ಕನ್ನಡ ಸುದ್ದಿ  /  ಕ್ರಿಕೆಟ್  /  ಭಾರತ ತಂಡಕ್ಕೆ ವಿರಾಟ್ ಕೊಹ್ಲಿ ಅವರೇ ದೊಡ್ಡ ಸಮಸ್ಯೆ; ಅಚ್ಚರಿ ಹೇಳಿಕೆ ನೀಡಿದ ಸಂಜಯ್ ಮಾಂಜ್ರೇಕರ್​

ಭಾರತ ತಂಡಕ್ಕೆ ವಿರಾಟ್ ಕೊಹ್ಲಿ ಅವರೇ ದೊಡ್ಡ ಸಮಸ್ಯೆ; ಅಚ್ಚರಿ ಹೇಳಿಕೆ ನೀಡಿದ ಸಂಜಯ್ ಮಾಂಜ್ರೇಕರ್​

Sanjay Manjrekar on Virat Kohli: ನ್ಯೂಯಾರ್ಕ್​​ ಪಿಚ್​ಗಳನ್ನು ಗಮನಿಸಿದರೆ, ಭಾರತಕ್ಕೆ ವಿರಾಟ್ ಕೊಹ್ಲಿ ಅವರ ಆಕ್ರಮಣಕಾರಿ ಆಟ ಅಗತ್ಯ ಇಲ್ಲ. ಬದಲಿಗೆ ಹಳೆಯ ಆಟ ಅಗತ್ಯ ಇದೆ ಎಂದು ಸಂಜಯ್ ಮಂಜ್ರೇಕರ್ ಅಭಿಪ್ರಾಯಪಟ್ಟಿದ್ದಾರೆ.

ಭಾರತ ತಂಡಕ್ಕೆ ಹಳೆಯ ವಿರಾಟ್ ಕೊಹ್ಲಿ ಅಗತ್ಯ ಇದೆ; ಸಂಜಯ್ ಮಾಂಜ್ರೇಕರ್​ ಮತ್ತೊಂದು ಪರೋಕ್ಷ ವಾಗ್ದಾಳಿ
ಭಾರತ ತಂಡಕ್ಕೆ ಹಳೆಯ ವಿರಾಟ್ ಕೊಹ್ಲಿ ಅಗತ್ಯ ಇದೆ; ಸಂಜಯ್ ಮಾಂಜ್ರೇಕರ್​ ಮತ್ತೊಂದು ಪರೋಕ್ಷ ವಾಗ್ದಾಳಿ

ವಿರಾಟ್ ಕೊಹ್ಲಿ (Virat Kohli) ಅವರು 2024ರ ಟಿ20 ವಿಶ್ವಕಪ್​​ನಲ್ಲಿ (T20 World Cup 2024) ನೀರಸ ಆರಂಭ ಹೊಂದಿದ್ದಾರೆ. ಬ್ಲಾಕ್​​ಬಸ್ಟರ್​​ ಐಪಿಎಲ್ (IPL 2024) ನಂತರ ವಿಶ್ವಕಪ್​​ನಲ್ಲೂ ಅಂತಹದ್ದೇ ಪ್ರದರ್ಶನವನ್ನೂ ನಿರೀಕ್ಷಿಸಲಾಗಿತ್ತು. ಶ್ರೀಮಂತ ಲೀಗ್​​ನಲ್ಲಿ ಆಡಿದ 15 ಪಂದ್ಯಗಳಲ್ಲಿ 741 ರನ್ ಗಳಿಸಿ ಆರೆಂಜ್ ಕ್ಯಾಪ್ ಗೆದ್ದಿದ್ದ ಕೊಹ್ಲಿ, 6ನೇ ಟಿ20 ವಿಶ್ವಕಪ್ ಆಡುತ್ತಿದ್ದಾರೆ. ಆದರೆ, ಐರ್ಲೆಂಡ್ ಮತ್ತು ಪಾಕಿಸ್ತಾನ ವಿರುದ್ಧ​ ಕ್ರಮವಾಗಿ 1 ಮತ್ತು 4 ರನ್ ಗಳಿಸಿ ಔಟಾಗಿದ್ದಾರೆ.

ನ್ಯೂಯಾರ್ಕ್​​ ಪಿಚ್​​ಗಳನ್ನು ಗಮನಿಸಿದರೆ ಭಾರತ ತಂಡಕ್ಕೆ ಪ್ರಸ್ತುತ ವಿರಾಟ್ ಕೊಹ್ಲಿ ಅವರು ಇಲ್ಲಿ ಆಕ್ರಮಣಕಾರಿ ಆಟವಾಡುವ ಅಗತ್ಯವಿಲ್ಲ. ಬದಲಿಗೆ ಹಳೆಯ ಆಟವೇ ಅಗತ್ಯ ಇದೆ ಎಂದು ಮಾಜಿ ಕ್ರಿಕೆಟಿಗ ಸಂಜಯ್ ಮಂಜ್ರೇಕರ್ ಅಭಿಪ್ರಾಯಪಟ್ಟಿದ್ದಾರೆ. ಟಿ20 ವಿಶ್ವಕಪ್​​ನಲ್ಲಿ ಅಮೆರಿಕ ವಿರುದ್ಧದ ಪಂದ್ಯಕ್ಕೂ ಮುನ್ನ ಇಎಸ್​ಪಿಎನ್​ ಕ್ರಿಕ್​ಇನ್ಫೋದೊಂದಿಗೆ ಮಾತನಾಡಿ, ಭಾರತ ತಂಡಕ್ಕೆ ಕೊಹ್ಲಿಯೇ ಸಮಸ್ಯೆ ಎಂದಿದ್ದಾರೆ.

ಕಳೆದ ತಿಂಗಳು ಐಪಿಎಲ್​​ನಲ್ಲಿ ಆಕ್ರಮಣಕಾರಿ ಆಟವಾಡುತ್ತಿದ್ದ ಕೊಹ್ಲಿ ನ್ಯೂಯಾರ್ಕ್​​ನಲ್ಲಿ ಕಠಿಣ ಪಿಚ್ ಪರಿಸ್ಥಿತಿಗಳನ್ನು ನಿಭಾಯಿಸುವ ಪ್ರಯತ್ನದಲ್ಲಿ ವಿಫಲರಾಗುತ್ತಿದ್ದಾರೆ. ಆಧುನಿಕ ಕ್ರಿಕೆಟ್​ನ ಲೆಜೆಂಡರಿ ಆಟಗಾರ ಹಳೆಯ ಆಟಕ್ಕೆ ಮರಳುವುದು ಅಗತ್ಯ ಇದೆ ಎಂದು ಮಂಜ್ರೇಕರ್ ಹೇಳಿದ್ದಾರೆ. ಟೀಮ್ ಇಂಡಿಯಾ ಮಾಜಿ ನಾಯಕ 150ರ ಸ್ಟ್ರೈಕ್​ರೇಟ್​​ನಲ್ಲಿ ರನ್ ಗಳಿಸುವ ಮೂಲಕ ಟೀಕೆಗಳಿಗೆ ಉತ್ತರಿಸಿದ್ದರು. ಆದರೀಗ ಅವರ ಕಳಪೆ ಬ್ಯಾಟಿಂಗೇ ತಂಡಕ್ಕೆ ಸಮಸ್ಯೆಯಾಗುತ್ತಿದೆ ಎಂದು ಮಂಜ್ರೇಕರ್​​ ಹೇಳಿದ್ದಾರೆ.

ಟ್ರೆಂಡಿಂಗ್​ ಸುದ್ದಿ

ನಮಗೆ ಹಳೆಯ ಕೊಹ್ಲಿ ಬೇಕಿದೆ ಎಂದ ಸಂಜಯ್ ಮಾಂಜ್ರೇಕರ್​

ಕೊಹ್ಲಿ ಸಮಸ್ಯೆ ಏನೆಂದರೆೆ ಅವರ ಕುರಿತು ಕಳೆದ 2 ವರ್ಷಗಳಲ್ಲಿ ಸ್ಟ್ರೈಕ್ ರೇಟ್ ಬಗ್ಗೆ ಸಾಕಷ್ಟು ಚರ್ಚೆಗಳು ನಡೆದವು. ಆದರೆ ಐಪಿಎಲ್​​ನಲ್ಲಿ ಸಂಪೂರ್ಣವಾಗಿ ಬದಲಾಯಿಸಿ ಟೀಕೆಗಳಿಗೆ ಉತ್ತರಿಸಿದ್ದರು. ಅವರ ಸ್ಟ್ರೈಕ್ ರೇಟ್ 150 ಕ್ಕೆ ತಲುಪಿತ್ತು. ಹೀಗಾಗಿ ಅವರು ಟಿ20 ವಿಶ್ವಕಪ್​​ನಲ್ಲೂ ಅದೆ ಸ್ಟ್ರೈಕ್​ರೇಟ್​​ನಲ್ಲೇ ಸ್ಕೋರ್ ಮಾಡುವ ಮನಸ್ಥಿತಿಯೊಂದಿಗೆ ಟಿ20 ವಿಶ್ವಕಪ್ ಆಡುತ್ತಿದ್ದಾರೆ ಎಂದು ನಾನು ಭಾವಿಸುತ್ತೇನೆ ಎಂದು ಅವರು ಹೇಳಿದ್ದಾರೆ.

ಆದರೆ, ಪಿಚ್​​ಗಳನ್ನು ಗಮನಿಸಿದರೆ, ಹಳೆಯ ವಿರಾಟ್ ಕೊಹ್ಲಿ ಆಗಿಯೇ ಆಗಿದ್ದರೆ ಇನ್ನೂ ಉತ್ತಮವಾಗಿರುತ್ತಿದ್ದರು. ಆದ್ದರಿಂದ, ಯಾರಾದರೂ ತಮ್ಮ ಹಿಂದಿನ ಆವೃತ್ತಿಯನ್ನು ಮರಳಿ ತರಲು ಅವರಿಗೆ ಹೇಳಬೇಕು. ನಂತರ ಪಿಚ್​​ಗಳು ಸಮತಟ್ಟಾದಾಗ ಮತ್ತೆ ಆಟ ಬದಲಾಯಿಸಬೇಕು ಎಂದು ನಾನು ಭಾವಿಸುತ್ತೇನೆ ಎಂದು ಅವರು ಹೇಳಿದ್ದಾರೆ. ಆ ಮೂಲಕ ಕೊಹ್ಲಿ ಹಿಂದೆ ಆಡುತ್ತಿದ್ದ ರಕ್ಷಣಾತ್ಮಕ ಆಟವನ್ನೇ ಆಡುವಂತೆ ಸೂಚಿಸಿದ್ದಾರೆ.

ಮಾಧ್ಯಮಗಳಿಗೆ ತಿವಿದ ಮಾಂಜ್ರೇಕರ್​

ಪಾಕಿಸ್ತಾನ ವಿರುದ್ಧದ ಪಂದ್ಯದಲ್ಲಿ ಜಸ್ಪ್ರೀತ್ ಬುಮ್ರಾ ಅವರ ವೀರೋಚಿತ ಪ್ರದರ್ಶನ ಶ್ಲಾಘಿಸಿದ ಮಂಜ್ರೇಕರ್, 35 ವರ್ಷದ ವಿರಾಟ್ ಕೊಹ್ಲಿಯನ್ನು ಪರೋಕ್ಷವಾಗಿ ತರಾಟೆಗೆ ತೆಗೆದುಕೊಂಡಿದ್ದರು. ಭಾನುವಾರ ನ್ಯೂಯಾರ್ಕ್​ನಲ್ಲಿ ನಡೆದ ಪಂದ್ಯದಲ್ಲಿ ಪಾಕ್ ಎದುರಿನ ಪಂದ್ಯದಲ್ಲಿ ವೇಗದ ಬೌಲರ್ 11 ಡಾಟ್ ಬಾಲ್​ಗಳನ್ನು ಒಳಗೊಂಡು 14 ರನ್​​​ಗಳಿಗೆ 3 ವಿಕೆಟ್ ಪಡೆದು ಭಾರತದ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದ್ದರು.

ಭಾರತೀಯ ಮಾಧ್ಯಮಗಳು ವಿರಾಟ್ ಕೊಹ್ಲಿ ಗುಂಗಿನಲ್ಲಿದ್ದವು. ಆದರೆ ಜಸ್ಪ್ರೀತ್ ಬುಮ್ರಾ ಸದ್ದಿಲ್ಲದೆ ಏಕಾಂಗಿಯಾಗಿ ಪಂದ್ಯಗಳನ್ನು ಗೆಲ್ಲಿಸಿಕೊಡುತ್ತಿದ್ದಾರೆ. ಭಾರತೀಯ ತಂಡದ ಅತ್ಯುತ್ತಮ ಆಟಗಾರ. #JaspritBumrah #ICCT20WC ಎಂದು ಹ್ಯಾಶ್​ಟ್ಯಾಗ್​ ಮೂಲಕ ಮಂಜ್ರೇಕರ್ ಎಕ್ಸ್​​ನಲ್ಲಿ ಬರೆದುಕೊಂಡಿದ್ದಾರೆ. ಐರ್ಲೆಂಡ್-ಪಾಕಿಸ್ತಾನ ತಂಡವನ್ನು ಸೋಲಿಸಿದ ನಂತರ ಭಾರತ ತಂಡವು ವಿಶ್ವಕಪ್​ ಸೂಪರ್ 8ರ ಹಂತದಲ್ಲಿ ತಮ್ಮ ಸ್ಥಾನವನ್ನು ಖಚಿತಪಡಿಸಿಕೊಳ್ಳಲು ಒಂದು ಗೆಲುವಿನ ದೂರದಲ್ಲಿದೆ.

ಇನ್ನಷ್ಟು ಟಿ20 ವಿಶ್ವಕಪ್​ 2024 ಸುದ್ದಿಗಳಿಗಾಗಿ ಕ್ಲಿಕ್ ಮಾಡಿ