ಕನ್ನಡ ಸುದ್ದಿ  /  ಕ್ರಿಕೆಟ್  /  ಲೀಗ್​ನಿಂದ ಫೈನಲ್ ತನಕ ಭಾರತ ಪರ ಆರಂಭಿಕ ವಿಕೆಟ್​ಗೆ ಬಂದೇ ಇಲ್ಲ ಅರ್ಧಶತಕದ ಜೊತೆಯಾಟ; 39 ರನ್ ಬಂದಿದ್ದೇ ಗರಿಷ್ಠ!

ಲೀಗ್​ನಿಂದ ಫೈನಲ್ ತನಕ ಭಾರತ ಪರ ಆರಂಭಿಕ ವಿಕೆಟ್​ಗೆ ಬಂದೇ ಇಲ್ಲ ಅರ್ಧಶತಕದ ಜೊತೆಯಾಟ; 39 ರನ್ ಬಂದಿದ್ದೇ ಗರಿಷ್ಠ!

Rohit Sharma Virat Kohli: ಟಿ20 ವಿಶ್ವಕಪ್ 2024 ಟೂರ್ನಿಯಲ್ಲಿ ಲೀಗ್​ ಹಂತದಿಂದ ಫೈನಲ್ ಪಂದ್ಯದ ತನಕ ಭಾರತ ತಂಡದ ಪರ ಆರಂಭಿಕ ವಿಕೆಟ್​ಗೆ ಅರ್ಧಶತಕದ ಜೊತೆಯಾಟವೇ ಬಂದಿಲ್ಲ!

ಲೀಗ್​ನಿಂದ ಫೈನಲ್ ತನಕ ಭಾರತ ಪರ ಆರಂಭಿಕ ವಿಕೆಟ್​ಗೆ ಬಂದೇ ಇಲ್ಲ ಅರ್ಧಶತಕದ ಜೊತೆಯಾಟ; 39 ರನ್ ಬಂದಿದ್ದೇ ಗರಿಷ್ಠ!
ಲೀಗ್​ನಿಂದ ಫೈನಲ್ ತನಕ ಭಾರತ ಪರ ಆರಂಭಿಕ ವಿಕೆಟ್​ಗೆ ಬಂದೇ ಇಲ್ಲ ಅರ್ಧಶತಕದ ಜೊತೆಯಾಟ; 39 ರನ್ ಬಂದಿದ್ದೇ ಗರಿಷ್ಠ!

ಐಸಿಸಿ ಟಿ20 ವಿಶ್ವಕಪ್​ 2024 ಟೂರ್ನಿಯಲ್ಲಿ (ICC T20 World Cup 2024) ಟೀಮ್ ಇಂಡಿಯಾ (Team India) ಕಳಪೆ ಪ್ರದರ್ಶನ ನೀಡಿದೆ. ಲೀಗ್​ನಿಂದ ಫೈನಲ್ ಪಂದ್ಯದ ತನಕ ಒಮ್ಮೆಯೂ ಆರಂಭಿಕ ವಿಕೆಟ್​ಗೆ ಅರ್ಧಶತಕದ ಜೊತೆಯಾಟ ಬಂದಿಲ್ಲ! ಟಿ20 ವಿಶ್ವಕಪ್ ಟೂರ್ನಿಯ ಫೈನಲ್​ ಪಂದ್ಯದಲ್ಲಿ ಸೌತ್ ಆಫ್ರಿಕಾ ವಿರುದ್ಧ ಮೊದಲ ವಿಕೆಟ್​ಗೆ ಬಂದಿದ್ದು 23 ರನ್​ಗಳ ಜೊತೆಯಾಟವಷ್ಟೆ.

ರೋಹಿತ್​ ಶರ್ಮಾ ಮತ್ತು ವಿರಾಟ್ ಕೊಹ್ಲಿ (Rohit Sharma and Virat Kohli) ಅವರು ಆರಂಭಿಕರಾಗಿ ಒಮ್ಮೆಯೂ 50+ ಸ್ಕೋರ್ ಮಾಡಲಿಲ್ಲ ಎಂಬುದು ವಿಪರ್ಯಾಸ ತಂದಿದೆ. ಬಾಂಗ್ಲಾದೇಶ ವಿರುದ್ಧ 39 ರನ್​ಗಳಿಸಿದ್ದೇ ಇಬ್ಬರ ಗರಿಷ್ಠ ಜೊತೆಯಾಟವಾಗಿದೆ. 

ಸೆಮಿಫೈನಲ್​​​, ಫೈನಲ್​​ನಲ್ಲೂ 30 ರನ್​ ದಾಟಿಲ್ಲ!

ಲೀಗ್​ ಮತ್ತು ಸೂಪರ್-8 ಹಂತವಿರಲಿ ಸೆಮಿಫೈನಲ್, ಫೈನಲ್ ಪಂದ್ಯದಲ್ಲೂ ಆರಂಭಿಕ ವಿಕೆಟ್​ಗೆ ಭಾರತ ತಂಡವು ಅರ್ಧಶತಕದ ಜೊತೆಯಾಟವಾಡಿಲ್ಲ. ಕನಿಷ್ಠ 30 ರನ್​ಗಳ ಜೊತೆಯಾಟವೂ ಆಡಿಲ್ಲ. ಸೆಮಿಫೈನಲ್​​ನಲ್ಲಿ ಇಂಗ್ಲೆಂಡ್ ಎದುರು 19 ರನ್​ಗಳ ಪಾಲುದಾರಿಕೆ ಮತ್ತು ಫೈನಲ್​ನಲ್ಲಿ ಸೌತ್ ಆಫ್ರಿಕಾ ಎದುರು ಕೂಡ ಕೇವಲ 23 ರನ್​ಗಳ ಜೊತೆಯಾಟ ಬಂದಿದೆ. ಸೆಮೀಸ್​ನಲ್ಲಿ ವಿರಾಟ್ ಬೇಗ ಔಟಾದರೆ, ಅಂತಿಮ ಹಣಾಹಣಿಯಲ್ಲಿ ರೋಹಿತ್​, ಬೇಗನೇ ಹೊರನಡೆದರು. ಇದು ಸಾಕಷ್ಟು ಟೀಕೆಗೆ ಕಾರಣವಾಗಿದೆ.

ಟ್ರೆಂಡಿಂಗ್​ ಸುದ್ದಿ

ಆರಂಭಿಕ ವಿಕೆಟ್​ಗೆ ಒಮ್ಮೆ ಮಾತ್ರ 30+ ಸ್ಕೋರ್​

ರೋಹಿತ್​ ಮತ್ತು ಕೊಹ್ಲಿ ಇಬ್ಬರು ಆರಂಭಿಕರಾಗಿ ಒಮ್ಮೆ ಮಾತ್ರ 30+ ರನ್​ಗಳ ಜೊತೆಯಾಟವಾಡಿದ್ದಾರೆ. ಬಾಂಗ್ಲಾದೇಶ ಎದುರು 39 ರನ್​ಗಳ ಪಾಲುದಾರಿಕೆ ಒದಗಿಸಿದ್ದರು. 2 ಬಾರಿಗೆ 20+ ರನ್​ಗಳ ಜೊತೆಯಾಟ ಆಡಿದ್ದಾರೆ. ಟೂರ್ನಿಯ ಆರಂಭಿಕ ಪಂದ್ಯದಲ್ಲಿ ಐರ್ಲೆಂಡ್ ಎದುರು 22, ಫೈನಲ್​​ನಲ್ಲಿ 23 ರನ್​ಗಳ ಪಾಲುದಾರಿಕೆ ನೀಡಿದ್ದಾರೆ. ಉಳಿದ ಪಂದ್ಯಗಳಲ್ಲಿ ಅದಕ್ಕಿಂತ ಕಡಿಮೆ ರನ್​ಗಳ ಜೊತೆಯಾಟವಾಡಿದ್ದಾರೆ. ಪ್ರತಿ ಪಂದ್ಯದಲ್ಲಿ ಆರಂಭಿಕರ ಜೊತೆಯಾಟ ಇಲ್ಲಿದೆ ನೋಡಿ.

22 (2.4) vs ಐರ್ಲೆಂಡ್ (ಗುಂಪು ಹಂತ)

12 (1.3) vs ಪಾಕಿಸ್ತಾನ (ಗುಂಪು ಹಂತ)

1 (0.2) vs ಯುಎಸ್​ಎ (ಗುಂಪು ಹಂತ)

00 vs ಕೆನಡಾ (ಎಸೆತ ಕಾಣದೆ ಪಂದ್ಯ ರದ್ದು)

11 (2.5) vs ಅಫ್ಘಾನಿಸ್ತಾನ (ಸೂಪರ್-8)

39 (3.4) vs ಬಾಂಗ್ಲಾದೇಶ (ಸೂಪರ್-8)

6 (1.4) vs ಆಸ್ಟ್ರೇಲಿಯಾ (ಸೂಪರ್-8)

19 (2.4) vs ಇಂಗ್ಲೆಂಡ್ (ಸೆಮಿಫೈನಲ್)

23 (1.4) vs ಸೌತ್ ಆಫ್ರಿಕಾ (ಫೈನಲ್)

ರೋಹಿತ್​ ಮಿಂಚು, ಕೊಹ್ಲಿ ವೈಫಲ್ಯ

ಟೂರ್ನಿಯಲ್ಲಿ ವಿರಾಟ್ ಕೊಹ್ಲಿ ವೈಫಲ್ಯ ಅನುಭವಿಸಿದರೆ, ರೋಹಿತ್​ ಶರ್ಮಾ ಮಿಂಚಿನ ಪ್ರದರ್ಶನ ನೀಡಿದರು. ಫೈನಲ್​ನಲ್ಲಿ ಹಿಟ್​ಮ್ಯಾನ್ 9 ರನ್ ಗಳಿಸಿದರೂ ಉಳಿದ ಪಂದ್ಯದಲ್ಲಿ ಉತ್ತಮ ಪ್ರದರ್ಶನ ನೀಡಿದರು. 8 ಪಂದ್ಯಗಳಲ್ಲಿ 36.71ರ ಬ್ಯಾಟಿಂಗ್ ಸರಾಸರಿಯಲ್ಲಿ 257 ರನ್​ ಗಳಿಸಿ ಎರಡನೇ ಟಾಪ್ ಸ್ಕೋರರ್​ ಆದರು. ಆದರೆ ಕೊಹ್ಲಿ ಫೈನಲ್​ಗೂ ಮುನ್ನ 7 ಪಂದ್ಯಗಳಲ್ಲಿ ಗಳಿಸಿದ್ದೇ 75 ರನ್. ಸತತ ವೈಫಲ್ಯ ಅನುಭವಿಸಿ ಟೀಕೆಗೂ ಗುರಿಯಾದರು.