ಕನ್ನಡ ಸುದ್ದಿ  /  ಕ್ರಿಕೆಟ್  /  ಕೆಕೆಆರ್​ ವಿರುದ್ಧ ಆರ್​ಸಿಬಿ ತಂಡಕ್ಕೆ ವಿರೋಚಿತ ಸೋಲು; ಫಾಫ್ ಪಡೆ ಪ್ಲೇಆಫ್ ರೇಸ್​ನಿಂದ ಬಹುತೇಕ ಔಟ್

ಕೆಕೆಆರ್​ ವಿರುದ್ಧ ಆರ್​ಸಿಬಿ ತಂಡಕ್ಕೆ ವಿರೋಚಿತ ಸೋಲು; ಫಾಫ್ ಪಡೆ ಪ್ಲೇಆಫ್ ರೇಸ್​ನಿಂದ ಬಹುತೇಕ ಔಟ್

KKR vs RCB: 17ನೇ ಆವೃತ್ತಿಯ ಐಪಿಎಲ್​ನಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ವಿರುದ್ಧ ಕೋಲ್ಕತ್ತಾ ನೈಟ್​ ರೈಡರ್ಸ್ ತಂಡವು 1 ರನ್ನಿಂದ ರೋಚಕ ಗೆಲುವು ದಾಖಲಿಸಿತು. ಇದರೊಂದಿಗೆ ಆರ್​ಸಿಬಿ ಪ್ಲೇಆಫ್​ ರೇಸ್​ನಿಂದ ಬಹುತೇಕ ಬೀಳುವಂತಾಯಿತು.

ಕೆಕೆಆರ್​ ವಿರುದ್ಧ ಆರ್​ಸಿಬಿ ತಂಡಕ್ಕೆ ವಿರೋಚಿತ ಸೋಲು
ಕೆಕೆಆರ್​ ವಿರುದ್ಧ ಆರ್​ಸಿಬಿ ತಂಡಕ್ಕೆ ವಿರೋಚಿತ ಸೋಲು (AP)

ವಿಲ್ ಜಾಕ್ಸ್ ಮತ್ತು ರಜತ್ ಪಾಟೀದಾರ್ ಹೋರಾಟದ ನಡುವೆಯೂ ಕೋಲ್ಕತ್ತಾ ನೈಟ್ ರೈಡರ್ಸ್ ವಿರುದ್ಧ ರಾಯಲ್ ಚಾಲೆಂಜರ್ಸ್ ಬೆಂಗಳೂರು 1 ರನ್ನಿಂದ ವಿರೋಚಿತ ಸೋಲು ಅನುಭವಿಸಿತು. ಕೋಲ್ಕತ್ತಾದ ಈಡನ್​ ಗಾರ್ಡನ್​ ಮೈದಾನದಲ್ಲಿ ನಡೆದ ರೋಚಕ ಪಂದ್ಯದಲ್ಲಿ ಆರ್​ಸಿಬಿ ಸತತ 6ನೇ ಹಾಗೂ ಒಟ್ಟು 7ನೇ ಸೋಲಿಗೆ ಶರಣಾಯಿತು. ಅಲ್ಲದೆ, ಪ್ಲೇಆಫ್​ ರೇಸ್​ನಿಂದ ಬಹುತೇಕ ಹೊರಬಿದ್ದಿತು. ಉಳಿದ ಆರು 6 ಪಂದ್ಯಗಳಲ್ಲಿ ಗೆದ್ದರೂ ಪ್ಲೇಆಫ್​ಗೇರುವುದು ಅಸಾಧ್ಯ. ಮತ್ತೊಂದೆಡೆ ಕೆಕೆಆರ್​, ಟೂರ್ನಿಯಲ್ಲಿ 5ನೇ ಜಯದ ನಗೆ ಬೀರಿತು.

ಟ್ರೆಂಡಿಂಗ್​ ಸುದ್ದಿ

ಮೊದಲು ಬ್ಯಾಟಿಂಗ್ ನಡೆಸಿದ ಕೆಕೆಆರ್​, ಬೃಹತ್ ಮೊತ್ತ ಪೇರಿಸಿತು. ಫಿಲ್ ಸಾಲ್ಟ್ ಅವರ ಸಿಡಿಲಬ್ಬರದ ಬ್ಯಾಟಿಂಗ್ ಮತ್ತು ಶ್ರೇಯಸ್ ಅಯ್ಯರ್ ಅವರ ಆಕರ್ಷಕದ ಅರ್ಧಶತಕದ ನೆರವಿನಿಂದ 20 ಓವರ್​​ಗಳಲ್ಲಿ 6 ವಿಕೆಟ್ ನಷ್ಟಕ್ಕೆ 222 ರನ್ ಪೇರಿಸಿತು. ಈ ಗುರಿ ಬೆನ್ನಟ್ಟಿದ ಆರ್​ಸಿಬಿ 221ಕ್ಕೆ ಆಲೌಟ್ ಆಯಿತು. ವಿಲ್ ಜಾಕ್ಸ್ ಮತ್ತು ರಜತ್ ಪಾಟೀದಾರ್ ಅವರು ತಲಾ ಸ್ಫೋಟಕ ಅರ್ಧಶತಕ ಶತಕ ಸಿಡಿಸಿ ಮಿಂಚಿದರೂ ಗೆಲುವು ಸಾಧ್ಯವಾಗಲಿಲ್ಲ. ಕೊನೆಯ ಓವರ್​​ನ ಕೊನೆಯ ಎಸೆತದಲ್ಲಿ ಸೋಲಿಗೆ ಶರಣಾಯಿತು.

ಆರ್​ಸಿಬಿ ಬ್ಯಾಟಿಂಗ್

223 ರನ್​ಗಳ ಗುರಿ ಬೆನ್ನಟ್ಟಿದ ಆರ್​ಸಿಬಿ, ಆರಂಭದಲ್ಲೇ ಆರಂಭಿಕರನ್ನು ಕಳೆದುಕೊಂಡಿತು. ವಿರಾಟ್ ಕೊಹ್ಲಿ (18), ಫಾಫ್ ಡು ಪ್ಲೆಸಿಸ್ (7) ಬೇಗನೇ ಔಟಾದರು. ಬಳಿಕ ರಜತ್ ಪಾಟೀದಾರ್ ಮತ್ತು ವಿಲ್ ಜಾಕ್ಸ್​ ಮೂರನೇ ವಿಕೆಟ್​ಗೆ ಶತಕದ ಜೊತೆಯಾಟವಾಡಿದರು. ಅಲ್ಲದೆ, ಇಬ್ಬರು ಸಹ ಬಿರುಸಿನ ಅರ್ಧಶತಕಗಳನ್ನು ಸಿಡಿಸಿ ತಂಡಕ್ಕೆ ಆಸರೆಯಾದರು. ಆರ್​​ಸಿಬಿ ಡಗೌಟ್​​ನಲ್ಲೂ ಆಟಗಾರರ ಮೊಗದಲ್ಲಿ ಮಂದಹಾಸ ಮೂಡಿತ್ತು. ಆದರೆ ಆಂಡ್ರೆ ರಸೆಲ್ ಆರ್​ಸಿಬಿ ಕನಸನ್ನು ನುಚ್ಚು ನೂರು ಮಾಡಿದರು.

ಜಾಕ್ಸ್ 32 ಎಸೆತಗಳಲ್ಲಿ 4 ಬೌಂಡರಿ, 5 ಸಿಕ್ಸರ್ ಸಹಿತ 55 ರನ್ ಗಳಿಸಿದರೆ, ಪಾಟೀದಾರ್​ 23 ಎಸೆತಗಳಲ್ಲಿ 5 ಸಿಕ್ಸರ್​, 3 ಬೌಂಡರಿ ಸಹಿತ 52 ರನ್ ಸಿಡಿಸಿ ಔಟಾದರು. ರಸೆಲ್ ಒಂದೇ ಓವರ್​​​ನಲ್ಲಿ ಔಟ್ ಮಾಡಿದರು. ಇದರೊಂದಿಗೆ ಕ್ಯಾಮರೂನ್ ಗ್ರೀನ್ 6, ಸುಯೇಶ್ ಪ್ರಭುದೇಸಾಯಿ 24, ಮಹಿಪಾಲ್ ಲೊಮ್ರೊರ್ 4, ದಿನೇಶ್ ಕಾರ್ತಿಕ್ 25 ರನ್ ಸಿಡಿಸಿದರು. ಕೊನೆಯ ಓವರ್​​ನಲ್ಲಿ ಗೆಲುವಿಗೆ 21 ರನ್ ಬೇಕಿತ್ತು. ಆದರೆ ಮಿಚೆಲ್ ಸ್ಟಾರ್ಕ್​ ಬೌಲಿಂಗ್​ನಲ್ಲಿ 6 ಸಿಕ್ಸರ್ ಬಾರಿಸಿದ ಕರ್ಣ್ ಶರ್ಮಾ, ಕೆಕೆಆರ್​ ಗೆಲುವು ಕಸಿಯಲು ಯತ್ನಿಸಿದರು.

ಕೆಕೆಆರ್​ ಬ್ಯಾಟಿಂಗ್

ಆದರೆ ಕೊನೆಯ ಓವರ್​​ನ 5ನೇ ಎಸೆತದಲ್ಲಿ ಔಟಾದರು. ಹಾಗಾಗಿ ಅಂತಿಮ ಎಸೆತದಲ್ಲಿ ಎರಡು ರನ್ ಓಡಲು ಪ್ರಯತ್ನಿಸಿ ಲಾಕಿ ಫರ್ಗುಸನ್ ಔಟ್ ಆದರು. ಹೀಗಾಗಿ ಆರ್​ಸಿಬಿ 1 ರನ್ನಿಂದ ಸೋಲೊಪ್ಪಿಕೊಂಡಿತು. ಆಂಡ್ರೆ ರಸೆಲ್ 3 ವಿಕೆಟ್, ಹರ್ಷಿತ್ ರಾಣಾ, ಸುನಿಲ್ ನರೇನ್ ತಲಾ 2 ವಿಕೆಟ್ ಪಡೆದರು.

ಮೊದಲು ಬ್ಯಾಟಿಂಗ್ ಮಾಡಿದ ಕೆಕೆಆರ್​, ಉತ್ತಮ ಆರಂಭ ಪಡೆಯಿತು. ಫಿಲ್ ಸಾಲ್ಟ್​ ನಾಲ್ಕನೇ ಓವರ್​​​ನಲ್ಲಿ 28 ರನ್ ಚಚ್ಚುವ ಮೂಲಕ ಮೊದಲ ವಿಕೆಟ್​ಗೆ 50 ರನ್​ಗಳ ಜೊತೆಯಾಟ ತಂದುಕೊಟ್ಟರು. ಸಾಲ್ಟ್​ ಅಬ್ಬರಿಸಿದರೆ, ಸುನಿಲ್ ನರೇನ್ (10) ನಿರಾಸೆ ಮೂಡಿಸಿದರು. ನರೇನ್ ಬಳಿಕ ಆಂಗ್ಕ್ರಿಶ್ ರಘುವಂಶಿ (3), ವೆಂಕಟೇಶ್ ಅಯ್ಯರ್ (16) ಕೂಡ ಬೇಗನೇ ನಿರ್ಗಮಿಸಿದರು. ಅಲ್ಲದೆ, ಕೇವಲ 14 ಎಸೆತಗಳಲ್ಲಿ 7 ಬೌಂಡರಿ, 3 ಸಿಕ್ಸರ್ ಸಹಿತ 48 ಚಚ್ಚಿದ ಸಾಲ್ಟ್ ಕೂಡ ಔಟಾದರು.

ಯಶ್ ದಯಾಳ್, ಸಿರಾಜ್, ಕ್ಯಾಮರೂನ್ ಗ್ರೀನ್ ಈ ಹಂತದಲ್ಲಿ ಮೇಲುಗೈ ಸಾಧಿಸಿದರು. ನಂತರ ಶ್ರೇಯಸ್ ಅಯ್ಯರ್ ಆಕರ್ಷಕ ಅರ್ಧಶತಕ ಸಿಡಿಸಿದರು. ರಿಂಕು ಸಿಂಗ್ 24, ಆಂಡ್ರೆ ರಸೆಲ್ 27* ಮತ್ತು ರಮಣ್​ದೀಪ್ 24 ರನ್​​ಗಳ ಕಾಣಿಕೆ ನೀಡಿದರು. ಹೀಗಾಗಿ ಕೆಕೆಆರ್​​ 200 ರನ್​ಗಳ ಗಡಿದಾಟಿತು. ಯಶ್ ದಯಾಳ್, ಗ್ರೀನ್ ತಲಾ 2 ವಿಕೆಟ್ ಪಡೆದರು. ಸಿರಾಜ್, ಲಾಕಿ ಫರ್ಗುಸನ್ ತಲಾ 1 ವಿಕೆಟ್ ಪಡೆದರು.

IPL_Entry_Point