ಹೊಗಳಿ ಅಟ್ಟಕ್ಕೇರಿಸಿದ್ದ ಅಭಿಮಾನಿಗಳಿಂದಲೇ ಟೀಕೆ, ಟ್ರೋಲ್; ರಾಜಸ್ಥಾನ್ ರಾಯಲ್ಸ್ ವಿರುದ್ಧ ಕೆಎಲ್ ರಾಹುಲ್ ಆಡಿದ ರೀತಿಗೆ ಆಕ್ರೋಶ

ಚೆನ್ನೈ ಸೂಪರ್ ಕಿಂಗ್ಸ್ ವಿರುದ್ಧ 77 ರನ್, ರಾಯಲ್ ಚಾಲೆಂಜರ್ಸ್ ಬೆಂಗಳೂರು ವಿರುದ್ಧ 93* ರನ್ ಗಳಿಸಿ ಮ್ಯಾಚ್ ವಿನ್ನಿಂಗ್ ಪ್ರದರ್ಶನ ನೀಡಿದ್ದ ಡೆಲ್ಲಿ ಕ್ಯಾಪಿಟಲ್ಸ್ ವಿಕೆಟ್ ಕೀಪರ್ ಬ್ಯಾಟರ್ ಕೆಎಲ್ ರಾಹುಲ್ ಅವರನ್ನು ಎತ್ತಿ ಮೆರೆಸಿದ್ದ ಇದೇ ಅಭಿಮಾನಿಗಳು 2025ರ ಇಂಡಿಯನ್ ಪ್ರೀಮಿಯರ್ ಲೀಗ್​ನ 32ನೇ ಪಂದ್ಯದಲ್ಲಿ ರಾಜಸ್ಥಾನ್ ರಾಯಲ್ಸ್ ವಿರುದ್ಧ ಆಡಿದ ರೀತಿಗೆ ಸಿಕ್ಕಾಪಟ್ಟೆ ಟ್ರೋಲ್ ಮಾಡುತ್ತಿದ್ದಾರೆ. ಕೆಎಲ್ ರಾಹುಲ್ ಅವರಿಂದ ಸರಿಯಾದ ಟೆಸ್ಟ್ ಇನ್ನಿಂಗ್ಸ್ ಎಂದು ಕಿಡಿಕಾರಿದ್ದಾರೆ. ಲಕ್ನೋ ಸೂಪರ್ ಜೈಂಟ್ಸ್ ಪರ ಆಡುತ್ತಿದ್ದ ಆಟವನ್ನೇ ಇಲ್ಲೂ ಮುಂದುವರೆಸುತ್ತಿದ್ದಾರೆ ಎಂದು ಆಕ್ರೋಶ ಹೊರಹಾಕಿದ್ದಾರೆ.

ರಾಜಸ್ಥಾನ್ ವಿರುದ್ಧದ ಇನ್ನಿಂಗ್ಸ್ ಪ್ರಸಕ್ತ ಆವೃತ್ತಿಯಲ್ಲಿ ರಾಹುಲ್ ಅವರ ಕಳೆದ ಇನ್ನಿಂಗ್ಸ್​​ಗಳಿಗೆ ವ್ಯತಿರಿಕ್ತವಾಗಿದೆ. ಡೆಲ್ಲಿ ಕ್ಯಾಪಿಟಲ್ಸ್ 34/2ಕ್ಕೆ ಕುಸಿಯುತ್ತಿದ್ದಂತೆ ಕೆಎಲ್, ಎಚ್ಚರಿಕೆಯ ಮತ್ತು ನಿಧಾನಗತಿಯ ಆಟಕ್ಕೆ ಒತ್ತುಕೊಟ್ಟರು. 32 ಎಸೆತಗಳಲ್ಲಿ 38 ರನ್ ಗಳಿಸಿದ ಕರ್ನಾಟಕದ ಆಟಗಾರರ ಹಿಂದಿನ ಫಾರ್ಮ್ ಅನ್ನು ಗಮನಿಸಿದರೆ ಇದು ಅಸಹಜವಾಗಿ ನಿಧಾನಗತಿಯ ಆಟವಾಗಿದೆ. 4 ಮತ್ತು 12 ಓವರ್​​​ಗಳ ನಡುವೆ ರಾಹುಲ್ 29 ಎಸೆತಗಳನ್ನು ಎದುರಿಸಿದರೂ ಕೇವಲ ಎರಡು ಬೌಂಡರಿಗಳನ್ನಷ್ಟೇ ಸಾಧ್ಯವಾದರು. 5ನೇ ಓವರ್​​ನಲ್ಲಿ ತೀಕ್ಷಾಣಗೆ ಬೌಂಡರಿ, 7ನೇ ಓವರ್​ನಲ್ಲಿ ತುಷಾರ್​ ದೇಶಪಾಂಡೆಗೆ ಸಿಕ್ಸರ್ ಚಚ್ಚಿದರು. ಇದು ಬಿಟ್ಟರೆ ಸಿಂಗಲ್ಸ್ ಮತ್ತು ಡಾಟ್​ಗಳಲ್ಲೇ ಕಾಲ ಕಳೆದರು.

ಕೆಎಲ್ ರಾಹುಲ್ ಫುಲ್ ಟ್ರೋಲ್

13ನೇ ಓವರ್​​ನಲ್ಲಿ ಜೋಫ್ರಾ ಆರ್ಚರ್​ ಬೌಲಿಂಗ್​ನಲ್ಲಿ ರಾಹುಲ್ ವಿಕೆಟ್ ಒಪ್ಪಿಸಿದರು. ಐಪಿಎಲ್ ಇತಿಹಾಸದಲ್ಲಿ ಆರ್ಚರ್​ಗೆ ಇದೇ ಮೊದಲ ಬಾರಿಗೆ ಔಟಾದರು. ಸ್ಕೋರ್ ಹೆಚ್ಚಿಸಲು ವಿಫಲವಾದ ರಾಹುಲ್ ವಿರುದ್ಧವೇ ಅಭಿಮಾನಿಗಳು ತಿರುಗಿಬಿದ್ದಿದ್ದಾರೆ. ಕೈಯಲ್ಲಿ ವಿಕೆಟ್​ಗಳಿಂದ್ದರೂ ವೇಗ ಕಾಯ್ದುಕೊಳ್ಳುವ ಮನಸ್ಥಿತಿ ಬದಲಿಸದೇ ಇರುವುದು ಅಭಿಮಾನಿಗಳನ್ನು ಅಚ್ಚರಿಗೊಳಿಸಿದೆ. ಟೆಸ್ಟ್ ಕ್ರಿಕೆಟ್​ನಲ್ಲಿ ಟೆಸ್ಟ್ ಆಡುವುದು ಬಿಟ್ಟು ಟಿ20 ಕ್ರಿಕೆಟ್​ನಲ್ಲಿ ಟೆಸ್ಟ್ ಆಡಿದರೆ ಹೇಗೆ ಎಂದು ಅಮಾಧಾನ ವ್ಯಕ್ತಪಡಿಸಿದ್ದಾರೆ. ಸ್ಟ್ರೈಕ್​ರೇಟ್​ ಹೆಚ್ಚಿಸಿಕೊಳ್ಳುವುದು ಬಿಟ್ಟು, ಆರೆಂಜ್ ಕ್ಯಾಪ್ ಮೇಲೆ ಕಣ್ಣು ಹಾಕಿದರೆ ಹೇಗೆ? ಕೆಎಲ್ ರಾಹುಲ್ ಎಲ್‌ಎಸ್‌ಜಿ ಪರ ಆಡುತ್ತಿದ್ದ ರೀತಿ ಇದು ಎಂದು ಕಿಡಿಕಾರಿದ್ದಾರೆ.

ಇದನ್ನೂ ಓದಿ: ಐಪಿಎಲ್ ಪ್ಲೇಆಫ್ ಲೆಕ್ಕಾಚಾರ ಶುರು; ಯಾವ ತಂಡ ಎಷ್ಟು ಪಂದ್ಯ ಗೆದ್ದರೆ ನಾಲ್ಕರ ಘಟ್ಟಕ್ಕೆ ಪ್ರವೇಶ?

ನಿರೀಕ್ಷಿಸುವುದು ಮೂರ್ಖತನ ಎಂದ ನೆಟ್ಟಿಗರು

ಕೆಎಲ್ ರಾಹುಲ್ ಮತ್ತೊಮ್ಮೆ ಶ್ರೇಷ್ಠ ಬ್ಯಾಟಿಂಗ್. ಆಟವನ್ನು ಆಳವಾಗಿ ಎದುರಿಸಲು ಬಯಸಿದಾಗಲೆಲ್ಲಾ ಅವನು ವಿಫಲನಾಗುತ್ತಾರೆ. ಅವರು ಎಂದಿಗೂ ಬದಲಾಗುವುದಿಲ್ಲ. ಅವರಿಂದ ಬೇರೆಯದನ್ನು ನಿರೀಕ್ಷಿಸುವುದು ಮೂರ್ಖತನ ಎಂದು ಕ್ರಿಕೆಟ್ ತಮಿಝಾನ್ ಎಂಬ ಎಕ್ಸ್​​ ಖಾತೆಯಲ್ಲಿ ಪೋಸ್ಟ್ ಹಂಚಿಕೊಳ್ಳಲಾಗಿದೆ. ರಾಹುಲ್ 32 ಎಸೆತಗಳಲ್ಲಿ ಕೇವಲ 38 ರನ್ ಗಳಿಸಿದರು (ಸ್ಟ್ರೈಕ್​ರೇಟ್ - 118). ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಮಾತ್ರ ಅವರು ಉತ್ತಮ ಸ್ಟ್ರೈಕ್ ರೇಟ್‌ನಲ್ಲಿ ರನ್ ಗಳಿಸುತ್ತಾರಷ್ಟೆ. ಅವರ ಇನ್ನಿಂಗ್ಸ್ ಅವರಿಗಾಗಲಿ ಅಥವಾ ಡೆಲ್ಲಿ ಕ್ಯಾಪಿಟಲ್ಸ್‌ಗೆ ಆಗಲಿ ಪ್ರಯೋಜನವಾಗಲಿಲ್ಲ ಎಂದು ಸತೀಶ್ ಮಿಶ್ರಾ ಅವರು ಎಕ್ಸ್​​ನಲ್ಲಿ ಬರೆದಿದ್ದಾರೆ.

ಇದನ್ನೂ ಓದಿ: ಕಾವ್ಯಾ ಮಾರನ್ ನಿವ್ವಳ ಮೌಲ್ಯ ಎಷ್ಟಿದೆ? ದುಡ್ಡಿನಲ್ಲೇ ಕೋಟೆ ಕಟ್ಟಿದ್ದಾರೆ ಎಸ್​ಆರ್​​ಹೆಚ್ ಮಾಲಕಿಯ ತಂದೆ!

ಇದನ್ನೂ ಓದಿ: ಹೇಳುವುದು, ಕೇಳುವುದು ಏನಿಲ್ಲ, ಪಿಎಸ್​ಎಲ್​ಗಿಂತ ಐಪಿಎಲ್​ ನೂರಕ್ಕೆ ನೂರು ಬೆಸ್ಟ್; ಪಾಕ್ ಪತ್ರಕರ್ತನಿಗೆ ಬೆಂಡೆತ್ತಿದ ಸ್ಯಾಮ್ ಬಿಲ್ಲಿಂಗ್ಸ್