ತಂಡಗಳಲ್ಲಿ ಯಾವುದಾದರೂ 14 ಅಥವಾ ಅದಕ್ಕಿಂತ ಕಡಿಮೆ ಅಂಕಗಳನ್ನು ಹೊಂದಿದ್ದರೆ, ಚೆನ್ನೈ ಅಗ್ರ 4 ರಲ್ಲಿ ಉಳಿಯುವ ಅವಕಾಶವನ್ನು ಹೊಂದಿರುತ್ತದೆ.

ಇದನ್ನೂ ಓದಿ: ಐಪಿಎಲ್​​ನ ಅತ್ಯುತ್ತಮ ಕ್ಯಾಚ್ ಇದು; ಚಿರತೆಯಂತೆ ಹಾರಿ ಡೆವಾಲ್ಡ್ ಬ್ರೆವಿಸ್ ಕ್ಯಾಚ್ ಹಿಡಿದ ಕಮಿಂದು ಮೆಂಡೀಸ್, ವಿಡಿಯೋ

ಕಳೆದ ಆವೃತ್ತಿಯನ್ನು ಗಮನಿಸಿದರೆ, ಆರ್​ಸಿಬಿ 14 ಅಂಕ ಆಧಾರದ ಮೇಲೆ ಪ್ಲೇಆಫ್​ಗೆ ಲಗ್ಗೆ ಇಟ್ಟಿತ್ತು. 2019ರ ಋತುವಿನಲ್ಲೂ ಅರ್ಹತೆಗೆ 12 ಅಂಕ ನಿಗದಿಪಡಿಸಲಾಗಿತ್ತು. ಅಂದು 8 ತಂಡಗಳಿದ್ದವು. ಈಗ ತಂಡಗಳಿರುವ ಕಾರಣ ಪ್ಲೇಆಫ್ ಪ್ರವೇಶಿಸಲು 14 ಅಂಕ ಪಡೆಯುವುದು ಖಚಿತವಾಗಿರಯತ್ತದೆ. ಈಗಾಗಲೇ ಮೂರು ತಂಡಗಳು 12 ಅಂಕ ಪಡೆದಿವೆ. ಆದರೆ 3 ಇತರ ತಂಡಗಳು ಸಹ 10-10 ಅಂಕಗಳನ್ನು ಹೊಂದಿವೆ. ಅಂತಹ ಪರಿಸ್ಥಿತಿಯಲ್ಲಿ, 12 ಅಂಕಗಳೊಂದಿಗೆ ಪ್ಲೇಆಫ್ ತಲುಪಲು ಸಾಧ್ಯವಿಲ್ಲ. ಚೆನ್ನೈ ಮತ್ತೊಂದು ಸೋಲನುಭವಿಸಿದರೆ ಲೀಗ್ ಹಂತದಲ್ಲೇ ಕೊನೆಗೊಳಿಸಲಿದೆ.

ಇದನ್ನೂ ಓದಿ: ಸಿಎಸ್​ಕೆಯೂ ಅಲ್ಲ, ಆರ್​​ಸಿಬಿಯೂ ಇಲ್ಲ; ಪವರ್​​​​ ಪ್ಲೇನಲ್ಲಿ ಅತಿ ಹೆಚ್ಚು ಸಿಕ್ಸರ್​ ಸಿಡಿಸಿದ ತಂಡವಿದು!

ಇದನ್ನೂ ಓದಿ: ಏ 27ರಿಂದ ತ್ರಿಕೋನ ಏಕದಿನ ಸರಣಿ, ಭಾರತ vs ಶ್ರೀಲಂಕಾ ಮೊದಲ ಪಂದ್ಯ; ವೇಳಾಪಟ್ಟಿ, ತಂಡಗಳು, ನೇರ ಪ್ರಸಾರ ವಿವರ ಇಂತಿದೆ