ಕನ್ನಡ ಸುದ್ದಿ  /  ಕ್ರಿಕೆಟ್  /  ಆರ್​ಸಿಬಿ ಪ್ಲೇಆಫ್‌ಗೆ ಅರ್ಹತೆ ಪಡೆಯಲು 3 ಕಾರಣಗಳು; ಆಟಗಾರರು ಮ್ಯಾಜಿಕ್ ನಡೆಸಿದರೆ 'ಹೊಸ ಅಧ್ಯಾಯ' ಆರಂಭ ಖಚಿತ

ಆರ್​ಸಿಬಿ ಪ್ಲೇಆಫ್‌ಗೆ ಅರ್ಹತೆ ಪಡೆಯಲು 3 ಕಾರಣಗಳು; ಆಟಗಾರರು ಮ್ಯಾಜಿಕ್ ನಡೆಸಿದರೆ 'ಹೊಸ ಅಧ್ಯಾಯ' ಆರಂಭ ಖಚಿತ

Royal challengers bengaluru: ರಾಯಲ್ ಚಾಲೆಂಜರ್ಸ್ ಬೆಂಗಳೂರು 17ನೇ ಆವೃತ್ತಿಯ ಐಪಿಎಲ್​ನಲ್ಲಿ ಪ್ಲೇಆಫ್​ ಪ್ರವೇಶಿಸಲು ಈ ಮೂರು ಅಂಶಗಳನ್ನು ಅನುಕರಿಸಬೇಕಿದೆ. ವಿವರ ಇಲ್ಲಿದೆ.

ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ.
ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ.

17ನೇ ಆವೃತ್ತಿಯ ಐಪಿಎಲ್​ನಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಸಂಕಷ್ಟದಲ್ಲಿದೆ. ಪ್ಲೇಆಫ್​ ಹಾದಿ ಸುಗಮಗೊಳಿಸಲು ಸಾಕಷ್ಟು ಕಸರತ್ತು ನಡೆಸುತ್ತಿದೆ. ಸತತ ಸೋಲುಗಳಿಂದ ಕಂಗೆಟ್ಟಿರುವ ರೆಡ್​ ಆರ್ಮಿ ಆತ್ಮವಿಶ್ವಾಸ ಹೆಚ್ಚಿಸಿಕೊಂಡು ಉಳಿದ ಪಂದ್ಯಗಳಲ್ಲಿ ಕಣಕ್ಕಿಳಿದರೆ, ದೊಡ್ಡ ಗೆಲುವುಗಳನ್ನೇ ಸಾಧಿಸಲಿದೆ. ಆ ಮೂಲಕ ಪ್ಲೇಆಫ್​ ಕನಸನ್ನು ನನಸು ಮಾಡಿಕೊಳ್ಳಲಿದೆ.

ಟ್ರೆಂಡಿಂಗ್​ ಸುದ್ದಿ

6 ಪಂದ್ಯಗಳಲ್ಲಿ 5 ಸೋಲು, 1 ಗೆಲುವು ದಾಖಲಿಸಿದೆ. ಏಪ್ರಿಲ್ 11ರಂದು ನಡೆದ ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್ ವಿರುದ್ಧ 197 ರನ್​ಗಳನ್ನು ರಕ್ಷಿಸಿಕೊಳ್ಳಲು ವಿಫಲವಾದ ಆರ್​ಸಿಬಿ, ಅದಕ್ಕೂ ಹಿಂದಿನ ಪಂದ್ಯಗಳಲ್ಲೂ 180+ ರನ್​ಗಳನ್ನು ಡಿಫೆಂಡ್ ಮಾಡಿಕೊಳ್ಳಲು ಎಡವಿತ್ತು. ಕೋಲ್ಕತ್ತಾ ನೈಟ್ ರೈಡರ್ಸ್ ವಿರುದ್ಧ 16 ಓವರ್‌ಗಳಲ್ಲಿ 182 ರನ್‌ ಬಿಟ್ಟುಕೊಟ್ಟಿತ್ತು. ಆದರೆ ಇದೇ ಸ್ಕೋರ್​ ಬೆನ್ನಟ್ಟಲು ವೈಫಲ್ಯ ಅನುಭವಿಸಿತ್ತು.

ಲಕ್ನೋ ಸೂಪರ್ ಜೈಂಟ್ಸ್ ವಿರುದ್ಧ 181 ರನ್​ ಗುರಿ ಮುಟ್ಟಲು ವಿಫಲವಾಗಿತ್ತು. ಕೊನೆಯ ಓವರ್ ಥ್ರಿಲ್ಲರ್​​​​ನಲ್ಲಿ ಪಂಜಾಬ್ ಕಿಂಗ್ಸ್ ವಿರುದ್ಧ 178 ರನ್ ಗಳಿಸಿ ಗೆಲುವು ಸಾಧಿಸಿತ್ತು. ಆದರೆ ಐದು ಸೋಲಿನ ನಂತರ ಆರ್​​ಸಿಬಿ ಪ್ಲೇಆಫ್‌ಗೆ ಪ್ರವೇಶಿಸಬಹುದೇ ಎಂಬ ಪ್ರಶ್ನೆ ಎದ್ದಿದೆ. ಇಂತಹ ಸಂದರ್ಭದಲ್ಲಿ ಸ್ವಯಂ-ನಂಬಿಕೆಯು ತಂಡದ ಪ್ರಮುಖ ಕೀವರ್ಡ್ ಆಗಿದೆ. ಪ್ಲೇಆಫ್ ಪ್ರವೇಶಿಸುವ ಅವಕಾಶ ಇನ್ನೂ ಇದೆ. ಅದಕ್ಕಾಗಿ ಈ ಮೂರು ಅಂಶಗಳನ್ನು ಅನುಕರಿಸಿದರೆ ತಂಡಕ್ಕೆ ನೆರವಾಗುವ ಸಾಧ್ಯತೆ ಇದೆ.

1. 2016ರ ಋತುವಿನಿಂದ ಸ್ಫೂರ್ತಿ ಪಡೆಯಿರಿ!

2016ರ ಆವೃತ್ತಿಯಲ್ಲಿ ಆರ್​​ಸಿಬಿ ಎದುರಿಸಿದ ಪರಿಸ್ಥಿತಿಯನ್ನೇ ಐಪಿಎಲ್ 2024ರಲ್ಲೂ ಎದುರಿಸುತ್ತಿದೆ. ಅಂದು 7 ಪಂದ್ಯಗಳಲ್ಲಿ ಕೇವಲ 2ರಲ್ಲಿ ಗೆದ್ದಿತ್ತು. ಆ ಬಳಿಕ ಗೇರ್ ಬದಲಿಸಿದ ಆರ್​ಸಿಬಿ, ಉಳಿದ 7ರಲ್ಲಿ 6 ಗೆದ್ದು ಪ್ಲೇಆಫ್ ಪ್ರವೇಶಿಸಿತ್ತು. ಅಲ್ಲದೆ, ಫೈನಲ್​ಗೂ ಹೋಗಿತ್ತು. ಆತ್ಮವಿಶ್ವಾಸ ಇದ್ದರೆ ಮಾತ್ರ ಅಸಾಧ್ಯವನ್ನೂ ಸಾಧಿಸಲು ಸಾಧ್ಯ ಎಂಬುದಕ್ಕೆ 2016 ರಲ್ಲಿ ಆರ್​ಸಿಬಿ ನೀಡಿದ್ದ ಪ್ರದರ್ಶನವೇ ಸಾಕ್ಷಿ. ಇದೇ ಆತ್ಮವಿಶ್ವಾಸ ಬೆಳೆಸಿಕೊಂಡರೆ 2024ರ ಐಪಿಎಲ್​ನಲ್ಲೂ ಆರ್​ಸಿಬಿ ಪ್ಲೇಆಫ್ ಪ್ರವೇಶಿಸುವುದರಲ್ಲಿ ಯಾವುದೇ ಅನುಮಾನ ಇಲ್ಲ. ಇದರ ಸಂಪೂರ್ಣ ವಿವರಕ್ಕಾಗಿ ಇಲ್ಲಿ ಕ್ಲಿಕ್ ಮಾಡಿ

2. ಕೊಹ್ಲಿ, ಡಿಕೆಗೆ ಬೇಕು ಸಾಥ್

ವಿರಾಟ್ ಕೊಹ್ಲಿ 2016ರ ಋತುವಿನಲ್ಲಿ 973 ರನ್ ಗಳಿಸಿದ್ದರು. ಈ ಬಾರಿಯೂ ಅವರು ಅದೇ ರೀತಿಯ ಫಾರ್ಮ್​ನಲ್ಲಿದ್ದಾರೆ. ಮಾಜಿ ನಾಯಕ ಆರು ಪಂದ್ಯಗಳಲ್ಲಿ 141.77 ಸ್ಟ್ರೈಕ್ ರೇಟ್‌ನಲ್ಲಿ 1 ಶತಕ ಮತ್ತು 2 ಅರ್ಧಶತಕ ಸಹಿತ 319 ರನ್ ಗಳಿಸಿದ್ದಾರೆ. ದಿನೇಶ್ ಕಾರ್ತಿಕ್ ತಮ್ಮ ಫಿನಿಶಿಂಗ್ ಕೌಶಲ್ಯದೊಂದಿಗೆ ಹೆಜ್ಜೆ ಹಾಕುತ್ತಿದ್ದು, 190.66ರ ಸ್ಟ್ರೈಕ್​​ರೇಟ್‌ನಲ್ಲಿ 11 ಸಿಕ್ಸರ್‌ ಸಹಿತ 143 ರನ್ ಚಚ್ಚಿದ್ದಾರೆ. ಇಬ್ಬರೂ ಇತರರ ನೆರವಿನೊಂದಿಗೆ ಇದೇ ಪ್ರದರ್ಶನ ಮುಂದುವರೆಸಿದರೆ ದ್ವಿತೀಯಾರ್ಧದಲ್ಲಿ ಆರ್​ಸಿಬಿ ಮ್ಯಾಜಿಕ್ ನಡೆಸುವುದು ಖಚಿತ.

3. ಇಬ್ಬರು ವಿದೇಶಿ ಬೌಲರ್​​ಗಳನ್ನು ಆಡಿಸಬೇಕು

ಉತ್ತಮ ಪ್ರದರ್ಶನ ನೀಡಿದರೂ ಒಂದು ಪಂದ್ಯದ ನಂತರ ವಿಜಯ್‌ ಕುಮಾರ್ ವೈಶಾಕ್ ಅವರನ್ನು ಕೈಬಿಟ್ಟರು. ಮಹಿಪಾಲ್ ಲೊಮ್ರೋರ್ ಆಡುವ XIನಲ್ಲಿ ಕಣಕ್ಕಿಳಿಸಲಿಲ್ಲ. ಇಂಪ್ಯಾಕ್ಟ್ ಪ್ಲೇಯರ್​ ಆಗಿ ಅಬ್ಬರದ ಪ್ರದರ್ಶನ ನೀಡಿದರೂ ಮುಂದಿನ ಪಂದ್ಯದಲ್ಲಿ ಕಾಣಿಸಿಕೊಂಡಿರಲಿಲ್ಲ. ಅಚ್ಚರಿ ಅಂದರೆ ಲಾಕಿ ಫರ್ಗುಸನ್ ಅವರು ಇಲ್ಲಿಯವರೆಗೂ ಬೆಂಚ್​​​ನಲ್ಲಿರುವುದು. ತಮ್ಮ ಯಾರ್ಕರ್‌ ಮತ್ತು ವೇಗದ ಮೂಲಕ ನಡುಕ ಹುಟ್ಟಿಸುವ ಸಾಮರ್ಥ್ಯ ಹೊಂದಿದ್ದಾರೆ.

ಫಾರ್ಮ್​​ನಲ್ಲಿಲ್ಲದ ಗ್ಲೆನ್ ಮ್ಯಾಕ್ಸ್​ವೆಲ್ ಮತ್ತು ಕ್ಯಾಮರೂನ್ ಗ್ರೀನ್​ರನ್ನು ಕೈಬಿಟ್ಟು ರೀಸ್ ಟೋಪ್ಲಿ ಮತ್ತು ಲಾಕಿ ಫರ್ಗುಸನ್ ಅವರನ್ನು ಕಣಕ್ಕಿಳಿಸಬೇಕು. ಅನುಜ್ ರಾವತ್, ಲೊಮ್ರೋರ್ ಅವರಂತಹ ಭಾರತೀಯ ಬ್ಯಾಟರ್‌ಗಳನ್ನು ಆಡಿಸಬೇಕು. ಫಾಫ್ ಡು ಪ್ಲೆಸಿಸ್, ವಿರಾಟ್ ಕೊಹ್ಲಿ ಮತ್ತು ವಿಲ್ ಜಾಕ್ಸ್ ಬ್ಯಾಟಿಂಗ್​​ನಲ್ಲಿ ಆಡಬೇಕಿದೆ. ಮೊಹಮ್ಮದ್ ಸಿರಾಜ್, ಟೋಪ್ಲಿ ಮತ್ತು ಫರ್ಗುಸನ್ ಮೂವರು ವೇಗಿಗಳೊಂದಿಗೆ ಬೌಲಿಂಗ್ ದಾಳಿ ಎದುರಾಳಿ ಮೇಲೆ ಪರಿಣಾಮ ಬೀರುತ್ತದೆ. ಈ 3 ಕಾರಣಗಳಿಂದ ಆರ್​ಸಿಬಿ ಪ್ಲೇಆಫ್ ಪ್ರವೇಶಿಸಬಹುದು.

IPL_Entry_Point