1068 ವಿಕೆಟ್ ಪಡೆದಿರುವ ಇಂಗ್ಲೆಂಡ್​ ದಿಗ್ಗಜ ಬೌಲರ್ ನಿಧನ

ಲಂಡನ್: ತಮ್ಮ ಅಸಾಧಾರಣ ಬೌಲಿಂಗ್ ಕೌಶಲ ಪ್ರದರ್ಶಿಸುವ ಮೂಲಕ 1970-71ರ ಆ್ಯಷಸ್ ಸರಣಿ ಗೆಲುವಿನಲ್ಲಿ ನಿರ್ಣಾಯಕ ಪಾತ್ರವಹಿಸಿದ್ದ ಇಂಗ್ಲೆಂಡ್ ತಂಡದ ಮಾಜಿ ವೇಗದ ಬೌಲರ್ ಪೀಟರ್ ಲಿವರ್ (84) ನಿಧನರಾಗಿದ್ದಾರೆ. ಅವರ ಮಾಜಿ ಲಂಕಾಷೈರ್ ಕ್ಲಬ್ ಗುರುವಾರ (ಮಾರ್ಚ್ 27) ಈ ಘೋಷಣೆ ಮಾಡಿದೆ. ಫಸ್ಟ್ ಕ್ಲಾಸ್ ಮತ್ತು ಲಿಸ್ಟ್ ಎ ಕ್ರಿಕೆಟ್​ನಲ್ಲಿ ಒಟ್ಟು 1068 ವಿಕೆಟ್ ಉರುಳಿಸಿದ್ದಾರೆ.

‘ಪೀಟರ್ ಲಿವರ್ ತಮ್ಮ 84ನೇ ವಯಸ್ಸಿನಲ್ಲಿ ನಿಧನರಾದ ಸುದ್ದಿಯಿಂದ ನಾವು ತುಂಬಾ ದುಃಖಿತರಾಗಿದ್ದೇವೆ’ ಎಂದು ಲಂಕಾಷೈರ್ ಎಕ್ಸ್​​ನಲ್ಲಿ ಪೋಸ್ಟ್ ಮಾಡಿದೆ. ‘1960 ಮತ್ತು 1976ರ ನಡುವೆ 301 ಪ್ರಥಮ ದರ್ಜೆ ಪಂದ್ಯಗಳನ್ನು ಆಡಿರುವ ಪೀಟರ್ ಅವರನ್ನು ಕಳೆದ ವರ್ಷ ನಮ್ಮ ಹಾಲ್ ಆಫ್ ಫೇಮ್​​ಗೆ ಸೇರಿಸಲಾಯಿತು. ಅವರು 796 ವಿಕೆಟ್​ಪಡೆದಿದ್ದಾರೆ. ಅವರ ಕುಟುಂಬಕ್ಕೆ ಸಂತಾಪಗಳು’ ಎಂದು ಬರೆದಿದೆ.

ಇದನ್ನೂ ಓದಿ: ಸಿಎಸ್‌ಕೆ vs ಆರ್‌ಸಿಬಿ ಐಪಿಎಲ್‌ ಹಣಾಹಣಿ; ಮುಖಾಮುಖಿ ದಾಖಲೆ, ಅಂಕಿ ಅಂಶ ಸೇರಿದಂತೆ 10 ಪ್ರಮುಖ ಅಂಶಗಳು

ಲಿವರ್ ಅವರು ಅಂತಾರಾಷ್ಟ್ರೀಯ ಕ್ರಿಕೆಟ್​ನಲ್ಲಿ 17 ಟೆಸ್ಟ್, 10 ಏಕದಿನ ಪಂದ್ಯಗಳಲ್ಲಿ ಕಣಕ್ಕಿಳಿದಿದ್ದಾರೆ. ಇದರಲ್ಲಿ 1971ರಲ್ಲಿ ನಡೆದ ಆಸ್ಟ್ರೇಲಿಯಾ ವಿರುದ್ಧದ ಉದ್ಘಾಟನಾ ಏಕದಿನ ಪಂದ್ಯವೂ ಸೇರಿದೆ. ಕ್ರಮವಾಗಿ 44 (ಟೆಸ್ಟ್), 11 (ಏಕದಿನ) ವಿಕೆಟ್ ಪಡೆದಿದ್ದಾರೆ. 1975ರಲ್ಲಿ ಟೆಸ್ಟ್ ಇತಿಹಾಸದಲ್ಲಿ ವೇಗದ ಬೌಲಿಂಗ್​​ನಲ್ಲಿ ಶ್ರೇಷ್ಠ ಸ್ಪೆಲ್​​ ಹಾಕಿದ್ದರು. ಆದರೆ ಈ ಸರಣಿಯಲ್ಲಿ ದುರಂತ ನಡೆಯಬೇಕಿತ್ತು ಎನ್ನುವಷ್ಟರಲ್ಲಿ ಜೀವ ಉಳಿದಿತ್ತು.

ಈ ಸರಣಿಯಲ್ಲಿ ನ್ಯೂಜಿಲೆಂಡ್​​​ನ ಟೈಲರ್ ಎವೆನ್ ಚಾಟ್​ಫೀಲ್ಡ್​ ಅವರ ತಲೆಗೆ ಲಿವರ್ ಬೌನ್ಸರ್​ ಹೊಡೆದಿದ್ದರು. ಚಾಟ್​ಫೀಲ್ಡ್ ಇದ್ದಲ್ಲಿಯೇ ಕುಸಿದುಬಿದ್ದಿದ್ದರು. ಇದು ಹೃದಯ ಬಡಿತ ಹೆಚ್ಚಿಸುವಂತೆ ಮಾಡಿತ್ತು. ಅವರಿಗೆ ಜೀವ ಹೋದಂತೆ ಅನಿಸಿತ್ತು. ನಂತರ ತುರ್ತು ವೈದ್ಯಕೀಯ ಚಿಕಿತ್ಸೆಯ ಮೂಲಕ ಮಾತ್ರ ಅವರ ಜೀವವನ್ನು ಉಳಿಸಲಾಯಿತು. ಆ ದುರಂತದ ನಂತರ ಲಿವರ್ ಆಡಿದ್ದು ಒಂದೇ ಒಂದು ಟೆಸ್ಟ್ ಮಾತ್ರ.

ಇದನ್ನೂ ಓದಿ: ಶಾರ್ದುಲ್ ಠಾಕೂರ್ ಬೌಲಿಂಗ್ ಶೋ, ಪೂರನ್ ಬ್ಯಾಟಿಂಗ್‌ ಪವರ್; ಎಸ್‌ಆರ್‌ಎಚ್ ಕಟ್ಟಿಹಾಕಿ ದಿಟ್ಟ ಜಯ ಸಾಧಿಸಿದ ಲಕ್ನೋ

30ನೇ ವಯಸ್ಸಿನಲ್ಲಿ ಪದಾರ್ಪಣೆ

ಮೊದಲ ಬಾರಿಗೆ 1970ರ ಬೇಸಿಗೆಯಲ್ಲಿ ಓವಲ್​ನಲ್ಲಿ ರೆಸ್ಟ್ ಆಫ್ ದಿ ವರ್ಲ್ಡ್ ಇಲೆವೆನ್ ವಿರುದ್ಧ ಇಂಗ್ಲೆಂಡ್ ಪರ ಕಾಣಿಸಿಕೊಂಡಿದ್ದ ಲಿವರ್ ಅವರು, ಗ್ಯಾರಿ ಸೋಬರ್ಸ್, ಮುಷ್ತಾಕ್ ಮೊಹಮ್ಮದ್, ಗ್ರೇಮ್ ಪೊಲಾಕ್, ಕ್ಲೈವ್ ಲಾಯ್ಡ್, ಮೈಕ್ ಪ್ರೊಕ್ಟರ್ ಅವರನ್ನು ವಿಕೆಟ್ ಒಳಗೊಂಡಂತೆ 83ಕ್ಕೆ 7 ವಿಕೆಟ್​​ ಉರುಳಿಸಿದ್ದರು. 30ನೇ ವಯಸ್ಸಿನಲ್ಲಿ ಅವರು ಅಂತಾರಾಷ್ಟ್ರೀಯ ಕ್ರಿಕೆಟ್​ಗೆ ಪದಾರ್ಪಣೆ ಮಾಡಿದರು.

1975ರಲ್ಲಿ ಆಸ್ಟ್ರೇಲಿಯಾದ ಪ್ರವಾಸದ ವೇಳೆ ಮೆಲ್ಬೋರ್ನ್​ನಲ್ಲಿ 38ಕ್ಕೆ 6 ವಿಕೆಟ್ ಉರುಳಿಸಿ ವೃತ್ತಿಜೀವನದ ಅತ್ಯುತ್ತಮ ಅಂಕಿ-ಅಂಶ ದಾಖಲಿಸಿದ್ದರು. ಅವರ ಬೌನ್ಸರ್​ನಿಂದ ಚಾಟ್​ಫೀಲ್ಡ್​ ಕುಸಿದು ಬೀಳುತ್ತಿದ್ದಂತೆ ನಿಧನರಾದರು ಎಂದು ಭಾವಿಸಿದ್ದೆ. ಆದರೆ ಇಂಗ್ಲೆಂಡ್ ಫಿಸಿಯೋಥೆರಪಿಸ್ಟ್ ಬರ್ನಾರ್ಡ್ ಥಾಮಸ್ ಅವರ ಸಿಪಿಆರ್​​ನಿಂದ ಅವರನ್ನು ಜೀವಕೊಟ್ಟರು ಎಂದು ಹೇಳಿದ್ದರು. ಫಸ್ಟ್​ ಕ್ಲಾಸ್​​ ಕ್ರಿಕೆಟ್​ನಲ್ಲಿ 796 ವಿಕೆಟ್​​, ಲಿಸ್ಟ್​ ಎ ಕ್ರಿಕೆಟ್​ನಲ್ಲಿ 272 ವಿಕೆಟ್​ ಉರುಳಿಸಿದ್ದಾರೆ. ಒಟ್ಟು 1068 ವಿಕೆಟ್ ಕಿತ್ತಿದ್ದಾರೆ.

ಇದನ್ನೂ ಓದಿ: ಟ್ರಾವಿಸ್ ಹೆಡ್ ಕ್ಲೀನ್ ಬೋಲ್ಡ್; ಸಂಜೀವ್ ಗೋಯೆಂಕಾ ಚಪ್ಪಾಳೆ ಗಿಟ್ಟಿಸಿಕೊಂಡ ಪ್ರಿನ್ಸ್ ಯಾದವ್ ಯಾರು?