ಐಪಿಎಲ್ ಫೈನಲ್​, ಕ್ವಾಲಿಫೈಯರ್, ಎಲಿಮಿನೇಟರ್​ಗೆ ಸ್ಥಳ-ದಿನಾಂಕ ನಿಗದಿ; ಚೆನ್ನೈನ ಚೆಪಾಕ್​​ನಲ್ಲಿ ಅಂತಿಮ ಫೈಟ್​?

ಇಂಡಿಯನ್ ಪ್ರೀಮಿಯರ್ ಲೀಗ್ (IPL 2024) ಫೈನಲ್ ಪಂದ್ಯವು ತಾತ್ಕಾಲಿಕವಾಗಿ ಮೇ 26ರಂದು ಚೆನ್ನೈನ ಎಂಎ ಚಿದಂಬರಂ ಸ್ಟೇಡಿಯಂನಲ್ಲಿ (MA Chidambaram Stadium) ನಡೆಯಲಿದೆ ಎಂದು ಬಿಸಿಸಿಐ (BCCI) ಮೂಲಗಳು ಬಹಿರಂಗಪಡಿಸಿವೆ. ಅಹಮದಾಬಾದ್‌ನ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ (Narendra Modi Stadium) ಒಂದು ಕ್ವಾಲಿಫೈಯರ್ ಮತ್ತು ಒಂದು ಎಲಿಮಿನೇಟರ್ ನಡೆಯಲಿದ್ದು, ಇನ್ನೊಂದು ಕ್ವಾಲಿಫೈಯರ್ ಚೆನ್ನೈನಲ್ಲಿ ನಡೆಯಲಿದೆ ಎಂದು ತಿಳಿದು ಬಂದಿದೆ.

ಕಳೆದ ವರ್ಷದ ಹಾಲಿ ಚಾಂಪಿಯನ್‌ನ ತವರು ಮೈದಾನದಲ್ಲಿ ಆರಂಭಿಕ ಮತ್ತು ಅಂತಿಮ ಪಂದ್ಯ ನಡೆಸುವ ಸಂಪ್ರದಾಯವನ್ನು ಐಪಿಎಲ್ ಆಡಳಿತ ಮಂಡಳಿಯು ಮುಂದುವರೆಸಿಕೊಂಡು ಬಂದಿದೆ. ಕಳೆದ ವರ್ಷ ಚೆನ್ನೈ ಸೂಪರ್​ ಕಿಂಗ್ಸ್​ (Chennai Super Kings) ಚಾಂಪಿಯನ್ ಆಗಿತ್ತು. ಅದರಂತೆ ಉದ್ಘಾಟನಾ ಮತ್ತು ಫೈನಲ್ ಪಂದ್ಯವನ್ನು ಚೆಪಾಕ್​ನಲ್ಲಿ ಆಯೋಜಿಸಲಾಗುವುದು ಎಂದು ಹಿರಿಯ ಬಿಸಿಸಿಐ ಅಧಿಕಾರಿಯೊಬ್ಬರು ಪಿಟಿಐಗೆ ತಿಳಿಸಿದ್ದಾರೆ.

ಇದನ್ನೂ ಓದಿ : Yuva: ‘ಅಪ್ಪು ಮಗನಾಗಿ ನಿನ್ನನ್ನು ನಾಡಿನ ಜನರ ಮಡಿಲಿಗೆ ಹಾಕುತ್ತಿದ್ದೇನೆ’; ಪುತ್ರನ ಬಗ್ಗೆ ರಾಘಣ್ಣನ ಮಾತು, ಹೊಸಪೇಟೆಯಲ್ಲಿ ‘ಯುವ’ ಸ್ತುತಿ

2022ರಲ್ಲಿ ಗುಜರಾತ್ ಟೈಟಾನ್ಸ್​ ಚಾಂಪಿಯನ್ ಆಗಿತ್ತು. 2023ರ ಐಪಿಎಲ್​ನಲ್ಲಿ ಆರಂಭಿಕ ಮತ್ತು ಫೈನಲ್ ಪಂದ್ಯವನ್ನು ನರೇಂದ್ರ ಮೋದಿ ಕ್ರೀಡಾಂಗಣದಲ್ಲಿ ಆಯೋಜಿಸಲಾಗಿತ್ತು. ಸದ್ಯ ಮಹೇಂದ್ರ ಸಿಂಗ್ ಧೋನಿ ತಮ್ಮ ಕೊನೆಯ ಐಪಿಎಲ್‌ನಲ್ಲಿ ಆಡುವುದರಿಂದ ಚೆನ್ನೈನಲ್ಲಿ ನಾಕೌಟ್ ಪಂದ್ಯಗಳು ಎಲ್ಲಾ ತಲಾ ಅಭಿಮಾನಿಗಳಿಗೆ ಮನರಂಜನೆಯ ರಸದೌತಣ ಉಣಬಡಿಸಲಿವೆ.

ಸಾರ್ವತ್ರಿಕ ಚುನಾವಣಾ ದಿನಾಂಕಗಳನ್ನು ಗಮನದಲ್ಲಿಟ್ಟುಕೊಂಡು ಬಿಸಿಸಿಐ, ಐಪಿಎಲ್‌ನ ಉಳಿದ ವೇಳಾಪಟ್ಟಿಯನ್ನು ಅಂತಿಮಗೊಳಿಸಿದೆ ಮತ್ತು ಶೀಘ್ರದಲ್ಲೇ ಬಿಡುಗಡೆಯಾಗಲಿದೆ. ಮೊದಲ ಹಂತದ ಐಪಿಎಲ್ ಪಂದ್ಯಗಳು ಮಾರ್ಚ್ 22ರಿಂದ ಪ್ರಾರಂಭವಾಗಿದ್ದು, ಏಪ್ರಿಲ್ 7ರ ತನಕ ನಡೆಯಲಿವೆ. ಎರಡನೇ ವೇಳಾಪಟ್ಟಿ ಕುರಿತು ಐಪಿಎಲ್ ಅಧ್ಯಕ್ಷ ಅರುಣ್ ಧುಮಾಲ್ ಪ್ರತಿಕ್ರಿಯಿಸಿದ್ದಾರೆ.

ಇದನ್ನೂ ಓದಿ : Darshan: ಕೋಟಿ ಬೆಲೆಯ ಕಾರ್‌ ಬದಿಗಿಟ್ಟು, ಜೋಡೆತ್ತಿನ ಬಂಡಿ ಏರಿ ಮಗನ ಜತೆಗೆ ಕೆರೆದಂಡೆಯಲ್ಲೇ ತಣ್ಣನೆಯ ರಾತ್ರಿ ಕಳೆದ ದರ್ಶನ್‌! VIDEO

ಭಾರತೀಯ ಚುನಾವಣಾ ಆಯೋಗವು ಸಾರ್ವತ್ರಿಕ ಚುನಾವಣೆಗಳ ವೇಳಾಪಟ್ಟಿಯನ್ನು ಪ್ರಕಟಿಸಿದೆ. ಹಾಗಾಗಿ ಉಳಿದ ವೇಳಾಪಟ್ಟಿಗಾಗಿ ಕೆಲಸ ನಡೆಯುತ್ತಿದ್ದು, ಮತದಾನದ ದಿನಾಂಕಗಳೊಂದಿಗೆ ಘರ್ಷಣೆ ಉಂಟಾಗದಂತೆ ತಪ್ಪಿಸಲು ಯೋಜನೆ ರೂಪಿಸುತ್ತಿದ್ದೇವೆ. ಮತದಾನ ನಡೆಯುವ ದಿನಗಳಂದು ಪಂದ್ಯಗಳು ಆಯೋಜಿಸದಿರಲು ತೀರ್ಮಾನ ಕೈಗೊಂಡಿದ್ದೇವೆ ಎಂದು ಐಪಿಎಲ್ ಜಿಸಿ ಅಧ್ಯಕ್ಷ ಅರುಣ್ ಧುಮಾಲ್ (Arun Dhumal) ಅವರು ನ್ಯೂಸ್​ 18ಗೆ ತಿಳಿಸಿದ್ದಾರೆ.

ಐಪಿಎಲ್​ ಪ್ಲೇ ಆಫ್ ಮತ್ತು ಫೈನಲ್ ಪಂದ್ಯಗಳು ಎಲ್ಲಿ?

ಫೈನಲ್​ - ಚೆಪಾಕ್ ಕ್ರಿಕೆಟ್ ಮೈದಾನ (ಮೇ 26 ಫೈನಲ್ ಸಾಧ್ಯತೆ)

ಕ್ವಾಲಿಫೈಯರ್​​ 1 - ನರೇಂದ್ರ ಮೋದಿ ಸ್ಟೇಡಿಯಂ (ದಿನಾಂಕ ಬಹಿರಂಗಗೊಂಡಿಲ್ಲ)

ಎಲಿಮಿನೇಟರ್​ - ನರೇಂದ್ರ ಮೋದಿ ಸ್ಟೇಡಿಯಂ (ದಿನಾಂಕ ಬಹಿರಂಗಗೊಂಡಿಲ್ಲ)

ಕ್ವಾಲಿಫೈಯರ್ 2 - ಚೆಪಾಕ್ ಕ್ರಿಕೆಟ್ ಮೈದಾನ (ದಿನಾಂಕ ಬಹಿರಂಗಗೊಂಡಿಲ್ಲ)

ಇದನ್ನೂ ಓದಿ : ‘7500 ಕೋಟಿ ಇದ್ರೂ ಉಪಯೋಗಕ್ಕೆ ಬರಲಿಲ್ಲ, ಇನ್ನೊಂದು ಮಗು ಬೇಕಂದ್ರೂ ದೇವ್ರು ಕರುಣಿಸಲಿಲ್ಲ!​’ ಗರ್ಭಪಾತದ ನೋವಲ್ಲಿ ರಾಣಿ ಮುಖರ್ಜಿ