ಕನ್ನಡ ಸುದ್ದಿ  /  ಕ್ರಿಕೆಟ್  /  ಆರ್​ಸಿಬಿ ಫೈನಲ್​ ಗೆದ್ದಂತೆ ಹಾರಾಡ್ತಿದೆ ಎಂದ ರಾಯುಡು; ಇವರಿಗೆ ಅರಗಿಸಿಕೊಳ್ಳೊಕೆ ಆಗ್ತಿಲ್ಲ ಎಂದ ಬೆಂಗಳೂರು ಮಾಜಿ ಆಟಗಾರ

ಆರ್​ಸಿಬಿ ಫೈನಲ್​ ಗೆದ್ದಂತೆ ಹಾರಾಡ್ತಿದೆ ಎಂದ ರಾಯುಡು; ಇವರಿಗೆ ಅರಗಿಸಿಕೊಳ್ಳೊಕೆ ಆಗ್ತಿಲ್ಲ ಎಂದ ಬೆಂಗಳೂರು ಮಾಜಿ ಆಟಗಾರ

Varun Aaron troll Ambati Rayudu: ಆರ್​ಸಿಬಿ ಫೈನಲ್​ ಗೆದ್ದಂತೆ ಆಡುತ್ತಿದೆ ಎಂದು ಟೀಕಿಸಿದ ಅಂಬಾಟಿ ರಾಯುಡು ಅವರಿಗೆ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಮಾಜಿ ಆಟಗಾರ ಸರಿಯಾಗಿ ತಿರುಗೇಟು ನೀಡಿದ್ದಾರೆ.

ಆರ್​ಸಿಬಿ ಫೈನಲ್​ ಗೆದ್ದಂತೆ ಹಾರಾಡ್ತಿದೆ ಎಂದ ರಾಯುಡು; ಇವರಿ ಅರಗಿಸಿಕೊಳ್ಳೊಕೆ ಆಗ್ತಿಲ್ಲ ಎಂದ ಬೆಂಗಳೂರು ಮಾಜಿ ಆಟಗಾರ
ಆರ್​ಸಿಬಿ ಫೈನಲ್​ ಗೆದ್ದಂತೆ ಹಾರಾಡ್ತಿದೆ ಎಂದ ರಾಯುಡು; ಇವರಿ ಅರಗಿಸಿಕೊಳ್ಳೊಕೆ ಆಗ್ತಿಲ್ಲ ಎಂದ ಬೆಂಗಳೂರು ಮಾಜಿ ಆಟಗಾರ

ಇಂಡಿಯನ್ ಪ್ರೀಮಿಯರ್ ಲೀಗ್ 2024ರಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡವು ಚೆನ್ನೈ ಸೂಪರ್ ಕಿಂಗ್ಸ್ ತಂಡವನ್ನು (Royal Challengers Bengaluru vs Chennai Super Kings) ಪ್ಲೇಆಫ್​ನಿಂದ ಹೊರದಬ್ಬಿದ ನಂತರ ಯಲ್ಲೋ ಆರ್ಮಿ ಮಾಜಿ ಕ್ರಿಕೆಟಿಗ ಅಂಬಾಟಿ ರಾಯುಡು (Ambati Rayudu) ಎದೆಗುಂದಿದಿದ್ದಾರೆ. ಈ ಪಂದ್ಯದ ಕೊನೆಯ ಎಸೆತವನ್ನು ಯಶ್ ದಯಾಳ್ (Yash Dayal)​​ ಬೌಲ್ ಮಾಡಿದ ನಂತರ ರಾಯುಡು ಮುಖದ ಮೇಲೆ ಕೈ ಹಾಕಿಕೊಂಡು ಸಂಕಟ ಪಡುತ್ತಿರುವ ಚಿತ್ರವು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದೆ.

ಟ್ರೆಂಡಿಂಗ್​ ಸುದ್ದಿ

ಡೆತ್​ ಓವರ್​​ಗಳಲ್ಲಿ ಪ್ರತಿರೋಧ ತೋರಿದ ರವೀಂದ್ರ ಜಡೇಜಾ ಕೊನೆಯ ಓವರ್​​ನ ಅಂತಿಮ ಎಸೆತದವರೆಗೂ ಕ್ರೀಸ್​ನಲ್ಲೇ ಇದ್ದರು. ಆದರೂ ಪ್ರವಾಸಿ ತಂಡವು ಸಾಂಪ್ರದಾಯಿಕ ಎದುರಾಳಿಗಳ ವಿರುದ್ಧ ಸಿಎಸ್​ಕೆ 27 ರನ್​ಗಳಿಂದ ಶರಣಾಯಿತು. ಐತಿಹಾಸಿಕ ಜಯದ ನಂತರ ಟೀಮ್ ಇಂಡಿಯಾ ಹಾಗೂ ಸಿಎಸ್​ಕೆ ಮಾಜಿ ಆಟಗಾರ ಅಂಬಾಟಿ ರಾಯುಡು ಅವರು ಫಾಫ್ ಡು ಪ್ಲೆಸಿಸ್​ ಪಡೆಯನ್ನು ಅಣಕಿಸಿದ್ದಾರೆ. ಅಪಹಾಸ್ಯ ಮಾಡಿದ ರಾಯುಡು ಈಗ ಟ್ರೋಲ್​​ಗೆ ಗುರಿಯಾಗಿದ್ದಾರೆ.

ಆರ್​ಸಿಬಿ ಕಪ್​ ಗೆದ್ದಂತೆ ಹಾರಾಡ್ತಿದೆ ಎಂದ ರಾಯುಡು

ಸಿಎಸ್​ಕೆ ಎದುರು ದಿಗ್ವಿಜಯ ಸಾಧಿಸಿದ ಆರ್​​ಸಿಬಿ ಪ್ಲೇಆಫ್ ಪ್ರವೇಶಿಸಿದ್ದರೂ ಕಪ್​ ಗೆದ್ದಂತೆ ಆಡುತ್ತಿದೆ. ಅವರು ಪ್ರವೇಶಿಸಿರುವುದು ಪ್ಲೇಆಫ್ ಮಾತ್ರ. ಟ್ರೋಫಿ ಜಯಿಸಿಲ್ಲ. ಅವರು ರಾತ್ರಿ ಸಂಭ್ರಮಿಸಿದ್ದು ನೋಡಿದರೆ, ಈಗಾಗಲೇ ಪ್ರಶಸ್ತಿಯನ್ನೇ ಜಯಿಸಿದವರಂತೆ ಕಂಡರು. ಬೆಂಗಳೂರಿನ ಬೀದಿಗಳಲ್ಲಿ ಅಭಿಮಾನಿಗಳಿಂದ ಪ್ರತಿಕ್ರಿಯೆ ಹೇಗಿತ್ತು ಎಂಬುದನ್ನು ನೋಡಿದ್ದೇವೆ ಎಂದು ರಾಯುಡು ಹೇಳಿದ್ದಾರೆ.

ಕಪ್​ ಗೆಲ್ಲಲು ಸಾಧ್ಯವಾಗದಿದ್ದರೆ ಚೆನ್ನೈ ಸೂಪರ್ ಕಿಂಗ್ಸ್​​ ತಮ್ಮ ಟ್ರೋಫಿಗಳಲ್ಲಿ ಒಂದನ್ನು ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡಕ್ಕೆ ನೀಡಬೇಕು. ಅದನ್ನು ಅವರು ಪರೇಡ್ ಮಾಡಬಹುದು ಎಂದು ಅಂಬಾಟಿ ಸ್ಟಾರ್​ಸ್ಟೋರ್ಟ್ಸ್​ನಲ್ಲಿ ರೆಡ್​ ಆರ್ಮಿಯನ್ನು ಅಣಕಿಸಿದ್ದಾರೆ. ಆ ಮೂಲಕ ಎಲಿಮಿನೇಟರ್ ಸೋಲಲಿ ಎಂದು ಬಯಸುತ್ತಿದ್ದಾರೆ ಎಂಬುದು ಅವರ ಮಾತುಗಳಲ್ಲಿ ತಿಳಿಯುತ್ತದೆ.

ವರುಣ್ ಆರೋನ್ ತಿರುಗೇಟು

ಸ್ಟಾರ್​ ಸ್ಪೋರ್ಟ್ಸ್​ ಶೋನಲ್ಲಿ ಅಂಬಾಟಿ ಪಕ್ಕದಲ್ಲೇ ಇದ್ದ ಆರ್​ಸಿಬಿ ಮಾಜಿ ಆಟಗಾರ ವರುಣ್​ ಅರೋನ್, ಸರಿಯಾಗಿ ತಿರುಗೇಟು ನೀಡಿದ್ದಾರೆ. ಸಿಎಸ್​ಕೆ ತಂಡವನ್ನು ಪ್ಲೇಆಫ್​ ರೇಸ್​ನಿಂದ ಹೊರದಬ್ಬಿದ ಆರ್​ಸಿಬಿಯ ಗೆಲುವನ್ನು ಇವರಿಂದ ಅರಗಿಸಿಕೊಳ್ಳಲು ಸಾಧ್ಯವಾಗುತ್ತಿಲ್ಲ ಎಂದು ಅರೋನ್​, ರಾಯುಡುಗೆ ಚಾಟಿ ಬೀಸಿದ್ದಾರೆ. ಇದರ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದೆ.

ರಾಯುಡು ವಿರುದ್ಧ ಫ್ಯಾನ್ಸ್ ಗರಂ

ಸಿಎಸ್​ಕೆ ತನ್ನ ಒಂದು ಟ್ರೋಫಿಯನ್ನು ಆರ್​ಸಿಬಿಗೆ ಕೊಡಲಿ ಎಂದ ಅಂಬಾಟಿ ರಾಯುಡು ವಿರುದ್ಧ ಬೆಂಗಳೂರು ಫ್ಯಾನ್ಸ್​​ ಗರಂ ಆಗಿದ್ದಾರೆ. ನಿಯತ್ತಾಗಿ ಕಪ್​ ಗೆಲ್ತೇವೆ, ನಿಮ್ಮಂಗೆ ಎರಡು ವರ್ಷ ಬ್ಯಾನ್ ಆಗಿಲ್ಲ ಎಂದು ನೆಟ್ಟಿಗರು ಟ್ರೋಲ್ ಮಾಡಿದ್ದಾರೆ. ವಿಶ್ವದ ಅತಿದೊಡ್ಡ ಕ್ರಿಕೆಟ್ ಲೀಗ್​ನಲ್ಲಿ ಮ್ಯಾಚ್​ ಫಿಕ್ಸಿಂಗ್ ಮಾಡ್ಕೊಂಡು ಕಳಂಕ ತಂದವರು ನೀವು ಎಂದು ಕಿಡಿಕಾರಿದ್ದಾರೆ.

 

(ಕನ್ನಡದಲ್ಲಿ ಕ್ರಿಕೆಟ್, ಎಚ್‌ಟಿ ಕನ್ನಡ ಬೆಸ್ಟ್‌. ಐಪಿಎಲ್, ಟಿ20 ವರ್ಲ್ಡ್‌ಕಪ್ ಸೇರಿದಂತೆ ಕ್ರಿಕೆಟ್ ಲೋಕದ ಸಮಗ್ರ ಮಾಹಿತಿ, ತಾಜಾ ವಿದ್ಯಮಾನ, ರನ್-ವಿಕೆಟ್, ಪ್ಲೇಆಫ್, ಟೀಮ್ ಸ್ಟಾಟ್ ವಿಶ್ಲೇಷಣೆಗಳಿಗಾಗಿ kannada.hindustantimes.com/cricket ಕ್ಕೆ ಭೇಟಿ ನೀಡಿ.)

ಟಿ20 ವರ್ಲ್ಡ್‌ಕಪ್ 2024

ಕ್ರಿಕೆಟ್‌ಗೆ ಸಂಬಂಧಿಸಿದ ಎಲ್ಲ ಸುದ್ದಿ, T20 ವಿಶ್ವಕಪ್, T20 ವಿಶ್ವಕಪ್ ವೇಳಾಪಟ್ಟಿ, T20 ವಿಶ್ವಕಪ್ ಅತ್ಯಧಿಕ ರನ್‌ಗಳು, T20 ವಿಶ್ವಕಪ್ ಪಾಯಿಂಟ್ಸ್ ಟೇಬಲ್, T20 ವಿಶ್ವಕಪ್ ಲೈವ್ ಸ್ಕೋರ್, T20 ವಿಶ್ವಕಪ್ ಅಂಕಿಅಂಶಗಳು.. ಕ್ರಿಕೆಟ್‌ಗೆ ಸಂಬಂಧಿಸಿದ ಸಮಗ್ರ ಮಾಹಿತಿಗಾಗಿ HT ಕನ್ನಡ ವೆಬ್‌ಸೈಟ್ ನೋಡಿ