ಕನ್ನಡ ಸುದ್ದಿ  /  Cricket  /  Ms Dhoni To Takeover As Csk Head Coach In Ipl 2024 Stephen Flemings New Zealand Callup Stuns Fans Ruturaj Gaikwad Prs

ಐಪಿಎಲ್​ ಮಧ್ಯದಲ್ಲೇ ಧೋನಿ ಕ್ರಿಕೆಟ್​ಗೂ ವಿದಾಯ? ಹೊಸ ಪಾತ್ರದಲ್ಲಿ ಕಾಣಿಸಿಕೊಳ್ಳಲು ಸಿದ್ಧವಾದ ಸಿಎಸ್​ಕೆ ಮಾಜಿ ನಾಯಕ

MS Dhoni : ಮಹೇಂದ್ರ ಸಿಂಗ್ ಧೋನಿ ಅವರು ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ನಾಯಕತ್ವಕ್ಕೆ ರಾಜೀನಾಮೆ ನೀಡಿದ್ದಾರೆ. ಆದರೆ ಸಿಎಸ್​ಕೆ ಅಭಿಮಾನಿಗಳಿಗೆ ಆಘಾತಕಾರಿ ಸುದ್ದಿ ಶೀಘ್ರದಲ್ಲೇ ಹೊರ ಬೀಳುವ ಸಾಧ್ಯತೆ ಇದೆ.

ಐಪಿಎಲ್​ ಮಧ್ಯದಲ್ಲೇ ಧೋನಿ ಕ್ರಿಕೆಟ್​ಗೂ ವಿದಾಯ
ಐಪಿಎಲ್​ ಮಧ್ಯದಲ್ಲೇ ಧೋನಿ ಕ್ರಿಕೆಟ್​ಗೂ ವಿದಾಯ

ಇಂಡಿಯನ್ ಪ್ರೀಮಿಯರ್​ ಲೀಗ್ (IPL 2024) ಅತ್ಯಂತ ಯಶಸ್ವಿ ನಾಯಕ ಮಹೇಂದ್ರ ಸಿಂಗ್ ಧೋನಿ (MS Dhoni) ಅವರು ಚೆನ್ನೈ ಸೂಪರ್ ಕಿಂಗ್ಸ್ (Chennai Super Kings) ತಂಡದ ನಾಯಕತ್ವದಿಂದ ಅಧಿಕೃತವಾಗಿ ಕೆಳಗಿಳಿದಿದ್ದಾರೆ. ನೂತನ ನಾಯಕನಾಗಿ ಋತುರಾಜ್ ಗಾಯಕ್ವಾಡ್​ (Ruturaj Gaikwad) ನೇಮಕಗೊಂಡಿದ್ದಾರೆ. ಆದರೆ ಕ್ಯಾಪ್ಟನ್ಸಿಯಿಂದ ಕಣಕ್ಕಿಳಿದ ಬಳಿಕ ಧೋನಿ ಮುಂದಿನ ನಡೆ ಏನು? ಈ ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ದೊಡ್ಡ ಚರ್ಚೆ ನಡೆಯುತ್ತಿದೆ.

2008ರಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ನಾಯಕನಾಗಿ ನೇಮಕಗೊಂಡಿದ್ದ ಧೋನಿ, ಅತ್ಯಂತ ಯಶಸ್ವಿ ನಾಯಕ ಎಂಬ ದಾಖಲೆ ಬರೆದಿದ್ದಾರೆ. ಅವರ ನಾಯಕತ್ವದಲ್ಲಿ 5 ಬಾರಿ ಚಾಂಪಿಯನ್ ಪಟ್ಟ ಅಲಂಕರಿಸಿದ ಸಿಎಸ್​ಕೆ, ಮುಂಬೈ ಇಂಡಿಯನ್ಸ್ ಜೊತೆಗೆ ಜಂಟಿ ದಾಖಲೆ ಹೊಂದಿದೆ. ಐಪಿಎಲ್​ನಲ್ಲಿ ಕ್ಯಾಪ್ಟನ್​ ಆಗಿ ಚೆನ್ನೈಯನ್ನು 212 ಪಂದ್ಯಗಳಲ್ಲಿ ಮುನ್ನಡೆಸಿದ್ದು, 128 ಗೆಲುವು, 82 ಸೋಲು ಕಂಡಿದ್ದಾರೆ. 2 ಪಂದ್ಯಗಳಿಂದ ಫಲಿತಾಂಶವಿಲ್ಲ.

ಪ್ರಸ್ತುತ ಅವರ ನಾಯಕತ್ವ ಯುಗಾಂತ್ಯ ಕಂಡಿದ್ದು, ಕೋಟ್ಯಂತರ ಅಭಿಮಾನಿಗಳಿಗೆ ಆಘಾತವುಂಟು ಮಾಡಿದೆ. ಆದರೆ, ನಾಯಕನಾಗಿ ಕೆಳಗಿಳಿದರೂ ಆಟಗಾರನಾಗಿ ತಂಡದಲ್ಲಿರಲಿದ್ದಾರೆ. ಈ ಕುರಿತು ಹಲವು ದಿನಗಳ ಹಿಂದೆ ಫೇಸ್​ಬುಕ್​ನಲ್ಲಿ ಅಚ್ಚರಿಯ ಪೋಸ್ಟ್​ ಮಾಡಿ ಸುಳಿವು ನೀಡಿದ್ದರು. ಆದರೆ ಮತ್ತೊಂದು ಆಘಾತಕಾರಿ ಸುದ್ದಿ ಶೀಘ್ರದಲ್ಲೇ ಹೊರ ಬೀಳುವ ಸಾಧ್ಯತೆ ಇದೆ. ಇದೇ ವರ್ಷದ ಐಪಿಎಲ್​ ಮಧ್ಯದಲ್ಲಿ ಧೋನಿ ಕ್ರಿಕೆಟ್​ಗೂ ವಿದಾಯ ಹೇಳುವ ಸಾಧ್ಯತೆ ಇದೆ ಎಂದು ನಿರೀಕ್ಷಿಸಲಾಗಿದೆ.

ಹೆಡ್​ಕೋಚ್ ಆಗಲಿದ್ದಾರೆ ಎಂಎಸ್ ಧೋನಿ?

ಹೌದು, 42 ವರ್ಷದ ಹಿರಿಯ ಆಟಗಾರ ಪ್ರಸಕ್ತ ಐಪಿಎಲ್​ ಮಧ್ಯದಲ್ಲಿ ಕ್ರಿಕೆಟ್​ ಲೋಕಕ್ಕೆ ವಿದಾಯ ಹೇಳುತ್ತಾರೆ ಎಂದು ಹೇಳಲಾಗಿದೆ. ನಿವೃತ್ತಿ ಘೋಷಿಸಿದ ತಕ್ಷಣವೇ ತಂಡದ ಕೋಚ್​ ಆಗಿ ಅಧಿಕಾರಕ್ಕೇರಲಿದ್ದಾರೆ ಎಂದು ಸುದ್ದಿಯಾಗಿದೆ. ಹಾಗಾದರೆ, ಪ್ರಸ್ತುತ ತಂಡದ ಹೆಡ್​ಕೋಚ್​ ಸ್ಟೀಫನ್ ಫ್ಲೆಮಿಂಗ್ ಕಥೆ ಏನು? ಎಂಬ ಪ್ರಶ್ನೆ ಕೂಡ ಎದ್ದಿದೆ. ಧೋನಿ ಹೇಗೆ ಕೋಚ್​ ಆಗಲಿದ್ದಾರೆ ಎಂದು ಎಂಬುದಕ್ಕೆ ಕಾರಣ ಇಲ್ಲಿದೆ.

ನ್ಯೂಜಿಲೆಂಡ್ ಕ್ರಿಕೆಟ್ ಟಿ20 ವಿಶ್ವಕಪ್​ಗೆ ತನ್ನ ಕೋಚಿಂಗ್ ಸಿಬ್ಬಂದಿ ಹೆಚ್ಚಿಸಲು ಗುರಿ ಹೊಂದಿದ್ದು, ಐಸಿಸಿ ಟ್ರೋಫಿ ಗೆಲ್ಲುವ ಪಣತೊಟ್ಟಿದೆ. ಹೀಗಾಗಿ ಪ್ರಸ್ತುತ ಹೆಡ್​ಕೋಚ್​ ಸ್ಟೀಫನ್ ಫ್ಲೆಮಿಂಗ್​ ಚೆನ್ನೈ ತಂಡವನ್ನು ತೊರೆಯಲು ಸಜ್ಜಾಗಿದ್ದು, ಟಿ20 ವಿಶ್ವಕಪ್​ 2024 ಟೂರ್ನಿಗೂ ಮುನ್ನ ನ್ಯೂಜಿಲೆಂಡ್​ ತಂಡವನ್ನು ಸೇರಿಕೊಳ್ಳಲಿದ್ದಾರೆ ಎಂದು ವರದಿಯಾಗಿದೆ. ಈ ಬಗ್ಗೆ ನ್ಯೂಜಿಲೆಂಡ್​ನ ಹೆರಾಲ್ಡ್‌ ವರದಿ ಮಾಡಿದೆ.

ಸ್ಟೀಫನ್ ಫ್ಲೆಮಿಂಗ್ ಜೊತೆಗೆ ಶೇನ್ ಬಾಂಡ್ ಕೂಡ ರಾಷ್ಟ್ರೀಯ ತಂಡದ ಕೋಚಿಂಗ್ ಸಿಬ್ಬಂದಿಯ ಭಾಗವಾಗಲಿದ್ದಾರೆ. ಐಸಿಸಿ ಟಿ20 ವಿಶ್ವಕಪ್ ಟೂರ್ನಿಗೂ ಮುನ್ನ ಏಪ್ರಿಲ್​ನಲ್ಲಿ ನಡೆಯುವ ಪಾಕಿಸ್ತಾನ ವಿರುದ್ಧದ ಟಿ20 ಸರಣಿಗೆ ಕೋಚ್​​ ಆಗಿ ನೇಮಕಗೊಳ್ಳಲಿದ್ದಾರೆ ಎಂದು ವರದಿಯಾಗಿದೆ. ನ್ಯೂಜಿಲೆಂಡ್ ಐಸಿಸಿ ಈವೆಂಟ್‌ಗಳಲ್ಲಿ ಸೆಮಿ-ಫೈನಲ್​ನಲ್ಲಿ ಸೋತು ನಿರಾಸೆ ಅನುಭವಿಸುತ್ತಿದೆ.

ಜೂನ್‌ನಲ್ಲಿ ಕೆರಿಬಿಯನ್ ಮತ್ತು ಯುಎಸ್‌ಎಯಲ್ಲಿ ನಡೆಯಲಿರುವ ಈವೆಂಟ್‌ನಲ್ಲಿ ತಮ್ಮ ಪ್ರದರ್ಶನವನ್ನು ಹೆಚ್ಚಿಸಲು ಕೋಚಿಂಗ್ ವಿಭಾಗವನ್ನು ಬಲಪಡಿಸುವ ಗುರಿಯೊಂದಿಗೆ ಕಿವೀಸ್​, ಫ್ಲೆಮಿಂಗ್ ಮತ್ತು ಶೇನ್​ ಬಾಂಡ್​ಗೆ ಮಣೆ ಹಾಕಿದೆ. ಪ್ರಸ್ತುತ ಕಿವೀಸ್​ ಮುಖ್ಯ ಕೋಚ್​ ಆಗಿರುವ ಗ್ಯಾರಿ ಸ್ಟೆಡ್ ಅವರನ್ನು ಸಹಾಯಕ ಸಿಬ್ಬಂದಿ ಸ್ಥಾನ ನೀಡಲು ಕೀವಿಸ್ ನಿರ್ಧರಿಸಿದೆ. ರಾಷ್ಟ್ರೀಯ ಕ್ರಿಕೆಟ್ ತಂಡದ ಯಶಸ್ಸು ಹೆಚ್ಚಿಸಲು ಫ್ಲೆಮಿಂಗ್ ಮತ್ತು ಬಾಂಡ್​ಗೆ ಅವಕಾಶ ನೀಡಲಾಗುತ್ತಿದೆ.

ಫ್ಲೆಮಿಂಗ್ ಮತ್ತು ಬಾಂಡ್ ತರಬೇತಿ ಹಿನ್ನೆಲೆ

ಫ್ರಾಂಚೈಸ್ ಕ್ರಿಕೆಟ್‌ನಲ್ಲಿ ಕೋಚಿಂಗ್ ಪರಾಕ್ರಮಕ್ಕೆ ಹೆಸರುವಾಸಿಯಾದ ಫ್ಲೆಮಿಂಗ್ ಅವರು ಕ್ರಮವಾಗಿ ಐಪಿಎಲ್, ಎಸ್​ಎಟಿ20 ಮತ್ತು ಎಂಎಸ್​ಸಿ ಲೀಗ್‌ಗಳಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್, ಜೋಬರ್ಗ್ ಸೂಪರ್ ಕಿಂಗ್ಸ್ ಮತ್ತು ಟೆಕ್ಸಾಸ್ ಸೂಪರ್ ಕಿಂಗ್ಸ್‌ ತಂಡಗಳಿಗೆ ಮಾರ್ಗದರ್ಶನ ನೀಡಿದ್ದಾರೆ. 2021ರ ಟಿ20 ವಿಶ್ವಕಪ್‌ನಲ್ಲಿ ಕಿವೀಸ್​ಗೆ ಸಲಹೆಗಾರರಾಗಿ ಸೇವೆ ಸಲ್ಲಿಸಿದ್ದರು. ಅಂದು ಕಿವೀಸ್​ ಫೈನಲ್ ಪ್ರವೇಶಿಸಿತ್ತು.

ಬಾಂಡ್ ಈ ಹಿಂದೆ 2024ರ ಐಪಿಎಲ್​ನಲ್ಲಿ​ ರಾಜಸ್ಥಾನ್ ರಾಯಲ್ಸ್ ಸೇರುವ ಮೊದಲು ಮುಂಬೈ ಇಂಡಿಯನ್ಸ್ ಬೌಲಿಂಗ್ ಕೋಚ್​ ಆಗಿ ಸೇವೆ ಸಲ್ಲಿಸಿದ್ದರು. ಎಂಐ ಎಮಿರೇಟ್ಸ್, ಪರ್ಲ್ ರಾಯಲ್ಸ್ ಮತ್ತು ಸಿಡ್ನಿ ಥಂಡರ್ ತಂಡಗಳ ಪರ ಕೋಚಿಂಗ್​ ನೀಡಿದ ಅನುಭವ ಹೊಂದಿದ್ದಾರೆ. 2012 ರಿಂದ 2015 ರವರೆಗೆ ಕಿವೀಸ್ ತಂಡಕ್ಕೆ ಮಾಜಿ ವೇಗದ ಬೌಲರ್​ ಬೌಲಿಂಗ್ ತರಬೇತುದಾರರಾಗಿ ಸೇವೆ ಸಲ್ಲಿಸಿದ್ದರು.