T20 World Cup: ಟಿ20 ವಿಶ್ವಕಪ್​ನಲ್ಲಿ ಅತ್ಯುತ್ತಮ ಸ್ಟ್ರೈಕ್​ರೇಟ್ ಮತ್ತು ಅತ್ಯಧಿಕ ರನ್ ಗಳಿಸಿದವರ ಪಟ್ಟಿ ಇಲ್ಲಿದೆ

ಬಹುನಿರೀಕ್ಷಿತ ಟಿ20 ವಿಶ್ವಕಪ್ ಟೂರ್ನಿ ಆರಂಭಕ್ಕೆ ವೇದಿಕೆ ಸಜ್ಜಾಗಿದೆ. ಜೂನ್ 1ರಂದು 9ನೇ ಆವೃತ್ತಿಯ ಚುಟುಕು ವಿಶ್ವಕಪ್​ಗೆ ಚಾಲನೆ ಸಿಗಲಿದೆ. ಹೊಡಿಬಡಿ ಆಟವನ್ನು ಕಣ್ತುಂಬಿಕೊಳ್ಳಲು ಅಭಿಮಾನಿಗಳು ಕಾತರದಿಂದ ಕಾಯುತ್ತಿದ್ದಾರೆ. ಘಟಾನುಘಟಿ ಆಟಗಾರರೇ ಕಣದಲ್ಲಿದ್ದು, ರನ್​ ಮಳೆ ಹರಿಸುವ ನಿರೀಕ್ಷೆ ಹುಟ್ಟು ಹಾಕಿದ್ದಾರೆ. ಹಾಗಾದರೆ ಟಿ20 ವಿಶ್ವಕಪ್​ ಟೂರ್ನಿಯಲ್ಲಿ ಅತಿ ಹೆಚ್ಚು ರನ್ ಗಳಿಸಿದವರು ಮತ್ತು ಅತ್ಯುತ್ತಮ ಸ್ಟ್ರೈಕ್ ರೇಟ್ ಹೊಂದಿರುವವರ ಪಟ್ಟಿ ಇಲ್ಲಿದೆ ನೋಡಿ.

ಅತಿ ಹೆಚ್ಚು ರನ್ ಗಳಿಸಿದವರು

ವಿರಾಟ್ ಕೊಹ್ಲಿ: 1141 ರನ್

ರನ್ ರಾಕ್ಷಸನಾಗಿರುವ ವಿರಾಟ್​ ಕೊಹ್ಲಿ ಟಿ20 ವಿಶ್ವಕಪ್​ನಲ್ಲಿ ಅತ್ಯಧಿಕ ರನ್ ಗಳಿಸಿದ ಆಟಗಾರ ಎನಿಸಿದ್ದಾರೆ. 2014ರಲ್ಲಿ ಟೂರ್ನಿಯ ಒಂದೇ ಆವೃತ್ತಿಯಲ್ಲಿ 319 ರನ್, 2016ರ ಆವೃತ್ತಿಯಲ್ಲಿ 273 ರನ್ ಗಳಿಸಿದ್ದರು. 2022ರಲ್ಲಿ 296 ರನ್ ಸಿಡಿಸಿದ್ದರು. 25 ಇನ್ನಿಂಗ್ಸ್​​ಗಳಲ್ಲಿ 14 ಅರ್ಧಶತಕ ಸಹಿತ 1141 ರನ್ ಬಾರಿಸಿದ್ದಾರೆ. ಬ್ಯಾಟಿಂಗ್ ಸರಾಸರಿ 81.50. ಸ್ಟ್ರೈಕ್​ರೇಟ್ 131.30.

ಮಹೇಲಾ ಜಯವರ್ಧನೆ: 1016 ರನ್

ಕ್ರಿಕೆಟ್​ನಿಂದ ನಿವೃತ್ತರಾಗಿರುವ ಶ್ರೀಲಂಕಾದ ಮಹೇಲಾ ಜಯವರ್ಧನೆ ಅವರು ಟಿ20 ವಿಶ್ವಕಪ್​​ನಲ್ಲಿ ಅದ್ಭುತ ಪ್ರದರ್ಶನ ನೀಡಿದ್ದಾರೆ. ಶ್ರೀಲಂಕಾ ಚಾಂಪಿಯನ್ ಆಗಲು ಪ್ರಮುಖ ಪಾತ್ರವಹಿಸಿದ್ದರು. 31 ಇನ್ನಿಂಗ್ಸ್​ಗಳಲ್ಲಿ 39.07ರ ಬ್ಯಾಟಿಂಗ್ ಸರಾಸರಿಯಲ್ಲಿ 1016 ರನ್ ಸಿಡಿಸಿದ್ದಾರೆ. ಪ್ರಸ್ತುತ ಅವರು ಎರಡನೇ ಸ್ಥಾನದಲ್ಲಿದ್ದಾರೆ. ಸ್ಟ್ರೈಕ್​ರೇಟ್ 134.74.

ಕ್ರಿಸ್ ಗೇಲ್;​ 965 ರನ್

ಕ್ರಿಕೆಟ್ ಇತಿಹಾಸದಲ್ಲಿ ಪವರ್​ ಹಿಟ್ಟರ್​ಗಳಲ್ಲಿ ಒಬ್ಬರಾದ ಗೇಲ್ ವೆಸ್ಟ್ ಇಂಡೀಸ್ ಎರಡು ಬಾರಿ ಚಾಂಪಿಯನ್ ಆಗುವಲ್ಲಿ ಪ್ರಮುಖ ಪಾತ್ರವಹಿಸಿದ್ದರು. ಅವರು ಟಿ20 ವಿಶ್ವಕಪ್​ನಲ್ಲಿ ಅತ್ಯಧಿಕ ರನ್ ಗಳಿಸಿದ ಮೂರನೇ ಆಟಗಾರ ಎನಿಸಿದ್ದಾರೆ. 31 ಇನ್ನಿಂಗ್ಸ್​​ಗಳಲ್ಲಿ 34.46ರ ಸರಾಸರಿಯಲ್ಲಿ 965 ರನ್ ಸಿಡಿಸಿದ್ದಾರೆ. ಸ್ಟ್ರೈಕ್​ರೇಟ್ 142.75.

ರೋಹಿತ್ ಶರ್ಮಾ: 963 ರನ್

ಟಿ20 ವಿಶ್ವಕಪ್​​ನಲ್ಲಿ ಪ್ರಮುಖ ಆಟಗಾರರಾಗಿರುವ ಭಾರತದ ನಾಯಕ ರೋಹಿತ್​ ಅಧಿಕ ರನ್ ಗಳಿಸಿದವರ ಪಟ್ಟಿಯಲ್ಲಿ 4ನೇ ಸ್ಥಾನದಲ್ಲಿದ್ದಾರೆ. ಭಾರತದ ಯಶಸ್ಸಿನಲ್ಲಿ ನಿರ್ಣಾಯಕ ಪಾತ್ರವಹಿಸಿರುವ ರೋಹಿತ್​, ಎಲ್ಲಾ ಆವೃತ್ತಿಗಳಲ್ಲಿ ಆಡಿದ್ದಾರೆ. 36 ಇನ್ನಿಂಗ್ಸ್​​​ಗಳಲ್ಲಿ 963 ರನ್ ಗಳಿಸಿದ್ದಾರೆ. ಸ್ಟ್ರೈಕ್​ರೇಟ್ 127.88.

ತಿಲಕರತ್ನೆ ದಿಲ್ಶಾನ್: 897 ರನ್

2009ರ ಆವೃತ್ತಿಯಲ್ಲಿ ಏಳು ಪಂದ್ಯಗಳಿಂದ 317 ರನ್​ಗಳೊಂದಿಗೆ ಅಗ್ರ ರನ್ ಸ್ಕೋರರ್ ಆಗಿದ್ದ ದಿಲ್ಶಾನ್, ತಮ್ಮ ಆಕ್ರಮಣಕಾರಿ ಬ್ಯಾಟಿಂಗ್ ಶೈಲಿ ಮತ್ತು ಅಗ್ರ ಕ್ರಮಾಂಕದಲ್ಲಿ ತ್ವರಿತ ಆರಂಭವನ್ನು ನೀಡುವ ಸಾಮರ್ಥ್ಯದೊಂದಿಗೆ, 6 ಆವೃತ್ತಿಗಳಲ್ಲಿ ಶ್ರೀಲಂಕಾ ಪರ ಉತ್ತಮ ಪ್ರದರ್ಶನ ನೀಡಿದ್ದರು. 34 ಇನ್ನಿಂಗ್ಸ್​​​ಗಳಲ್ಲಿ 897 ರನ್ ಸಿಡಿಸಿದ್ದಾರೆ. ಸ್ಟ್ರೈಕ್​ರೇಟ್ 124.06.

ಇದನ್ನೂ ಓದಿ: Kamran Akmal: ಭಾರತ ಮತ್ತು ಪಾಕಿಸ್ತಾನ ನಡುವೆ ಗೆಲ್ಲುವ ತಂಡವನ್ನು ಹೆಸರಿಸಿದ ಕಮ್ರಾನ್ ಅಕ್ಮಲ್

ಅತ್ಯಧಿಕ ಸ್ಟ್ರೈಕ್ ರೇಟ್ (ಕನಿಷ್ಠ 300 ರನ್ ಸಿಡಿಸಿರಬೇಕು)

ಜೋಸ್ ಬಟ್ಲರ್: 144.48 ಸ್ಟ್ರೈಕ್​ರೇಟ್

ಅತ್ಯಂತ ಕ್ರಿಯಾತ್ಮಕ ಮತ್ತು ವಿನಾಶಕಾರಿ ಬ್ಯಾಟ್ಸ್​ಮನ್​​ಗಳಲ್ಲಿ ಒಬ್ಬರೆಂದು ಪರಿಗಣಿಸಲ್ಪಟ್ಟಿರುವ ಇಂಗ್ಲೆಂಡ್​ನ ಜೋಸ್ ಬಟ್ಲರ್ ಅವರು ವೇಗವಾಗಿ ಸ್ಕೋರ್ ಮಾಡುವ ಸಾಮರ್ಥ್ಯ ಹೊಂದಿದ್ದಾರೆ. ಟಿ20 ವಿಶ್ವಕಪ್ ಇತಿಹಾಸದಲ್ಲಿ 27 ಪಂದ್ಯಗಳಲ್ಲಿ 799 ರನ್ ಗಳಿಸಿರುವ ಬಟ್ಲರ್, 144.48ರ ಅತ್ಯುತ್ತಮ ಸ್ಟ್ರೈಕ್ ರೇಟ್ ಹೊಂದಿದ್ದಾರೆ. ಇದು ಟಿ20 ವಿಶ್ವಕಪ್​ನಲ್ಲಿ ಅತ್ಯಧಿಕ.

ಎಬಿ ಡಿವಿಲಿಯರ್ಸ್: 143.40 ಸ್ಟ್ರೈಕ್​ರೇಟ್

ದಕ್ಷಿಣ ಆಫ್ರಿಕಾದ ಆಟಗಾರ ಟಿ20 ವಿಶ್ವಕಪ್​ನಲ್ಲಿ ಅತ್ಯುತ್ತಮ ಸ್ಟ್ರೈಕ್ ರೇಟ್ ಹೊಂದಿರುವ ವಿಶ್ವದ ಎರಡನೇ ಆಟಗಾರ. ಅತ್ಯಂತ ಭಯಭೀತ ಬ್ಯಾಟ್ಸ್​ಮನ್​​ಗಳಲ್ಲಿ ಒಬ್ಬರನ್ನಾಗಿ ಮಾಡಿತು. ಡಿವಿಲಿಯರ್ಸ್ 29 ಇನ್ನಿಂಗ್ಸ್​​​ಗಳಲ್ಲಿ 51 ಬೌಂಡರಿ ಮತ್ತು 30 ಸಿಕ್ಸರ್​​ಗಳ ಸಹಾಯದಿಂದ 717 ರನ್ ಗಳಿಸಿದ್ದಾರೆ. 143.40 ಸ್ಟ್ರೈಕ್​ರೇಟ್ ಇದೆ.

ಕ್ರಿಸ್ ಗೇಲ್: 142.75 ಸ್ಟ್ರೈಕ್​ರೇಟ್

ಟಿ20 ವಿಶ್ವಕಪ್​ನಲ್ಲಿ ಅತ್ಯಧಿಕ ಸ್ಟ್ರೇಕ್​ರೇಟ್​ ಹೊಂದಿರುವ ಆಟಗಾರರ ಪಟ್ಟಿಯಲ್ಲಿ ಮೂರನೇ ಸ್ಥಾನ ಪಡೆದಿರುವ ಗೇಲ್, ರನ್ ಗಳಿಕೆಯಲ್ಲೂ ಮೂರನೇ ಸ್ಥಾನ ಹೊಂದಿದ್ದಾರೆ. ಅದ್ಭುತ 142.75 ಸ್ಟ್ರೈಕ್ ರೇಟ್​ ಹೊಂದಿದ್ದು, ಈ ಟೂರ್ನಿಯಲ್ಲಿ ಎರಡು ಶತಕಗಳನ್ನು ಬಾರಿಸಿದ್ದಾರೆ.

ಮಹೇಲಾ ಜಯವರ್ಧನೆ: 134.74 ಸ್ಟ್ರೈಕ್​ರೇಟ್

ಜಯವರ್ಧನೆ 39.07ರ ಸರಾಸರಿ ಮತ್ತು 134.74 ಸ್ಟ್ರೈಕ್ ರೇಟ್ ಹೊಂದಿದ್ದಾರೆ. ಇದು ಸ್ಥಿರತೆ ಕಾಪಾಡಿಕೊಳ್ಳುವಾಗ ತ್ವರಿತವಾಗಿ ಸ್ಕೋರ್ ಮಾಡುವ ಅವರ ಸಾಮರ್ಥ್ಯದ ಉತ್ತಮ ಪ್ರತಿಬಿಂಬವಾಗಿದೆ.

ಡೇವಿಡ್ ವಾರ್ನರ್: 133.22 ಸ್ಟ್ರೈಕ್​ರೇಟ್

ವಾರ್ನರ್ ಅವರ ಆಕ್ರಮಣಕಾರಿ ವಿಧಾನವು ಆಸ್ಟ್ರೇಲಿಯಾಕ್ಕೆ ಮತ್ತೊಮ್ಮೆ ನಿರ್ಣಾಯಕವಾಗಿದೆ. ವೇಗವಾಗಿ ರನ್ ಗಳಿಸುವ ಅವರ ಸಾಮರ್ಥ್ಯವು ಅವರನ್ನು ಟಿ20 ವಿಶ್ವಕಪ್​​​ಗಳಲ್ಲಿ ಅತ್ಯಂತ ರೋಮಾಂಚಕಾರಿ ಮತ್ತು ಪರಿಣಾಮಕಾರಿ ಬ್ಯಾಟ್ಸ್​​ಮನ್​ಗಳಲ್ಲಿ ಒಬ್ಬರನ್ನಾಗಿ ಮಾಡಿದೆ.

ಇದನ್ನೂ ಓದಿ: ಫೋಟೋ ಕ್ಲಿಕ್ಕಿಸಿಕೊಳ್ಳಲು ಬಂದ ಅಭಿಮಾನಿಗಳನ್ನು ನಿಂದಿಸಿ ನಂತರ ಹೃದಯ ಗೆದ್ದ ಬಾಬರ್ ಅಜಮ್; ವಿಡಿಯೋ ವೈರಲ್